Ka Nupepa Kuokoa, Volume LVI, Number 9, 1 March 1918 — Page 8

Ka Nupepa Kuokoa

KE KILOHANA POOKELA NO KA LAHUI HAWAII

 

CLOTHING

FOR MEN & YOUTH

ON CREDIT

THE MODEL

FORT ST. NEXT TO CONVENT

 

Kauka T. Mitamura

Keana Hana: 1412 Alanui Nuuanu

Kihi Alanui Vinia Tel. Ke@na, 1540;

Tel. Halenoho, 2613. Pahu Leta, 842.

 

He mea Malam Ma ʻ i o ka Halema

o ke Kula Kiekie o Kyto ka i hoolima -

iimai no ka hoohanau keiki ana, ʻia

hiki no e hoola@-oia rumi hoohanau

keiki                                        2501

 

            WILLIAM KAUHI POAI

Agena Hoaie Dala, Agena Kukulu Hale, Mea Imi Aina, a he Mea Kaui Aina Koena Oihana, ma ka Waity Building, Rumi Helu 3, Alanui Moi, maweana i o Alanui Betela ame Papu.

 

MA KE KAUOHA

TERITORE O HAWAII

 

Koena o ka Puuku, Honolulu, Oahu.

 

Ma ka hana e hoopauk a@@ i ka HAWAIIAN ISLANDS PACKING COMPANY, LIMITED. OIAI, o ka HAWAIIAN ISLANDS PACKING COMPANY, LIMITED, he hui ia i kukuluia a e ku ana malalo @ ma ka mana o na knawai o ke Teri- tore o Hawaii, i kulike ai me ke kana- wai i hoomakaukauia ma na ha@@ o keia ano, ua waiho ia mai i loko keia keena@ he palapla noi no ka hoopu ana i ka hui i oleloia, hui pu me kekahi pala- pala i hooiaioia i hoohui pu ia me ia,clike me ia i koiia ai ma ke kanawai. NOLAILA, ma keia ke haawiia aku

nei ka hoolaha i kekahi mea, a i na kanaka no apau he mau kuleana ma-

mua a e kuleana nei paha i keia ma- nawa ma kekahi ano iloko o ka hui i oleloia, e pono e waiho mai i na ku-e aua no ka ae ia aku o ka palapala noi i oleloia maloko o keia keena, mamua ae a ma ka hora 12 awakea o ka la 5 o Apeila, 1918, a o kela ame keia mea e makemake ana e hooloheia aku ma-luna o ia mea, he pono e hoea kino ae ma ke keena o ka mea nona ka inoa. malalo iho maloko o ka Hale Mana Hoo-ko, Honolulu, ma ka hora 12 awakea o ka la i oleloia, a e hoike mai i ke ku-

mu, in a he kumu kekahi, i wahi e ae ole ia aku ai ka palapala noi i oleloia

            C. J. McCARTHY,

            Puuku, Teritore o Hawaii.

Honolulu, Dekemaba 28, 1917.

6276--Jan. 4, 11, 18, 26; Feb. 1, 8, 15,

                        22; Mar. 1, 8.

 

            TERITORE O HAWAII

 

Keena o ka Puuku, Honolulu, Oahu. Ma ka hana o hopau ana i ka WAIMEA OIAI, o ka WAIMEA PINEAPPLE HUI, LIMTED, he hui ia i kukuluia a e ku ana malalo a ma ka mana o na kauawai o ke Teritore o Hawaii, i kulike ai me ke kanawai i homakaukauia ma na hana o keia ano, ua waiho ia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia ,elike me ia i koiia ai ma ke kanawai.

            NOLAIALA, ma keia ke haawiia aku nei ka hoolaha i kekahi mea, a i na kanaka no apau he mau, kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka awe ia aku o ka palapla noi i oleloia maloko o keia keena, mamua ae a ma ka hora 12 awakea o ka la 5 o Aperila, 1918, a o kela ame keia mea e makemake ana e hooloheia aku maluna o ia mea, he pno e hoea kino ae ma ke keena o ka mea no@a ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

                                                            C. J. McCARTHY,

                                                            Puuku, Teritore o Hawaii.

                                                Honolulu, Ianuari 4, 1918.

                                    6277--Jan. 11, 18, 25; Feb. 1, 8, 15, 22;

                                                            Mar. 1, 8, 15.

            TERITORE O HAWAII

Keena o ka Puuku, Honolulu, Oahu.

 

Mia ka hana e hoopau aua i ka L. Y. AIONA LAND COMPANY, LIMITED.

            OIAI, o ka L. Y. AIONA LAND COMPANY, LIMITED. he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waiho ia mai iloko o keia keena he palapala @@i no ka hoopau ana i ka hui i oleloia, hui pu me kekai palapala i hooiaioia i ho@hui pu ia me ia ,elike @@@ ia i koiia ai @@@ ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka no apau he mau kuleana mamua a e kuleana nei paha i keia manawa a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka ae ia aku o ka palapala noi. i oleloia maloko o keia keena, mamua ae a ma ka hora 12 awakea o ka la 17 o Mei, 1918 ,a o kela ame keia kanaka e makemake ana e hooloheia aku maluna o ia mea, he pono e hoea kino ae ma ke @ @@@@ @ @a @@@ nona ka inoa malalo iho maloko o ka Hale Mana Hooko, Ho-@@@@, @@ @@ @@@@ 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

                                                                        C. J. McCARTHY,

                                                            Puuku, Teritore o Hawaii.

                                                            Honolulu, Feberuari 1, 1918

                                                @@@3--Mar. 1, 8, 15, 22, 29; Apr. 5, 12,

                                                                        19, 26; Mei 3.

 

HOOLAHA

 

    E malamia ana e ke Komisina o na Hana Kivila o Honolulu he hoike hookuku laula a i hoonohonoho papa ia ma ka halekula kiekie McKinley, kihi o na alanui Beritania ame Victoria, Honolulu, ma ka Poaono, Markaki 23, 1918, ma ka hora 7:30 p. m., no na makaainana Amerika e makemake anaʻi mau kulana oihana maloko o ke keena kinaiahi o Honolulu ame ke keena o ka Oihana Makai o ke Aupuni Kulanakauhale a Kalana o Honolulu, o ia hoike i oleloia ae la e malamaia no ia malalo o na rula ame na hooponopono ana a ke Komisina i oleloia, no na kulana oihana malalo nei:

 

OIHANA KINAIAHI,

Hoike Lauka no na Mea Apau.

OIHANA MAKAI,

Makai Kaulio, Makai Kuhuina, Makai Motokaikala, Makai Kaa, Makaikiu, Kiai Halepaahao, Makai no na Kuaaina ame na Wahine Hooponopono.

Ua hiki no e loaa na pepa paʻihakahaka no na palapala noi ma ke keena oihana o ke kakauolelo o ke Kulanakauhale a Kalana ma ka Hale McIntyre Honolulu, a e pono e waihoia ae ia palapala noi maloko o ke keena i oleloia ae la, aole e lohi aku mahope o ka hora 12 awakea o ka Poakahi, Maraki 11, 1918.

O ka mea noi, he mea oia e noho ana maloko o ke Kulanakauhale a Kalana o Honolulu no ka manawa i emi ole iho malalo o hookahi makahiki mamua ae o ka la o ka hoike ana.

O ka mea e noi ana no ke kulana makai nana kaa paha, e pono e loaa iaia ke kiekie o elima kapuai ame eiwa iniha, a he kaumaha kona i emi ole iho malalo o ka 150 paona, a no ke kanaka kinaiahi hoi he kaumaha kona i emi ole iho malalo o ka 145 paona.

O ka põe noi no na kulana oihana apau mwaho ae o na wahine hooponopono, e pono e hele ae e hoike ma ka Hale Hooikaikakino a Baron, kihi o na Alanui Alakea ame Kalepa, Honolulu, ma ka Poaono, Markaki 16, 1918, ma ka hora 12 awakea, no ka hoao ana i ko lakou mau aahuki ame ko Iakou mau ola kino.

            Ma ke kauoha a ka

HONOLULU CIVIL. SERVICE COMMISSION,

                        D. KALAUOKALANI,

6283--tf.                                                         Kakauolelo.

 

                                    MA KE KAUOHA

HOOLAHA E WAIHO MAI I NA KOI

    Mamuli o ka mana i loaa iaʻu malalo o na kumu o ka Aelike Helu 8, i hanaia mawaena o ke Komisina Waihona Aie o ke Kalan o Hawaii ame P. H. Hurley, no ka hana ana i ka Mahele o Kukaiau o ke Alanui Holopuni o ke Kalana o Hawaii i oleloia, e paa i ke koena e ukuia aku ai i ka Mea Paa Aelike, i ka wa e paa pono ai ka hana, no ka uku ana aku i na aie e ku-e ana iaia, ma keia ke noiia aku nei ka Poe Paa Aie apau o P. H. Hurley i oleloia, no, a i pili paha i ka Aelike i oleloʻa, e waiho mai i mea hoomanao o ka lakou koi me keia keena.

     O na koi apu i loaa ole mai ai he hoikeia i keia keena mamua ae o ka la 26 o Marakai, 1918, aole e hooloheia ma ka hooponopono hope loa ana e ke Teritore me P. H. Hurley, o ia hoi e hanaia ana ma kela manawa.

                                                M. G. K. HOPKINS

                        Lunahooia, Teritore o Hawaii.

            6283--Feb. 22; Ma.r 1, 8, 15, 22.

 

HOOLAHA

UKU ANA I NA AUHAU WAI.

     I kulike ai me ke Kauoha Kanawai Helu 65, elike me ia i hooloiia ai e ke Kauoha Kanawai Helu 91 ame 102 o ke Kulanakauhale a Kalana o Honolulu, o ka poe apau e paa ana i na pono wai malalo o na auhau mita, ma keia, ke hoikeia aku nei ka lohe, o na auhau wai no ka manawa e pau ana i Feberuari 28, 1918, ua hoea mai i ka wa e uku ai, a e ukuia ma ka la MUA o Maraki, 1918.

     O ka uku ole ana i ua mau auhau wai la iloko o KANAKOLU la mahope aku, e kauia no he kaki paku'i o Umi Pakeneka.

     O na pono wai apau e koe ana no lakou na auhau i uku ole ia mahope aku o ka la 1 o Aperila, 1918, e pani koke ia no.

     E ukuia ae na auhau apau ma ke keena o ka OIHANA WAI O HONOLULU, Hale Kapiolani, Honolulu, Hawaii.

                                    F. G KIRCHHOFF,

            Lunanui Laula, Oihana Wai me Sua o Honolulu.

6282--Feb. 15, 22; Mar. 1.

 

HOOLAHA I KA POE PAA AIE O KA HAWAIIAN HOTEL, LIMITED, HE HUI I HOOPAUIA.

 

     Oiai ua hookohuia mai ka poe no lakau na inoa malalo iho nei, ma ke kauoha a C. J. McCarthy, ESQ., Puuku o ke Teritore o Hawaii, i hanaia ma ka la 29 o Ianuari, 1918, ma ke ano he mau Kahu no ka Poe Paa Aie ame ka poe Paa Mahele o ka Hawaiian Hotel, Limited, i kona wa i hoopauia ai, me ka mana e hooponopono aku i kona mau waiwai i kulike ai me ke kanawai, nolaila ma keia ke haawi aku nei i ka hoolaha i ka poe apau he mau koi ka lakou e ku-e ana i ka Hawaiian Hotel, Limited, i oleloia, e waiho mai i ua mau koi la i hooiaio pono ia, ma na keena oihana o Smith, Warren & Whitney, na loio no na Kahu malalo iho nei, maloko o ka Hale o ka Banako o Hawaii, ma ke kihi o na Alanui Papu me Kalepa, maloko o Honolulu, T. H., a  i ole i kekahi o na Kahu ma ke kino, ma a i ole mamua ae o ka pau ana o kanaiwa (90) la mai ka la aku o keia hoolaha (o ua la la, o ia no ka la o keia hoopuka mua ia ana), o hoole mau loa ia aku.

            Hanaia, Honolulu, T. H., Feberuari

15, 1918.

                                    A. A. YOUNG

                                    C. C. von HAMM

                                    W. H. BAIRD,

Kahu no ka Poe Paa Aie ame ka Po@

            Paa Mahele o ka Hawaiian Hotel,

            Limited, he hui hoopauia.

6282--Feb. 15, 22; Mar. 1, 8, 15.

 

JOSEPH KIA KAIA

 

HE HOOMANAO A HE MANEWANE WANEWA NO KUU MEA ALOHA HE KANE.

 

            E Mr. Lunahooponopono o ke Kuokoa, Walohia wale:-- Oluolu oe e ae mai iaʻu i kowa kaawale o kou oneki, e ka nunu maka onaona lawe lau oliwa a ko aloha paumako, ka ipukukui pio ole i na kai ewalu, kuu lio holo polinahe i ke kai o Honokaupu, e upu aku ana no ka manao ia oe la e neenee mai, i hookau aku ai au i kaʻu puolo walohia ma kou mau kolamu, a nau hoi ia e haʻi aku i na kini makamaka o kuu mea aloha he kane, e walea l.a o na hannauna apau i hoea mai maluna o na hanauna apau i hoea mai maluna o na kapakai o keia aina malihini, a i noho iki iho no ka manawa, a hele aku no, oiai he mahu wale iho no ke ola kanaka i pu-a ae a nalo iho. E hoomaikaiia na Lanl, no ka mea, Nana no i haawi mai, a Nana no i lawe aku.

            Oiai ma ka la 8 o Novemaba o ka makahiki i aui aku la i kii mai ai ka anela o ka make i kuu mea aloha, Joseph Kaia, a lawe palanehe aku la me he aihue la i ka po, i ka hanu makamae o kuu mea aloha he kane, a manele aku la ma kela aoao o ka muliwai eleele o ka make, a noha ae la na makawai a ke ao opua, a hanini mai la na kuluwai o Kulanihakoi, e hoopulu ana i ka wai koolihilihi.

            Mamuli o ka ulia pakalaki o ka manawa, oini oia e hoi mai ana mai ka hana mai, ua haule iho la oia mailuna iho o knoa lio make koke no; a pela iho la oia i wehe mai ai i k pili hookoo ialoko, a waiho iho la 'ia 'u i luahi na ke aloha e kuewa hele i ke ala me ka waimaka. Auwe kuu kane e! Kuu hoapili o ka aina malihini.

            He keiki kupa oia no ka makani kuehu lepo o Kau, ʻʻo kuu haku i ka Ua haao, ke lele ae la mauka o Auaulele, lele no k ua, lele pu no me ka makani."

            I ke kau makalapua o ka A. D. 1853 kona hanau ana, a ua piha iaia ke 62 o kona mau makahiki o ka hanu ana iho la i na ea huihui o keia ola ana, a o ka 10 hoi a oi na makahiki o ko maua noho ana iloko o ka hipuu polena o ka berita laahia oka noho mare ana, akahi no a uina na kaula kaakolu i miloia ai ke aloha, e hooko ana i ka Ioba ke kaula e olelo ne: "O ke kanaka i hanauia mai e ka wahine he hapa kona mau la, a ua piha me na popilikia," aʻu hoi e hiki ole ai ke ohumuhumu iho, no ka mea, "He lepo no ke kanaka, a e hoi aku no i ka lepo."

            Aloha wale kuu makua o keia aina malihini, a e kalaia mai au ke olelo ae, no na ano maikai apau o kuu kane, he hoomanawanui i ka hana malalo o kona haku hana, A. W. Carter, a he hooko pololei i na kauoha. He luna kana oihana a he limahan kahiko no ka Parker Ranch. A no ia hana pololei, ua lawe aku kona aoao, a haawi mai la iaʻu ka wahine kane make he umi @ uku hoomau no ka mahina. He hoailona kiekie o ka hilinai i kana kauwa hana pololei, aʻu e hoomaikai ae ne i na Lani ame A. W. Carter, aʻu hoi e aie nui nei i kana mau hana maikai ei hana ai a waiho iho mahope nei i kiahoomanao naʻu e poina ole ai ke hoomanao ae nona.

            Aloha wale Kane e hele la i ke

ala peʻa na lima,

Huna na maka nalo i ke ao,

Pau ka ikena i ka mea aloha,

Walohia wale kona aloha ke hiki mia;

@ i ka poli me he ipo la,

O ka aka inowailua ka i hiki mai,

Ala pu no maua a ao e.

E Kohala i ka makani apaapaa,

Haahu i na puuhaelelua,

Elua wale iho no kaua,

I ka hoohaehae a ka naulu;

I kahi opuu nalu o kai;

Kaihawanawana o Kawihae

Ne hone i ka puuone;

E ke one puarose o Waikui,

A e hoohakukoi nei ialoko.

Puako i ka makani wehe launiu,

Nou koʻu haupu me ka liʻa ana,

Pulupe i ka hunahuna kai,

Mahukoae malu i ke ao.

E aoao ae ana no au,

Me ke one wali o Kailua;

Elua wale iho no kaua,

I ka waipuka iki o Healani.

He lani nui ko aloha naʻu,

Ae hopili no ka aina malihini;

 

Malini au i na hau o Maihi,

Ilihia ka manao i na ulu o Wehi.

Wehiwehi wale na Kona,

I ke kahiko o ka pae opua;

Auwe kuu kane e, hoapili oia aina malihini.

Kuu kane mai ka wai puolo i ka maka o ka opua,

Me he pua hinano la ko aloha ke hiki mai,

Ahiki mai ko aloha e uwe no au.

E Hookena i ke ahe a ka maa, aole au e poina,

I na hoaloha o maua me kuu kane hele loa e,

Jno. Smith âme Pilipo Haae,

E hoomaumau i ke aloha,

I hale kipa na ka moe e kipa aku ai--e,

Auwe kuu kane, kuu kane i ka pohu laʻi o na Kona.

Manao wale au ia oe e Kau,

Ke onehanau o ku kane,

Aole no au ma ka loaa,

Ma ko aloha no au i pili aku ai;

Aloha wale kuu kane i ka lele ae a ka Uahaao,

Mauka o Auaulele,

Lele no ka ua lele pu no me ka makani,

E Waiohinu i ka wai Naukepoa,

Aole au e poina ia oe.

Honuapo i ka ehu a ke kai,

Ia kai kauhaa a ka malihini.

Malihini no au ia oe e Pahala,

heaha la hoi kaʻu hala nui,

Au e kau pale nei.

E ke ahí kaulana a  ka wahine,

Ulaweno i ka luna o Kilauea.

Aloha wale ia ahi hoopumehana i ka poli--e.

E Olaa i ka uka kiamanu

E Hopoe i na lehua popohe i ke pili;

Aole oia e hoopa hou ana i ko olua mau lihilihi,

He lihi kuleana koʻu ia oe,

E ka Uakauilehua,

A he hoapili oe noʻu;

I ka nahele aloha o Paieie.

Helieia i ka la o ko inaina,

A ka la o ko aloha huli hoi mai.

Hoi no a kpa i ke one o Hanakahi,

Kuu kane mai na kahawai kinikini o Hilo,

Mai na palikuʻi o Maulua,

O kaua wale no ka i ke iho,

I ka wi huipalaka o Weloka,

Aloha ia mau wahi o kaua e pili ai,

E Hamakua i ke alaulili --e,

Mai hoohewahewa mai oe iaʻu;

Ua noho au a kupa i ke alo,

A kamaaina au i ka leo.

E Kukuihaele i ka makani wehe lau kukui,

Mai kuhi mai oe a ke pono keia;

Eia Kuh Kino i ka ulaia,

I ka hoohakukoi lua ole a ke aloha.

E Waipo kuu onehanau e waiho kahela nei,

Nou ka hene waiolu waipahe i ka poli o Hiilawe,

Nou na pali hulilua heha i ka  noe o huli aku no huli mai,

Nou na kahawai owe malie i ke alopali,

Nou na kokoia aloha poina ole, o kuu mau la opio,

Me oʻu mau hoa haupeepee o ka wa kamalii.

Nau ai au a kupa i ke anu o Waimea,

Aloha wale kuu kane o ka Ua Kipuupuu hoopuarose papalina,

Aloha wale kuu kane alo pakua hoeha ili,

Aloha wale kuu kane pupuu o ke kapa kehau o na kuahiwi ekolu,

Aloha wale kuu kane leo meha kaniuhu ole mai,

Aloha wale kuu kane puuwai molia iloko o koʻu mau pilikia,

Aloha wale kuu kane pili koolua o ke anu o Waimea;

Aloha wale na iwi o kuu kane e moe lolii nei,

Aloha wale ka uhi ana iho o ka lepo malihini maluna ona;

Nau no e ke anu o Waimea i peepoli iho la iaia,

A kau wale na hoailona maewaewa.

Owau iho no me ke aloha puamako,

MRS. JOSEPHINE KIA KAIA.

 

Kuu keiki mai ka hale kaumaha i ka ohu,

Mai ka nibi ae a ka ua Paliloa,

Halawai aku la me ka ua Kapoeha,

Eha aku la olua i ka ua Elekoa;

He hoapili ke keiki no ka home,

He hoahele no ke alanui.

A nui mai ko aloha e uwe no au,

Auwe kuu keiki ko haalele iaʻu--e!

Kuu keiki mai na plai huilua o Waipo,

Mai ka piina o Koaekea,

Hoaiai ka wai o Hiilawe i ka poli o Haiwahine,

I hoapili ka wahine no ke kane i aloha ia,

I ukali ka makua me ka ohana,

Heaha hoi kaʻu hala nui au i paweo ai,

I huna ai na maka nalo i ke aouli,

Hopu hewa ana au i ka iʻa hamauleo,

Kuewa hele ana au i ke ala me ka waimaka,

Auwe kuu keiki, kuu minamina pau ole ia oe--a!

Kuu keiki mai ka ua Kipuupuu o Waimea, Mai ka ua hoeha ili o ka aina,

Eha au i ka eha lima ole a ke aloha,

Anu hoi au maeele i ko aloha.

Kaumaha au luuluu i ka waimaka,

Me he makamaka puka la ko aloha ke hiki mai,

Ahiki mai ko aloha e uwe no au.

Auwe kuu keiki kuu minamina pau ole ia oe a!

Kuu keiki mai ka makani wehe lau kukui,

Mai na alu kinikini poina ole ia oe,

Mai ke ala ulili lewa i ka kai o Koholalele,

Haalele hoi ae iaʻu i ka mea poina ole he makua;

 

Kuu makua o kuu mau la elemakule,

Kuu puuhonua pauaho ole,

Kuu hoopakele o ka la popilikia,

Kuu hoko kauoha kunukunu ole,

Kuu imi olaa helu ole mai,

Kuu keiki makee ole mai i na mea apau,

Ua hamama kou puuwai,

Ua maemae kou naau,

Aohe au mea minamina iaʻu,

Auwe ku keiki, kuu poina ole ia oe a.

Kuu keiki mai ka iʻa haaheo o ka aina,

He pipi ka iʻa i lawa ai o ka ohana,

Ka iʻa e lawa ai kou makemake,

E piha pono ai kou opu.

Au e olelo ai o kou aina hanau keia,

Ka aina au i hele malihini mai ai;

A lilo i kupa no keia aina,

Ua lewa keia kuahiwi ia oe;

Ua lewa keia kuahiwi ia oe,

Ua hele ia ka po me ke ao,

Ua alo ia ke anu o ka ua o ka hooilo,

Me ka iniki welawela a ka hau i ke aumoe;

he moe hoi koʻu hoala ana oe,

E papa e, pehea oe

Maikai no au, auwe kuu keiki e, kuu aloha paumako.

            SAM KALAIAINA, SR.

Waimea, Hawaii, Feb. 22, 1918.

 

E HOOMANAO ANA NO NA MISIONARI.

 

            I loko o ka mahina o Aperila o ka makahiki 1920, e malamaia ae ana he mau hana hoomanao, no ka piha ana o na makahiki he hookahi haneri, mai ka manaw mua loa o ka hoea ana mai o na misionari i Hawaii nei, a oiai he maʻu uo ka manawa i koe e kakali aku ai, eia nae aia na manao ohohia iloko o ko ke kulanakauhale ne poe, no ka malama ana aku i nui ma ka moolelo o keia mau mokupuni.

            Eia ka Papa Hawaii ke hoolala mainei no kela hana hoomanao, a e kohioa aku ana hoi na komite, na lakou e hoomakaukau mai i kekahi papahana, no na mea kupono i manaoia, e hanaia aku no kela hoomanao pihi ookahi haneri makahiki o ke kipa mua ana mai o na misionari i Hawaii nei.

            He hana hoikeike kekahi a Mr. Ford i manao ai no kela makahiki, aka nae, o ka mea wale no e holopono ole ai kana mau mea o ka hoolala ana, no ka hookomo pu ana aku me na hana hoomanao i pili i na misionari, o ia no keia kaua; aka nae aole e lilo ana keia kaua i kumu e hoopaneeia ai ka hoomanao aua no ka haneri makahiki, o ka hoea ana mai o na misionari, e hookoia aku ana no ia, in a no ka pau o ke kaua, a pau ole paha.

            O keia kekahi o na hana ano nui i pili loa ia Hawaii nei, nolaila me ke kanaua ole ke koho aku, e hoomanaoia ana kela la, iloko o ka mahina o Aperila, 1920, aole wale e ka Papa Hawaii, aka o na ekalesia kalawina apau loa maloko nei o keia Teritore.

 

HE KANAENAE ALOHA.

 

            Me ka luuluu o ka naau uo kuu Haku Lani, ua hala i ke ala ole mai, nou e George Kaiwalani Dwight, he lani, he hanaumua o naʻlii o Maui, he ewe a he piko no Kekaulike (k) ame Kekuiapoiwanui (w), ua lau i hanau mai o Kamehameha-nui, i hanaiia i ka luau, ame Keaka (w), he alii he wohi ke kapu.

            Na Keaka (w) i hanau mai o Kapaliauwaeloa, oia hookahi wale iho no. Oia hoi ka i noho aku ia Luukia (w) hanau mi la o Palemo Kalaninuiwahiikamoku, he hookahi wale iho no hoi ia. Nana mai hoi me Kekio i oili mai ai i keia ola ana o Kaaiakawaha (w). Hoohihi ia nei la lilo i ka ili puakea o Maleka, he haole o Dawson ka inoa, a na laua mai he mau kaikamahine, o Kekukaakapu ame Pehikulani Halekii.

            Noho ae hoi o Kekukaakapu ia Norton, he haole no, a na laula mai na keiki o George Kanaina, Sarah Kiope, Elleu Hooipoinapahuelua ame Eliza Kekuaakapu. Noho ae hoi o Ellen Hooipoinapahuelua ia Charles Bishop Dwight o ka moku o Hina, a hanau mai la na laua na keiki lehulehu o na kane ame na wahine a o George Kaiwalani kekahi o lakou. Ua hala e aku hanau mua no kekahi mau makahiki lehulehu i hala ae, a haalele iho la hoi o Kawiwalani, na kaikuahine elua ame na pokii ekolu.

            Ua haehae ka houpo i ke aloha no kuu Haku Lani, a no ka Mama hoi i luuluu a mokumokuahua ka naau no ke keiki, ka mamolana o ka mauka. Aka ua niau aku la ka uhane, ua molia aku la i ke kino no ka pono o ka aina. Ua haalele i ka makua ame ka ohana e paiauma aku ana nou e Kaiwalanialii o Liloa, na Umi i hanau puka mai ai he maka alii, he lau alii. Ua waiho iho ke kino lehu o Kaiwalani, aka, e welo mau aku ana ka have o ke aupuni nui o Amerika ma kahi on a e waiho ai, a na na eheu auane o ka manuaeko e kiai maluna on a a ala hou mai ia.

            E Molokai-nui-a-Hina e, he pua alii nau ua oili pulelo aku la i ke ala polikua a Kane, ke koele wawae la paha i ka uka o Pakaikai, i kahi o Kupuna i hanaiia ai.

            He aloha me ka luuluu no kuu Haku I ani.

K. W. M. ULUKUKUI.

Lanikaula, Molokai, Feb. 16, 1918.

 

HOOLAHA.

I na On a Kuleana o Honuaula, Mau.

            O ka põe apau he mau kuleana ko lakou a i kulean paha iloko olaila, maloko o ka Apana o Honuaula, Mau, ke noiia aku nei e hele mai e ike, a i ole e kakau mai ia

                        J. M MOSARRAT,

Loio ma he Kanawai, 501 Hale @, Honolulu. @ 5889.

@@

 

HE MAU OLELO POKOLE ME KO HONOLULU POE

 

MR. DAVID ALO, Makeke Kuai ʻa: "Kehawai ne au i koʻu mahalo ka Laau B. B. C. no ka maikai ana hana mai ai iaʻu ame koʻu ohana."

MRS. G. RIEDEL, 1146 Alanui Gulika: "He laau rumatika kamahao ka B. B. C."

            KAPENA H. BLANCHARD, Alanui Ololi Rowland: "Lapaauia he 20 makahiki a oi aku. He mau pule kakaikahi wale no ka lawe ana i ka B. B. C. ua oi ae, ka maikai i loaa iaʻu mamua o kaʻu mau @ i kiola wale ai."

            MR. WILLIE MYERS, kokoke i ka Hawaiian Fertilizer Co.: "He laau kaulana ka B. B. C. no ka rumatika. Nana i hoola iaʻu me ke kiola ana i koʻu laau kookoo."

            MRS. ELLEN MAHOE, Waikiki: "He laau kamahao ka B. B. C. no ka opu. Ua hoopomaikai nui mai ia iaʻu."

            MRS. S. R. STONE, Alanui 10 Awawa o Palolo: "Lihi ka maʻi ana; eha ka opu me ka lepopaa. Ua loaa ka maikai i keia wa."

            MR. MANUEL SMITH, 1150 Alanui Gulika: "Pilikia ma k opu ame na aalolo; loa nae ka pomaikai i ka B. B. C."

            MR. WM. PERRY, 1824 Alanui Liliha: "He helu ekahi ka B. B. C no ka opu."

            MR. BEN ANDRADE, Alanui Mo kauea: "He laau kamahao ka B. B. C. no ka opu me na aakoko."

            MR. ANTONE COSTA, Kalihi, makai o ke Kula Kamehameha, penei kana: "Nui ka pomaikai i ka B. B. C. no ka hanupaa me ka eha o ka opu."

            MR. MANUEL ROSA, 882 Alanui Moi: "He laau kamahao ka B. B. . no ka opu a he laau hooikaika."

            MR. A. M. FERIA, 413 Alanui Kula: "He laau kamahao ka B. B. C. no ka puupaa me ka opu."

            MR. JOHN KEKILIA, o Kaimuki, "He laau maikai maoli ka B. B. C."

            MR. J. F. FREITAS, Kapahulu, Alanui Hobron, penei kana: "He huʻi koʻukino no kekahi manawa. Mahope nae o ka lawe ana i ka B. B. C. ua maikai au i keia wa."

            MR. H. B. CHILTON, Kaimuki: "Ua hoopomaikai nui mai ka B. B. C. i ka kaʻu poe keiki."

            MR. GEORGE HITCHINGS, 1715 Puowaina, penei kana: "Ua ike au he laau kamahao ka B. B. C. ua ka opu me ke aalolo."

            MRS. A. H. FLINT, 3030 Alanui I. Kakalameko. "Lolo no 2 makahiki, ua ola i keia manawa. Penei kana: "Na ka B. B. C. i hoola iaʻu."

            MRS. CONSTANTINO SILVA, Awawa o Kalihi: "O ka Laau B. B. C. ame ka Laau Kunu ka mea nana i hoopomaikai nui mai iaʻu no koʻu maʻi ha-no, ka mea i loaa ole no na makahiki loihi."

            MR. CHARLES HASSARD, 3316 Alanui Kapahulu Waikiki: "He laau maikai ka B. B. C. no ka puupaa."

            HENRY ROGERS, Kiaikpuka, Uwapo 15, penei kana: "He laau kaulana ka B. B. C."

            JAS. VIERRA, Alanui Puunaui penei kana: "He laau hooikaika kaulana ka B. B. C."

            JOHN W. WILLIAMS, Palama Settlement: "He kamahao ka B. B> C. Ua aie au i koʻu ola iaia

HOOMAKAUKAU NO MUA AKU NEI

            E Hoao e Hoomakaulii Ano--- E malama i ke Dala e wehe i Buke Banako Hoahu me ke

CHINESE-AMERICAN BANK

            A NANA AKU I KA ULU O KAU DALA

NA PAHU DALA     $1.00 no ka Wehe       Kihi o ke Alanui

@ o ka Hoolimalima   Ana i ka Hoahu           Moi me Nuuanu

 

WILLIAM C. ACHI, Jr

(WILE ACHI)

 

Loio ma ke Kanawai imua o na Aha

            apau o ke Teritore.

Rumi 301 Kauikeolani Hale.

 

KakelemeKuke

(KAUPALENALA)

Poe Kalepa ma

            ke Komisina

--A HE--

Poe Agena no na Mahiko

Lehulehu

 

Mau Apana Aina Kuai

$1200.00--Hale nui he 2 rumi moe. Ka aina he 135x100 ma ke alanui Pakui, 10th Ave. Palolo. $200 ukumua $20 o ka mahina.

$160--Apana aina 50x100 ma 10th Ave., Palolo.

$200-- Mau Apana Aina ma 11th Ave., Kaimuki.

$350-- Apana Aina 50x200 ma Waikoae, Gulick Ave.

            Keia mau Apana Aina aʻu e kuai nei ma ka uku mahina oluolu loa e ku ai i kau wahi eke dala.

PAULO KALAUKA

(P. E. R. Strauch.)

Waity Bldg.    Helu 74 Alanui Moi

 

            BEN BRUNS, ka mea nana ka Laau B. B. C. nana i hoolilo i ko Honolulu nei i poe kamailio, penei kana: "He mau kaukani o ka poe i hoolaia ma ka aina makua, aka kakaikahi ko makou hoike i ko lakou mau inoa maanei. Ua oi ʻae ko makou hoike ana aku i na inoa o ka poe au i ike ai, e noho nei maanei, au i halawai @ ai i kela me keia la, i mea e kanalua ole ia ai ko lakou pololei a oiaio."

            MR. JOS. OLIVIERA, e noho kokoke nei i ka hale hoolulu kaaahi: ʻHe laau kamahao ka B. B. C. no ka puupaa me ke akepaa. Nana i @ i koʻu kuahaneenee."

            MR. MANUEL BETTENCOURT, 500 Alanui Kula Akau, penei kana: ʻUa emi pu mai ke kulana o kʻu ola kino. Mahope nae o ka lawe ana ka B. B. C. loaa nei ka maikai aʻu."

            He mau olelo hoike hou ae no kekahi a ke kanaka B. B. C. mai ka @ maikai mai, ma Honolulu nei, e hoakaka ana no ke pookela o ka B. B. C. ma na maʻi o ka opu, ke aakoko ame na pilikia o ka puupaa, ka rumatika, ka nalulu, ka hiaa i ka po, ka pilikia o ka puumimi, ka fiva malaria, ka molohai, ka lepo paa, kuahaneenee ame na pilikia o ke akepaa. Noloko mai ka B. B. C. o ua meaulu. aole he alekohola, a mau waiawa, a o kana hana o ia no ka hooikaika ana me ka hookomo ana i ke ola wikani o ke ola kino iloko o ua meapaahana e hiki ai ke kiola aku i ka maʻi, in a no ia ma na maʻi loihi no na makahiki. He laau hookalakupua ka B. B. C. a he nui kana hoola ana i oi aku mamua o kekahi ano hoola e ae. i laweia mai maanei.

 

Eia ke Kanaka B. B. C. ma ke kihi o ke Alanui Moi, mauka o ka Makeke Kuai Ia i na la apau o ka pule mai ka hora 9 a 5:30 p. m. no ka wehewehe ana mai i ka Laau B. B. C. Aole i pii ae ke kumukuai --o ia mau no , $1.00 o ka omole; kumukuai kuikawa no keia pule, 6 no $5.00.

            Ua loko ka Poe Kuai Laau ame na Halekuai o na Mahiko i keia wa i ka B. B. C. no ke kuai aku. Ina ua pau ka lakou laa, hoouna mai i na kikoo @ haleleka iaʻu, a naʻu e hoouna aku ia oe. Naʻu e uku i @ ukumoku no na kauoha apau o $5.00 a oi aku paha. Kakau mai Ben Bruns, Honolulu.

Hui Alahao âme Aina o Oahu

MANAWA HOLO

            MAI HONOLULU AKU.

o Waianae, Walalua, Kahuka @

 na wahi hoolalu ma ke alahao--

  *9:15 a. m., *3:20 p. m.

o Pearl City, Ewa Mill ame na wahi

  hoolulu ma ke alahao-- 17:30 a. m.,

  *9:15 a. m., *11:30 a. m., *2:15 p. m.

   p. m., 11:15 p. m.

No Wahiawa âme Leilehua-- *10:13

a. m., *2:40 p. m., *5:00 p. m., *11:30 p. m.

            MAI WAHO MAL

Ku i Honolulu mai Kahuku, Wailua

âme Waianae-- *8:36 a.m., *5:30

p.m.

Ku i Honolulu mai Ewa Mill ame Pearl

City -- 17:45 a. m., 8:86 a. m,

*11:02 a. m., *1:40 p. m., *4:26 p. m.,

*5:31 p. m., *7:30 p. m.

Ku i Honolulu mai Wahiawa ame @.

lehua--*9:15 a.m., *1:53 p.m., *3:50

*7:10 p.m.

O ka Haleiwa Limited, he kaa o @ hora(o ka poe wale no o ka pap ekahi) @ haalele ana ia Honolulu i na Sabati apau me ka hora 8:30 a. m. no ka Hokele Haleiwa; @ hoi mai, hoea i Honolulu ma @ hora 10:10 p. m. Ma Pearl @ wale no e ku ai-ame Waianae,

*Kela âme keia la.

Koe ke Sabati.

Sabati wale no.

 

NUPEPA KUOKOA

No ka Makahiki (One Year)….$2.00

No Eono Mahina (Six Months) .. . 1.00

O na Dala ame na Hoolaha Aau e Hoouna Pololei mai ka HAWAIIAN GAZETTE COMPANY, LTD. wale nno P. O Box 208, Honolulu, T. H. Enteered at the Post Office at Honolulu, T. H., as Second Class Matter. CHARLES S. CRANE …..LUNA A @