Ka Nupepa Kuokoa, Volume LV, Number 21, 25 May 1917 — AOLE I HAMAU KA LEO O KA PELE O KAWAIAHAO [ARTICLE]

AOLE I HAMAU KA LEO O KA PELE O KAWAIAHAO

Lunahooponopono o ke Kuokoa, Aloha oe: —Owai nei opuino i hoolaha hoopnnipuni maloko o ka nupepa Advertiser o ka Poaono, Mei 19, 1917, e olelo ana ua hamau ka ka lea o ka bele o Kawaiahaol Owaif Eia no ka haina, 0 'kekahi no o na hoahanau hoohaunaele o ua Ekaleaia makua aloha la 1 hoohalike iaia iho me luda Isekariota. Ma ka po Poakolu aku, Mei 16, he halawai ko ia po, a ua hookaniia no ka bele; Ma ka auwinala Poalima mai aohe i hookaniia ka bele, no ka mea, aohe halawai a na wahine maloko o ka luakini o Kawaiahao, ma kahi o Mrs. Coney i malamaia ai ka halawai, nolaila i bele aha ia e hookani ai i Kawaiahao, i Hikauhi i Himanamana kahi 0 ka halawai e malamaia ai? Ina no ia la ka olelo no ka hookani ole ia o ka tiele, alaila, ua pololei, a o ke kumu o ka hookani ole ia _ana ua hoikeia ae la maluna. Pehea no e lohe ai nei hoahanau i ke kani o ka bele aohe no he manawa 1 kiei ae ai i na halawai Poakolu a oki loa aku i na halawai a ua wahine. E ka mea hoomauhala! E ka hoahanau hoohaunaele,- ina nau keia ho6laha lalau ,a i ole nau paha i hoike ae me ka hoopunipuni i kekahi o ka poe kakau nupepa, ahea oe hoopau ae i kou manao inaina? Pehea kou ano haipule a Kristiano, he oiaio anei? O oe anei kekahi o na hoahanau e ake nei e hoopau i ke kahu Rev. H. H. Paleka mahope o kona noho hoomanawanui ana i ka ekalesia, a i na hoahanau hoohaunaele manaoino no na makahiki he 53? O oe anei kekahi e kakoo ana i ka olelo hooholo hilinai ole i ke kahu a ka Mea Hanohano Jas. H. S. Kaleo o ka waiho ana ae imua o ka halawai a ke komite "ole wale"? Uhu! Ina pela aloha wale! Me ka mahalo i ka lunahooponopono. Me ka oiaio, J. K. NAKILA.