Ka Nupepa Kuokoa, Volume LVIII, Number 53, 31 December 1920 — HE MOOLELO NO Elese, ka U'i Nohea i Liliia A I OLE Ka Ipo Aloha a ke Kanaka Waiwai [ARTICLE]

HE MOOLELO NO Elese, ka U'i Nohea i Liliia A I OLE Ka Ipo Aloha a ke Kanaka Waiwai

Ua kaumaha loa ko Hale noonoo ia manawa, no ka mea, aole e holopono ana, kona manao me ko Mabela noho mai. Ua lohe oia mamua aku hookahi wale nō mea makau a Harison oia kana kaikamahine, eia nae, aole. oia i hooiaio no ia ldhe ahiki iho la i nei manawa e lohe pono nei. "Aohe a'u hana e ae i hoea mai la ianei i keia manawa o keia wale no, no ke kamailio pu ana no ia me oe no ka pono 0 kuu makuakane. Ua maopopo ia oe kana mea i hana ai, nolaila, o kou manao ka'u e upu aku nei e lohe," i hoike koke aku ai o Hale me ke kali ole aku. "Oia kona hoohana ana i kuu inoa me kuu ae ole aku, ea?" 1 pane mai ai ka elemakule. "Ae, no ke kaukani dala, pela ko'u manaoio. I hele mai la au no ke noi ?na aku ia oe no ka haawi ana aku i kona kuleana a pau i ka hui nou ,aole hoi oe e huai ae ia hewa ana i hana ai imua oke akea. He manaoio ko'u ina no ka hoomaopopoia o kona kuleana apau i ka hui e aku ana no i kela huina, mahope o ka hookaaia ana aku o kona mau aie apau. Aole anei oe e ōluolu mai ana e lawe aku i kona mau mahele apau iloko -o ka hui a olua a e haawi aku iaia i na palapala?" "Na'u e pane aku ma ko papa aoao—aole!" i hooho mai ai o Mabela, a ma kona mau maka ke nana aku e hoikē mai āna ia i kona lanakila maluna o Hale, a liale hoi e ukiuki wale aku ana no. "E noi hou aku ana au ia oe, e Mr. Harisona, me ka haahaa loa, o ke kulana o kuu makuakane i keia manawa he-kulana ia e hiki ole ai iaia ke ola loihi aku. I keia manawa ua hoike mai oia ia'u i kona manaolana poho no ka hiki iaia ke hoomau aku i keia ola ana, nolaila au e noi aku nei ia oē e hoopau koke mai oe i keia pilikia ona mamua o kona haalele ana mai i keia ola ana. Aole hiki i kona hilahila ke uhiia e ke kanawai, e ike iho oe ia mea nou iho." Alaila huli ae la ka elemakule e nana ia Mabela ma kahi 0 kona nana mai ia Hale, a oia ka Mabela o ka pane kikoola ana mai: j "Waiho aku na ke ai e hana mai. E make ko makuākane iloko o ka halepaahao e pono ai ,elike me kana hewā i hana ai, o kou inoa hoi, e Hale, e kau mau aku ana kā hilahila e hiki ole ai i ko wahine, kela wahi kaikamahine hookano, ke lawe aku ia oe i kane nana." Makona keia mau olelo a Mabela e nele ole ai no ka eha o kekahi mea e lohe aku ana, aka, haikea wale ae la no nae ko Hale helehelena no kona manao no e pane mai ana ka elemakule he mea okoa mawaho ae o ko Mabela manao a no kā pane koke ole mai o Harisona i hou aku la: "No kuu makuakane ua noho pu oia ma kou aoao no na makahiki lehulehu ma ke ano o kou hoahui ia ma ka E ae ana anei oe iaia e make, ma ke ano he kanaka hana karaiitia 1 huikala ole ia?" "Heaha auanei ka mea hiki ia'u ke hana aku ina no ua hoole ae la o Mabela? E pono oe e ike iho nou ina oe e noi mai ana no ka pono o kou makuakane, alaila he kuleana 110 hoi ko Mabela e pane aku ai, ma ko'u- aoao. No ka'mea hoi e pili ana ia Elcse Be r anadona, kahi kaikamahine —" "Ea, ua oki kau kamailio ana mai i kekahi mea e pili apa no kela kaikamahinp. Aohe ou kuleana e hoahewa aku ai i kela kaikamahine ma o'u nei. Ua maopopo ia oe aua oi aku no hoi kou ike nona mamua o kekahi poe e ae, i ka nui o kona maikai ame kona maemae. "Aole au e hoahewa aku ana ia oe no kou hoao ana e hoohaumia iaia, a no ka mea, owau kekahi i komo pu ia liewa hookahi, aka nae ua hoahewa loa au ia'u iho no ko'u hoao ana e hoowa'ewale iaia, a ua hooholo iho nae au i ko'u manao ma keia mua aku e hoolilo ana au i/u iho i mea hoopakele iaia mai ka poe mai apau e hoao ana e hoopoino iaia." "Keiki maikai maoli ka hoi oe!" wahi a Mr. Harisona o ka pane ana mai, me ka minoaka ana iho. Ke uumi loa la o Hale i kona inaina ia manawa, no ka mea he hana maikai ole rana ka hoao ana aku e hoopoino' i ka elemakule a i ole i kana kaikamahine paha. Alaila wehe mai la oia i ka puka a i aku Ia: , "E oluolu ana anei oe e hoike mai ia r u pehea ana la ka loihi; o ka manawa e loaa ana ia maua mamua o ka hooko ana mai o ke kanawai i kona mana?" " Aneane hookahi pule; aole mamua ae." "A, mahalo ia oe no ka nui o kela manawa lokomaikai!" wahi a Hale. Ia pau ana no oka laua kamailio ana oko Hale oili aku la no ia a hoi pololei aku la no ka hale. MOKUNA XLV—Ka Mare Ana o na Mea Manaomo. "Ua haawi mai nei oia hookahi pule mamua o ka hookomo ana aku i ka hoopii," wahi a Hale o ka pane ana aku i ka makuakane; o kana hoike ia o ka ha'i ana mai mahope oko laua kukakuka ana me Harisona. Alaila nana ae la o Mr. Venona i ka lani a nui iho la ka hanu me he mea la e ha'uha'u uwe iho ana, a i mai la: "Malia paha i haawi mai la oia ia manawa no'u e holo mahuka aku ai, aka, aole loa au e hoao aku ana e hana i kekahi mea o ia ano, a no ka mea aole au e ola loihi aku ana, e Hale, ina no no ko'u lanakila mai keia hihia mai a lanakila ole paha. E hana koke ana au ia hana i keia manawa me ka manao maikai, a no ka mea, he pomaikai ke loaa mai ana me ka maha o ka noonoo, ua hoea mai ka pilikia ko'iko'i loa a ua hiki olē nae ia pilikia ke ku loihi no kekahi manawa." "Oiai oe e hooponopono i kau mau hana apau e haawi aku ana au i ke kokua iā oe elike me ka hiki ia'u," a elike me ia ana o ka hoike ana aku ua hoao io iho la oia ahiki i kona ike ana ua pau na mea apau i ka hanaia me ka maikai. Aohe ana nana hou ana aku ia Mokana, no ka mēa, ma kana mau olelo a m'a kona helehelēna o ka hoike ana mai aia he mau manao maikai ole iloko ona nona; aole oia wale, he mau hana e ae no kekahi a Mokana i hoolala ai e hookomo loa aku ia Hale iloko o ka pilikia. Uoko o ia manawa mahope mai, ua ike oia aia ka hilinai nui o kona noonoo maluna o Mabela, nolaila ua kula iho la-oia iaia iho i mea e hoike ole aku ai oia i kana meahuna iāia oiai ia meahuna e paanaau mau ana iloko o kona 1010, a oiai oia e noonoo ana no ia mea, iho mai la o Mabela i ka rumi ana e noho ana me ka helehelena hoihoi. Oiai o Hale e kokua ana i ka makuakane ma ka hooponopono ana i na hana apau, he manawa ia no ko Mōkaha noonoo i piha me ka manaoino ame ka rrjaalea e hoolala mai la no ka hooko ana aku i ka Mahela mau mea i makemake ai no ke kauia aku o kekahi hoopa'i maluna o Elese, ke kaikamahine a Mabela i inaina ai, aole oia wale, aka, ua hoolala pu oia i kekahi hana e kailiia mai ai o Elese mai koaa home mai. , . . , _ ,

"I'ka manawa c lilo mai ai o Elēsc e haawi ana au i ka'u maleaala loa ana maluna ona i ole ai oia e holo mahuka hou, elike me ia ana o ka holo ana me ka ike ole ia mamua aku nei. Aole no ko ka el?makule Harisona pono wale no e kailiia mai ai o Elese, aka no ko'u pono pu kekahi. "O, he hana maalahi loa kela ke hanaia. He mea nani loa ka lilo ana mai o Mahela i wahinemare na'u a o Elese hoi i wahine lawelawe no'u!" wahi ā ua o Mokana o ka namunamu wale ana iho no iaia iho. „ >i, "A, he ipo aloha oe elike me ka ko'u puuwai i makemake ai!" wahi a Mabela i ka manawa a Mokana \ a.po mai ai iaia a hoopili mai la i kona umauma. Pehea ua hana aku anei oe j ka mea a'u i makemake ai, oia ka panai ana aku i ka.ino maluna o kuu mau enemi, elike rne'ka laua i hana mai ai ia'u?" Nee ae la o Mokana i ka akaaka me kela ano debolo ona a i ae la: "Ina ua lilo ia hana a'u i hana aku ai i mea nou e hkuoli ai, alaila ua hauoli pu me a'u, e kuu aloha! Ua hoohuoi au e hoao mai ana o Hale e hana i kekahi mea e hoāloia ae ai ka pilikia mai a laua ae, eia nae, aole au i maopopo loa i kana mau mea o ka hana ana, o oe paha ka i maopopo." . " Alaila hoakaka iho la o Mahela i ko laua hui ana me Hale a kamailio no ka mea e pili ana rJco laua mare a hoole aku ai oia iaia, a pela hoi me ka heī'e irta aku o Hale e hui |Tīe ka elemakule Harisona; no kq Hale hoohokaia ana, nee ae la laua i ka akaaka hoohenehene/ "Hookahi pule a papa i haawi aku ai ia lāua " wahi a Mabela o ke kamailio ana iho me ka akaaka. "Aka nae, mahope iho o kona hoi ana aku ua kamilio A mai o papa ia'u iloko o ia manawa he manawa ia nona e hoomakaukau ai no ko Mr. Venona hopuia aku." "Kahaha! P'ehea ina e holo mahuka aku ana o Mr. Venona?" wahi a Mokana. Nee hou ae la o Mabela i ka akaaka a i mai la: "Ua hoolimalimaia kekahi makaikiu e kiai mau iaia i na manawa apau \loko o ia manawa, me ka haawi ole i niana wa no Mr. Venona ē kaawale aku ai i kekahi wahi hlamao."j "Alaila ua paa loa ka manao o ko makuakane no ka hopu j ana ia Mr. Venona, oia anei?" i ninau ae ai o Mokana, mei ka anaanai ana iho i kona mau lima. ! "Ae, o kona manaopaa maoli ia. Ua manao hoi au e paipai māu aku iaia e hoomau ōia ia manao ona, eia nae ua ike iho au he mea makehewa ka hookikina ana aku no ia mea, no ka mea, ua ikē oia i kana mea e hana ai. Wahi ana ia'u, he makemake oia e hoopa'iia ka hoahui ona me ke koikoi loa elike me ka hoopa'i koikoi loa a ke kanawai i hoakaka ai no na hewa o kela ano; ua maopopo ia oe kona ano ame kona mānao, i kona manawa e hooholo ai >i kona mānao no ka hookoia ana aku o kekahi mea, aole oia e kuemi hope ana," wahi a Mabela. . "Pela no. He enemi ino loa oia a he hoaloha māikai loa no hoi no kekahi kanaka € hana mai ana i ka maikai iaia. Oia wale no ke kanaka a'u e hiki ai ke kapā aku hē meā ! ki'ēkie loa maluna ae o'u, aole kekahi poe e ae,. oiā hoi, ma ke akamai a ma kā māalea. Pehea, ua kamailio mai nae paha oia ia oe no kekahi mea e pili ana no ko kaua mare?" "Ae; ua kamailio mai oia me ka nee pu ana iho nae i k'a akaaka. O, mai kanalua oe nona, aole oia e ku-e mai ana, oiai owau ka mea e mare ana, aole oia, nolaila„elike me ka'u i makemake ai he hooko wale mai no kana." " A pehe. ua kupono anei au nau elike me kou makemake?" i ninau ae ai o Mokana. "O sufe kela! Heaha kau mea i hana āku ai no kela wahi kaikamahine?" "Ua hoolala au e kaili hou mai iaia mai kona home māi i keia po a i ole ika la apopo. Ua hokai wale mai oe i ka'u apana hana, a mai kanalua hoi no ko'u hooko ole aku ia hana. Ua ike au he pono ia'u ke kaili hou mai i kela wahi kaikamahine no ka hāawi ana aku i ko makuakane ina o kou makemake ia. Pehea ia la, i kou manao?" Ō keia kekahi o na manao hewa loa a kekahi kane hoopalau e kamāilio aku ai i kana wahine hoopalah, eia nae, oiai o Mabela he kaikamahine i hihia- malalo o na alakai hewa a Mokana, a o kona makemake no hoi ia o ka ike mai ua haulehia kona enemi i ka hewa, aohe mai. "Ē pii kaua iluna no ka ike ana aku i kuu makuakane," i pane iho-a'i o Mabēla. "Ua makemake oia e ike ia oe i ko wa i hoea mai nei, he mea kana i makemakē ai e kamailio mai ia oe, heaha la ia mea, aole i maopopo ia'u, āka, e lohe aku ana no nae oe ke hiki aku kaua imua ona." Mā ka laua māu mea e kamailio ana. nie he mea la he mau mea laua i hoohuiia e ku-e aku ana i ke ao holookoa aole hoi ma ke ano he mau mea hoopalau. He nanaina haāhēo a haakei ko Mabela, a no ia ike aku o Mokana ia mau ano maikai ole ona ua komo koke iho lā kā manao iloko o Mokāna elike no me ka Mabela i hana aku ai i kona niakuakane, pela ana no oia e hoao mai ai e hana i ka mea like me ia i kana kane. Ua maopopo iua o Mokana keia mau ano apau o Mabela, eia nae, no ke ake loa i ka waiwai ame ka hanohano, ua kapae loa ae la oia ia mau ano ino a maikai ole apau o Mabela a hooholo iho la i kona manao e mare me Mabela. Eia nae, ua maopopo iaia keia mea, ke olelo wale iho la no nae oia iaia iho aia no he like ole nui mawaena o ke kane ame ka makuakane, nolaila, ua hiki no iaia ke hoomalu i na manao kiekie apau o kana wahine i kona manawa e noho mana ai maluna ona, oia hoi, i kona manawa e lilo ai i hoahui no Harisona, a i ka manawa hoi e lilo'ai oia i kanaka waiwai a hanohano. Hopu hou aku la oia i na lima o Mabela a hoopili mai la iaiā i kona alo mamua o ko laua pii ana aku no ka rumi e moe mai ana o ka makuakane, me ka nee mau ana iho i ka honihoni ame ka milikaa ia Mabela. Ia manawa, ua like loa o Mabela me kahi keiki uuku loa, a ua lilo maoli hoi oia i mea paani na Mokana ia manawa, me ka hoopouliUli loa ia o kona naau. Elike me ka Mokana mea i makemake ai ua haawipio māoli aku oia ia mau makemake o Mokana; pehea auanei e nele ai kona haawipio iaia iho o ka maikai auanei kela o na olelo ono elike me ka waimeli ka momona i na pepeiao o ua o Mabela, ahiki i ka poina loa ana o Mabela iaia iho, e puni ole ai ? Kuiee ae la laua a pii like aku la noluna o ka rumi a PaUlo Harisona e moe mai ana. "A, o olua mai la ka ia; he mau ipo aloha ea!" 1 pane māi ai ka elemakule. "Ae; o mau keia, a ke manao nei au aole no hoi paha oe e ku-e mai ana no ko maua hoohuiia ae ma ka mare," wahi a Mokana. "Aohe a'u ku-e ana aku, he u'i oia a he waiwai pu no hoi. Aole anei e Mr. Mokana?" v "He mea oiaio ia au i olelo mai la, aka,. hē waiwai no hoi au, he waiwai i lawa loa no maua a elua, a o ka mea i nani k>a ai he naauao oia a he hiki iaia ke malama i ka waiwai me ka uhaai ole. Aole e poino ana ka hui a Hansonā, iha o\vau ka mea nana e hookele na hana," i pane aku ai o Mokana. "Ua pololei ia mau olelo au, a i mea t hiki ai iaia ke Jswe koke aku i ka hoeUli o ka hana iloko o kā manawa pokole, e hoike aku ana au i ko'u manao ia olua e mare koke olua me ka hoohakalia ole." "Pehea?" i hooho like aku ai iaua. "E mare koke olua! Aohe mea nana e keakea mai i ko olua mare aiia. No Hale, ko kane hoopalau mua au i hoole aku ai, aole e mare me ia, e hookahahaia aku ana oia, nolaila, mahope iho o ko olua mare ana, e waiho aku ana au i na hana apau iloko o na lima o Mokana nei, a nana e hookele aku ina hana āpau oka hui. Heaha ka olua pane?" % .

"O, aole no ka lioi i ka hikiwawe i kana mai; aole no hoi e'hiki ke hoopanee iki aku a kekahi manawa kupono?' i ninau mai ai o Mabela, oiai nae o kona olu loa ia. "Aole; e mare koke olua, a i keia po no, ina he makemake olua e mare. Ua hiki ia olua ke hele no kekahi wahi no kekahi mau la ka hoohala ana i ko olua mahinameli, a e hoi mai nae olua mamua o kilu hookomo ana aku i ka hoopii no Mr. Venona. E oluolu ae ana au ma ka la apopo, nolaila aohe a olua kumu e hiki ole ai ke hoohuiia ae ma ka mare ; elike me ia a'u i hoike aku nei ia olua." ; Mokaha'makemake loa e lilo koke iaia ka hookele ana i na hana o ka hui, ate lilo hoi oia ke poo o ka hui, a ia īnanawa hookahi e kaa mai ai o Mabela malalo O kona malu, hawanawan iho la oia ia Mabela malalo o kona malu, hawanawana iho la oia ia Mahela i ka i ana iho; "Ae aku oe. i hoohauoli koke ia mai ai au." "A pehea ana o Elese? M i ninau ae ai o Mabela mc ka huhu. .11 "O, mai nana aku oe nona, e kaa mai ana oia malalo o ko'u mana i keia po me ke kanalua ole," wahi a Mokana. "O, ina pela, ke haawi aku nei au i ko'u ae." Mokuna LXVI—Ko Hale Lanakila Ana i ka Manawa Hope He ano maikai ole i ka Mabela noonoo iho, a ua hoomahuahua loa ia iho ia kahaha iloko ona, oia hoi kona mareia o ka ohana wale iho no ke ike, oiai o kana i moeuhane mua āi e mareia oia me ka hānohano loa a imua hoi o kekalii anaina kanaka nui e hele mai ana e hoohanohano i kona mare ana, ka mea ana i lia mau ai pela ana oia e mareia ai. Eia nae he nui na mea i ala ae iloko o kona ola ana maloko o na la kakāikahi i hala aku, ua hanaia kekahi hana mahope o kekahi me ka hikiwawe loa, a i ka mahawa a kona makuakane i hoolala mai ai iaia no ka mare koke ana ua ae koke aku la oia, me kona noonoo olfc i ka iiopena 0 ia ae koke ana. j Ua kauoha koke ia 'aku la kona kahunapule, ke kahu o kona ekalesia e hele mau ai, me kekahi o kona mau hoaloha pili kokoke mai no ka hele ana mai e ike i ko laUa mareia ana ma ia po iho. Ma ia koena manawa ua puahi na hana i hoomakaukauia no keia mare, na Godina, ke kanaka lawelawe o Harisona 1 hōokomo i ko Harisona lole, i hiki iaia ke iho iho i ka hale malalo no ka ikemaka ana i ka mare o kana kaikamahine me ka luna nui o ka hui ana. No Mokana hoi me ka awiwi wale no oia o ka holoke ana i o a ianei no ka hoopau pono ana i kana hana māimia ae o ka manawa kupono, a iaia i hele ae ai no ka hale o Harisona, ua hoolaunaia aku la oia imua o na hoaloha o Mabela i akoakoa mai ia manawa, me ka hoakaka pu aku o Mabela i ke kumu o ka- hikiwawe loa o ko laUa hoohuiia ae ma ka mare, a ma kahi malu nae i hoike aku ai ua o Mabela i kekahi o kona mau hoaloha, o ke kumu o ka hikiwawe loa o ko laua hoohuiia ae no ka hoohoka ana aku no ia ia Hale, ka mea ana i hoolilo aku ai i hoapaani wale no ,a he mea hookahaha aku no nae ia i ka hapanui o kona mau hoaloha, oiai ua hauwawa loa ia ae ko laūa hoopalau ana me Hale, a eia nae, i ka mare ana o Mokana aku la •ka hoi kana kane e hoohuiia ae ai. Aohe i manaoio kekahi o ko ūa o Mabela maū hoāloha no kana moolelo, a ua hookahahaia aku no hoi lakou ma o aku o ka palena kupono no kona koho ana ia Mokana oia kāna kane, a haalele hoi ia Hale Venona, ke kanaka opio a ko Nu loka holookoa i mahalo mai ai i ke kanaka u'i, ka naauao ame ke kupono maoli no i kane nā ūa o Mabela. Eia nae, ma ia po ua malamaia ke anaina mare me ka holopono, he mea hookahaha no nae i ka noōnoo o ka poē apau e noho mai ana nana i kela mareia ana ke kulike ole o ko Mābela opio a u'i no hoi, me ko Mokana. Iloko o kela manawa holookoa e lawelaweia ana o na hana mare aia mau ma*na maka o Mr. D. Harisona hfc minoaka, a i ka pāu ana o ka mare, a hele ae la hoi kela ame keia o na hoaloha e ike i ka paamare, elike me ke ano mau, aia mau maluna o ko Paulo Harisona helelielena | ka hoihoi me he mea la e akaaka mai ana, he mea kupa- | naha loa hoi i ka nana mai a ka 'lehulehu o na hoaloha e | akoakoa mai ana ia manawa. No Harisona hoi ka akaaka hookahi ka akaāka like anā 0 ka lehulehu, aole nae ma kahi e ike mai ai o Mabela ia māu ano o lakou, no ka mea ua hoouluhuaia kona noonoo mamuli o na olelo a kona makuakane. "Heaha hoi kela hana a ko makuākane?" i ninau ae ai kekahi o na hoaloha ia Mahela, me ka maikai ole o kona noonoo. "Aohe o'u makemake i ke ano o kana kamailio ana." "O, e pani koke aku ana au i kona waha i ka manawa e pau aku ai o keia' poe i ka hoi," i pane aku ai ua o Mabela i ka mea i kamailio mai ai iaia, me ka piha loa i ka huhu. A he mea oiaio ia a ua o Mabela o ka olelo ana aku, mahope o ka pau ana o ka aha inu waina, ua hoi aku la na malihini apau a koe kakaikahi wale iho la no lakou. He mau hana anoe wale no ka Mr. Harisona iloko o kela manawa e ai ana lakou i ka aina ahiahi, no ia kumu, ua piha loa o Mabela i ka inaina, a huli koke aku la e kamailio 1 ka makuakane, i ka manawa i hoi v aku ai ka malihini hope loa. "No keaha oe i hana ai elike me kekahi kanaka hupo loa, j a i ole elike paha me kekahi mea i piha i na manao hehe- | na?" He makemake anei oe e hoohilahila ia'u mamua o I kuu mau hoaloha ? He makemake anei oe e loaa aku ka I manao iloko o lakou, malia, aole o Mokana nei kau kane i makemake ai na'u? Aole o'u makemake iki i kou hana ana pela, he mau hana ku maoli kau i ka hilahila Ma kēia manawa he kanaka like ole loa o Harisona me kelā elemakule o na hora mamua aku, oia wate-.no ame Mabela ame Mokana ke noho ana ia _manawa. "Auhea oe, e kuu kaikamahine, o ko'u manawa hope loa no hoi keia e ike mai ai oe ia mau ano hana. Mai huhu mai oe ia'u. Ahe olua la holo no ko olua mahinameli? A ihea olua e holo aku ai ?" "Ina no ko maua holo nei na Mokana nei e koho ia wahi a maua e holo aku ai," i pane pākike aku ai o Mabela. "E holo aku ana maua i Bokekona," i pane aku ai o Mokana. "Ma ke kakahiaka o ka la apopo maua e holo aku ai," wahi hou a Mokana. "Ahe, a eia ka'u ia olua, e hoi mai olua i kekahi la no o keia pule, mai noho hou aku olua." "Ua makemake au ia olua ia manawa, no ka mea, aia a hoi mai olua, alaila hoomakaukāu kakou no ka hookomo ana aku. i ka hoopii no Mr. Venona ame ke keiki ana." Ku ae Ia oia a hele hikaka aku la, me ka aka haaloulou iloko ona, me ke kohu kamalii loa iā manawa, a ua lilo ia hana ana i mea hookaumaha i ko Mokana noonoo, me he mea la aia oia ia hianawa mamua o kekahi kanaka i uluhiaia e ke kaimonio. "Q, e hoike aku ana au iaia no ka mea e pili ana i ke kii ana aku ia Elese a lawe mai imua ona," i hawanawana mai ai oia ia Mabela. I "E kii mua aku oe iaia," wahi a ka Mabela pane. "Manao au ua nui loa kana awaina o ka inu ana īho nei. Aole au i ike i kona hana elike me keia mamua, o keia iho la ka makamua o ko'u ike ana." Nolaila kiai aku la o Mokana me ka noho malie i ka pii Harisona ma ke alanuipii no ka hale maluna me ka

hoike o!e ae i kona manao; 1 kona ike ana ua kau loa aku ka elemakule iluna loa e hiki ole ai iaia ke lohe mai i ka laua mau mea e kamailio ai, hopu aku la oia ia Mabela a apo mai la i kona alo no ka hoonana ana i Mabela inaina mamuli o na olelo ana o ka lohe ana aku i ka makuakane. "E Mokana, mai hoopau wale oe i kou manawa me ke kii ole aku i kela wahi kaikamahine a kaili mai iaia oiai kona niakuahine mai. Ina no kona lilo mai ia oe. hoopaa aku iaia maloko o kekahi rumi a laka aku i ka puka a paa, alaila hoi hou mai hoi paha oe e hana mai maluna o'u i na hana au e'hoike mai ai i kou aloha ia'u." Uumi wale iho la no o Mokana i kona inaina no nei hookikina aku a Mahela iaia e kii ia Elese a lawe mai iaia mai kona hale mai, a hoopaa aku iaia ma kahi paaloa e hiki ole ai iaia ke holo mahuka hou aku, a eia nae, hopu aku la. oia i ka lima o Mabela a honi iho la me ka pane ana aku : "Ua pololei oe, e kuu moiwahine ; e hele koke aku atife au i nei manawa." O kona ku ae la no ia a hele aku la me ka namunamu no ko Mabela ano haakei, a oia kana o ka olelo wale ana ilio iaia iho, ma ia mua aku, ina no ko laua hoomau aku i lea noho pu ana, e a'o aku ana oia ia Mabela i ka hoohaaliaa ana ikia iho, aole hoi oia e lilo mai i poo nona, a o kana niau mea apau e kauoha aku ai iaia o ka ua o Mabela ia e hooko mai ai i na manawa apau. "A, e loaa pu iho ana ka ike iaia no kekahi manawa.' wahi ana o ka namunamu ana iho, "o Elese Beranadona ana ko'u wahine lawelawe. E lilo ana ia i mea nana e wili iho ai i ka ehaeha arfie ka piha i ka inaina, aka, nana ia e wil iho, aohe a'u nana ana aku iaia." Ia oili ana aku a ua o Mokana iwaho hele mua aku U oia i ka hale kahi o Elese i hoopaaia ai no elua manawa, no kā nana aha iria he hale paa ia no Elese e hoopaaia aku ai.: I ka ike ana mai o ka wahine nona ka hale iaia, hookipaiā aku la oia me ke ohaoha, aole nae oia i laweia aku imua 0 Paulo. "In'a au e lawe mai ana i kela kaikamahine ia Elcse Beranādona iānei," waKi ana o ke kamailio ana aku me kai pokole loā i ka wahine luahine, "manao anei oe e hiki ana no ia oe ke paa iaia maanei?" Hulili ae la na maka o ka wahine a i mai la : 4< E hoāo mai paha oe ia'u no ka hiki a hiki ole ke paa iaia maanei. O ka'u hana ea, i mea nona e holo mahuka hou olfe ai, oia ko'u moe ma ka puka o ka rumi kahi ona e hoopaaia aku ai ,a o Sera, ka wahine Paele, ke nōho pu hie ia ma ka rumi hookahi ana e noho ana. Ke Uoohiki aku nei au imua ou aole loa oia e holo mahuka hou ana ina no kou lawe hou mai iaia ianei. Pehea ia la i koli manao?" "Aole paha ia i kupono ina no ka haawiia aku o kela kaikamahine ia Harisonā, kela elemakule kohu ole," i pane aku ai o Mokana. "Inā pela, ua hiki ia'u ame Sera ke moe mawaho aku o ka puka o ka rumi, i holo mai ai ia o ua wahi kaikamāhine la ea. ua paa ia maua ka puka, aole hiki iaia ke holo aku." I "A pehea,Jna e hiki ole ana ia olua ke paa iaia, a i ole i kona manawa paha e puka mai ai ua kaia loa ia olua i 4ca hiamoe? Inā e hiki ole ana ia olua ke hooko i keia kauoha a'u e nelt ana olua i kekahi uku mai a'u aku, a i ole mai a Harisona aku. Lohe aku la oe?" "O, mai kanalua iki oe. Aole loa maua e hoohemahema iki ana ika makaala ana i kela wahi kaikamahine. Waiho mai oe ia hana na maua e hana aku. Lawe mai paha oe iaia ianei," wahi a ka wahine luahine o ka hooia ana mai. No keia ike ana iho la o Mokana e makaala i'o ana na wahine ke laweia mai o Elese no ia hale, hoi aku la oia me ka noonoo maikai. Aole ua o Mokana i manao he mea pono ka hoike ana aku ia Harisona no keia mea ana i hana ai no ko Harisona pono, aka nae, olelo wale aku la no ia i ka i ana aku: "Ke makemake nei au ia oe e hoomakaukau ia ofc ilio no ka hele pu ana aku me a'u iwāho. Makemake au ia oe e komo mai i kou mau aahu maikai loa e nanaia niai ai oe he kanaka hanohano a waiwai, a he kanaka lawelawe oihana iealepa hoi, ina e hiki ana ia ia oe." "O, ua poho kela, e Mf. Mokana." Oili hou aku la ua o Mokana a hoi aku la no kona hale no ke komo ana mai i paalole hou nona, a ia makukau ana ona, noho iho la kakali no ka makaukau mai o ka elemakule Harisona no ko laua hele pu aku no kela hale o na wahine. Oiai oia e noho hoolai ana ke au wale ala no kona mau makā niā o a maanei o ka rumi o ka elemakule Harisona, me ka ulu mau ae o'kā manao kuko iloko ona he la no e hiki māi āna oia ana ka ona o ia hale, mahope o kona hookiekieia ana ae .ma ke kulana kiekie e paaia ana e Harisona iā manawa, a me ia noho nanea nae ona, kani ana no ka bele. Mahope o ko Harisona komo ana mai i paalole hou, iho mai la oia ilalo, a na kela bele o ka hookani ana mai ia Mokana e hoike inai ana ua niakaukau oia no ko laua hele pu aku. "E Rosel" wahi a Mokana o ka pane ana aku. "Ae; a i ke aha la? I ko'u nana aku i kou aohe ou hoihoi ke ike mai ia'u, heaha la?" wahi a Rose o ka pane ana mai me ka leo liilii loa, oiai oia e pani mai ana i ka puka mahope ona. x "O, aole au e kamailio nui aku ana no ia ninau au," i pane aku ai o Mokana. O ke kumu no ua lilo o Rose i mea poina loa i ka noonoo o Mokana, aole oia wale, ua pau no kona hoihoi ame ka makemake iaia. "Ua maopopo mua no ia'u aohe ou hoihoi ia'u," i pane mai ai o Rose. me ka leo kalakala. "O, mai walaau ae oe a nui. Heaha kou makemake la. e ka lede opio? E hele aku ana au i ka holoholo. nolaila, ina he mea kekahi au i makemake ai hoike mai." "Aohe a'u mea i makemake ai, aka he makemake wale no ko'u e hoomanao aku ia oe no kekahi mau mea liilii. 'Ka mea mua, e oluolu oe e hoomanao iho ua haawi aku au ia oe i na mea apau i loaa ia'u ma keia ao, oia hoi kuu inoa maikai ame kuu hanohano," wahi a Rose o ka pane ana mai me ka maka'u ole. "O, ke hoomanao nei no au ia mea, ka i no paha he mea okoa ae kau i makemake ai." "O, i hoike aku la hoi paha au ia oe i keia mea no kou hoohiki ana mai e mare mai ana oe ia'u, a eia nae, o ka'u hoi ia o ke kakali ana no kou hoomaopopo mai. aole nae hoi I Ja. Ke hoomanao la no anei oe ia olelo au ia'u a'u e poina ole nei?" "Oia mau ka paanaau ame na hoomanao poina ole ana iloko o'u no ia mea, aka nae, i hoike aku au ia oe ua manao au aole e malama i ka'u hoohiki, o kela ame keia kaikamah»ne i hanwipio wale mai no i kona inoa maikai ame kona hanohano no ia hoohiki, he hupo haalele loa ia e hiki ole ai ke manaoioia." Hulili ae la na maka o Rose no nei mau olelo a ka elemakule nana i pauaka iaia. a hoomaka iho la e uwe. a oiai no oia t ha'uha'u uwe ana i mai la: "Alaila o kou manaoio maoli ma ia kamailio ana mai la au aole oe % e mare mai ana ia'u ea ?" "Ae; o ko'u manaoio niaoli ia, a no ka mea, aole e hiki ia'u ke mare aku ia oe. Ua mare au i nei manawa. e kuu dear. Aka ina he kaikamahine piha noonoo oe aole no e hewa ina 110 oe e mare aku ana. E haawi aku ana au i kulana hana maikai nou me ka loaa p uaku ia oe he ukuhana maikai." "Ia wai oe i mare ai?" i ninau hou mai ai o Rose. Ia Mabela Harisona. Ma ia ano ē ike mai oe he hiki no ia'u ke hana aku elike me ko'u makemake. Oke aloha no Wou. e kuu hoaloha i haaleleia. Ua loāa ia kaua kekahi minawa hauoli loa mamua, aka i nei manawa he mea okoa ka, i lcuVeana W ' - (Aole 1 ipau.) '