Ka Nupepa Kuokoa, Volume XLVI, Number 50, 10 December 1909 — UA HALA I KE ALA HOI OLE MAI. [ARTICLE]

UA HALA I KE ALA HOI OLE MAI.

E Mr. Lunahooponopono o ka Nupepa Kuokoa, Aloha nui oe: E oluolu mai kou hanohano, no'u kau wahi kaawale 0 kau.Nupepa ke Kuokoa, ka hiwahiwa hoi a ka lahui, oiai he puolo kaumaha ka'u e pahola aku nei imua ou, a nau hoi ia e hoike ae i ke akea, i ike m'ai ai hoi na ohana, na makamaka, ame na hoaloha apau o maua, me kuu kaikualiine, e nōho ana mai ka puka ana a ka la i Kumukahij a hiki mai i Puna paia ala i ka Hala ame ka Hinano, a hiki loa aku i ka welo ana a -ka la i Lehua i kela mau hua e kau ae la maluna. Oiai ma ka hora 8 o ke kakahiaka o ka la 18 o Novemaba, 1909, ma na Home Hookuonoono o Kau nei, Kalana a Mokupuni o Hawaii ; i pauaho mai ai i keia ola ana ko'u kaikuahine i aloha nui ia, o Napuaia, Sam Kalu. Ua hanauia o Napuaia Sam Kalu, mai ka puhaka mai o Pupuka (w) ame Kamakaalawa (k) ma Honolulu i ka A. D. 1860 a ma Kau nei i hanaiia ai a hiki i ka nui ana. Ua hoonaauaoia no ma ke kula o Kamaoa, Mokupuni o Hawaii ma ka palapala me ka hana lihilihi. • Ua mare me Sam Kalu i ka Ia 9 o Feberuari, 1877 i ka 17 ō kona mau makahiki, a ua puka mai mai ko laua puhaka mai, he 16 keiki, a he 10 keiki 1 inake a lie 6 e ola nei a ua lei no i kana mau moopuna. Wolaila ua piha lie 32 makahiki o ko laua nolio ana iloko o ka berita maemae o ka mare me ka maikai a i ke 49 hoi o kona hanu ana i na ea hu'ihu'i o keia ola ana, a wale aku la ka uhane me ka mea Nana i hana ; a o ke kino hoi aku la i kd lepo, Auwe luuluu wale! He 20 makahiki ka hoomailo ana, a ka ma'i maluna ona, oia hoi ke kunu ame ka nae, ua ai ia eia na laau apau, a ke Kaukā e haawi mai ana, mai ke Kauka haole o aupuni ame ke Kauka Kepani, pela no hoi na laau Ha waii, ua nui no hoi ko laua hoomanawanui ana i kahi e loaa ai ke ola. Eia j ka mea apiki aole i lanakila ka laau inaluna o ka ma'i, a hiki wale i kona hala ana aku la. He kupa a he kamaaina oia no Kekulawaiole o Kamaoa nei, hookahi no wai o ka wai kahilihili i ka lau o ka ilima, He kaikamahinē lokomaikai, a heahea, a hookipa i ka ppe e kipa aku ana ma ko lakou home. .Ua laweia mai kona kino lepo mai na Home Hookuonoono mai a hiki ma kai hei o Kaukahoku Kamaoa a na E. Kanakeawe i lawelawe a hoomaikai mā kona home lua, a nalo aku la oia no 'kahi mau o na mea apau. E hoomaikaiia o lehova nana no i haawi mai a Nana no i lawe aku, Amene. Me ka Lunahooponopono ko'u Aloha nui, ame na keiki hoonoho. hua kepau o kou papa pa'i ko'u hoomaikai palena ola. Owau no me ke Aloha. J. P. KEKULAWAIOLE, ' Kamaoa, Kau ; Hawaii, Novemaba 30, 1909.