Ka Nupepa Kuokoa, Volume LVII, Number 1, 3 January 1919 — HAAWI MAKANAIA O ROSE ME McDUFFIE. [ARTICLE]

HAAWI MAKANAIA O ROSE ME McDUFFIE.

| No ka hoike ana ae i kona mahalo me ka hoomaikai pu, »0 na mea i hanaia aku iaia e ka Makai Nui Rose I anie ka Makaikiu Mcl)uffie, ua haawi makana mai ke Keik-ialii Higashi Fudhiminomija, ia laua he mau paa pihi pulima, mamua 0 ka haalele ana iho 0 ka mokuahi Siberia Marū, i ka uwapo, ma ke ahiahi 0 ka Poalima aku nei i hala. Oiai ka Mea Kiekie, ke Keikialii Higashi, inaluna 0 ka mokuahi, ua kahea mai la oia i ka Makai Nui Rose ame ka Makaikiu McDuffle uoloko 0 kona rumi, a imua o laua i hoike mai ai i ka nui o kona manao mahalo ame ka hoomaikai pu, no na mea a keia mau luna aupuai 0 ke Kulanakauhale a Ka> lana 0 Ho/iolulu nei i hana aku ai noij«, ame kona mau hoa, ma ke kiai ame'ika makaala ana no ka palekana 0 ko lakou mau -ola, oiai e hele makaikai ana ma Honolulu nei, a ma na wahi mawaho aku 0 keia kulanakauhale. Mahope 0 na olelo hoomaikai pokole i haawi makana mai ai oia, he paa pihi pulima pakahi i keia mau luna aupuni, he makana hoi i lilo i mea ano nui loa ia laua, e lilo ai ia makana i mea hoomanao no kekahi manawa loihi e hoea mai ana. Ua okomoia kela mau pihi pulima me na pohaku momi, a ua kuniia hoi me ka hoailona 0 ka ohana aJii 0 lapana; a mamua o ka haalele ana aku 0 na kanaka o ka oihana makai maanei nei i ka Mea Kiekie, ke Keikialii Higashi, ua haawiia kekahi lululima aloha hope ana me ka pumehana mawaena 0 lakou. Ua hookohu mai nei ka Loio Kalana J W. H. Beers i ka Loio A. G. Correa ij hope nona no ke Kalana 0 Hawaii, ma kahi o ka Hope Loio Kalana S. S. Kolph i waiho aku i kona kulana, ma ka la 31 0 Dekemaba aku la. Ma ka hapalua 0 ka hora elima 0 ka wanaao 0 nehinei, lanuari 2, i hanau mai ai na Jesse Andrie ame Annie Pakiko, he kaikamahine, ma ka home noho 0 Mr. S. K. Nawaa, mauka ae nei 0 Kalihi. He maikai ke ola o ka makuahine me ka bebe.