Ka Nupepa Kuokoa, Volume LV, Number 15, 13 April 1917 — HE MOOLELO NO MARY WANADA A I OLE Ka Ulaaia Ana o Kekahi Karaima Ekaeka i Hunakeleia e Nalo, a o ka Hoka Ana Hoi o ka Mea Manaoino [ARTICLE]

HE MOOLELO NO MARY WANADA A I OLE Ka Ulaaia Ana o Kekahi Karaima Ekaeka i Hunakeleia e Nalo, a o ka Hoka Ana Hoi o ka Mea Manaoino

"Uwoki na kamailio hoonaukiuki o kena ano e Benado, o ike auanei oe aole he hana maalahi ka hoopuka ana mai i na olelo hoohenehene a hoouluhua imua o kuu alo."

koke oe i ka puka, no'u e hemo aku ai iwaho, o hoikeia āku auanei kou mau ano apau e a'u imua o ka haku o kaua."

"Heaha auanei ka'u mea e maka'u aku ai iaia?" wahi a Julio i pane mai ai, me ka noke okoa ana ae i ka akaaka. "Ua olelo mai nei hoi paha oe ia'u e Benado, e hoea mai ana i ka la e lewalewa aku ai au maluna o ka amana likanaka ea; ke i aku nei nae au me ka hookamani ole, penei ka olelo noeau a ke kanaka naauao loa: 'O ke kanaka e hapai ana i kana pahikaua, na ka pahikaua'no auanei e pepehi mai iaia." "Ua nui ka poe a'u o ka hou ana me ka'u pahi, nolaila e hoea mai ana no hoi ko'u hopena, me ka oi o ka pahikaua, aole hoi maluna 0 ka amana likanaka. Ma ka po koke aku nei no i hala, e Benado, ua komo au iloko o kekahi hakaka nui, a he ewalu ka nui o ka poe 1 īilo i luahi no kuu pahikaua. Iwaena o lakou apau, he hookahi mea i maopopo loa ia'u, ua eha kona lima akau, a ma kahi o ka ekolu, a eha paha poe i waiho 1010 iluna o ka honua; a'u i manaoio loa ai, aole he hookahi o lakou e ike hou ana i ka malamalama o ka la. Ina oe e hele pu mai ana me a'u iloko o ka hale, e lohē pono no auanei oe i na mea apau." "Aole e hiki ia'u ke hele pu aku me oe e Julio, no ka mea he nui ka'u mau hana, a ke kakali loa ia mai nei paha au, o ko'ii hoi aku." **He mea nui loa keia a'u e hoike aku nei, e pono ai oe ke hoolohe mai i ka moolelo piha, o ka'u mau hana o ka po nei." 4 *Heaha aku auanei ia meahou au e hoike mai ai ia'u," o kela moolelo kahiko no, e pili ana i kau mau hana pepehikanaka e Julio. Ina he mea oiaio kena au e kamailio mai nei ea, alaila ua uuku loa ka ilina, no ka hookipa ana aku i na kino make, o ka poe apau i pepehiia e oe a make. E wehe koke ae oe i ka puka no'u e hemo aku ai iwaho. he hana hoapaapa wale no keia au ia'u e Julio." Ma kahi o ke kii aku e wehe i ka puka-pa, no ka hookuu ana aku ia Benado iwaho, hopu okoa aku la o Julio i kona hoa, a huki mai la aohe no hoi he hookololohe aku a ua o Benado, aka ae mai la no e hele pu me Julio noloko o ka hale. Ia laua nei no hoi a noho pono iho maluna o na noho, o ka i koke mai la no ia o Benado: "Owau wale no ko ka hale nei, mai kakahiaka mai ahiki i ka po ana, me ka loaa ole he kokoolua e kamailio pu ai; ua aneane maoli e 101.0 ko'u mau lehelehe, nolaila he mea pono, e hoolohe mai oe i ka'u mau meahou o ka po nei; ina paha ua makemake oe, a makemake ole paha. O ka mea a'u i hana aku ai, he hanohano pookela loa ia i loaa i kekahi kanaka ,a o ka mea i komo pu mai me a'u, e loaa pu ana ia hanohano iaia, elike me oe e Benado. I ? "Mai manao oe, he mau olelo palaueka wale no keia a'u, aole aka he kuio maōli no, a ua hiki ia'u ke hopu aku ia oe, me he kini,popo la iloko o kuu mau lima. Oiai nae he' hoaloha maikai loa oe no'u, aohe au hopohopo ana no ko'u hookau aku i kekahi pilikia maluna ou." alaila waiho aku la ua o Julio i ka pilina ana o ka lawe ana mai ia Benado mai, maluna o kekahi noho, me ka hoomau hou ana āku i kana kamailio ana: t4 Ke ike la no hoi paha oe i kela lapuwale ia Bufero ,ea? Oia kekahi o na kanaka piha lealea. a ina e kauohaia aku ana oia e pepehi i kekahi mea, aole ona ho6ka'ulua ana iho i ka hooko ana ia kauoha, ua like pu ke ola o ke kanaka, me he nalo la, i ke pa'i ae m,e ka lima, 0 ka make iho la no ia. *'0 ka poe apau e ike aku ana i ka helehelena o kela kanaka, aole e nele ana ka naka haalulu o ko lakou mau kuli. Aia ma kekahi hale, e ku kokoke ana i ke alanui, he hale hookipa, malaila iho la ka poe piliwaiwai e piha mau ai i na manawa apau, a e lohe mau ana oe i ka nakeke o ke gula mai ke ahiahi mai ahiki i ke ao ana, o kahi nae i loaa mai ai kela nui gula, o ke diabolo, wale no ka mea i maopopo. "Ua hele no hoi a poeleele, ma ka po nei, maalo ae la au ma ke alanui, a lohe aku la au i ka nakeke mai o ka ulu; ke ike mai la oe e Benado, o kela nakeke o ka ulu, ua like pu ia me kekahi mele maikai loa i pa mai ina kuu mau pepeiao; a oiai ua hele kuu mau manamanalima, a mane'o i ke ake no e olokaa i ka ulu, o ko'u huli koke aku la no ia a komo ana iloko o kela hale hookipa. ''Komo mua aku la nae au ma ke keena inu rama, a kauoha aku la i ka pakipa, e haawi mai i kiaha bia no'u, alaila hele aku la e noho maloko o kekahi rumi nui, i hoopuniia, e n,a kanaka piliwaiwai. No ka hiki hou oe iho ia'u ke kakali hoomanawanui, e nana aku i ka lakou la noke mai i ka piliwaiiwai, o ko'u hopu okoa aku la no ia 1 ka ulu, a kauoha aku la i kela poe, e piliwaiwai pu mai me a'u; he kono hoi i aa koke ia mai e kekahi poe o lakou. "I kinohi, e kaa ana 110 ka laki ma ko'u aoao, a e lilo ana no hoi au, aka nae, ia loihi ana aku o ka makou paani ana ua pii ino mai ia ko'u laki, o ka hele ia a piha kuu msu pakeke i ke gula. No ka panai ana aku nae i kekahi ha.na maikai ma ko'u aoao, i kela poe, i pau mai ka lakou mau dala, i ka lilo ia'u, kauoha okoa aku la au i ka pakipa, e haawi mai i kiaha waina 110 ka poe i poho ka lakou mau dala. o ka mea apiki nae, ua lilo kela hana a'u i mea e hoalaia aku ai na manao huhu ame ka inaina ioko o lakou, me ka nana ana mai me na maka hookokoe maluna o'u. "Ua like maoli no kela poe apau, me na kanaka powa, ame ka poe oki puu, a hoomaka nui ae la, e hoopuka i na olelo e pii ai ka inaina, aole 110 nae o'u maka'U aku ia lakou, ke noho malie wale aku la no au. hakilo ia lakou me ka makaukau pu, no ke kupale ana ia'u iho. iloko o ka wa o ka pilikia. ' Ua ike kela poe kanaka, aole e hiki i kekahi o lakou ke hoao mai e hookokoke ia'u, o kau aku auanei ka hopena poino maluna ona. nolaila ku mamao aku la no kela poe mai ia'u aku. Oiai no nae makou e noho ana; o ka wa.ia i komo mai ai o Buferio, a ia wa i hoike okoa aku ai kela poe kanaka, i ko lakou pau ana i ka puehu ia'u.; a i kona lohe ana ia mea, o ke kamailio koke mai la no ia, e piliwaiwai pu aku au me ia. I "O ko*u huluaa no ia e noho aku ana, o.ka loaa o ka hoa lealea, nolaila. o ko maua hoomaka koke iho la no ia e paani, o'ka mea apiki nae, ua kaa niau ka lahi ma kona aoao, o kela mau eke o'u i piha i ke dala, ke kahe ia me he wai la. I kela ame keia manawi e hoomahuahua mau ana maua i na dala e pili. ai, a e kaa mau ana nd Jca laki ma ka aoao o ko'u hoa lealea, pela ko maua moke ,ana i ka paani. ahiki i ke koe ana he elima wale no dala maloko o ko'u mau pakeke. * I kela mau dala no hoi. akahi no a huli ka laki ma ko'u aoao; ia wa i hoala koke mai ai ko'u hoa lealea i ka hoopaapaa ma ka olelo ana mai. aole i pololei ka'u olokaa ana i ka ulu. me kona hapuku ana mai i na dala apau e waiho ana maluna o ke pakaukau; no kela hana hoi ma kona aoao, o ko'u ku % kokē ae la no ia iluna, a kapa ?ku la iaia. i ke apuka. w Xo ia olelo i hoopukaia aku e a'u. o kona hoomaka koke mai Ia no ia e ku'i ia'u nra kuu mau maka, a mamuli wale no o ko'u piha eleu. ua hala-hu ae la kana puupuu. o ka hu o ka makani, ka i pa mai ma kuu helehelena, a iloko'o ka imo ana a ka maka, ua hemo koke ae la kuu pahikaua iwaho: a iloko na hoi o kela manawa hookahi. aia na pahikaua he iwakalua, ke liaualao'a la 1 ka lewa. <r n: manao mai ana paha oe e Benado, ua pilia au i ka maka'u* no kela maw pahikaua he nui, i makaukau e omo mai i ke koko o kuu puuwai? Aole loa au i ike ia mea he maka'u, aka ua hooi loa

ia inai la ko'u koa, ame ka uwila o ko'u ano. He hookahi nae u kela poe kanaka i hoao mai e lele imua o'u, o ka manawa iho la no ia o ko makou hoomaka ana e hakaka, a iloko o ka nui o kela poe, ua lilo lakou apau i mea paani imua o kuu alo, e niniu ana kuu pahi ma kuu aoao, aole he hookahi iwaena o kela poe i hiki ke hookokoke mai imu o kuu alo, aka ua puhee lakou mailoko aku o ka hale, a ku ana iwaho o ke alanui. i "Ua alualu aku la no au mahope o kela poe, ahiki i ko makou hoea ana i ke alanui, ua homaka hou iho la makou e kakapahi, hookahi no a' hauna ke .hahau• hina.aku la ; eua kanaka ilalo, o ka honua, a ke hu);?MrJ&hoi he pa-hu ka'u e lohe aku ai, iluna o.ka r lepo, a 0 Buferiq kanaka nui, a kauia o ka weli, he hookahi 110 a'u li'aHau. ana i kuu pahikaua, uwoki oe e moe malie ana, me elua o kona mau hoa, aole he ola i koe iloko oke kino. No ka'poe o lakou i pau i ka e h 1. ua hoomaka aku la lakou e holo, no ka paekana o ko lakou mau ola; a ku hookahi iho la au, no ke kakali ana no, o ka hoea hou mai he hoa paio, aole nae he maaloalo ae o kekahi mea." Ke hoolohe aku la o Benado i na hoakaka a Julio me ka hohola ana ae o ka minoaka ma kona mau papalina, me ka luliluli pu ana ae hoi o kona poo, a .0 ia ka Julio o ka i hou ana mai: "Pehea kou manao 110 keia meti au oka lohe ana mai la? Aole anei o kela kekahi o na hana kaulana, a pookela ;loa, i hookoia t kekahi kanaka?" •'Heaha auanei ka mea e kanalua iho ai 'o ka mānao, no kou lilo ana he kanaka koa, a o ka mea kupaianaha nae ea, ma keia kakahiaka koke iho nei no, i ike aku ai au ia Buferio. e holoholo ana maloko o ke kuea, aole hoi i make, elike me ka'u i lohe aku nei ia oe." "Aōle aku la kela o Buferio, aka ua kuhihewa oe i kekahi kaj naka okoa loa, o ua lapuwale nei ia o ke ao nei," i pane 'koke mai ai o Julio. "O kau paha kena e olelo mai nei ia'u, aka aole au i kuhihewa, oiai ua kamaaina loa au iaia, a o ua kanaka nei no kela, ma na ano apau." "Ea, ina aole io oia i make, elike hoi me kau e kamailio mai nei, alaia, aole e hiki iaia ke hele holoholo, no kekahi mau la, oiai ua loaa pono kona pōohiwi i ka'u pahikaua, e hala ai na mahina eonO iaia maluna o kahi moe, mamua o ka hoikeike hou ana mai o kona mau maka, imua o ka lehulehu." "Aole a kaua hoopaapaa hou ana i koe maluna o kela kum,uhana, aia no oe a ike pono aku i ua hoa paani nei ou, malia he mea ia e hoopauia ae ai kou pohihihi, a pehea, ua lawe mai nae paha oe i ko mau dala, o ka lilo ana ia Buferio ea?" "Pehea auanei e hiki ai ia'u ke lawe mai i kela mau dala, oiai aia maluna o kona kino?" , "Aole ia-he mea nui, ka lawe ana mai i kela mau dala, oiai ua olelo mai nei hoi oe, ua waiho malie kona kino iluna o ka honua, malalo o ko 'mau wawae, heaha ko mea i lalau ole iho ai i kela mau dala. ana i aihue ai.mai ia oe aku?" No kela ninau, maopopo ole' iho la ia Julio kana mea e pane mai ai, wale no oia, aka nae ike ala ana mai o kekahi noonoo maikai iloko ona, ia wa i pane mai ai : /'Ea, ua poina maoli au.no kela mau dala, i kau a mea o ka piha maoli nq me na manao pihoihoi, he hookahi mea nui iloko o ka wa o ka pilikia, o ia ke kaa o ka lanakila ma ko'u aoao, a e pau ko'u mau enemi, ika lilo i mau pio na'u. Ina no paha au i noonoo ae no kelā mau dala, aole 110 e hiki ia'u ke lawe mai, no ka mea ia'u 110 eku ana, ia wa i ike mai ai ke kanaka kia ; ipo ika waiho o kela mau kanaka iluna o ka honua, o kona holo aku la no ia e hoike imua o ka makai nui, a nona hoi ke kii i ke kanaka ;o ke aupuni, o ko'u haalele aku la no ia i kela wahi, aia ka pono o ko'u kaawale aku no kahi e, e paa ole mai ai au i ka hopuia." "Aolie aku la he ano maopopo ia'u o kau mēa e kamailio mai nei, no ke kumu i hiki ole ai ia oe ke lawe ipai i kela niau dala. He keu no hoi nau no i olelo mai nei, ua ku malie oe ma kela wahi 110 ka hapaha hora ka loihi, aole anei, ua nui loa kela manawa nou e huli aku ai i ke kino o Buferio? A pehea e Julio, ua nui nae paha ke koko i hookaheia ea?" "O ka nui hea aku auanei ia o ka o ke koko, no ka mea ua hahana maoli kela paio mawaena o'u apie ko'u mau enems a mamuli wale 110 o ko'u piha maka'u ole, pela iho la i kaa mai ai ka lanakila ma ko'u aoao, a make kekahi-o ko'u mau enemi." Hana pono loa aku la o Benado i kona hoa olelo, me ka hakilo ana mailuna mai o ke poo ahiki ilalo o na wawae, a i aku la: > "Ua niakemake au e hoike aku ia oe i kekahi mea, a malia e hoalaia aku ana kou huhu ia'u, no ka ®iaio ole o kena moolelo au e haanui mai nei, o ka mea oiaio loa ma ko'u mānao, aole loa he kulu koko i hookaheia ma ka po nei, no ka mea aole he t kau mai o kekahi kulu koko maluna o kou lohe, a o na mea au i kamailio mai nei ea, he moeuhane palaualelo wale no ia nau." I ka lohe ana aku o Julio i kela mau olelo, ua- hoopii koke ia aku kona inaina wela, a nana mai la ia'Benado me na maka huhu, 0 ia no oe o kekahi liona, i makaukau e lele mai mluna o kana mea 1 makemake ai e ale.

"O kau olelo iho la anei ia e kamailio mai ai ia'u, e kena kanaka hehena? Ua hele au a piha loa i ka huhu ia oe, a ina no ka hookau aku i kuu mau lima maluna ou, ua hiki loa ia'u ke opa aku ia oe, a kohu i'a lomi, ka palahe. I mea e hooluoluia aku ai ka manao huhū o Julio, ku ae la o Benado iluna, a i aku la: "Ke nonoi aku nei au i kau mau huikala art& mai e Julio, he mau olelo hookolohe wale aku nei no kela a'u, o ka mea oiaio ea, ua pololei na mea au i hoike mai nei; o ko'u ano iho la no nae ia o ke kolohe. nolaila e hoea mai ana kekahi mau hana ano nui o keia ano ma keia mua atcu, a lilo au i mea hoopii aku i kou huhu, mai inaina oe ia'u, ua maopopo ae la ko'u ano ia oe i keia manawa." "Ina he kanaka kino ikaika oe e Benado, ina ua aa koke aku au ia oe e ana pahikaua pu kaua. aole hoi e hihi he kino nawaliwali kou, he hana hilahila no'u ka hoeha ana aku i kekahi mea elike me kou ano, aka nae ua hele au, a u-luku maoli me ka huhu, me ka manao maoli no e hou aku i kuu pahikaua ma ko puuwai." "E hoihoi i kau pahi iloko o ka wa-hi, a no ka hooma-u ana aku i ko puu ea, ke ae aku nei au e hele e kuai i omole w r aina nou, ā ina he omole bia kou makemake, e loaa ana ia ia'u iloko o ka manawa pokole loa." 4, He dala no hoi ha kau, hoopunipuni mua mai nei nae oe ia'u, a no ko ike paha i ko'u huhu. pela oe e hoao mai nei e hoomalielie i ko'u inaina. Heaha la hoi, ina he mau kilina waiho wale kekahi au ea, e oluolu oe e haawi mai ia'u ma ke ano aie aku 110 hoi, a' e lilo kaua i mau hoaloha pilipaa loa. a ke hoohiki pu aku nei au imua ou, o ke kanaka mua loa e hoao ana e hoopoino mai ia oe, he kanaka make ia. i kuu pahikaua." : "Haawi aku no paha auanei au i ke data ia.oe'e Julio. o ko hele kōke aku no ia e piliwaiwai, a puehu i ka makani, heaha iho la ka mea loaa mai ia oe! Ina hoi paha he pilikia maoli kou, alaila aole au e au'a i ka haawi ana aku i ke dala, i mea nou e pono ai!" "Mai ia wahi, ua kuhihewa oe e Benado; o keia mau kilina a'u i makemake ai e aie aku ia oe. no ka hele ana aku no ia e kuai i kekahi mea a ka haku o kaua i kauoha mai ai i nehinei." No ka manaoio o Benado, ke kamailio aku nei o Julio iaia i ka mea oiaio. o kona wehe ae la no ia i kana wahi eke dala, a hoikeike mai la i na kilina oloko, a haawi mai la me ka i apa mai:"^ "O ka'u mau wahi dala ihqja a no (ioi ;ea., ke haawi aku nei au> me ka manao. no!nae iloko. o'u, e puehu ana no keia mau dala. ēlike me ka puehu ana o kau māu daJa i ka makani. o na mianawa ae nei i hala." Lalau aku la o Julio i na kilina i haawiia piai iaia, a hookomo iho la maloko o kona mau pakeke, me ka i ana aku: "Aole no au e hoole aku ana imua oU, aole au e hele ana i ka hale piliwaiwai i keia po. malia o loaa no hoi he walii pono ia'u, maniua hoi o ka hiamoe wale iho no o ka po loloa." "Auhea oe e Julio. ua piha maoli au i ke aloha nou, i kou hoomaunauna wale i kau mau dala i ka waiona ame ka piliwaiwai. E hoomanao, he makua h ine makapo kou, i makemake e loaa he mau kokua ana mai ia oe aku kana keiki. Ke hoomanao nei no au i kou noke mau i ke kamailio e hoouna aku i kekahi mau kokua i ko makuahine. eia nae, no na mahina eono i kaahope aku nei, ua uhauha wale aku no oe i kau mau dala apau ma ka piliwaiwai, me

ka loaa ole mai lie pomaikai ia oe. Ahea la oe, hoomanao ae no kou makuahine palupahi, malia paha, aia oia iloko o ka pilikia i keia manawa, eia 110 nae oe ke noonoo mau nei 110 ka hele i ka piliwaiwai, a no ka hele i ka inu rama." Ua hoopaia aku ka uhane o Julio me kela mau olelo a Benado, no ka mea ua kulou iho la kona poo ilalo, a i ka aea ana ipai iluna, i mai la i kona hoa: "Ke makemake nei au e hoike aku ia oe, mai hoao oe e hoala hou mai i na mea e pili ana no kuu makuahine, no ka mea, ua hoēHaieha riiai ōe i kuu uhane', a ua hilahila maoli au i ko'u ano, no ko'u piha lokōino maoli iaia. Ua pololei oe e Benado i kamailio mai n.ei, no ko'u mau ano, a e hoao no au e lilo i kanaka maikai ma keia mua aku; o ka'u w r ale no nae e noi aku nei ia oe, ua lawa keia kamailio pu ana a kaua, a e hele oe no kau hana, a e waiho mai ia'u, e hoomau aku i ka'u mau hana, i pau pono ole i ka hookoia. "Heaha keia hana nui au e Julio? O keia iho la ke kolu o na pilina au i kauoha mai ai ia'u e lawe aku ia oe, a o ka mea kupaianaha no hoi, aole mai kahi hookahi mai kela mau pilina apau, aka mai na wahi like ole mai?" "He meahuna keia, aole he mea e, ae i maopopo, owau wale no ame kuu haku." f ; h'e'meahuna anei ka olua? Heaha iho la ka meahuna 1 pili i na pilina?" wahi a Benado me ka piha i ke pahaohao. "I wahi e pau ai kou kuhihewa ea, ke noi aku nei au ia oe e hele pu mai me a'u, a i kou ike ana i keia meahuna, e humuhumu oe i ko waha a paa loa, mai hoopuka iki, oe he hookahi huaolelo 0 kau mau mea apau i ike ai i kekahi kino kanaka okoa akl.l, mawaho oe." , No ka makemake io o Benado e ike i ka meahuna 1 pili no kela mau pilina ana e lawe mau mai ana ia Julio, ua haawi aku la oia 1 kona ae, o ko laua nei hele aku la no ia a komo ma kekahi keena, a i ka wa i weheia ae ai ka puka, aia hoi e waiho mai ana he mau noho paipai, he like wale no ko lakou mau ano apau, a koe nae h^ 0kahi noho, ua han4ia he mau pilina pi'o, a ua hoopaaia ma kahi o na lima e kalele iho ai. "O keia ka'u hana nui, no na la eha. ae nei i hala, o ka hana ana, me*ka hoomaha ole. Mam.uli nae oka loaa ana mai la o pilina hou, e holopono ana ka'u hana, a o ka pau ana ia o ka lulii." No kekahi manawa ka nana pono ana a Benado, i ke ano O ka hanaia ana o kela noho me na pilina, alaila maopopo mai la iaia ka manao i hanaia ai o kela noho, ia wa i hooho ae ai oia, me ka piha i ke pihoihoi, me ka nee ana aku a kaawale mai ua noho nei mai: "Ea, akahi a maopopo ia'u ka manao o keia mea au e hana nei, 0 ia'hoi he noho keia, ma ke ano he umii kanaka. Ua maa anei oe e Julio i ke alakai ana mai i kekahi poe kanaka maloko o keia rumi ?" No ka pane ma ko Julio aoao, kunou wale aku la no kona poo, e hooiaio aku ana ua pololei ka Benado i kamailio mai ai no ka hana a kela noho. Me ka helehelena i hele a haikea, i pane hou mai ai o Benado: "O e na lani, e hoopakele mai ia'u, mai ka lilo ana; i meapaahana na ke diabolo. Heaha ke karaima nui i manaoia ai e hoohana aku 1 keia noho au e Julio? Ua maopopo no anei iko haku, keia noho au i hana ai?" alaila kuhikuhi ae la o Benado i kona manamanalima mamua o kona alo, elike me ka hoailona a na Kakolika e hana mau ai. No kela hana a Benado, ua noke ae la o Julio i ka akaaka, alaila pa'i aku la ma ka poohiwi o Benado, me ka i ana aku: ''Ile keu aku oe a ka hupo nui wale e Benado, me he mea la, ke ike e aku nei no oe i kekahi kanaka, ua paa i ka iimii ia iluna o keia noho, elike pahā me kau mau mea i heluhelu ai maloko'o na moolelo. Aole loa lie mea o ia ano i ranaia; aka ke hooko wale nei no au i keia hana, elike me ke kauoha a ka haku o kaua.

"Ua makemake ua hāku la. e hoomaemaeia ke kihapai pua, a e hoomaemae pu ia na mapunawai pipii, me ka waihoia o keia noho malalo o kekahi wahi kupono, a o.ka mea niua loa e hele ana a noho maluna olaila, e paa ana oia i.ka umiiia, a o ka m!ana>va ia o kona mau hoalohā e kiki aku ai i ka wai maluna ona; he mau harla uluahewa wale no keia o ua haku nei o kaua, me ka maopopo ole ia'u o kona makemake maoli." . "He keu no paha au a ke kanaka hohewale, aōle ka hoi 1 make kekahi mea maluna o kena noho la, ia'u hoi keia, kau e no ka weli," alaila noke okoa ae la ua o Benado ika akaaka, no kona ano. "Ua lawa ae la ko'u ike ana i ko noho, e wehe ae i ka puka, a hemo aku kaua iwaho, ke kakali loa'ia mai la paha au ma ka halehana o ko'u Hele io aku la o Julio e wehe i ka puka, a hookuu aku la i kona kokoolua e hoi, a hoomau aku la no oia i ka hana ana i ka pilina hou o ka loaa ana mai i kela noho. laia no nae e hana la, me ka hoao ana, ina ua holopono kana mau mea apau i rruanao ai, aia pu no oia ke noonoo la no ko Benado ano a hoomaka okoa ae la oia e akaaka, me ka hooho pu ana ae i keia mau olelo: "He keu hoi kela a ke kuapuu hupo nui wale, a ua hiki loa no iaia ke manaoio, ina e hoopunipunia aku ana, he hiki i ka popoki ke hanau mai ika huamoa,. Ua manaoio maoli 119 oia i ka'u mau mea 0 ke kamailio ana aku, no ko'u hakaka ana rrie Buferio ame kona mau hoaloha, a pau nui i ka eha ia'u. He keu no hoi kela o k? kanaka a ka hohewale, o ka hele ka hoi ia a piha loa oja i ka maka u m<e ka wehe okoa ana mai nei i na dala o kana eke a haawi ia u, 1 ka hooweliweli wale ia aku no, a loaa ana keia mau kenikeni me ka maalahi. . "Heaha la hoi, elua iho la a'u kilina i keia manawa, a ke uhi mai nei ka malu o ka po, nolaila e waiho ana au i ka'u hana no kekahi manawa okoa aku. E hele aku ana au i keia ahiahi no ka piliwaiwai, me ka paani ana ma na peni, a ina e kaa mai ana ka laki ma ko'u aoao, e hele ana ka hoi kuu mau pakeke a piha i kc gula ame ke dala. Ina e piha i'o mai ana kuumau paeke ike dala, manao au, o ka hope loa ia o ko'u piliwaiwai ana; a hoouna aku au i kekahi mau dala, no ke kokua ana i kuu makuahine ilihune. Pehea aku nei la oia, aole o'u kakau iki a'ku, e hiki ai la hoi ke maopopo kekahi mea e pili ana iaia. Malia paha ua haalele kahiko mai pia i keia ola ana, ina nae pela, he oi aku ia, mamua o ke ola ana, e noke ai i ka hoomanaw r anui i na auwe o keia ao. "Hu mai la ka hoi kuu aloha no kuu makuahine makapo. i nele .i ka ohana nana e malama aku iaia, koe wale no kana keiki nei, ka mea e holopee nei malalo o kekahi inoa kapakapa, i wahi nona e pakele ai mai ka amana likanaka ae. He keiki ona, he piliwaiwai, a he paahao mahuka, o, e hoao au e lilo i kanaka maikai ma keia hope aku; a ke loaa io he pomaikai. ia'«, aole au e hoopoina i kuu makuahine. "Ua paa aku la nae na pilina. ma ko lakou mau \vahi, a pehea la e holo'pōiīo-ana paha ka lakou mau hana," ia wa i ku ae ai ua o Julio iluna, a hookokoke aku la i kahi e nolio iho ai, ia wa nae i lele "ino aku ai oia a ku ana i kahi e, ua ppina loa pia i ka manap nui i hanaia ai o kela noho a o ia kana o ka i ana ae: "Pakele maoli au, mai lilo i pio na keia noho, ina no ko'u hoao aku nei e noho ilalo, i ikeia ae ai ka hana a keia mau pilina; o ko'u mea pa"ha e pakele ai, o ka hoea mai o kuu haku i keia ahiahi, a nana e wehe ae ia'u, mai ka umii mai. Ke lohe nei nae au ika nakeke mai o ke'ki o ka puka owaho loa, o ua haku nei paha keia o'u, e hele mai nei!" No ke kakali ana o ka hoea mai p kpna l\aku. nphp pkpa ihp la np ua'-ō" Julio mamua p ka nphp iluna p ka papahele, ke npke la np M l ki : nana rrta o a'maanei, me ka npke pu ana np hpi i ka himeni, a iloko o kona nanea, i weheia mai ai ka puka, a ku ana no kona haku mawaho, oia o Simona Tuki, aole no nae he huli mai o ua o Julio nana iwahp, aka ke hppmau la np i ka himeni ana, piai hoi kona haku. e noke aku ana i ka hakiho i kana kauwa.

Me na kainawawae malie loa, i nehe aku ai ka Simbna hele ana a hoopa iho la i kekahi lima maluna o ka poohiwi o Julio, o ka manawa no ia o ua kanaka nei i ku koke ae ai iluna, me ka unuhi ana ae i kana pahikaua iwaho, a»anehe mai la e hou i kona haku. he mau hana pulapu wale no nae keia a Julio, i manoio akuai o Simona. ua makaukau mau kana kauwa, no ka paio ana mai me ka poe apau e hoea aku ana imua o kona alo, no ka pono o ka meahuna a kona haku. . (Aole i pau). ;