Ka Nupepa Kuokoa, Volume LVI, Number 22, 31 May 1918 — HE PONO I'O E LOAA I HOME NO KE KIAAINA [ARTICLE]

HE PONO I'O E LOAA I HOME NO KE KIAAINA

O kela manao i hoalaia ae e na solona kaukanawai ma keia kau kuikawa o ko kakou ahaolelo kulok»>, no ka home o ka Moiwahine Liliuokalani, i ikeia ma ka inoa o Wakinekona Haie, i home no ; ka luna oihana kiekie o keia Teritore, oia hoi ke kiaaina, o kekahi ia o na manao kupono loa, a .oiai • nao. he nui ka manawa kupono e noonoo ai maluna o keia kumuhana, ua hiki no e waihoia aku ko;:a noonooia ana a kekahi wa kupono, ina paha ia ma keia kau mau ae- o ka ahaolelo kuloko. O kekahi kumu i oi aku ai ka hoopanee ana i k-ila ninau, e pili ana ia Wakinekona Hale, man -u!i no ia o ka pau ole o na hoopaapaa kanawai i pili i na waiwai o ka Moiwahine Liliuokalani, ke ku nei ia me ka maopopo ole o ka hooilina a mau hooilina oiaio paha i kuleana i kela wahi, aia a maopopo ka hopena o na hoopii kanawai e ku nei i keia manawa, alaila lawe ae ka ahaolelo i ka noonoo ana, e lilo mai ai ia wahi 110 ke aupuni, ina paha ma ke kuai maoli ana, a ma kekahi ano e ae paha. O ka loaa ana o kekahi home kupono no ke kaiyika e noho ana ma ke poo o ke aupuni Teritore. ma ke ano he waiwai ia no ke aupuni, o kela kekahi o na anuu e pii ae ai o Hawaii uuku, a kaulike aku me na aupuni e ae o ka honua nei. E kipa mau mai ana na luna aupuni kiekie o na aupuni e. i o kakou nei, e malama ana ke Kiaaina he mau aha.hoohauoli, a mau anaina ike pili oihana. o ka loaa ana o kekahi home kupono, i hoolako pono ia malalo o na hoolilo o ke aupuni, he hana ia a Hawaii nei i hoike okoa ae ai i kona makee e loaa na hookipa ana ma ke ano hanohano i na malihini kiekie apau a keia Teritore, elike me

kela pono i loaa i ka Peresidena o Amerika Ruipuia, a i na lunp, oihana kiekie o kekahi mau wahi e ae, i hoolakoia mai ai he mau home no lakou e ke aupuni. No ka hooko ana aku i kela manao, e loaa-he home no ke kiaaina o keia Teritore, aole he wahi kupono e ae, elike me Wakinekona hale, a o ka lilo ana mai o kela wahi o ka Moiwahine Liliuokalani he waiwai no ke aupuni, e mau aku ana ke ku ana o kela home, he kiahoomanao no ka moiwahine hope loa o Hawaii nei, mamua hoi o ka lilo ana aku i kekahi poe okoa, e hooliloia aku ana kela wahi no kekahi mau oihana, koe wale no a hooliloia aku i home noho. He hookumu wale ana no keia i kela manao no Wakinekona Flale, a i hoea mai i ke kau mau o ka ahaolelo i keia makahiki ae, he mea pono no e hoala hou ia mai ka noonoo ana maluna o keia kumuhana, a e hookaawaleia ae hoi i haawina dala, no ka hooko ana aku i ka manao, e lilo mai i waiwai no ke aupuni.