Ka Nupepa Kuokoa, Volume LV, Number 3, 19 January 1917 — KUU MRS. ABIGAIL ALOHA UA HALA. [ARTICLE]

KUU MRS. ABIGAIL ALOHA UA HALA.

E Mr. Lunahooponopono o ke Kuokoa, Aloha oe: —E oluolu mai hoi kou ahonui e hookomo iho ma ka rumi kaawale o ka kaua hiwahiwa i ka'u wahi puolo waimaka e kau ae la maluna, a iiana hoi ia e lawe palanehe aku ma na aheahe lau makani o ko kaua mau aina aloha nei, mai ka hikina a ka la i Kumukahi a ka welo ana a ka la i ka ilikai o Lehua. Ma ka. hora elima o ke kakahiaka Poaono, la' 6 o keia mahina, i waiho mai ai kuu wahine aloha ia'u me na moopuna a maua, na lei a i hoi o maua o na la hapenuia, a na'u e unu hookahi aku i ka ukana a ka waimaka, e pal auma ae ana i ke o kuu wahine, kuu wahine hoomanawanui i na ehaeha' 0 keia ola honua ana, e auamo pu ana 1 na ko'iko'i o na la pilikia ame ka hune, na la maka poniuniu a ka ai, e hoonanawanui ana i ka imi ana i nā mea e loaa ai ka oluolu o ke ola kino, e alo ana i ke anu a ka ua me ka wela a ka la, aole i loaa ia mea he kaniuhu iloko ona ahiki i kona nawaliwali ana, waiho aku oia i na hana maamau a kona mau lima palupalu, minamina no ka mea maikai. O kuu wahine aloha i 'liala aku la, he puuwai hamama kona, i poniia me ka mea maemae, ka piha lokomaikai me ka heahea, e hookipa ana i na makāmaka me na hoaloha, ke hele mai i ko maua wahi pupupu hale nei, a pela me na malihini hele mai e hookipa ana no oia ia lakou me ke ohohia, aole ka makee ame ka alunu iloko o kona puuwai. He hoalianau oia uo ka Ekalesia o Koloa huiia me Honomanu, he lala no ke Kula Sabati ame C. E. o ia apaua, he makaala oia i na hana a kona Haku ma na hoike Kula Sabati me C. E., he ohohia nui oia, he makaukau ma kana mau haawina paanaau, a me ia kulana i loaa iaia, ua koho kona mau ahahui iaia i elele i ka aha Mokupuni no elua kau, a hookahi kau i ka Aha Paeaina i Honolulu, a no kona nawaliwali ma ke kino, waiho aku oia i ka hana a kona Haku aloha.

Ua hoohuiia maua ma ka berit.a mae* o ka mare e ka Mea Hanohano P. N. Kahokuoluna o Paia i ka mahina o Dekemaba, la 24, 1898, nolaila ua piha ia maua na makahiki he 18, o ka pili aloha ana o ke kane ka wahine, a moku ae la ke kaula kula mawaena o maua me ka walohia, pela i hooko ia ai ka olelo a ka Buke Nui, he mahu ke ola o ke kanaka i pua ae a nalo aku.

Ua hanauia kuu waUine aloha ma Nuu, Kaupo, Maui, i ka la 18 o Sep&ty fnaba, 1843, mai ka puhaka mai o Itahanuala (w) me Kaup«tlolo (k), nolaila lia piha iaia na makahiki he 73, o kc*iia hanu ana i na ea oluolu o keia ola ho nua ana, a moe aku la i ka moe kau moe hooilo, moe oni ole i ka moe a Niolopua, a na ka leo o ka pu a ka Anela 0 ka Haku e hoala mai- i ka la hop'e o na mea apau. Me keia mau mea'iapau, ke haawi aku nei 'au i ka'u hoomaikai i ka oh&na i noho.pu mai me a'u, i na la kupilikii o kuu mea alolia, a pela pu hoi me na hoaloha ame na makamaka, me lia makana pua i hoowehiwehi iho i ke kino puanuanu o kuu wahine aloha; pela pu hoi me na keonim'ana, na laiia i hana a lawe mai i ka pahu o ka'u mea aloha, J. K. Halemano Jr. ame Berii Kaauamo, a ke kalokalo ae nei au i ka lokomaikai o na mana lani, e kaji mai 1 Kona malu aloha maluna o oukou apau, me kona hoomama pu ana mai i ko'u mau manao kaumalia me ka naau luuluu, no kuu wahine aloha. Me Mr. Lunahooponopono ko'u hoomaikai, ame na keiki o kou papapa'i ko'u welina. Owau iho no, B. K. KANOA. Honomanu, Keanae, Maui, lan. 9, 1917.