Ka Nupepa Kuokoa, Volume XLVII, Number 27, 8 July 1910 — KA HOPENA O KA MEA INU RAMA. [ARTICLE]

KA HOPENA O KA MEA INU RAMA.

Aole paha he hana nana i hookomo aku i ke ohohia iloko o ko ke ao nei apuni e like la me ka hakaka ku'iku'i puupuu i uleleia mai nei e Jim Jefifries ame Jack Johnson, ka hakaka hoi nana i kaili ae i ka inoa moho o ke ao nei mai ia Jeflfries mai a ia Johnson ka Negero. * E lilo ana nae ke kaa ana aku ia o kela lanakila maluna o ke kanaka ili eieeie i mea hookahaha ako i ka manao o ka hapanui o ka poe i kau aku na manaolana no ka hoomau ana aku o Jeffries i ka paa ana i kā inoa moho, no ka mea na ka waiona i hoolilo iaia e lilo i pio malalo o ka ikaika o ke kanaka eleele. He oiaio he kanaka o Jeffries i ikemakaia kona ikaika oiai oia iloko o kona mau la e ku aku ana imua o na moho ku'iku'i paupuu i hoea aku e halawai pu me ia, o ia ikaika nae 7 mamuli no ia o kona hookaawale ana iaia iho mai ka waiona mai. Iloko o kekahi mau mahina mamua ae o kona aa ana aku e hookuku me Johnson no ke kupale ana i ka inoa moho o ke ao nei, \ aole oia e like me kona manawa e makee ana i kona kulana ikaika, eleu a hoihoi, no ka mea, ua hoolilo aku oia iaia iho i kanaka inu a ma keia haulehia ana mai la ona malalo o ka moho Paele, e'ike mai ai na miliona o ka poe puni lealea i ka hana a ka waiona, maluna o ke kanaka a lakou i manao kuhihewa ai, nana ana e aha'i i ka lanakila o kela hakaka mawaena o laua. Ma ka aoao hoi o Johnson, he kanaka inu waiona ole oia, nolaila aole i hiki i ka waiona ke hoopilikia aku i kekahi o na mea paahana o kona kino, a mai kona komo ana iloko o ka rina hakaka a hiki wale i kona oili ana mai iwaho o ka rina, lie moho ku'iku'i puupuu kaulana no ke ao nei, aole i ikeia ke ano nawaliwali o kona kino, e like me ia i loaa i kona hoa mokomoko. Ua lokahi ka manao o ka poe i loaa ka ike ia lakou o ka malama ana i ke kulana ikaika o ke kanaka, he mea hoopilikia a hoopoino ka waiona i ke kino, aka ua kapae. ae nae ka poe na lakou i malama ia Jeffrie» ia ike, a hana aku la e like me ko lakou manao kuhihewa ma na helehelena mawaho o ka moho inu waiona, a o ka hopena e lilo ia i haawina e a'o mai ana ia lakou a i ka lehulehu apau, aole he mea kokua ka waiona i ka ikaika o ke kanaka. aka he mea hoonawaliwali iaia, a o Johnson ka hoike no ia mea ma keia hakaka. Aole nae i na kanaka hakaka wale no ka pili ana o keia ano hana a ka waiona, aka ua pili pu no ia i kekahi poe e ae ma na hana like ole, na kulana like ole, a pela me na ano like ole o ko lakou ola ana, e hiki ole ai ke loaa na mahalo ana no ka waiona.