Ka Nupepa Kuokoa, Volume LIV, Number 48, 1 December 1916 — UA HAALELE MAI I KELA OLA ANA O MRS. REBECCA HART. [ARTICLE]

UA HAALELE MAI I KELA OLA ANA O MRS. REBECCA HART.

Mahope o ke kaa ma'i ana no kekahi manawa i hala ae nei me ka loaa ole he manawa i lana ae ai, ua pauaho mai !a i keia ola ana ma ka auwina la Sabati iho nei o Mrs. Rebecca Hart, ka wahineka&emake a kā Lunakanawai C. Hart i wake ai ehiku makahiki i liala aku nei ma Waikiki ae nei, ma kona home kokoke i ka Paka Kapiolani pili i ke alanui Kalakaua. He makuahiae Hawaii oia i i||e laulaia a i aloha nui ia, a iaiā i hala aku la ua hooneleia kekahi home i ka makuahine, ua hooneleia ka lehulehu i kamaaina iaia i kekahi hoaloha maikhi, k hooneleia hoi kekahi mftu keiki a mau raoopuna i ka makua a i ke kupuna ole. l'a hanauia oia ma Honolulu nei, a iloko o kona mau la opio ma Kona, Hawaii ,oia i hanaiia ai a nui, a malaila no hoi oia i hui mua ai me Mr. Hart a mareia no malailā. Mahope mai ua nee mai laua no Honolulu nei, a oiai laua maanei ua komo aku la o Mr. Hart ma ka lawelawe ana i ka oihanu kalepa iloko o ka hui a Ritson & Hart, he hui i lilo ai oia ka hoahui elua; o kahi ka i ku ai o ko laua halekuai ma kela aoao mai o ka uwapo a Rrewer. Mahope iho o ka bala ana o kekahi mau makahiki ua nee hou aku la o Mr. Hart me kona ohana no Niulii, Kohala, Hawaii, a malaila i 'hoomaka ai o Mr. Hart i ka mahiko, a oiai ka hana o ka mahiko o Niylii e nee,ana i ka laula ame ka palahalaha maloko o ia apana, he mahiko e paaia nei malalo o ka waiwai o Hart, ua make aku la nae oia ehiku makaliiki i liala aku nei.

He ekolu mau keiki i loaa mailoko mai o kona puhaka—o Susie, ua make mua; o Mrs. Francis Gay ame Mrs. Allison Jordan, aia laua a elua i Amerika i nei manawa. O Mrs. Jordan ke kaikamahiue e upuia aku nei e hoea mai ana mai Amerika mai ma ka mokuahi Matsonia, ke hiki i'o mai nae ua nalo nr. maka o ka makua. Oiai ka oia ma Kaleponi ua kelekalapaia aku iaia no ka nawaliwali loa o ka makuahine, aka oiai oia e kaahele ana mai kekahi wahi a i kekahi, ma ia ano ua manaoia he hana paakiki ka loaa ana aku iaia o ,ka lono i ka wa pono, a ina no ka loaa aku iaia lie hana paakiki no nona ka hoao ana mai e hiki ianei i ka wa pono. Xo Mrs. Gav lioi aia ka oia i Nu Toka, aia ma ka liikina loa o ka ainapuniole nui o A.merika. He nuj na hoaloha ame na makamaka o i[rs. Hart mawaena iho o na kamaaina. Ma kona moolelo he mamo oia i oili mai kekahi hanauna koko kiekie maj, nolaila, elike me ka nui o kana mau hana maikai, pela no ka nui o ke alolia ame ka minamina ia. He hoahanau kahiko o Mrs. Hart no ka Eltalesia Makua o Kawaiahao, i kona mau la ola maikai he hana haule ole iaia ka hele ana mai i ka pule, he lima kokua ikaika i na hana o ka ekaleaia, akalii a hakahaka ko«a wahi oloko o ka liale pule, ua moe aku la oia.

Ma ka hora ekolu o ka auwina Ia Poakahi mai i malamaia ai kpna anaina hoolewa ma kona home e ke kahu o ka Ekalesia o Kawaiahao, Rev. H. H. Parker, mamua o ka laweia ana aku e kanu ma ka ilina o Maemae.