Ka Nupepa Kuokoa, Volume XLVI, Number 47, 19 November 1909 — HE HOALOHALOHA. [ARTICLE]

HE HOALOHALOHA.

| Iluna ike ao, I Kuu home mau. He malihini au ma keia ao. He waoakua nei he pilikia e, Ka lani iluna'e kuu home mau. E ke Kuokoa, Aloha nui: E oluolu mai e hoike ae oe i ko makou aloha i ike mai hoi na makamaka ame na hoaloha e uhai aholo pu ana ma na hana uhane e pili ana i ko kakou Haku lesu. Ma ka hora 2 a. m. o ka po o ke Sabati o ka la 17 o Okatoba, 1909, ua oluolu i ka Mea Mana loa ka lawe ana aku i ka uhane o I. Kamahele Kukahiko he keiki kupa ia no ia aina aloha a he hoahanau oia no ka Ekalesia Hoolepope ma ka luakini o Keawalai ma Honuaula, Maui, a he komite haipule no ia C. E., a he hoakuka no ia Kula Sabati, he kanaka kokua nui ma na mea e holomua ai ka Ekalesia. A ke minamina nui nei makou i ka hemo ana o kekahi lima akau ikaika 0 ko makou Ekalesia. Nolaila, o makou o na lala o ka C. E., na haumana Kula Sabati ame na hoahanau o ka Ekalesia ma Keawalai, Honuaula ma o ko makou mau komite Ja. 1. E hooholoia, ke komo pu aku nei makou me oe e ka makuahine, na keiki hoi i hoonele ia i ka papa, na ohana hoi, na makamaka ame na hoaloha e kanikau pu me oukou. 2. E hooholoia, E nonoi aku makou 1 ke Kahikolu mana loa, e oluolu Oia e holoi ae i ko kakou mau walmaka o ke kaumaha maluna iho o kakou apau. 3. E hooholoia, i hookahi kope o keia na ka mama ame na keiki i hooneleia i ka papa. 4. E hooholoia, i hookahi kope i ka ohana huiia. 5. E hooholoia, i hookahi kope ika Nupepa Kuokoa. 6. E hooholoia, i hookahi kope ika Nupepa Ka Hoaloha. E hoomaikai ia ka Inoa o lehova, Nana no i haawi mai, a Nane, no i lawe aku. O makou iho no o na komite, C. E., J. S. Poepoe, Mre. Ane Piho; K. S. Isaia Piho, Luuwai Kukahiko; Ekalesia, Mrs. Hanu, H. Kukahiko. Hanaia ma Keawalai Halepule, Honuaula, Maui, Okatoba 28, 1909.