Ka Nupepa Kuokoa, Volume LIX, Number 24, 17 June 1921 — HE HOALOHALOHA NO MRS, AMIKA KEOULI [ARTICLE+ILLUSTRATION]

HE HOALOHALOHA NO MRS, AMIKA KEOULI

Mr. Lunahooponopono o ke Kuokoa, Solomon līanohano, Aloha oe: —Eia au ke noi aku nei i kou oluolu, ina he wahi rumi kaawale koe o 'ka hiwahiwa a ka lahui, no ka'u puolo waimaka o ka luuluu ,o ia hoi kuu mama aloha, Amika Keouli, ua hala i ke ala hoi ole mai; nau hoi ia e uwila aku i ka hikina o ka la ma Kumukahi, a ka welona o ka la i Haehae, i iko mai ai hoi ka ohana ame na hoaloha, no kuu mama aloha'ua pau, ua nalo, ua moe i ke ala hoi ole mai. Auwe ka eha o kuu puuwai no kuu mama hele loa. Ua pau kuu lohe ana i ko leo e mama, e kahea mai aua e Nela e, pehea au c inu wahi waiu paha au? Auwe no hoi ke aloha e! T r a hanauia kuu mama aloha jna Kona, ī{oopulqa, lune 32, 1862, mai ka puhaka mai o Kaaimoku, kona papa ame Kamahana kona malha, ua mare oia me J. N. Keouli, kuu papa, ma ka la 23 o Augate, 189.3, a kuu aku la ka luhi o kuu mama aloha, Mei 24, 1921. aloha, aloha wale kuu mama. Ho makuahine haipule kuu mama, he aloha ohana, he aloha i na hoaloha, he aloha ia makou i kana poe keiki me na lei moopuna ana. E mama e, auhea aku nei oe, aia aku nei paha oe i ka malu lau kope i Maunaihi, i ka mahiai, ka'u ia e huli nei ia oe ma o a maanei, pehea la au e ike aku ai ia oe? Auwe kuu manaolana polio ia oe e mama e! I pumehana no ka home ia oe e mama, aohe kuu hele i ka hana a hoi mai, e noho ae ana oe e mama ,aohe au i moeuhane mua e haalele mai ana oe ia'u. • Qiai e .nanea ana i ka hana i kahi o Mra. MeCarthy hiki ana no o Lily K. Auld, ka peresidena Ahahui Kaahumanu, a ha'i ana i ka>nuhou kaumaha, e Nellie i hele mai nei au e ha'i ia oe o jnama Amika ua hala i ka Poakolu nei mai Hilo mai nei, ke kele-pona;-'auwe 110 ka hoi e, o ke ahiahi Poāha keia, na ka waimaka no e hiolo, pau ka manao maikai, ua ku *a piipule maoli kuu noonoo i ka lono hoohikilele a ka puuwai. E mama' c, mai kaua, i kii mai nei ka o kuaana ia oe e lawe i Honolulu ,eia ka e hele) aku ana oe, a waiho na iwi i ka aina malihini. Aloha, aloha wale oe e kuu mama, ka'u ia e hoonana nei i ko aloha, pehea la e pau ai, ua pili wale ia no na wahi apau me kuu, mama, e pii like ana i ka mahiai, i ka ohikope, i ka hana lauhala, e mama, ua ahiahi kaua, e hoi, | ua anuanu ka wai, auwe kuu manaonao I i ka ike aku i kahi apau o kuu mama e hana ai. Iloko o ka nawaliwali o kuu mama ua hoomanawanuiia eia na hana apau, a na ka make i hoomaha aku la i kuu mama aloha, ua kuu ka luhi. Ua hoomaka ka ma'i o kuu mama oiai oia e noho ana i Honolulu me kuu kaikuaana Miriam Napoleon, kauoha aku au ia iiiaina e hoi mai i ka aina nei o ia hoi o ka Ua Haao, lioi mai no kuu mama me ia onawaliwaii no, pii mai ko kuuu, a pau ,pii mai ka paupauaho, a pau keu no o ka maha ia, pii mai ka pehu o kuu inama, no elua mahina me elua pule o ka uwe ana o kuu mama i ka elia a mpe aku la. I Auwe kuu aloha pau ole i kuu* mama, ke hoomanao ae; auwe no hoi oe e kuaana e, i lawe aku nei ka oe ia mama ī Honolulu a waiho i ka luna o Puea; aloha, aloha wale kuu mama; aole au, i ike i kou hanu hope, aole hoi i kou kino wailua, o ko akaku i ka pepa o ia ka'u i ike iho. E ka Ua Haao e, ua pau kou ike ana i kuu mama ma kou mau paia. E ka Wainaukepoo e, ua pau kou ike ana i kuu mama i ka maalo ma kou alo. E Maunaihi e, aole oe e ike hou aua ia mama Amika, e noho ana ma kou malumalu. E inaleEini e, ua pau kou hii hou ana ia mama ma kou poli. E Pohina e, aole oe e ike hou ana i kuu mamu Amika ma kou kapakai. E ka moana nui akea, ua pau ko oukou hii hele ana i kuu mama aloha no ka wa pau o)e. Ua haalele iho kuu mama aloha ia mak<yi i na keikl ekolu, na hunona ekolu, me na lei moopuna ehiku,, uiq kona pokii kaikunane Naihe Kaaimoku, ame ka ohana e kumakena aku no kuu mama heleloa. Ke haawi aku nei au i ka hoomaikai nui i ka peresidena o Kaahumanu, o Waiohinu ame na lala o Kaahumanu

i komo pu mai me a'u, ka mea i hpoueleia i ka maina. O kuu īnaiiia aloha kekahi lala i» ka Ahahui Kaahumanu, komo kuu mama i ka ahahui o Waiohinu i ka la 3 o Maraki, 1919. Ke waiho noi au i na mea apau na ke Akua e-hoomama mai i kuu naau i piha me ka luuluu, no kn mea Nana no i haawi mai a Nana no i lawe aku. E hoonani ia ke Akua ma na lani kiokie loa, he maju no ma ka honua, he nloha no i kanaka. ' ' Me ka Lunahooponopoiio ko'u welina pan ole. Owau no o kana leialoha i hooneleia i ka mama. MR.S. NELLIE KEOULI KALEHUA. 'Waiohinu, Kau, Hawaii.

MES. AMIKA KEOULI