Ka Nupepa Kuokoa, Volume LVII, Number 17, 25 April 1919 — E HOOPAA I NA INOA I HIKI KE KOHO [ARTICLE]

E HOOPAA I NA INOA I HIKI KE KOHO

0 na makaainana e noho nei ma keia kulanakauhile, a riia na mokupuni mawahō aku o Oahu nei, i loaa ble ka mana koho baloka, he mea pono loa, e h£te ie e hoopaa i ko lākou mau iiioa iloko o keia mau U, i hiki ai iā lakou ke koho haloka, ma ke kau wae moho o na luna oihana o na kalana lehulehu o kakou, pela hoi ma ke kau koho nui aku iloko o ka mahina o lune. He mea nui ka loaa ana o ka mana koho baloka ia kakou, pela iho la e loaa ai ka lanakila i ka kakou mau moho i makemake ai e waeia ae, a e kohoia no na kulana oihana like ole, a lakou e alualu nei; a no ka mea he kuleana nui ko kela ame keia mana koho, e hoike ai i kona manao, ma ka pahu baloka, aole hoi o ka hoohemahema wale i keia pono, elike me ka manao o kekahi poe naaupo o kakou. 1 ka loaa ana o ka pono koho baloka, e hoohana aku ia pono, ma ke ano kupono, e lilo ai i mea waiwai, ma ka wae ana i ka poe i hoomaopopoia ko lakou mau ano kupono, a i hiki no hoi ke hilinaiia aku, no ka hooko i ka lakou hoohiki oihana, me ka pololei. Ina ua pohihihi kekahi poe kanaka Hawaii i kahi e hoopaaia ai na inoa o ka poe i kupono i ke koho haloka, e ninau i kekahi poe. O ke keena e hoopaaia ai na inoa o ka poe kupono i ke koho baloka, ma Honolulu nei, aia maloko o ke keena o ke kakauolelo kalana; e loaa no ua keena nei, ma ka hale e ku nei, ma ka aoao ma Waikiki, o ke kihi o na alanui Moi me Papu, ma ka papahele elua, mali'na pono ae o ka hale banako lahui. O na kanaka o na kuaaina mai e noho nei ma keia kulanakauhale i loaa ole ia lakou ke kuleana e koho baloka ma Honolulu nei, no lakou i makemake nui ia ai, keia hoeueu ana, oiai he kuleana ko oukou, e wae, a e koho i na luna oihana, ia lakou ka hooponopono ana mai i na hana apau no ka pono o keia kulanakauhale, ame ka poe e noho ana iloko ona. Mai kakali o hala auanei ka wa pono, no ka mea ma ka la 6 o keia mahina ae e paa ai ka buke hoopaainoa, aole e wehe hou ia, a hala ke kau wae moho, mahope aku o ia manawa e hamama hou ai, oiai nae o ke kau wae moho, ke kau koho ano nui loa; mailoko mai ona moho lehulehu, e holo nei, e oili mai, ka oukou poe kanaka i makemake ai, aole o ke kakali, a hala ke kau wae moho, o ka wa ia e hele ai e hoopaa i na inoa, he hana hawawa ia, a kupono ole.

Ina no ka holo *mai o Mr. L. L. McCandless i moho meia no ke Kulanakauhale a Kalana o Honolulu nei, ma ka aoao Demokarata i keia kau wae moho, alaila, ua loaa i ka Meia Joseph J. Fern, he hoa paonioni maikai loa, e koiia ai oia, e haawi i kona ikaika apau i keia kau, ka mea i ike ole ia ma na kau aku nei i hala. Malia paha he nui na manaolana i loaa ia Mr. McCandless no ka hiki iaia ke hoohaule aku i kona hoa mokomoko ma ka aoao hookahi, o ka ke Kuokoa nae e paha wale ae nei no, o ka ikaika i loaa iaia, ma na kau koho aku nei i hala, no ke kulana elele lahui, e like ole ana ia, me ka ikaika e loatf iaia ma ke kulana meia; no ka mea, he hana paakiki na ka moho o ka pahu loa, ka hoao ana e hoopapa me ka nioho o ka pahu pokole.