Ka Nupepa Kuokoa, Volume LIV, Number 15, 14 April 1916 — OILI AE NEI HE NUPEPA HAWAII HOU [ARTICLE]

OILI AE NEI HE NUPEPA HAWAII HOU

Ma ka Poalima o ka pule aku nei i hala. i oili ae ai he nupepa puka pule Hawaii hou. malalo o ka inoa Ka Puuhonua, e pani ana i ka makalua o ka nupepa Ka Holomua, i pau, mamuli o ka lilo ana ae o ka nupepa i na ona hou. He nupepa keia i like aku no kona kino me ko Ka Holomna, a mai ka papapa'i mai no o Ka Holomua e pa'iia aku ai, mnlalo o ka noho lunahooponopono ana a Rev Akaiko Akana. He nupepa keia i kaa aku malalo o ka malu o ka Hui Puuhonua, i kapaia Ka Puuhonua Ltd., a o na lunanui o keia hui. o ia no ka Elele Kuhio r ka t>eresidena; Joh*n C. Lane, ka hope pereBidena; Akaiko Akana, kakauol6lo; D. K McGregor, puuku; John Wise, lunahooia, a o S. Dwight ame W. J. Hhelelon ka para hooko. O Rev. Akaiko Ak'ana ka lunahooponopono ,a o Jas. H. Kaleo ka luna hoohana a hope lunahooponopono.