Ka Nupepa Kuokoa, Volume LVII, Number 28, 11 July 1919 — KO KAKOU POE KOA E HOOKUUIA MAI ANA [ARTICLE]

KO KAKOU POE KOA E HOOKUUIA MAI ANA

Ua lioea mai ke kauoha i Hawaii nei, no ka hookuu loa ana aku i ke koena o ko kakou mau koa, mai ko lakou mau kahua hoomoana mai, iloko o keia mau la kakaikahi, e hoea aku ana lakou no na home, a imua hoi o ko lakou mau ohana, o ka makou waie no e iini nei e ike aku, o ia ka hoolakoia o kela poe koa, me na hana, e pono ai ko kkou noho ana. * He heluna nui o kela poe koa, i kikooia mai, 110 ke kokua ana i ke aupuni o Amerika, me ka waiho ana aku i ka lakou mau hana, e huli hoi hou mai ana nae lakou, me ka paakiki o ka loaa ana he.mau hana na lakou e lawelawe ai; oka keia pepa e ake nei e ike aku, o ia no ka apo hou ana mai o na haku hana kahiko ia lakou, e noho hana aku, ma i;a wahi a lakou i lawelawe hana ai mamua. Ina no paha ua lilo ko lakou mau wahi i hana mua ai, e lilo no na haku hafia, i poe hooikaika ma ka liuli ana i na iiana no lakou e pono ai, mamua o ka ae ana aku i keia poe koa, e nolio ma na hale hoolimalima, e hoea mai ai i ka wa e kau aku ai ka poino a ka nele ame ka popilikia maluna o lakou. v • ;