Ka Nupepa Kuokoa, Volume LIV, Number 27, 7 July 1916 — E HOAOIA ANA E HOOLANA HOU [ARTICLE]

E HOAOIA ANA E HOOLANA HOU

Mahope ilio o ke piholo iloko o ke kai, me ka haaleleia ana no na makahiki eiwa ae nei i hala, ke hoolalaia ' mai nei kekahi hana no ka hoolana ana aku i ka mokuahi Kelemania Sesostris, ma ua <kapakai o Amerika Waena. He eiwa makahiki ae nei i hala, oiai kekahi mokuahi hao kila halihali ukana, a lawe ohua, e hooili ana, he kope, ma Ocos, ma ke kapakai Pakipika o Guatemala, kahi o ka repubalika e pili aku la me na palena o Me]ciko, ua pa mai la kekahi ino nui, a kaualakoia aku la ka mokuahi a pae iuka, a malaila oia kahi i paa ai ahiki i keia manawa. No ka hoolana hou ana i kela moku, ke hoolala mai nei kekahi poe ma Victoria, e holo aku me na makaukau apau, -no ka holopono o na mea i manaoia, ma ka hoolana ana i ka mokuahi poino. Iloko o ka poe apau na lakou e hoolala mai nei i kela hana, aole loa o lakou kanalua iki no ka lana hou o kela mokuahi, a e lilo ai ka lakou mau hooikaika ana i me& e ohi ai i kekahi pomaikai nui. +++ NEW YORK, lune 28.—Ua kohoia aku nei o William R. Wilcox, ka lunaneka mua o Nu loka i lunahoomalu no ke komite lahui Repubalika. Oia ka mea a ka Molio Hughes i wae ae ai ma- [ muli o kona manao ponoi.