Ka Nupepa Kuokoa, Volume LV, Number 28, 13 July 1917 — MAKE HOU IA MAU BIPI MA MAUI I KA MA'I ANTHRAX. [ARTICLE]

MAKE HOU IA MAU BIPI MA MAUI I KA MA'I ANTHRAX.

Ua puka hou ae ka ka ma'i Anthrax ma Maui a he mau bipi hou ka i make ia ano ma'i o ka hoolaha maoliia ana aku e kekahi poe manaoino, elike me ka moolelo. ■He lono .keia i hoikeia mai ma ke kelekalapa uweaole i ka papa maliiai ame ululaau, ma ia lono he ekolu ka mau bipi hou i make mai la maloko o ka apana o Paanua, kekahi hapa o ka aina hanai holoholona o Haleakala, a ua hoouna kokeia aku ka ka laau i ka wa i loaa mai o ia lono. I Hawaii aku nei ke kauka o na holoholona Norgaard a iaia ka i hoi piai ai ua hoohaule iki aku oia i Maui no ka nana ana i na holoholona i make me ka ohenana hoonui ike. O ke ano hana ka e hoomauia mai la ma Hawaii, elike me ka ke Kauka Norgaard o ka hoike ana ae, a e hoolahaia ae aohe aeia o kekahi kanaka kuleana ole e hele wale maluna o na aina lianai holoholonaa mamuli o ka manaoia na kahi poe manaoio no e hoolaha nei ia ma'i.