Ka Nupepa Kuokoa, Volume LVII, Number 45, 7 November 1919 — E HELUHELUIA ME KA LEO PAHEE E HAKU'I NAKOLO AI O LOKO HANA NUI. [ARTICLE]

E HELUHELUIA ME KA LEO PAHEE E HAKU'I NAKOLO AI O LOKO HANA NUI.

(Na G. K. Keawehaku, Esq.) E Kuokoa o Kuauli, E ke koae-kau-pali O Hawaii ai alii. Welina: Eia la he alana, he ao pe u nau na ka ohia ko ame ka palaoa pae o na wai o Maluihi E puaoni e - e hono ia'u: UA LEI NO. He lei no ka lehua o Hilo, ua lei no: He lei no ka hinano o Puna, ua lei no; He lei no ka oo o Kona, ua lei no; He lei no ka roke o Maui, ua lei no; He lei no ke kukui o Molokai, ua lei no; He lei no ka mokihana o Kauai, ua lei no: He lei no ka pupu o Niihau, ua lei no; Eia na ilima la no Oahu, he lei haaheo, ono i ka onohi; O ka maoli lei aku la ia, ka heke o ke kukalahale; Mai Nuuanu pali a Mamala i ka nuku auwae. He lei no. UA KAI NO. He kai no ko Kona, He kai malino; He kai no ko Kona, He kai ma-oki-oki; He kai no ko Kona, He kai pohu; He kai no ko Kona, He kai no Ehunuikaimalino; He kai no ko Kona, He kai alania; No Honolulu o Kou ke kai, O Mamala ke nuku, O Haiki ke awa e komo ai. Ua kai no. PII I KA MAKANI. Ku ka ihu o Kaula, Pii i ka makani; Muimuia ka nai'a, Hooha-ke Nihoa; O ua hoa puhene nei o ka aina, O ka la iloilo o Apuakalamaula; He ula leo ka hoi Na ke aheahe malie, O ke kahua ia la. Elieli. Pii i ka makani. OIA HOI HA! Ina kaua ilaila, I ka unuunu pua-mai-hala, Oia hoi ha - Ina kaua ilaila, I na olohu-ikoi a ka manao, Oia hoi ha - Ina kaua ilaila, I na hakina ai a ke aloha, Oia hoi ha - Ina kaua ilaila, I ka hoolale a ka mikioi, Oia hoi ha - Ina kaua ilaila, I na aha-kaa-kolu a ka iini, Oia hoi ha - Ina kaua ilaila, I ua pani-umoki e Kaumu, Oia hoi ha - NO HANAMAULU. No Hanamaulu Ke ehu a ke kai, No Hanamaulu Ka papale o oma, No Hanamaulu Na wai o Namolokama, No Hanamaulu Ke anu i Waialeale, No Hanamaulu Na a keokeo liilii kani o Nohili, No Hanamaulu Ka limu kepa kanaka, No Hanamaulu Ka pua roke one o Mahamoku, No Hanamaulu Ka wai ku-au hoe i ka pali, No Hanamaulu O maikai Kauai, No Hanamaulu O hemolele i ka malie. Aia la! No Hanamaulu wale no! He hakina ai no koe? Ae. O ka noe o Koloa ua ike iho nei au. Sweet. No Hanamaulu.

NO MAUI. No Mahamenui ka eleele, O-o manu o poopoo, No Kula ka ulei He kowali uwala ko Honuaula; No Keanae ka wai-kau, Na Ka'uiki puu e ina; No Lahaina ka maa-a, Me ka iki-ulu o Lele. NO HILO. Ike au ia Hilo I ka ua kanikina, Ike au ia Hilo I ka pua o Kina; Ike au ia Hilo I kela ano pele liilii; Ike au ia Hilo I ka uala o eono moku; Ike au ia Hilo I ka pua lehua o ka uka; Ike au ia Hilo I ka wai-pi'o anuenue; Ike au ia Hilo I ka puulena hali ala o ka wao; Ike au ia Hilo Ia Naha Pohaku I mamao; Hookumu alii o Kaouli. No Hilo. KE KUPUNA WAHINE NO KANA MOOPUNA KANE. He Inoa. O oe mai la ka ia E pua-ehu-mahinu o Malino, e aO oe mai la ka ia E no'eno'e, e hilu, Alapai-nui-a-Maalo, e a - O oe mai la ka ia E hulu-nohu-moomooa la ia, e aO oe mai la ka ia E wohi kupu, pa i ka lani Ahu-I, e aO oe mai la ka ia E halehale makani wekiu kapu, e aO oe mai la ka ia E ka liko i likoliko i liko ai, e aO oe mai la ka ia E kaa-kua, kaa-alo, kaa-kahua, e aO ka'u no oe he kupuna O Holaniku-Kahikilauakea-o-Keaweha-ku, e aE o - hoi. "E - o -" Na Alapai (w) no James H. K. Keawehaku. Owai Au? Owai. O Alia au he Naha, O Puela au e Pi'o, O I au he I-mamao. No'u na I, na mahiole, Na ahu ame na hili: No'u na ka-poi, na palena, No'u na noanoa, na hu; Na'u i paa ka alihi o ka lau Pikele aina ame lahui o Kuauli. A waikakuu kaua la! E AHA WALE MAI ANA OE. E ka ua onini pua-ia-puai ka moana, E aha wale mai ana oe? E hoonanea ae ana au i Kaikilani Aliiwahine o Puna i lono wale oe eE ka ahaaba-la'i-I-Niua. E aha wale mai ana oe? E ko-hi ae ana au i ka waa o maua I ka moana popolo moana kele e-

E ka makanoe maka lehua o Hilo Hanakapakahi eE aha wale mai ana oe? E pelu ae ana au i na mawe-oho o Puulena makani eE aha wale mai ana oe? E aha.