Ka Nupepa Kuokoa, Volume LVI, Number 11, 15 March 1918 — KA NINAU POI O KAKOU ILOKO O KEIA MAU LA [ARTICLE]

KA NINAU POI O KAKOU ILOKO O KEIA MAU LA

Uoka o iia la aku nei i hala, ua loheia na leo kuhalahalā apuni keia kulanakauhale no ka pii loa o ke kumukuai o ka i'a e kuaiia ana ( ma na makeke kuai i'a o.kakou, a 110 ia mau leo kupina'i o ka hapanui o na makaainana, i konoia aku ai ke komisina o na meaai e komo mai a hooko aku i ka mana i haawiia mai iaia e ke aupuni federala, ma ke kukakuka ana me ka poe lawai'a ame ka poe kuai lioopukapuka i na i'a, a o ka mea a kakou i ike iloko q keia mau la, o ia no ke kauia ana o ke kumukuai paa o ka paona 110 kela ame keia ano i'a e kuaiia ai i ka lehulehu. I ko kakou huli ana aku a nana i na keehina i laweia ae.e ke komisina o na meaai, ma na mea e pili ana i ke kumukuai o ka i'a i keia wa, he ano kaulike no ia ; mawaena o ka poe kuai i'a ame ka poe ai i'a, e-loaa ana hoi i ka poe kuai i'a he puka kupono, me ka makepono iki mai no hoi o ka i'a, mamua o ka manawa e waiho laula ana na ka poe o ka makeke e kau mai i ka lakou mau kumukuai. Me kela mana hookahi no Moaa i ke komisina 0 na meaai, i hoohana aku ai oia, ma ke kau ana i kumukuai paa no ka pipi e kuaiia ai, a ke kuaiia nei na wahi like ole o ka pipi, me na kumukuai i like aku me ke ano o na i'o pipi i makemakeia; a ua kau pu ia ae no hoi na kumukuai paa 'no na meaai maloko o na halekuai* nolaila i konoia mai ai keia pepa e hoomaōe ae, aole anei he kuleana pu ko ke komisina o na meaai e komo mai ai a kau i ke kumukuai paa e kuaiia ai ka poi i ka lehulehu? He mau mahina 'wale aku nei no i hala, e kuaiia ana ka poi i ka lehulehu ma'kahi o ka ewalu ame ka umi paona poi no ka hapaha, i keia manawa nae, ke kuaiia nei ma kahi o ka elima a eono paōna 1 ka hapaha, a ma ke ano nui ke olelō ae, ua papalua iho ka lilo poi o kekahi ohana e uku nei i keia manawa no ka pule, mamua o kana e uku ana he mau mahina ae nei i hala. O ke kulana he mau mahina aku nei i hala, me ke kulana o keia manawa e nee nei, āole no ia i kaokoa ae, ma kahi e* pili ana i ka oihana kanu kalo ame kuai poi, no ka mea aole i pii ae ka luhi o ke kanu ana i ke kalo, a i t hooiia aku paha na hoolilo no ka malama ana ahiki i ke oo ana, pela me ke ku'i ana, a mikini aua paha, lie ku mau no ia mau hoolilo i kahi hoōkahi, aka, mamuli o- ka hoopiiia ana mai ō na nleakuai e ae, ma o ke kaua la, ua hoopii pu mai ka'pōe kanu kalo i ke kumukuai o ke kalo, pela hoi ka poe kalepa poi, i alualu like aku ai.ia k.uniu hookahi, nie £e kau ana aku nae o kekahi Kaawina kupilikii maluna o na Hawaii, ka poe maluna o ka poi ko lakou ola ana. Ke manao nei keia pepa, ina e hiki ana i kekahi poe kanaka t£awaii i komo iloko o ka oihana kuai poi, a i loaa na ike laula no na hoolilo oiaio e pili aiia i kela oihāna mai ke kanu ana ahiki i ke kuai ana aku ika poi me ka waiho ana ae i-ka lakou mau hoike imua o ke komisina o na mejftii, e hoonaauao aku anā iaia, i ka like ole o ke kumukuai e kuaiia nei o ka poi i keia manawa me ko na manawa ae nei i hala, aole loa he kanalua o keia pepa no ka lawe ae o ke komisina o na meaai i kekahi mau keehina wikani e loaa ai ka poi ia kakou ma ke kumukuai kupono. E averika ia ka puka kupono no ka poe kanu kalo ma ke kau ana i kumukuai paa no ke eke kalo hookahi: pela hoi na hoolilo o ka poe kuai poi, e hoomaopopoia ai ame ka puka kupono, alaila e kau aku ke komisina i kumukuai paa no ka poi, elike me kana i hana aku ai i ke kumukuai o ka i'a, ka pipi ame kekahi mau meaai e ae oloko o na halekuai, e kuaiia nei i keia manawa.