Ka Nupepa Kuokoa, Volume LVI, Number 38, 20 September 1918 — KA HOME HOOKUONOONO MA LUALUALEI. [ARTICLE]

KA HOME HOOKUONOONO MA LUALUALEI.

la oe e ke koa kiai puka helu eono, "Solomon Hanohano, ka mea nana e paa ana i na kaula kila owalu o ke aupuni pahaohao, ka Nupepa Kuokoa; Aloha kakahiaka kaua mailoko mai o ka puuwai:—Eia mai kou kiu imi meahou me ka- manu nunu lawe lau oliwa, me na kohi kelekele a ka puukolu, ke loaa .nae kahi keena kaawale no kola mau lalani olelo e kao ae la maluna, ka Hotne Hookuonoono ma Lualualei, me kona mau mea nani, o ia iho keia: Ua haawi ae o \fr. ame Mrs. Louis Caesar he paina luau no ko laua kakela home, he hale u'i keia, ua konoia mai kou kiu nei q ka lokomaikai ame ka puuwai hamama o keia mau mea noi laua keia home. Hiki kou kiu malaila, j huai no hoi ka puaa ke momoni wale I la no ka puu i ka ike ana aku i kana puni, ke hoomakaukauia mai nei ke pakaukau, halii ka uhi pakaukau, hoonoho no hoi na meaai, poi kalo iloko o na umeke Hawaii, na pa ua hele no hoi a makole, na limu lipeepee, e hii ia ana e ilauna Lahilahi, na lau lipoa • aala o kaomi malie, na kukui aala o Lanikaula, ka ipu aimaka o ia hoi ipu- j haole, nui ino ka ono o ka puy. I ka makaukau- ana o na ono like olē apau, nonoi ae kou kiu i na mana lani e haawi mai oia i kana mau kokua ana ame kona kiai ana i kaua mau kauwa ame makou apau na hoaloha i akoakoa aku no keia paina komo hale, ua ai a lawa, me ka hoopaapaa ole. Me keia mau mea nani, me oe e ka Lunahooponopono ame. kou mau keiki hoonoho huā o ka papapa'i. Owau iho no me ka haahaa, KIU WAHINE O KA HEMA. Waianae, Oahu. w. s. s.