Ka Nupepa Kuokoa, Volume LV, Number 15, 13 April 1917 — HE MOOLELO KAAO NO GANEMA KE KEIKI A ABOU A I OLE KE KAUWA A KE ALOHA [ARTICLE]

HE MOOLELO KAAO NO GANEMA KE KEIKI A ABOU A I OLE KE KAUWA A KE ALOHA

MOKUNA VIII. I kela oiii loa ana aku a Oanema iwaho ua komo loa mai la ke Kuhina Nui Giafara iloko me ka makai kiekie, a o Fetanaba wale no ka laua oka ike ana mai e noho aku ana iluna o ka punee aohe mea okoa e ae mawaho ae ona, koe wale no na kauwa wahine elua a Fetanaba. Ua piha oloko o ka mmi a Fetanaba e noho ana me na pahu; o na pahu no ia a Ganema i lawe mai ai mai Damaseko mai me ka piha i na waiwai like ole, ke kilika, ka lilina, na moena weleweka a pela aku. ua pau ka hapanui o na waiwai oloko i ka lilo a koe kakaikahi. a aia iloko o kekahi o ia mau pahu ke dala i loaa mai ai ia Oaneina mai na waiwai mai ana o ke kuai ana. Ia ike ana aku a Fetanaba i ke komo ana mai a ke kuhina nui, haule iho la oia maluna o kona mau kuli a huli papio iho la ke alo ilalo. a me ia ano oia o ka hoomau ana, elike me ka mea i makaukau no ka hookauia mai o ka hoopa'i make maluna ona. a ia manawa hookahi pane ae la i ke kuhina: •*F. kuu haku, ua makaukau au no ke kau ia mai o ka hoopa'i a ka moi i'hooholo ai no'u, ina he hoopa'i kekahi e kauia mai ana maluna o'u, o kau hana wale no koe ma kou aoao oia ke kukala ana ae ia mea. ina he kauoha kahi o ia ano i haawiia ma.i ia oe." "E ka Madame," i pane iho ai o Giafara, me kona kukuli pu ana iho ia manawa, a hapai ae la i ka lede iluna a i iho la. . "Ua papa mai ke Akua aole kekahi mea e ae e hoopa aku ia oe me na lima haumia. , "Aole au i hele mai nei me ka manao e pepehi aku ia oe, a i ole e olelo aku paha i kekahi mau huaolelo e ehaeha ai oe, aole. Aohe kauoha e ae i haawiia mai nei ia'u, o keia wale.no, oia hoi, e noi aku ia oe e hoi no ka halealii, a e lawe pu aku i 'ke kanaka kalepa opio i noho pu ai me oe maloko o keia hale." "Ina pela, e kuu haku," wahi a ka lede i pane ae ai, "e hele koke aku hoi ha kakou 110 ka halealii i nei manawa, ūa makaukau -au e ukali aku mahope ou me ke kali hou ole aku. "Xo ka mea e pili ana i ke kanaka kalepa opio au i olelo mai nei la ea, ke kanaka a'u i aie nui ai i kuu ola, aole oia maanei i keia manawa, aneane ae nei e piha ka mahina o kona hala ana i Damaseko. kahi ana i hele aku ai no kekahi hana i kauohaia mai ai, a ua haalele mai oia ia'u me keia mau pahu ana au e ike ae la, me ke kauoha pu mai e malama pono au i nei mau waiwai ana ahiki i kona hoi liou ana mai e kii. "O ka'u e noi'aku ana i kou lokomaikai ina no kau lawe aku ia'u. e oluolu hoi oe e law T e pu aku i keia mau waiwāi, no ka mea, aohe mea nana e malama ana ina no ko'u kaawale aku, e pau ae ana paha i ka ,aihueia a poinō hoi kona mau waiwai, oiai, ua hoohiki paa aku au imua ona na'u e malama me ka maluhia ahiki i kona* kii hou ana mai," | "E ae aku ana au 1 kou manao, e ka madame; na'u ia e nana aku no ka laweia aku o ia mau wai\vai a pau 110 ka halealii," w<ahi a (iiatara o ka'pane ana mai; o kona haawi koke aku la no ia ike kauoha i na kanaka e lawe kokeia aku ia mau pahu i ka halealii a e haawiia aku ia Moserou, ka luna nui a ke 'lii. Ia hala ana aku a na kanaka me na pahu, hūli aku la ke kuhina nui a hawanawana aku la i kekahi mau huaolelo a ka lede i lohe aku ai i ka makai kiekie, ke kanaka i haawiia a»u ai ke kauoha e huli ialoko o ka hale a e wawahi pu ia hale. Aohe i wawahi kokeia ka hale ahiki i ke kuekaaia ana o na wahi a pau o ka hale, no ka huli no keia ia Ganema; ua pau na kuono, na poopoo, .oloko o na rumi, oluna, olalo i ke kiei, ha-lo a kilohiia. he neo nae ka loaa o Ganema, aia oia ia ma kahi mamao loa kahi i kani iki ai ka aka. I ka nele ana o ka loaa o Ganema, a laweia aku la o Fetanaba e ke kuhina nui, me ka ukali ,pu ia e na kauwa wahine ana, hoomakaia aku la ka wawahi ana i ka hale, o ka hele ia a mokaki aku mokaki mai na mea apau iluna o ka honua, kumakena no hbi ke nana, a ina paha ī nei manawa he hoopii maoliia ko kela poe, no ka mea, aole no Ganema ponoi ia hale, no kekahi wahine kanemake, he. nolio hoolimalima wale iho no ko Ganema ilaila. No na kauwa hoi a Ganema aohe lakou i noonooia aku; no keia hoea ana aku a ke kuhina#nui me na koa, ua kau ko lakou weli a holo pua-a aku la i o a ia nei a huikau me na kanaka e aku a nalowale. Hakālia no i ke kuhina nui ame Fetanaba, a pela me ka poe e ae i hoounaia inai e ke 'lii a kaawale mai ka hale aku o ka hoomaka mai la no ia o na kamana i ka lakou apana hana oia ka wawahi ana i ka hale a Ganema ma i noho ai, a he manawa pokole loa ia ulupa ana aku, me he luku ana la na ka makani ikaika, mokaki ana na mea apau i ka honua. O na makai hoi keia i kauohaia aku ai e ka makai kiekie e huli ia (ianema, a i noke iho lakou i ka huli ma o a maanei o ke kahna. a iloko o ka ululaau, a ma na wahi apau, a he neo ka mea i loaa.'a me ia nele lakou i hoi aku ai a hoike aku la i ke kuhina nui ma ke ala no ka waiwai ole o ka lakou huli ana. "Pehea?" i ninau mai ai ka Moi Haroun Alraschid i ke kuhina nui i ko lakou hoea ana aku i ka halealii, "ua holopono anei kau hana i kauohaia aku ai?" "Ua holopono hapa," i pane aku ai o Giafara; "o ka hale a Ganema i noho ai ua' pa'u i ka Wa\irahiia a ahu iho i ka honua, a o ko wahine punahele, o Fetanaba, e i ae mawaho o ka puka o ko halealiī ke kali mai la 6 kou kauoha aku iaia e komo mai. "No kahi kanaka opio hoi, no Ganema, aohe hiki oia ke loaa. oiai nae, ua huli ia mai nei na wahi apau o ka hale ana i noho ai. paU oluna olalo, pau o uka o kai, pau oloko o ka ululaau i ka huliia e na makai aohe loaa, he hana hua ole i hanaia, he hoopau manawa, no ka mea. ma ka Fetariaba olelo mai ia'u aneane ka e piha ka mahina o ka hele ana a Ganema no Damaseko, mamuli o kona kauohaia ana mai no kekahi hana." "Peia?" I ninau mai ai ka moi me ka piha loa i ka hiihu. "Ae: pela mai ka Fetanaba olelo ia'u, a ina he makemake kou, e ka moi, e lohe i ka mea oiaio ea, e ninau aku no oe ia Fetānaba, ka mea i maopopo. He oiaio paha kana a aole paha, aka, oia wale no ka mea i maopopo no ka aGnema wahi o ka hele ana." Aohe manawa mamua aku a ke kuhina nui i ike ai i ka piha loa o ka moi i ka inaina e like iho la me keia, l?e hele la a pu-ko ke kai i kum?pali. i ka wa i lohe aku ai ua pakele kona enemi ino loa o Gancma. no ka lili punalua wale mai no kela. No kana wahine punahele loa hoi, no eFtanaba, mamuli o kona manaoio loa ua haule oia i ka hewa me Ganema, a ua meheu ka mahinaai a ke 'Hi, hooholo iho la oia aole e ike a e kamailio pu me Elike me ka nui o kona inaina no Ganema pela no ia Fetanaba a no ka hooko ana aku i kona inaina maluna o ka wahine ana i inatna ai, i mai la i ka lunanui o ka halealii e ku koke mai ana no:

"E Meserce, lawe koke oe ia Fatenaba, kela wahine moekolohe, a hoopaa aku iaia, iloko o ke towera, iloko o ka nimi pouli, a mai ae iki oe i kekahi kane a wahine paha e hookokoke aku malaila, a mai haawi nui ika meaai iaia. Lohe oe ?" 0 keia towera a ka moi i kauoha mai la malaiia o Fetahaba e hoopaa ia ai aole ia i mamao loa mai na paia aku o ka halealii, a he v\-ahi no hoi ia e hoopaa mau ia ai o na wahine kauwa e ae ke hoo lohe ole i ke kanoha a ke 'lii a ke hana paha i kekahi hewa e ku-e ana i ka ke 'lii mau kanawai. Ua kamaaina keia luna nui i ka hooko ana i ka ke 'lii mau kaooha, a i kona ike ana i ke koikoi loa o keia .hoopa'i i aku maluna o Fetanaba ana i maopopo ole ai i kona hewa, ua ano kunana oia i ka hooko aku i ke kauoha, eia nae, aole oia i pakike a hookui- | kui olelo aku, a me ka naau ehaeha oia o ka hele ana aku e hooko i ke kauoha, oiai nae ka minamina nui iloko ona e hana mao ole la. laia i'hele aku ai a loaa o Fetanaba, a hoakaka aku la i ke kau,oha a ke 'lii. ua hoakaka pu aku la oia i kona minamina me kona 'kaumaha nona. me kona olelo pu aku aohe makemake o ke 'lii e ike a e kamailio aku ia#a. "Aohe ou alahele/e ae e pakele ai mai ka inaina mai o ka moi, ina hoi au e hoao ana e hoopakele ia oe owau pu mai ana kekahi e hoopa'iia mai,*nolaila ea, e hoomanawanui no oe e auamo i na ehaeha, a malia o aloha mai no ke Akua o kaua ia oe o kou lanakila ana no ka hoi ia." i'Mai kaumaha oe no'u. elike me ka ke 'lii a kaua i kauoha mai la ia oe. pela oe e hooko.mai ai," i pane aku ai o Fetanaba aole me ka helehelena kanmaha aka, me ka helehelena oluolu, o ke ano o ka niea hewa ole, ke paani ana ma kona maka. '•'lna hoi paha no ka ae mai o ua moi la a kaua e papaleo maua, ina la hoi ua hoakaka aku au imua ona i na mea oiaio apau e hiki ole ai iaia ke ahewa wale mai ia'u. Aohe ka hoi au i kupale no'u iho oke kau e ia mai la no ia oka hoopa'i. Kupaianaha! "Heaha la hoi, e hooko aku hoi paha au i kana hoopa'i, a e auamo no hoi au i ka ehaeha o kona inaina, aka, e ha'i aku au ia oe i keia mea oiaio, he wahine hala ole au, a ua hiki loa ia'u ke hoōiaio no'u iho, ina no ka ae mai ona e lohe i ka'u mau olel.o-" Me ka eliaeha loa o Meserou i lawe aku ai iaia a hoopaa aku la iloko o ka rumi pouli, a haalele hookahi aku la iaia-malaila, a mahope o kona laka ana aku i ke panihao a paa a huli mai la hoi, helelei iho la kona mau waimaka, no ka mea, oia pu kekahi i haulehia i ke aloha no Fetanaba, aole ma ke ano he ipo, aka, mamuli o kona ike i ka oluolu ame ke aloha i na kauwa mamua o ka Moiwahine Zobeide hookiekie. 1 ka hhla ana aku o Meserou ame Fetanaba no ka hoopaa ana aku ia Fetanaba, hookuu mai la ka moi i piha i ka inaina i ke kuhina nui e hele, alaila, noho iho la noonoo no kana mea e hana aku a. ' Oiai oia e noho ana a e hoauau ana.i kona noonoo i o a ia nei, a i ka loaa ana iaia o kekahi manao, alaila kakau iho la oia me kona lima ponoi i kekahi leka na ka Moi o Syria, he hoahanau hanauna no nona, a o keia ka leka ana o ke kakau ana malalo nei: MOKUNA XI. NA KA MOI HAROUN ALRASCHILD, I KA MOI MAHOMEDA ZINEBI,KA MOI O SURIA. "E ka hoahanau, he leka keia e hoike aku ana ia oe, aia iloko ihō o Damaseko kekahi kanaka kalepa opio i kapaia o Oanema ka inoa he keikikane na Aibou Abu, ua launa hewa oia me kuu wahine u'i punahele loa o Fetanaba ka inoa, a ua holo mahuka aku i Damaseko. Eia ko'u makemake, i ka wa e loaa aku ai o keia leka ia oe ea, e kauoha ae oe i kou mau luna aupuni e huli aku ia Ganema, a ina no kona paa mai, e hoopaa aku iaia iloko o ka halepaahao. I kona wa e kaa aku ai malalo o kou mana, o ko'u mākemake e hoopaaia oia me na kaulahao ame na poka hao, a e hahauia oia me kē kaula ili i ho-u ia iloko o ke kai paakai no ekolu la kailike.

"A pau ia hahauia ana ona e kauoha ae oe e alakaiia oia mawaena iho o na alanui o ke kulanakauhale no kekahi mau la, a mamua aku ona e kauohaia kekahi kanaka e kalahea ae me ka leo nūi i keia mau olelo: 'E na kanaka apau, e nana mai i ke kanaka a ka Moi Haroun Alaschild i kau mai ai i ka hoopa'i no ke ku-e ana aku iaia a 110 ka launa hewa ana me kekahi o na kauwa a ka moi.' A pau kela hana ana alaila. hoouna mai oe iaia i o'u nei inalalo o ka malama ana a kekahi pualiko ikaika o kou aupuni. Aole keia o ka pau: ua makemake pu au e haawi ae oe i ke kauoha e haoia na waiwai a pau maloko o kona hale. a i ka wa e wawahiia ai kona hale a ahu iho i ka honua, e lawe ia aku na apanapana apau o ia hale a hookauliiliiia aku ma kela a ma keia wahi o ke kulanakauhale, a i ole kiloi liilii aku paha maloko o ka nahelehele. Eia hou, ina he makuakane, makuahine, mau kaikuahine, mau wahine, mau kaikamahine, a i ole ia mau pilikana e ae paha ona, e haoia ko lakou mau waiwai a pau a ku olohelohe, a e hoohele waleia lakou me ka lole ole maloko o ke kulanakauhale no ekolu la kailike, a o ka mea e kokua, a i ole haawi mai paha i hale no lakou e moe ai, a i ole hanai mai paha, a i ole hoaahu mai paha, he make ko lakou hoopa'i. Ke manaōlana nei au aole oe e hoohakalia ana i ka hooko ana aku i ka'u kauoha. "HORUN ALRASCHILD." Hakalia 110 a pau nei leka i ke kakauia e ka moi, o kona haawi aku la no ia i kekahi elele o ke aloalii, me ke kauoha pu ana aku iaia e lawe kokeia aku ia leka me ka awiwi loa i Damaseko a haawi aku i ka Moi MohammeMd Zineki, a iaia e hele aku ai e lawe pu oia me ia i kekahi mau manuku wahine i hanau i ka hua a i kiko na keiki, i hikiwawe ai ka loaa ana mai o ka pane iaia ana i makemake loa ai m'ai ka Moi Mohammed mai. No keia mau manuku a ka moi o ke kauoha ana aku la i ka elele e lawe pu he haawina kupaianaha loa ka i ikeia no lakou, pehea la ko lakou mamao e laweia ai, e hoi hou mai ana no lakou i -ke kulanakauhale o Bagedada ke hookuuia mai, o ka oi aku oia na manu wahine he mau manu keiki ka lakou; na ke aloha nui i|pko o lakou no ka lakou niau keki e uneune mau i ko lakou noonoo e hoi mai no ka lakou mau keiki. 0 ke ano o ka hana e lilo ai ia mau manu i mea paahana waiwai loa na ke kanaka, oia no ka hoopaa ana i ka leka malalo ae o ko lakou eheu alaila hookuu mai, a oiai lakou e makemake loa ana e hoi mai no ka lakou mau keiki, e lawe pu mai ana lakou i ka leka i kahi i makemake ia. pela i kapaia ai lakou "na manuku elele." He mau la lehulehu ka loihi o ka laweia ana aku o ka leka a ka moi e ka elele; e hele ana i ke «10 a i ka po me ka hoomaha liilii loa, i ole ai ka moi e ku a uluhua loa i ke kali 110 ka pane, a ua hauoli loa oia i ka hoea ana aku i Damaseko no ka hoomaha ia o kona luhi o ia hele ana aku o ka loa. laia i hiki aku ai aole oia i hoohakalia, aka. lawe pololei aku la oia i ka leka a haawi 1 na kanaka o ka moi, a na lakou i lawe aku a h&awi iaia. 1 ka loaa ana aku o ka leka i ka moi, a i ka ike ana iho mai ka Moi Haroun Alraschid aku ia leka o ka law r eia ana aku, honi mua ae a oia ia leka o ka laweia ana aku, strdlununshrdlununuunnnuu ae la oia i ka leka a kau ae la maluna o kona poo, he hana e hoike ae ana ; kona makaukau e hooko aku i na mea a pau i kauoha ia aku iaia ina he kauoha kekahi. > Wehe ae la i ka leka a hoomaka iho la e heluhelu, a ia pau ana o kona iho mai la no ia ilalo mai ka nohoalii mai, a ee aku la maluna o kona lio me ka hooka'ulua ole, a kauoha aku la i kona aliikoa kiekie e ukali pu aku mahope ona. Ua kauoha pu aku la oia ia manawa e kiiia aku ka makai kiekie o ke aupuni a e ukali aku iaia, a, me kona mau koa kiai kino e ku makaukau mau mai ana, kanioe pololei aku la ka holo ana no kahi 0 ka hale o Gftnema .e ku mai ana ma kahi mamao iki mawaho aku o ke kulanakauhale o Damaseko. he hapa mile paha ka mamao. Iloko o kela manawa holookoa a Ganema i kaawale ai mai Damaseko aku, aohe wahi leka hookahi ana i loaa aku i ka makuahine, no kona kakau ole aku no. ke ano no hoi o na keiki aloha ole a hoo--1 manao ole ae he makua kekahi e noho mai ana me ke aloha nona, I oiai nae. o na kanaka kalepa apau a lakou o ka hele pu ana ua 'pāu loa lakou i ka hoi aku i Damaseko me ka palekana. i Na ia poe i hoike aku i ka makuahine he maikai no ko Ganema ola kino ia lakou i haalele iho ai ia Bagedada, a no ke kumu o kona hoi pu ole ana aku me lakou he ninau pohihihi loa ia ia lakou, e hiki

ole ai e loaa aku haina pololei aka makuahine i makemake ai. No ko Ganema hoi ole ana aku, a no ka loaa ole aku hoi o kekahi leka mai iaia aku e hoakaka aku ana i ke kumu o kona hoi ole akii, a pehea la kona noho ana, he maikai paha a i ole ua halawai paha me na popilikia. ua lilo ia i mea hookaiiniaha loa aku i ka manao o ka m3akuahine, a ua loaa ka manaoio iaia ua make kana keiki. Nawai hoi e ole ka loaa iho o ia manao i ka ua mea o ka haohao 110 ka loaa ole aku o kahi leka: eia nae. ua ike ae nei no oe, e ka inea heluhelu i ke kumu o ka palaka o Ganema i kona makuahine ua lilo loa ka noonoo i ka huki ulua me Hiku i Kanahele. Mamuli o keia manaoio loa o ka makuahine ua make kana keitci a ua pau paha kona mau waiwai ame na (lala i ka poe e i luhi pu ole me ia. ua kanikau mau oia m,e ka walania loa nona. elike me ke kanikau ana a kekahi mea no kana mea aloha i make, a ua pau kona ;ke hou ana aku i kona mau maka. Aohe makuahine e i oi aku ka hooluuluuia o ka naau e like me keia makuahine, e uwe mau ia ana ka po ame ke ao, ,e nana aku 1 na mea apau e uwe, me he mea la, e ku okoa mai ana no ka helehelena o ke keiki mamua ona. Ua mamao kona luuluu mai ka hiki ana ke hoonana aku, ono ole mai la ka ai, hoihoi ole mai la ka nnonoo e hana aku i na hana maa inau oloko iho o ka hale, i ahona i ka maaloalo mau o ke kaikamahine ame ke kauwa loaa iki ka mea nana e hōomama ae i ka noonoo ame ka nana e hooponopono mai na hana o ka hale. Pela iho la ko laua noho ana a hala kekahi mau la, a, no ka noonoo nui no o ka makuahjne i ke keiki, a oiai no hoi laua e noho ana me ka ulakolako ma na ano apau, kauoha aku a oia i kekahi poe kamana e kukulu ae i hale kupapau mamua aku o ke alo o ko laua hale, a i Ica paa ana'lawe aku la i kekahi kii mabala o ke keiki iloko o ua hale kupapau la, a kau aku la i na lole eleele kanikau maluna o ua kii la. Maloko mau oia o keia hale e hoohala ai i ka la ame ka po, me ka nee mau ana no hoi i ke kumakena no ke keiki, me he mea la ua kanuia ke kino o ke keiki maloko o ia hale kupapau, a o ko ka makuahine nee mau i ka uwe helu, elike me ka kekahi poe makuahine e uwe helu ai no ka lakou mau mea aloha i haalele mai i keia ola ana, hookahi ke komo pū ana aku me Alekoloma ka U'i, ma ia haawina hookahi. Me keia ano luuluu loa i hoohala ai laua i kekahi mau la lehulehu, aohe ia mea he hauoli maloko o ko laua home, a no ko laua kumakena mau ua komohia ia aku iloko o na noonoo o ka poe e noho kokoke mai ana ia laua ke aloha, a ua lehulehu kekahi o ia poe i hele mai e hoonana i ko laua mau manao luuluu, no ka manawa pokole wale no nae ka mao ae ā poipu hou iho la no ke aloha kupouli. Me keia ano iho lā laua o ka u noho ana i ka'wa i hele aku ai ka Moi Mohammed Zinebi a kikeke mai ma ka puka, a i ka wehe ana aku a kekahi kauwa, o kona komo koke mai la no ia iloko, a ninau mai la no panema,.ke keiki a Aibou Abu. A oiai, aole ī ike mua ke kauwa wahine i ka moi, o ka akahi iho la no ia, hooholo iho Ia oia o kekahi paha ia o na luna aupuni kiekie o Damaseko iho, a m.e ka pahaohao nui iloko ona no ke kumu o ka hoea ana aku a ia luna aupuni ilaila i ko lakou wahi, i mai la: | - "E kuu haku o Ganema au i ninau mai la la ea, ua make kahiko oia. O kuu haku wahine, kona makuahine, aia iloko o kela hale kupapau au e ike aku la, kahi i iioke ai i ka uwe'no kōna make ana, ina no oe e hele aku ana la ea, e loaa aku ana no oia ia oe malaila, a nana e hooiaio mai i ka'u mea i hoike aku la ia oe." Me kona hoolohe ole mai i ka ke kauwa mau mea o ka olelo ana aku la, o ke kauoha koke ae la no ia o ka Moi i kona mau koa e huliia na wahi apau oloko o ka'hale, me ia lohe pono aku la no nae ona ua make o Ga:nema.

I na koa e kuekaa ana ia loko o ka hāle, hele ak« la ka moi on kahi o ka hale kupapau e ku mai ana, a malaila i loaa aku ai ka makuahine ame ke kaikuahine o Ganema e uw.e ana, a e u noho ana nialuna o kekahi moena, ma kahi kokoke loa aku i ke kii pohaku maLala o Ganema. i

īa ike ana mai a lauā i ke ku aku o kekahi kanaka ma ka puka, uhi ae la laua i ko laua mau helehelena a paa me na uhimaka eleele. O ka makuahine o laua ka i ku ae i kona ike maopopo ana mai o ka moi ke ku aku ana, o kona kokolo mai la no ia a moe malalo iho o na wawae o ka moi.

"E kuu lede miaikai," i pane iho ai ka moi iaia, "i hele mai nei ;>u e huli i ko keikikane, ia Ganenia mamuli o ke J<auoha a ka Moi Haroun Alraschid; eia anei oia maanei?"

"A, e kuu moi!" i pane ae ai ka wahine, "aohe oia e kala i make ai. O keia hale kupapau la au e ike ae la, ua kukuuia ia mamuli o ka'u kauoha, i wahi e hunaia ai o kona mau iwi, a maanei mau au e hoonana nei ia'u iho no ke aloha i ke keiki. Auwe kuu keiki —O—kuu keilei punahele hoi, auwe kuu kumakena ia oe!" mai hoomau loa aku paha oia i kana uwe ana, aka no ka nui loa o kona kaumaha, ua paa ae la kona hanu no kekahi manawa. Ua hiki ole i ka Moi ke kaohi i kona niau waimaka ia minuke oiai oia e nana iho ana i ke paiauma a ka wahine. He moi piha aloha keia i ka poe popilikia, o ka oi aku o kona aloha i ka poe i halawai me na haawina luuluu elike iho la me keia, a iaia e ku iho ana nana ke nalu la oloko ona i keia manao: / Ina o Ganema wale no ka mea i hewa no keaha la e kau pu ia aku ai ka hoopa'i maluna o kona makuahine ame kona kaikuahine, he mau mea hala ole? "O, e ka moi lokoino, he hana hoehaeha maoli mai keia au ia'u ma o kou haawi ana mai la na'u e kau aku i ka hoopai maluna o keia mau mea uhane hewa ole. "No keaha no la i hele kino ole mai ai oia ianei a kau iho i ka hoopa'i maluna o nei mau mea i hana hewa ole aku iaia e like me kona makemake, o ke kuhilani mai la ka a na hai e hooko aku kona makemake lapuwale. aole hoi e hihi oia ke poo a he huelo aku au, rrui kana mea e kauoha mai ai malaila wale no au e hooko aku ai." O na koa ana i kauoha aku ai e huli ia Ganema ua hoi māi la i keia manawa a hoike iaia ua kuekaaia e lakou na wahi apau oloko ame waho o ka hale a aohe loaa o Ganema. ' Ua pololei ka hoike a na koa i kona manao no ka mea ua lilo na waimaka o na wahine elua i mea hooiaio mai e kanalua ole ai oia i ka oiaio o ka hoike. I Ua kaumaha loa kona noonoo no na wahine no kona hooko aku i ke kauoha a ke 'lii mauna o laua, aka, oiai o ka Moi Harouu kona mea nana i hoalii mai, aohe no hoi he alahele okoa e ae ana e hana ai, e pakele ai la laua mai ka hookoia ana aku o ke kauoha a ka moi maluna o laua, huli iho la oia e nana i ka wahine e haalo'ulo'u ana, a i iho la: i + "E kuu lede maikai e haalele iho oe ame ko kaikamahine i nei hale kupapau a e hahai mai ia'u, no ka mea, aole oe aole no hoi ko kāikamahine e palekana ana ke noho iho olua manei." Aohe hoopupu hou ana aku a na lede no ka mea, ua puka aku la ka leo o ke 'lii. o ko laua hooko wale mai no ka pono* a ia laua i oili loa mai ai iwaho, a i hoopakeleia ai laua mai ka poe hoohenehene mai, wehe ae la ka moi i kona kuka loihi. a oiai he kuka nui ia, hoaahu aku la maluna o laua a elua; me ke kauoha pu ana iho e hoopilipili mau aku laua ma kona aoao i na wa apau a lakou e hele aku ana no ka halealii. 1 Ia lakou no a mamao loa aku, o ke komo mai la no ia o na koa iloko o ka hale kupapau a hoomaka ka lakou huli ana ialoko me ka uwa anā he mau hana hoomahuahua hou aku i ka weliweli i ka makuahine ame ke kaikuahine o Ganema, no ka inea, aole laua i maOpopo i ke kumu o keia lawe ia aku o laua ame ka huliia ana o Ganema. O na waiwai makamae keia a pau oloko o ka hale. pau pu me na pahu dala, ua haoia ae la e na koa a laweia aku la i ka halealii; o na moena weleweka, na liluna i hana maiauia me na lopi gula,i ame kala, nā lako pa nani, na mea aniani kumukuai nui, na lako apau oloko o ka haleaina ame ka halekuke, he mau mea kumukuai kiekie wale no ua haoia aku la a ku olohelohe ka hale, a o ka hope loa o na hana hoomainoino oia ka wawahiia ana ae o ka hale a palaha ilalo. a laweia āku Ia na apanapana laau ma o a maanei. He hiohiona manaoao loa ka mea i hanaia maluna o na wahine elua me ko laua mau waiwai apau, mamuli o ka inaina waie mai no o ka Moi Haroun o 'Bage { | (Aole i pau.) |