Ka Nupepa Kuokoa, Volume LIV, Number 31, 4 August 1916 — HOOPAKELE KE KANAKA O KE AUPUNI I KE KAIKAMAHINE. [ARTICLE]

HOOPAKELE KE KANAKA O KE AUPUNI I KE KAIKAMAHINE.

He elua ae nei pule i hala, oiai e makaukau ana ka mokual» Mauna Kea e haalele aku i ka uwapo i hooko ae ai ka Hope Makai Nui Martin i kekahi hana hoopakele, ma ke kaili ana mai i kekahi kaikamahine o 'nmi kumamakoiu makahiki, mai ka malu mai p ka mea malama o ka aha kamalii, a hoihoi hou aku la iaia nouka o ka aina. O ke kumu o ka hana ana o ke kanaka o ke aupuni pela, mamuli o kona lohe ana, ua hoolala lie Pilipino e kaili i kela kaikamahine, i ka wa e ku mai ai o ka i Honolulu nei, a no ka hoohoka ana aku i kela manao, pela iho la i kikoo okoa mai ai na lima o ke aupuni, a -h'ōihoi aku la i ke kaikamahine opio malalo o kona malu. O kahi ka o ka hoopihoihoi o kela hana ma ka aoao o ka Hope Makai Nui Martin, ma ka uwapo no ia, mamua ae 0 ka haalele ana aku o ka Mauna Kea 1 ka uwapo o Hilo. TJa kau aku ke kaikamahine opio noluna o ka mokuahi, malalo o ka malu o ka mea'nana e malama oloko o ka aha o na kamalii, no ka hoihoi loa ana mai i Honolulu nei, ma loko o ke kula hoopololei o na kaikamahine, mawaho ae nei o Kamoiliili. I Iloko o ka nanea o kela mea nana e malama ana i ke kaikamahine opio, ua pii aku la ka Hope Makai Nui Martin noluua o ka Mauna Kea, a hawanawana aku la i ke kupakako, e hoike aku ana paha i kana hana o ka hoea ana aku noluna o. ka mokuahi, ia wa 'i hele pololei aku ai oia, a loaa ke kaikamahine opio, o kona hoihoi hou aku la no ia iuka o ka aina, me ka ike ole mai o ka mea nana e malama ana i ua kaikamahine nei. O ka noho hoi keia ahiki i ka manawa.a kela mea nana e malama, o ke au ana ae no .ke kaikamahine opio, aole ma kahi i manaoia ai, ia wa i noke ai, oia i ka huli me ka maikai ole maoli o kona noonoo, a e ole ke kupakako e hawanawana mai iaia, akahi no a pau leona manao pioloke, a oia hookahi waJe no ka i holo mai no Honolulu nei, & huli hoi hou aku no Hilo.

He kaikamahine opio kola nona ka iaoa o Marie Vicoria Lopes, a nona hoi na makahiki he umi-kumamakolu, a mamuli o kona pili me keJiahi Pilipino ua laweia oia imua o ka aha hookolokolo o na kamalii, a kauohaia e ka Lunakanawai Quinn, e hoihoiia mai a hoopaa'maloko o ke kula hoopololei o na kaikamahine ma Kamoiliili. I kinohi 1 , ua manaoia, e laweia ana kela kaikamahine a hookama ia e Mrs. nae ua hoololi oia i kona manao mahope mai, ia wa i' hoihoiia ai kela kaikamahine ma ka Puumaile Ho me. No ka Pilipino hoi, ua hookolokoloia oia maloko o ka aha apana, a hookuuia. Oiai e makaukau ana ka Mauna Kea e haalele aku ia Hilo, ua lohe iho la ka Hope Makai Nui Martin, i ka manao ana o ka Pilipino, a o kona mau hoaloha paha e hoomahuka'i kela kaikamahine, ke ku mai ka mokuahi i Honolulu nei, nolaila me ka hoohakalia hou ole aku, ua hoike koke aku la o Mr. Martin i ka Loio Kalana Beers, i ka mea pono e liana ai, i pakele mai ai kaikamahine opio, mai ka hoomahukaia aku e ka Pilipino, ia wa i a'o aku ai ka loio kalana e hoihoi hou mai i kela kaikamahine, pela iho la ka hope makai nui i hoea ak*u ai noluna o ka mokuahi, a lawe mai la ia Maria. Ua hoopaaia kela kaikamahine ahiki i ka Pokahi aku nei o ka pule i hala, ua hookauia mai la oia maluna o ka Mauna Kea, a hoihoi loa ia mai no ke kula hoopololei mawaho o Kamoiliili.