Ka Nupepa Kuokoa, Volume LIX, Number 25, 24 June 1921 — Page 6

Ka Nupepa Kuokoa

 

 

KANAWAI 246.

 

[B. H. Helu 433.]

 

 HE KANAWAI

 

E HOOLOLI ANA I KA PAUKU 2417 O KA MOKUNA 138 O NA KANAWAI I HOOPONOPONO HOUIA O HAWAII, 1915, E HOOMAOPOPO ANA I NA KIURE AME KA HOOKOLOKOLOIA ANA MA O KE KIURE, A E HOOMAOPOPO ANA I KA HUKI HOU ANA I NA KIURE.

 

E Hooholoia e ka Ahaolelo o ke Teritore o Hawaii:

 

            PAUKU 1.      O ka Pauku 2417 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:

 

            “Pauku 2417. Lawaole o na inoa; pau na inoa; kii hou ana i mau kiule hou. I ka manawa e lawa ole ai na kiule i hukiia a i kauohaia, a i ole i ka manawa e loaa ai na kiule i hukiia a i kauohaia, a i ole i ka manawa e loaa ai na kiule i hukiia me ka maamau a i kauohaia. e like me ia i hoakaia mamua ae nei, aole hiki mai a i ole aole e hiki e loaa no ke ku ana o na inoa o ke kiule nui, a i ole inoa o na kiule liilii, ia manawa ua hiki i ka aha a ma ia hope aku elike ka pinepine me ka ulu ana ae oia kulana. e kauoha mai ka pahu kiule pololei e huki ae i na inoa e lawa ai ka heluna no ka hoopiha ana i na inoa o ke kiule nui i hiki ai e loaa aole e emi iho malalo o umi-kumamakolu a i ole oi aku mamua o iwakalua-kumamakolu kiule nui. a i ole, ina aia iloko o ke kiule liilii ka lawa ole. ua hiki e hukiia mai loko ae o ka pahu pololei i mau inoa aole e oi aku mamua o iwakaluakumamaono ka heluna no ka hoopiha ana i na inoa no ke kiule liilii no ke koena o ke kau; ia manawa e kuhikuhi aku ka aha i ka makainui e kauoha aku i na poe no lakou na inoa i hukiia e hoea koke mai no na hana i makemakeia elike me ia i hoikeia mamua ae nei. Aka nae, ina o na inoa o na kiule liilii no ka hoolohe ana i kekahi hihia, kivila a i ole kalaima. ua pau ina paha ma na koi ku-e a i ole no ka hookuuia paha, ua hiki no e kauohaia i ekolu hou mau kiule mai waena mai o ka poe e ku kokoke mai ana ina aole he ku-eia e kekahi o na aoao iloko o ka hoopii. Ina ua oi aku mamua o ekolu poe i makemakeia no ke kiule liilii. a i ole ina ua ku-eia mai ke kiiia ana mai waena mai o ka poe e ku ana, alaila e kuhikuhi aku ka aha e hukiia mai ka pahu pololei mai i mau inoa hou no ka lawelawe ana ma ke ano he mau kiule liilii no ka hoolohe ana i ka hihia e ku ana ia manawa imua o ka aha, ia manawa e kuhikuhi ka aha i ka makainui e kauoha aku i na poe no lakou na inoa i hukiia e hoea koke mai no na hana i hoikeia maluna ae, a e hoomau aku ka aha i ka huki ana i na inoa ma na papa o umi-kumamalua elike me ia i hoakakaia maloko nei ahiki i ka loaa ana o na kiule lawa kupono no ka hoolohe ana i ka hihia. O na inoa o na poe apau e kauohaia ana ma ke ano kuikawa elike me ia no ke kiule liilii e hoihoi houia iloko o ka pahu pololei i ka manawa e pau ai ia hihia a i ole i ka manawa e hookuuia ai kekahi kiule i oleloia mai ka hana aku no ia hihia ina paha ma ke koii aku a i ole ma kekahi ano e ae paha, a o na kiule apau oia ano e loaa no ma ia hope aku no na hana hou iloko oia makahiki o lakou i kauohaia ai.”

 

            PAUKU 2.      E mana no keia Kanawai mai a mahope aku o ka la o kona aponoia ana.

 

            Aponoia i keia la 27 o Aperila. A. D. 1921.

 

C. J. McCARTHY,

 

KANAWAI 247.

 

[B. H. Helu 434.]

 

HE KANAWAI

 

E HOOMAOPOPO ANA I HAAWINA MA KE ANO HE HAAWI MUA MAI LOKO AE O NA LOAA LAULA O KE TERITORE NO KE KUKULU ANA I ALANUI MAI KA PAU ANA O KE ALANUI MA MAKAHA-KAO A E HOLO ANA I KA HUINA O NA APANA O WAIANAE, KULANAKAUHALE AME KALANA O HONOLULU.

 

E Hooholoia e ka Ahaolelo o ke Teritore o Hawaii:

 

            PAUKU 1.      O ka heluna o elua tausani dala ($2,000.00) ma keia ke hookaawaleia nei a e ukuia aku mai loko ae o na dala maloko o ka waihona puuku o ke Teritore o Hawaii, aole i hookaawale mua ia. ma ke ano he haawi mua no ke kukulu ana i alanui e hoomaka ana mai ka pau ana o ke alanui o Makaha-kai a e hoomau aku ana maloko aku o ka huina a na apana aina o Keaau ame Ohikilolo, maloko o ka Apana o Waianae, Kulanakauhale ame Kalana o Honolulu.

 

            PAUKU 2.      O ka heluna o elua tausani dala ($2,000.00) i oleloia ma keia ke hookaawaleia nei a e hooliloia aku no maluna ona kikoo dala i hoopukaia e ka lunahooia i hookahuaia maluna o na kikoo aie i aponoia e ke komisina o na aina aupuni, iaia ka hoomalu o ke kukuluia ana o ke alanui i oleloia.

 

            PAUKU 3.      O ka heluna i hookawaleia ma keia kanawai e loaa no. a o ke kukuluia ana o ke alanui i oleloia e hoomaka koke no elike me ka hiki ana e hanaia ka aelike.

 

            PAUKU 4.      O ka heluna i oleloia o elua tausani dala ($2,000.00) i hokaawaleia ma keia. a i ole o ka heluna e pau ana i ka hooliloia malalo o na hoakaka a keia Kanawai, e hoihoi houia aku no iloko o ka waihona laula o ka puuku o ke Teritore o Hawaii mai na loaa o na hoolilo aina aupuni maloko o ke Kulanakauhale ame Kalana o Honolulu.

           

            PAUKU 5.      E mana no keia Kanawai i kona aponoia ana.

 

            Aponoia i keia la 27 o Aperila. A. D. 1921.

 

C. J. McCARTHY,

 

KANAWAI 248.

 

[B. H. Helu 61.]

 

HE KANAWAI

 

E HOOLOLI ANA I KA PAUKU 1418 O NA KANAWAI I HOOPONOPONO HOUIA O HAWAII, 1915, ELIKE ME IA I HOLOLIIA AI E KE KANAWAI 6 O NA KANAWAI O KE KAU KUIKAWA O 1918, E PILI ANA I KA HOOLILOIA ANA O NA DALA O KE AUPUNI.

 

E Hooholoio e ka Ahaolelo o ke Teritore o Hawaii:

 

            PAUKU 1.      O ka Pauku 1418 o na Kanawai i Hooponopono Hou ia o Hawaii, 1915, elike me ia i hoololiia ai e ke Kanawai 6 o na Kanawai o ke Kau Kuikawa o 1918, ma keia ke hoololi houia aku nei i heluhelu ai penei:

 

            “Pauku 1418.  Hoolilo ana i na dala o ke aupuni; ke ano. Aole kekahi dala o ke aupuni e hooliloia, koe a no na uku mahina a i ole uku o na lunanui a i ole poe lawelawe, a i ole ukuhoomau, kokua a i ole mau koi e ae a i ole kumu e ae no lakou i hoopaaia ai kekahi huina a i ole mau huina e ukuia ma ke kanawai, a i ole no kekahi mau mea e ae i ae oleia e koho, a i ole no ke kuai ana i na lako hana a i ole mea hana mai kekahi keena okoa aku, ahahui,, a i ole mahele kulanakauhale, a i ole kalaiaina o ke aupan ifederala, teritore, kulanakauhale ame kalana a i ole kalana, a i ole no ka lawelawe ana i kekahi hana aupuni a i ole mau aelike e ia keena okoa aku, ahahui, a i ole mahele kalana a i ole kulanakauhale ame kalana a i ole kalaiaina o ke aupuni federala, teritore, kulanakauhale a i ole kalana, ina o ka heluna e hooliloia ana he hookahi tausani dala. a i ole oi aku paha e hanaia, koe a he aelike i haawiia mahope o ke koho akeaia ana, elike me ia i hoakakaia ma ke kanawai; a aole kekahi hoolilo no na hana aupuni e maheleheleia a i ole okiokiia i mea e hiki ai e hoomakeia a i ole ku-eia na hoakaka a keia pauku; aka nae, ua hiki no e hooliloia na dala, me ke apono ana o ka papa o na lunakiai. ina he hana na ke kalana a i ole kulanakauhale ame kalana, a i ole e ke kiaaina, ina he hana na ke teritore, i oi aku maluna oia heluna me ka hana alekie ole, ina o ka hana e hanaia aku ana he ano o kona kulana ame ke ano aole e ike mua ia a e ole kuhikuhi ia mamua me ka pololei kupono a i ole ina ole he koho i loaa mai mamuli oia hoolahaia ana; a pela no hoi, o kela ame keia kalana a i ole kulanakauhale ame kalana ua hiki no me ke aponoia ana e kona papa lunakiai, e hoolilo aku no na hoomaemae ana ame na alanui ame na hana wai ina paha nona iho a i ole no ke aupuni federala a i ole teritore paha a i ole keena paha oia aupuni i oi aku mamua oia heluna me ke koho ole ia; aka hou no nae, ma kahi o na hana alanui hou ame pono wai, e hoolaha mua ia no na koha i hoopaaia a e malama i na hoike piha ame na hoolilo pololei o ka lilo o ka hana, ina ua hana ia e ia iho, me ka hana aelike ole ia, a i ka pau ana o ka hana, e hoolaha me ka piha pono ame ka oiaio i kekahi hoike i na hoolilo ame na heluna o na poe koho i hooleia, ina he poe kekahi; a pela no hoi, o kela ame keia akena o ke aupuni e hana ana i ke hana ma na ano apau aole e haawiia aku a oi aku mamua o ka lilo pololei oia mea. A ke hoomaopopo hou ia aku nei no hoi, aole kekahi mea maloko nei e papa ana i ka papa ola, ina, mahope o ka hoolahaia ana no ke kohoia mai elike me ia i hoomaopopoia maloko nei, a ua loaa ole mai he koho mai kekahi mea kupono mai a i ole hookahi wale no mea koho, mai ke kuai ana aku ma na kumukuai maamau ma ka makeke, i na io, ma ke ola a i ole ano e ae paha, ame na meaai, i kela ame keia manawa e makemakeia ana no na poe mai ma ka panalaau lepera.”

 

            PAUKU 2.      E pili aku no keia Kanawai no na hoolilo ina e ku ana kekahi ame na haawina i hoolilo ole ia, na loaa a i ole mua dala bona aie no na hoolilo no ia mau haawina i hookaawale mua ia, loaa a i ole dala bona aie.

 

            PAUKU 3.      E mana no keia Kanawai i kona aponoia ana.

 

            Aponoia i keia la 27 o Aperila, A. D. 1921.

 

C. J. McCARTHY,

 

KANAWAI 249.

 

B. H. Helu 63.

 

HE KANAWAI

 

E HOOMAOPOPO ANA I KE KULEANA HANA ONA HOPE, NA KAKAUOLELO AME NA POE HANA E AE O KE KULANAKAUHALE AME KALANA O HONOLULU, AME KA HOOLALI ANA I KA PAUKU 1759 O NA KANAWAI I HOOPONOPONO HOUIA O HAWAII, 1915.

 

E Hooholoia e ka Ahaolelo oke Teritore o Hawaii:

 

            PAUKU 1.      O ka Pauku 1759 o na Kanawai i Hoop0onopono Houia o Hawaii, 1915, ma keia ke hoololiia nei i heluhelu ai penei:

 

            “Pauku 1759. Kuleana hana o na hape, etc. O na hope apau, na kakauolelo, na kokua ame na poe lawelawe e ae o ke kulanakauhale ame kalana i poe kupa no Amerika Huipuia. a i ko lakou manawa e paa ana i ka oihana a i ole e lawelawe ana, e noho paa maloko o ke kulanakauhale ame kalana, a e noho pela no hookahi makahiki mamua o ka hookohuia ana aku; aka nae, o na poe oihana i noho maloko o ke teritore aole i emi iho malalo o hookahi makahiki ua hiki no e hoohanaia e ke kulanakauhale ame kalana; aka nae, o na poe oihana ina aole e loaa ana ua noho no ia manawa, ua hiki i ka papa o na lunakiai e ae aku ia poe lawelawe oihana e hoohanaia ina no aole i noho loihi pela.”

 

            PAUKU 2.      E mana no keia Kanawai i kona aponoia ana.

 

            Aponoia i keia la 27 o aperila, A. D. 1921.

 

                                                            C. J. McCARTHY,

 

KANAWAI 250.

 

[B. H. Helu 204.]

 

HE KANAWAI

 

E HOOLOLI ANA I KA MOKUNA 93 O NA KANAWAI I HOOPONOPONO HOUIA O HAWAII, 1915, MA O KA HOOLOLI ANA I KA PAUKU 1241 O NA KANAWAI I HOOPONOPONO HOUIA ELIKE ME IA I HOOLOLIIA AI E KE KANAWAI 222 O NA KANAWAI O KE KAU O 1917, E PILI ANA I KA KAHUA O KA HELU WAIWAIIO NO KA AUHAUAME KA PAKU’I ANA AKU I PAUKU HOU I KA MOKUNA I OLELOIA E IKEIA O KA PAUKU 1283A, E PILI ANA I KA HOOHALAHALA A NA POE MALALO O KEKAHI AELIKE I HANAIA.

 

E Hooholoia e ka ahaolelo o ke Teritore o Hawaii:

 

            PAUKU 1.      O ka Pauku 1241 o na Kanawai i Hooponopono Houia o Hawaii, 1915, elike me ia i hoololiia ai e ke Kanawai 222 o na Kanawai o ke Kau o 1917, ma keia ke hoololi houia aku nei i heluhelu ai penei:

 

            “Pauku 1241. Kahua o ka helu waiwaiio no ka auhau. O na waiwai paa ame lewa apau loa ame ke kuleana o kela ame keia me iloko o kekahi waiwaipaa a i ole waiwai lewa e heluia no me ke kaawale no kela ame keia ikamu no ia mea no kona waiwaiio kuike.

 

            E helu kaulikeia na aina, elike me kona waiwaiio no ka hoohanaia a i ole nohoia paha; o keia waiwaiio e loaa no maloko o na kulanakauhale ame na taona, a ma na wahi apau e hiki ana, ma ke ana a Somer a i ole ma na ana e ae i loaa pono mai kekahi kiko kuwaena mai.

 

            Aka no nae, ma na ano apau ina he waiwaipaa ame waiwailewa, ai ole he lehulehu o  na papa a i ole ano a i ole apana a i ole waiwaipaa a i ole waiwailewa, pakahi, i huiia a ua hooliloia i kahua no kekahi oihana-no ka hopukapuka, o ka waiwai hui e ku ana ma ia kahua no ia oihana no ka imi loaa ana, e heluia no ma ke ano holookoa maluna o kona waiwaiio kupono a kaulike.

 

            O na aina i hoolimalimaia a i ole hoolimalimaia no ka lua o ka manawa i kekahi mea okoa aku a ole i hoohanaia e ka mea uku auhau ponoi iho ma ke ano he hapa no ka waiwai i huiia e ku ana no ka hookahuaia ana o ka oihana imi loa i ahoonanaia e ka mea uku auhau i oleloia ole e heluia ma ke ano he waiwai hapa n oka waiwai hui, a ole no hoi e hoohuiia maloko o na hoike helu a i ole helu auhau oia waiwai ma ke ano huii, aka e hoihoi ia mai ma ka ano kuokoa a e helu auhauia pela.

 

            I ka hoonohonoho ana i ka huina waiwaiio o kela ame keia oihana imi waiwai, e laweia no me ka noonoo ana i na loaa puka i loaa ia lakou mamuli oia mea, ame na loaa pau loa ame na hoolilo o ka hoohanaia ana; a ma kahi o na hui, he ahahui i hoikeia ka waiwaiio o na kea ma ke akea, o kona waiwai kuai ia ma ke makeke, a pela pu no hoi na mea apau e pili ana ame na noonoo ana ma ke kupono a e kaulike ana hoi maluna oia helu waiwai ana.

 

            I ka imi ana i ka waiwaiio o ka waiwai i loaa ai ke kahua o ia oihana imi pomaikai no na mea e pili ana i na hoakaka maloko o keia pauku, e huipu mua ia na waiwai apau i huiia a e ku ana ma ke ano o ke kahua ia o ia oihana, ina paha maloko o na hoakaka manao o na waiwai paa a i ole waiwailewa paha i hoikeia maloko o keia mokun a i ole aole paha, a ia manawa e hoolaweia mai ai mailaila mai ka waiwaiio o na kea iloko o na ahahui Hawaii okoa aku, i paaia a i ole i onaia e ia oihana imi pomaikai, ka waiwaiio o na waiwai apau malun aolaila na auhau kuikawa i hookauia ai ame ka waiwaiio o na waiwai apau i hiki ole e auhauia ina aole e huiia ana pela a i hanaia i kahua no ia oihana imi pomaikai.

 

            Aka hou no hoi, o na waiwai i huiia o na ano apau e paa ana i kekahi laikini o na oihana no ka pono o ka lehulehu a e holo ana maluna o na alanui aupuni a i ole o na alaloa o ke teritore, mawaho ae oia ahahui ma o na hoakaka o kona laikini ua koi ia aku e uku mai i kekahi pakeneka o kona mau loaa apau i ke teritore. a i ole kalana a i ole kulanakuhale ame kalana, e heluia no kona waiwaiio a e helu auhauia aole e emi iho malalo o ka huinanui o ka waiwaiio o na kea i hoopukaia e ia ahahui.”

 

            PAUKU 2.      Eia ma keia ke paku’i hou ia aku nei he pauku hou i na Kanawai i Hooponopono Houia o Hawaii, 1915, a e ikeia o ka Pauku 1283A, a e heluheluia penei:

 

            “Pauku 1283A. O na hoohalahala ma o na poe malalo o kekahi aelike i hoopaaia. I kela ame keia manawa a kekahi mea malalo o kekahi aelike i hoopaaia no ka uku ana i ka auhau i heluia nona, o ia mea e loaa no iaia ka mana like o ka hoopii ana ame ka hoohalahala ana i na aha auhau ame ka aha kiekie, ma kona inoa iho, me he mea la ua hel uia kona auhau ma ona la ponoi iho, aka nae o ka mea iaia i auhauia aku ai ua helu iwawai le e loaa no iaia ka mana e hele mai e ku nona iho a e hooloheia maluna o ia ano hoohalahala.”

 

            PAUKU 3.      E mana no keia Kanawai i Ianuari 1, 1922.

 

            Aponoia i keia la 5 o Mei, A. D. 1921.

 

 

C. J. McCARTHY,

 

 

MALAMA MAIKAI IA NA MA’I MA KALIHI, PUUHALE.

 

            I ka uwea kelekalapa apuni na moku, ka Lunahooponopono o ka Nupepa kuokoa, aloha nui hou aku:--E oluolu mai hoi i kou lokomaikai palena ole i keia mau kanaenae manao, e hookomo iho ma kahi kaawale o ka kaua makahiapo, kona mau rumi, na kena o ke kolamu, ke kihapai i piha me ke aloha.

            Eia au ke kiu o na Koolau, ua hoihoi mai au i ka’u moopuna ponoi i ka home o Kalihi, oiai ua loaa i keia haawina e kau ia nei ka weli ua homaka mai ma kona papalima, o ka hookahi keia o kona mahina i ka home, o ka maua wahi moopuna wale no keia, a ua loaa mai mailoko ona he kaikamahine, kuakahi iho la maua, eia ke malama ia nei ka babe e ka aoao o ke kane, o ka lima keia o kona mahina.

            Ua kamaaina loa au i ka hele i keia kula loa o Kalihi me ka’u wahine, i ike mau aku i ka maua moopuna, Annie P. Keola, a ua launa mau au me ka poe i hookuuia iho nei, a na keia mau lede i hoike mai ia’u i ke kulana o ko lakou malama maikaiia ana, e keia mama oluolu a makuahine hoi o ka home, e kauia nei e ka weli; o ke kulana mamua aku, aole ka he malama maikaiia, he bila huikau o keia ka oi, e nee nei, ai a lawa a hu.

            O ka inoa o keia mau lede, o Mrs. Elena Kapiko ame Mrs. Kekino, na laua i hoike mai, me ka oiaio loa. a ua ike pono au me ko’u mau maka iloko o keia mau la a’u e iho mau nei i kai o Puuhale; he nui na hana maikai.

            Akahi—Na hoomana like ole, ua aeia e komo aku e hui pu me lakou, i ka ke Akua olelo, o ke pomanao i heluhelu ia mai aia ma Pilipi 2:18, na kekahi luna o ka Hoomana Naauao, he hoaloha no me nei, Rev. Kekona, i hoike mai i ka la Sabati iho nei, o ia ka la 5 o Iune.

            Ua hiki mua ke kiu he mau minuke mamua iho, a e hoolohe ana mawaho aku nei o ka pa me ka’u mama, ua kuka iho la maua ina paha e kohoia mai ana kekahi o kaua, ina ua kuupau ka ipu makani a Laamaomao; aole hoi e hiki, ua alaiia e ka ua i na pali; ana mai hoi kau i ka nani o Puuhale.

            Ua waiho laula ia aku imua o na hoa ka mea manao ku mai iluna, aole i hakalia iho, ua ku koke mai o Kekaula, ke keiki iaia na kaula 7 o maawekani, he lilo mai hoi kau; noloko o ka home keia keonimana, ua kakele no iluna o ke pomanao i hoikeia mai a e hauoli hoi loaa ka uku.

            Pau kana. ku mai o Kaleihuia, keiki o ka Uakukalahale, maluna no o ke poomanao he hauoli ko’u i ko’u hui ana me oukou, nolaila, e hapai like kakou, elike me keia mau pua e ulu nei; ulu me ka maikai, aole maloo, hauoli, oluolu na maka ke nana aku.

            Pau kana, ku mai kekahi keonimana, aole i loaa ia’u kona inoa, e kala mai oukou ia’u. Ua like no me kona mua i ha’i mai ai, e hauoli, a e olioli nui hoi, i loaa ka uku ma ka lani. Elike me na wahine puupaa he 10, elima i makaukau, hauoli lakou, ua loaa na kane, o ka elima i koe iho kaumaha, a he nui aku na mea i hoikeia aku imua o na hoa o ka ehaeha.

            Ku hou no kuu makemake o ia o Rev. Kekona, nui kona hauoli i na mea i ha’iia e kona mau hoa, nolaila e malama oukou i keia mau mea maikai.

            Ina he manao kekahi o oukou, eia ka manawa, ku mai la ka mama o ka home iluna, oia o Miss Clinton, penei kana i ninau mai ai:

            Ua ike oukou i ke Akua? Ae. Pehea i maopopo ai ia oe? Penei, nona keia kino ikaika, ka ai, ka lole, ke kala, na mea apau.

            Ninau, i ka wa i make ai ka Haku me na powa elua, ihea lakou i hele ai? O ka pane i hoikeia mai ai i ka honua nei no i noho ai; ka kekahi i ka laui, kahi maha; ka kekahi, i ka paredaiso. Kunana ka mama o ka home i nei mau haina lehulehu, o ka haina hea la kana i hoomaopopo ai, ano huikau na bila a na hoa, hu ae la ka aka, me ka hauoli nui i na haina lehulehu a na makamaka, he u’i mai hoi kau; hiki ole i ke kiu ke kaomi iho i ke ki o ka huamele, ke lele oi loa la imua. Ua nui ka olioli me ka hauoli pu.

            O kekahi keiki oloko o ka home, ua ku mai iluna, a noi mai e oluolu mai i mau minuke; ae, ua ku mai a hoike mai penei: Ua hele o Iesu i kahi o na uhane me keia mau powa, o ia ka Paredaiso, e ha’i i ka Euanelio ia lakou, ka poe i ka wa ia Noa, i ke kolo o ka la, ala hou mai oia, a hele he ano pololei kela; o ka kekahi hoi i ku mai ai a ninau, o ka bapetizo i ka wai nui, a i ole o ka bapetizo anei ma ka lae ka bapetizo iloko o ke pola paha, owai o lakou ka oiaio o ka bapetizo? ua ku mai o Paredaiko, ka pukuaiahi kialapine, a hoi mai i ka haina o ka ninau penei: O ka bapetizo i ke ahi me ka uhane hemolele, o ia ka oiaio.

            E kuu mau hoa, na makamaka hoi, na loea huli Baibala, eia ka ninau a kekahi keiki oloko o ka home, nona ka inoa o Kapiko nana keia ninau: ua like paha me ka lakou nei, aole paha o ka’u hoi o ka bapetizo i ka wai nui, iloko o ka muliwai o Ioredana, a he nui aku.

            Ua lawa keia, ke ku nei iluna ka papa himeni, oloko o ka home, me ka pule hookuu a Rev. Kekona, me ka mahalo .

            Ua nui keia mau itamu, me ka hauoli, me ka mahalo a nui i na haiolelo o ia la Sabati, i ka ke Akua olelo; welina i na keiki o ka pa hoomalu o Kalihi, me na keiki hooheno o ka papapa’i a ke aliiwahine Kaikilani, me he ua liilii la o Manoa.

            Owau iho no ke kiu o na Koolau.