Ka Nupepa Kuokoa, Volume LVII, Number 11, 14 March 1919 — AOLE O KE KUKUI O KILAUEA KA OI. [ARTICLE]

AOLE O KE KUKUI O KILAUEA KA OI.

Mr. Luuhooponopono, Nupepa Kuokoa; Aloha oe:—E oluolu oe i kekahi wahi kaawale o ka Nupepa Kuokoa no keia wahi manao hoopololei, ke hiki: Maloko o ka Nupepa Kuokoa o k«*t pule i hala, Maraki 7, 1919, e hoike ana ma ka aoao 8, koiamu 4, poomanao: Na Anoai o Kilauea, Kauai." Ma ka hapa hope o ia poomanao e hoike ana ka mea kakau, Mr. Peter Kamano, (2nd assista.nt keeper) kokua elua o,ka Hale Kukui o Kilauea, Kauai, i ka makaikaiia t ana o ke kukui e kekahi malihini I mai ka Mokupuni o Hawaii mai, a hoopau loa ia pauku me keia mau huaolelo, "ke kukui nani hookahi o ke aupuni Ilawaii nei.'' , i Ea, ke kukui anei o Kilauea ka nani hookahi ma Hawaii nei? Ua makaikai anei ka mea kakau meahou i kekahi mau halekukui e ae a ike i ko lakou kuiana maoli? Ina aole, ke kono nei keia makapeni e makaikai i kekahi mau hale kukui e ae; nana, kilohi a hoohalikelike no hoi, a he manaolana ko'u e hewa ana ka ike a kona maka i ka nani . ame ka u'i o kekahi mau halekukui e ae i elike me Molokai Light Station, ma Kalaupapa, Molokai; M-akapuu Point Light Station, ma Makapuu, Oahu; Diamond Head Light Station, m'ā Honolulu, Oaliu; Honolulu Harbor Light Station, ma Honolulu, Oahu, ame kekahi mau wahi e ae e haaheo ia nei a e malamaia nei e ko lakou poe malama kukui me ka maiau. Malia paha o ka Mr. Kamano i ma nao ai o ke kukui o Kilauea ka nani hookahi ana i ike ai ma ke aupuui Hawaii nei; no ka hoohalikelike ana i kekahi o -keia mau kukUi i hoikēia ai me ko Kilauea, ke lawe mai nei au i ke kukui o Molokai Light Station ma Kalaupapa, Molokai, o ia papa like, second order. . O keia kekāhi kukui nui a kiekie oke aupuni fe<lerala ma Hawaii nei a he nani no hoi kona mau mea paahana apau. O, na aniani hoomalamalama he nunui ae i ko Kilauea. O ka ikaika hoomalamalama o ko Kalaupapa kukui, he fi20.000 (on'lle-pow ikaika ihoiho kukui i ko Kilauea 240,000 ilioiho kukui; a ma kekahi ano e ae ,ina e huiia na kuku'» apau ms>i na mokupunj 'like ole mai Kauai a Hawaii, ma ka helu eandie power, ihoiho kukui, aole i loaa aku ka huina heiu o ko Kalaupapa kukui hookahi. Ka mamao mawaena o ko Makapuu kukui ma Oahu nei ame ko Kalaupapa, Molokai, he 55 mile, ua hiki ke ikeia ko Kalaupapa kūkui, a pela no hoi ko Makapuu, me ka moakaka i na po apau, ko» na manawa inoino loa o ka moana. Ka mamao hiki ke ikeia mai ka ilikai he 21 mile, like no me ko Kilauea. He nui aku na mea ano nui e pili ana no keia ku.kui. a pela no hoi me kekahi 'mau kukui e ae, aka ua lawa keia mau wahi manao: O na hale kukui apau i hoikeia ae nei ua loaa ia lakou pakahi na mahalo kiekie ia ana, hui pu me Kilauea light. Me ka m»bM« I ROBERT lANA REID. Diamond : Hea<} Light Station, Hooolulu, Oahu.