Ka Nupepa Kuokoa, Volume LV, Number 41, 12 October 1917 — KE KUMUKUAI O KA I'A I KEIA MANAWA . [ARTICLE]

KE KUMUKUAI O KA I'A I KEIA MANAWA .

Aole lie manawa i halawai mai ai kekahi kulana kupilikii me kakou no ke kumukuai o na i'a ma ka makeke e kuaiia nei, elike la me keia wa, a ua aneane hiki ole maoli i kekahi heluna nui o kakou e kuai i na i'a i maa ia lakou, i na wa ae nei i hala. O ka ninau a kakou e hoala ae ai iloko o keia manawa, he alahele anei kekahi e emi mai ai ke kumukuai o ka i'a, e hiki ai i ke kanaka ilihune ke kuai ? O kakou na Hawaii, he poe ai i'a kakou, a o ka i'a kekahi mea haule ole ia kakou i ke kuai i kela ame keia la, aka ina penei iho la ka pii o ke kumukuai o ka i'a, ua ahona ko kakou kuai ole ana, aka e kuai aku ma kekahi mau mea e ae, e laa ka pipi, ke kamano a mau i'o holoholona emi mai paha o ke kumukuai. Aole he olelo ana no ka poe kuonoono, a nui o ke elala, ua hiki ia Kakou ke kuai i ka i'a i na manawa apau, me ka ninau ole i ka pipii a emi paha, no kakou ka ke Kuokoa e mihi nei, i ke ku a pilikia ma oli, e hooiieleia ai kakou i ka ai ana i kekahi mau i'a i kamaaina loa i ko kakou mau pakaukau aina. Aole he hoopaapaa ana no ka pii maoli o ke kumukuai o ka i'a, a makou e manao nei, he hana hiki no ke lawelaweia aku ma kekahi ano, i mea e emi mai ai ke kumukuai, a 110 ka pane ana ae i ka ninau maluna ae, ke hoakaka nei ke Kuokoa i kona manao: * Ma kekahi mau walii ma Amenka, ua hoopii ae na halekuai meaai i ke kumukuai o ka huamoa a kiekie maoli, me ka hiki ole i na poo ohana ke kuai i na huamoa no ko lakou mau home, o ka hana a kekahi poe wahine i lawe ae» ai a hooko aku, o ia no ko lakou hoala ana i ahahui, a kahea i na poo ohana apau e komo iloko o ka ahahui, me ka hoohiki ana aole loa he hookahi mea, e hele e kuai huamoa no kekahi mau la. He mea oiaio, ua hana kela ahahui elike me ia a kona mau lala i hooholo ai, o ka hopena i ikeia, ma kahi o na pomaikai nui, a na ona halekuai meaai i manao ai, e loaa ana ia lakou, ua kau aku ke poho, ma ia wahi, no ka mea aole he poe na lakou e kuai i na huamoa, a ua kiola wale ia na huamoa me ka pomaikai ole, a no ia kumu, ua hoemiia mai ke kumukuai o na huamoa, a ua hookoia hoi ka makemake o kela ahahui, me ko lakou ai mau i na huamoa me ke kumukuai kupono. He hana hiki keia ke lawelaweia maanei nei, ina he like ka manao o na lahui ai i'a apau, e laa na Kepani ame na Hawaii, e hoalaia he ahahui, a e laweia kekahi hoohiki paa aole e kuai i na i'a o ka makeke, me ke kanalua ole ke olelo ae, e konoia aku ana ka poe kuai i'a o ka makeke, e hoemi mai i na kumukuai, e hiki ai i ka poe ilihune, ke kuarf, elike me ka waiwaiio no ka lakou mau dala. He hana ano maikai ole paha kela a ka poe kuai i i'a e nana mai ai, ina pela, eia keia alahele hiki ke hanaia, o ia no ka lawe ana ae o ke komisina o na meaai i ka mana, iloko o ko lakou lima, a kau mai [i ke kumukuai maluna o na i'a, a e hoopauia hoi ke kudalaia ana o na i'a elike me ia e hanaia nei i keia manawa. | O keia kudalaia oka i'a kekahi kumu nana i hai pai ae i ke kumukuai o ka i'a a pipii maoli; oiai ! nae he oluolu no ke kumukuai ina mai ka poe lawa- | i'a mai e kuaiia mai ai i na pakaukau o ka makeke, aka i ka wa e kuaiia ai ma ke kudala, e koho ana kela ame keia mea he pakaukau kuai i'a kana ahiki aku i ka palua a i ole pakolu iho ke kumukuai i ka waiwaiiō maoli o ka i'a, a i kona kuai ana mai hoi i ka lehulehu, e paku'i iho ana oia he kumukuai hou maluna iho, no ka pomaikai o kana oihana. Ina he mana i'o ko ke komisina o na meaai, ma ka ninau pili i ke kumukuai o na i'ia, i mea e waiwai ai kela komisina, e hoohana koke aku i kona mana, mamua o ka hoomahuahua loa ia ae o keia pilikia.

O ka waiho ana mai o ka Rev. H. H. Paleka i ka noho kahu ana no ka Ekalesia o Kawaiahao, mahope iho o na makahiki he nui o kona malama ana i kela Ekalesia, e lilo ana ia i mea hoehaeha aku i ka manao o kekahi heluna nui o na hoahanau ame ka poe i makee aku e ike i kona noho.poo.ana no kela Ekalesia; a he mea maikai ole hoi ma kekahi ano ke nana ae i kona waiho ana niai i ka Ekalesia, iloko o ka manawa e 0010-ku nei; a keia pepa e hopohopo nei, e waiho iho ana oia i ka Ekalesia iloko o kekahi kulana maikai ole, e lilo aku ai i hana nui na ka mea e pani ae ana i kona makalua, ke kukulu hou ana i na hana o k'a Ekalesia maluna oke kahua holomua; a o ka mea oi aku oka minamina, o ia no ka ukali ana aku o ke Kahu Kula Sabati Mrs. \Vilcox ma ia meheu hookahi, e lilo ai 1 hana paakiki ke pani ana ae i kona makalua, no ka pono q. na haumana Kwla Sabati opiopio.