Ka Nupepa Kuokoa, Volume XLVI, Number 47, 19 November 1909 — HE HOOMAIKAI. [ARTICLE]

HE HOOMAIKAI.

Ke haawi aku nei ka Aha Ekalesia Aha Kula Sabati, Ahahui C. E. o na makua, Ahahui C. E. o na pokii o ka Ekalesia o Waiole, ma o ko makou komite la i na hoomaikai me na mahalo kiekie i ke komite malama ola 0 na Ekalesia Huiia o ka mokupuni o, Manokalanipo i malama ia ma Koloa, ma ka la 22 o Okatoba, A. D. 1909 i hala, mamuli o ka oukou hana oluolu 1 ka lawe ana aku i na koikoi a hookuu mai la x i ko makou mau kokua ana aku i ke ola o na lala o ua Ahahuina la, ame ka oukou mau hana maikai apau, i ka hookipa ana aku i ko makou mau Kahu, Peresidena ame na Elele me ke ohaoha a pulama ana ma ko oukou mau home ame ka hanai ana mai ia lakou me ka maemae a oluolu. Nolaila, ke noi nui nei ka makou mau leo pule i ka makua mana loa e hoomaikai a hoomalu mai ia kakou iloko o Kona aloha, ka maluhia o kana mau kauwa, e hana ana i ka makemake o ko kakou Haku aloha lesu Kristo. Me oukou ko makou aloha nui loa a hui hou kakou. S. KANEWANUI. 1 Komite. Hanalei, Kauai, Novemaba 7, 1909..