Ka Nupepa Kuokoa, Volume LVII, Number 17, 25 April 1919 — ELUA MAKAHIKI OKOA E KAKALI AKU AI [ARTICLE]

ELUA MAKAHIKI OKOA E KAKALI AKU AI

O ka manaolana o na wahine he mau makaainana no Amenka ma Hawaii nei no ka loaa o ka pono> koho baloka ia lakou, ma o ka bila la, e waiho sna na na makaainana kane o keia Teritore e hoohou' i ka ninau mana koho o na wahine. ma kekahi

koho haloka kuloko, ua hoea mai ia i ke poho wale ana, mamuli o ka waihoia ana o ka bila ma ka papa, c ke senate ma ka Poaono aku la i hala, nolaila he elua makahiki okoa ia e kakali aku ai, mamua o ka loaa ana o kela pono ia lakou, ke ole e haawi pololei ia mai ia pono ia lakou e ka ahaolelo lahui, mamua ae o ke kau koho baioka no keia kau ae o ka ahaolelo kuloko. Ma ka mea oiaio maoli i hoomaopopoia, ma na hooponopono ahaolelo a na hale kaukanawai a elua, maluna o keia ninau koho baloka, ua lawe wale ia mai no ia ma ke ano, me he kinipopo peku wawae Ip. na kela mau hale kaukanawai. me ka makemake oie ii e loaa ka pono koho i na wahine i keia kau. Ua hooholo ka aha seaate e haawi pololei aku i k£la pono i na wahine, ma o kekahi kanawai la, ua pepehiia nae e ka hale o na lunamakaainana; me ka hoao ana o na hoa oloko o kela hale, e kiola aku i na ko'iko'i maluna o na makaainana koho baloka, ka hooholo na mai, e kono ana hoi i na hoa o ka aha seriate e komo pu mai iloko o ia manao hookahi; ak.a nae. ua panai mai kela hale i ka mea i hanaia aku, e na hoa o ka haLe o na lunamakaainana, nolaila ua lilo na hooikaika ame na paio ana mahma o keia bila i mea makehewa loa, koe wale no ka loheia ana o ka leo o kekahi mau solona kaukanawai, me ka makeniake ole nae e loaa ia pono i na wahine. Me ke kanalua ole ke nana aku, ina no ke koho haloka ia o keia ninau i keia manawa, aole loa e lanakila ka aoao e haawi ana i keia pono i na wahine; nolaila ua lilo no i mea na kakou e hoomaikai ai, ka make ana o ka bila, e hoea mai ana he manawa kupono loa, ma keia mua -aku, e hookoia ai ka makemake ame ka iini o na wahine o Hawaii nei. Oiai he mau la helu wale no koe, alaila hookuu keia kau o ko kakou ahaolelo kuloko, a he hoomaka wale ana no lioi keia no ka paio maluna o ka ninau mana koho o na wahine. e hoomaka koke aku i ka hoonaauao ana i na wahine no ka makaukau ma ka hana kalaiaina, i ka wa auanei e hoea mai ai i ka loaa ana o keia pono, ua loaa ka naauao ame ke akamai, ame na hookupono ana apau, e makepono ai ka haloka i na wahine, aole hoi elike me ke koho ana a kekahi mahele nui o īia makaainana, ka pono koho wale aku no, elike me na mea e a'oia mai ana ia lakou, e ko lakou mau alakai kalaiaina, ame ka puulu e alualu ana i na pomaikai no lakou ponoi, ma ke kau ana ma na kulana oihana kiekie.