Ka Nupepa Kuokoa, Volume LVII, Number 37, 12 September 1919 — NA ANOAI O KOLOA, KAUAI. [ARTICLE]

NA ANOAI O KOLOA, KAUAI.

He o ia mau ke ku o ke alalauwa ma Koloa nei i keia mau pulo e nee nei, e huli a ma"hi mau nei ua lahui like eile i ke ao ame ka po. Ma ka la 23 o ka mahina i liala i hoopuniia iho ai ma wahi hookahi no, he mau lau oama, e na keiki laeula o keia wahi, Mr. ame Mrs. D. K. Pele, ame ko laua mau hoaloha, mahope iho o ka puni ana, ua haiwi wale ia aku la i na makamaka ame na hoaloha, me ke kuai ole, hoi luuluu i ke one o Hanakahi, ola ia kini ke a mai la ke ahi. Ua haawiia mai la i koū meakakau nei he mau wahi kauna, aole no i ka nui, 0 ka lawa no o ka ai ana, nui ka momona ame ka ono o keia ano i'a, he ono 1 ka aimaka, he ono no hoi ke maloo, he ono i ka palai, lawalu, eia no keia mau i'a ke ku like nei no i kahi hookahi, elike no paha me ko na wahi e ae e ku mai nei. - Ma Lawai, oiai kekahi haole e holo ana maluna o kona mokokaikala, ua huli pu aku la oia a loaa iaia fie mau eha kukonukonu loa, aole i maopopo kona hopena. Ma ka la 25 mai, mawaena o ka hora 8 ame 9 o ke kakahiaka ma Wahiawa, ua ki iho la kekhi Pilipino i kekahi wahine Pilipino a make loa, me ka pu panapana, a mahope koke iho no, ua ki iho la no keia Pilipino iaia a make pu laua i ka manawa hookahi. Mahope iho o ka hoea ana aku o ka Hope Makai Nui Geo. Kaleimaile me na makai ma kahi o keia kipu weli- j weli, ua make mua keia mau mea elua, a o ko laua mau kino puanuanu ke waiho ana, ua pau i ka ha'ukeke, ua haalulu mailuna a lalo. O keia wahine Pilipino i make iho la ua hele aku kana kane mare i ka hana, me kona ike ole i ka hanu hope o kana wahine, a o keia Pilipino nana i ki iaia i ka pu a make, he wahi aikane hulu manu nana, no ka manawa, eia ka e ana i ka la i ka mea mahana, hana i 'o ka hulu o ka manu. He lahui minamina ole keia i ko lakou ola, he limakoko, he hana mau i na hana karaima menemene ole, apuni o Hawaii nei. He mau la papaala kfeia o Koloa nei, i ahoua keia i ka ehu a ke kai. Me keia wahi meahou liilii, ua lawa a hui hou aku no. Me ka Lunahooponopono ko'u mahalo nui, ame na keik ioniu hua kepau o kou papapa 'i ke aloha nui. Oia mau.no, , t t PETER KAMANO, SR. | Makahuena Light Statlon; Kauai.