Ka Nupepa Kuokoa, Volume LVI, Number 9, 1 March 1918 — UA HALA NA LA O KA NANA WALE ANA [ARTICLE]
UA HALA NA LA O KA NANA WALE ANA
No na makahiki i aneane e pilia ka elia i nana aku ai kakou i keia kaua maloko o Europa, me lie mea la, he wahi hana uuku ia, aka nae ua kaokoa loa ke kulana a kakou e ike aku nei i keiā wa, mai ke kulana mai o na makahiki aku nei i hala, e kono ia mai ai kakou, e ku maluna o ko kakou mau kapuai, a komo kino aku i na hana, i pili Ta kakou ma ke ano lie inau makaainana i makee a i aloha ia kakou iho ame ke aupuni.
He mea oiaio loa, ua komo kino aku ke aupuni o Amerika iloko o ke kaua iloko o kei& manawa, aia kona oihana koa ame ka oihana kaua imua o na enemi i keia la, o kakou kekahi na makaainana, i kono pu ia mai ai, e ku me ka makaukau mahope nei, a haawi aku i na kokua ana'ma na ano apau, e hooikaikaia ai ke aupuni ame kona mau mana o ka oihāna kaua, me ka' manaolana, elike me ka hiki ana i ke aupuni o Amerika } ke hoouka aku i kekahi mau kaua nui o. na manawa aku nei i hala, me ka lanakila, e hoea mai no ia hopena hookahi iloko o keia kaua huliamahi e holopapa nei maloko o Europa.
No ka manawa i aneane e piha na makahiki eha, o ka hooukaia ana o ke hahana mawaena o na aupuni mana nUi o ka honua nei; i keia la nae, ua lilo o Rukia i pio na Kelemania malalo o na hana epa ame ke kolohe, ka hana hookahi a kona mau akena e hoao nei maloko o kela ame keia aupuni, me ka manao, pela iho la e kaa ai ka lanakila holookoa i ke aupuni o Kelemania. Uoko o na kaua a ke aupuni o Amen'ka i komo kino aku ai o na wa ae nei i hala, ua ku aku kakou, na makaainana, a haawi i na huro ana ame na mahalo ana i ka oihana kaūa ame ka oihana koa. iloko nae o keia kaua, aole o ka huro ana, aole o«ka mahalo ana ka mea ano nui, aka o ke kkpae ana ae i ko kakou kulana hauoli, a hana aku i na mea e hoikeike ae ai i ko kakou makee no ke kaa i'o o ka lanakila ma keia kaua ia Amerika, ma ka haawi ana i na kokua ma dala elike me ka hiki ia kar kou, ma ke kuai.ana i na bona aie, a i na poo kaua paha, a.ole malaila wale iho la no pau, aka ma ka pakiko ana i na meaai maiwaho mai, e koe nui aku ai na makaukau apau no ka pono o ko kakou mau leanaka iloko 6 ke kaua.
He manawa pokole wale.no ma keia mua aku, e konoia mai ana ko kakou mau kanaka opio e hele aku i ke kaua, ke nana pono ia mai nei-ko lakou kulana o ke ola kino, no ke kupono e komo i ka oihana koa, nolaila ua ili mai maluna o kakou ke ko'iko'i o ka makaala ana aku mahope nei no ko lakou pono, ma ke kapae ana ae i na hana uhauha wale a kakou i maa ai o īia wa aku la i hala, a i hookahi ke komo like ana iloko o ke kaua Ina ka aoao o ke aupuni ma keia kaua nui mā ka moolelo o ka honua nei.
Eia o Kelemania ke hoouka nei i keia kaua me ka hahana, aole 110 ke ku-eia o kona *mana ma ka moana, aole hoi no ke kupale ana i kona pono ma kekahi mau aina, i kuleana ai ia, aka o ka meahuna i pili loa aku i keia kaua a Kele'mania i komo kino mai ai, no ka noho mana ana no ia maluna o ke ao holookoa ; ina pela i'o, alaila ua loaa na kumu kupono apau ma ko kakou aoao, e hoauheeig. aku ai na manao hoopohala apau, a e haawi na kane, na wahine, na keiki ame-ka poe aloha aina oiaio,' i na kokua ana me na manao makee, e oili mai ka la e hoohokaia aku ai kela manao hookiekie a hookelakela iloko o ke Kaisa ame kona puulu.