Ka Nupepa Kuokoa, Volume LIX, Number 32, 12 August 1921 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
HE MAU POHAKU KUPAIANAHA ELUA E LANA ANA ILUNA O KA ILIKAI
(Ka hoopau ana.)
Kakauia e J.K. Mokumaia.
Ua mamao au, na oi aku ka pono ma keia mua aku, e lawe ma ke ano hoikeike ma kahi e weheia ana paha he pea.
Noilaila i keia mau la e waiho wale nei ko laua kino maluna o kekahi pakaukau uuku, ma ka puka aniani o ka halekuai o Makanani, ua nui ka poe e ake ana e loaa ka mea oiaio, e pili ana i ko laua kino, ame ka hele mai o ia poe a hookui mai i ka meakakau nei, in a paha ua maopopo ia'u ke ano no ko laua 'hoea ana mai hookahi no pane e loaa aku, o @ no ka maopopo ole o kahi i hoe'a mai ai oiai ua nui no na kohokoho ana a kekahi poe, he Pohaku Pele keia, oiai aole loa au i ike i ke ano o ka pohaku pele ame ke kulana o ka pohaku ana e oleloia nei, oiai ua pau ka'u mea i ka hoopaaia ke ano o ko laua nui ame ko laua kaumaha, aia maluna o ia kahua ko'u manao ke kukulu nei, o ia hoi o ke kaumaha ame ka lana ana olike me ka mea i hoikeia ai, ma na helu mua i kaahope ae nei.
Nolaila, heaha ka waiwai o ka lawe aua mai a olelo he pohaku pele keia, no ka mea ke olelo mai nei kekahi mea i kamaaina i ka pohaku pele, he lana no ia a i ka loihi ana, e poholo ana oia ilalo, nolaila in a o ia ka mea oiaio, alaila aole loa i pilipili aina ka pohaku ana, ke olelo mai nei kekahi poe, o ka ana he lana ia, he mama loa kona ano, a he paakiki kona kulana, he mea kuolo ilouna o ka puaa i hemo mai ka hulu a maikai, o kekahi aua, he mea laau e koekoeia ai a kohu @ in a o ia iho la ke ano, aole loa no i pilipili aina mai ia laua nei.
Nolaila e ka lehulehu ma ka'u @ aku, i na makamaka i launa mai ai me a'u, he ano hoopohala ka kekahi, a o ka kekahi hoi he ano paani, a o ka ke kahi hoi, he mea haku wale iho no na'u, a o ka kekahi hoi, he kuula, a he nui aku na kohokoho ana, aka aole loa i kulike me ka'u mea i manao ai, no ka mea, o kau mea i ike ai@ ua kaawale la mai na manao i ko hoia mai ai.
Nolaila i kela pule, Poakahi e pa@ ai ka ike hou ia ana o ko laua kulana ma kahi i waihoia ai, o ka piha ana no hoi ia o na la a'u i kauoha ai, alaila e kaupuona hou ia laua, nolaila ma ku Poakahi, hora 12:30 p.m., i laweia mai ai laua mai kahi i waihoia ai, ame kekahi poe e ae, a laweia i ka halekuai o eKwiki ma, ua manao au aia ia wahi na paona pololei; nolaila i ko'u hui ana aku me kuu hoahanau oia o Mr. Keawe Hao, he mea i kamaaina i ke kaupaona; i ke kaupaonaia 'ana o ka pohaku nui, ua emi mai kona paona, o ia hoi elua paona me ekolu hapaha; ua like me ekolu hapaha paona haule, oiai i kona manawa iloko o ka Pakeke Kai, Ekolu paona me kapa; o kahi pohaku uuku ekolu hapa paona no kona kaumaha, elike me ma maa o na iniha o ko laua kino, o ia mau no.
Nolaila ke ku nei na mea oiaio imua o ka lehuleu, a ua manao au in a no ka hoomau hou ia o ko laua kino, elike ana no me mamua; nolaila i ka lawe ana mai i na mea oiaio, ua manao ka meakakau, aole paha e ike hou ia ko laua kino.
Ua nui no na makamaka i ake mai e ike ua hoole aku au ia lakou me ka maikai no na kumu o ia keia ua hanaia kekahi mau manao o ia hoi ka hoao ana i ko laua paa ame ka ole, nolaila o kahi pohaku uuku ka mea i uhaki hapalua like ia, aole au i manao e hanaia ana pela, oiai ua kamaaina au laia, a i ka haki ana, ua nui ko'u kaumaha ame kuu olelo aku iaia, kupamaha no hoi oe, ua nui ka poe i hoopapa i ko laua kino, he mau hane@i ia oe hoi o oe wale no, eia ka hoi ke hooikaika nei oe e naha kona kino, ua nui ko'u kaumaha, nolaila ua lawe koke au e hanaia kekahi mea e paa ai kona kino a like me mamua ua ko ka'u mea i manao ai ua hoi hou a like me mamua o ka poe i ike maka, o ia no na haole, ua nui ko lakou huhu ame ko kakou koi mai ia'u e kaki iaia no kana i hana ai oiai he kuleana ko'u e koi ai e uku oia e hiki ole ai iaia ke hoole, no ka mea ke imiia nei ko laua waiwaiio ame ko laua kulana ame ko laua hele like.
Nolaila aole maopopo ke kumu waiwaiio o ka laua kino, oiai o ka mea nana i hana ia hana, ua mihi loa oia, oiai he hoaloha no hoi, nolaila ua kala aku au ia mau kuia, nolaila manao ai au aole pono e hoopapa hou ia ko laua kino i ka pau ana o na la hoikeike.
Nolaila e ka lehulehu, in a he pohaku ka lakou e pono e hui mai me a'u a e nana aku hoi i ke ano o ia pohaku, he ole hoi ka olelo wale iho no, ua loaa ia ano pohaku, a he nui loa ma na Kona, a pela no hoi me Kailua, Oahu; e lawe mai no hoi, oiai he mau haole ka mea i makemake e kuai i keia mau pohaku, aole au i ae aku.
Nolaila ua manao au in a he hiki ia @aua ke hana i mea e waiwai ai laua. @aila, ua manao au e hiki aua no ia'u.
I ka hoihoi pono ana ae i na mea e pili nei i keia mau pohaku, o ko'u manao maoli mai ka papaku mai laua o kekahi lepo kupanaha loa, a i ole mailoko mai o ka luapaakai e waiho nei ma Moanalua, oiai o kahi ia a Pele i eli ai, a no ka loaa ana o ka wai, i waiho ai, a hoi i Maui amo Molokai, a hookahua ma Hawaii, oiai o ke kai e pii ai iwaho nei o ia kai no ke komo i Wailiapaakai.
Mamua he nui ka paakai, i keia manawa ua hanaia he mau luawai e kahe mau ai, nolaila ua make ka li'u o ka paakai, a ke ola nei ka i'a ame ka momona a ono ke ai aku, he mau koho koho wale no keia, oiai o ka mua loa paha keia no na mea kupanaha i ikeia o ka lana o keia mea kaumaha he pohaku, ame ka hele like ana.
Ke olezzo nei ka poe akeakamai, in a e okiia he poke laau nui, ame kahi poke laau uuku, a hookuu like ia laua iloko o ke kapu hookahi, ua loaa loa ka mana i ka poke laau nui e huki mai i kahi mea uuku a pili, in a o ia ka mea oiaio, alaila ua like me ka'u mea i ike maka ai, aia he mana ume iloko o ka pohaku nui, eia no na mea a'u i ike ai, i ka wa a ka wai e puka mai ai mai na puka liilii mai me he la, e puhiia mai ana.
Nolaila ua lawa keia mau hoikeike ana i ko laua kulana.
KA MAKOU MEA ALOHA UA HALA
Mr. Solomon Hanohano; Aloha ka ua:-E oluolu oe e hookomo iho ma kekahi rumi kaawale o ka kaua lei hiwa hiwa, ka Nupepa Kuokoa, i ike mai ai na kini makamaka o ka mea i hala, i ke ala hoi ole mai, mai ka hikina a ka la i Kumukahi, a ka welona a ka la i ka poli o Lehua, aloha wale!
Ua hauauia kuu pokii hoahanau Mrs. Namahana Kalua Aka, i ka mabina o Sepatemaba la 7, i ka makahiki 1880, ma Kuau, Maui, mai ka puhaka mai o kona mama Mrs. Kawai ame kona papa Mr. Kealiiholokahiki, a ua lawe hauaiia mai oia e Mr. Kamanu, ame Mrs. Kalua; ma Makaweli, Wai mea Kauai, oia i hauaiia ai, ahiki i ka loaa ana o kana kane Mr. Aka a na G. L. Kopa laua i hoohui ma ka berita maemae o ka mare, a ua mareia laua i ka makahiki 1893, Feb. 25, ua piha iaia na makahiki he 43, ame 7 mahina me ehiku la, a ua hoopomaikai @ai ka Haku mana loa ia laua, a ua hanau mai la he kaikamahine hookahi mai iaia mai, a kani a moopuna oia a hale wale aku la i kahi mau o na mea apau, a kuu aku la ka luhi, pau iho la ka ike ana i na i@ea o keia ola honua ana.
I ka mahina o Maraki, la 30, 1920, i pauaho mai ai oia i keia ola ana, a lawe aku la ka Haku mana loa, i kana waiwai makamae o ka uhane, a ko iho la ka olelo a ka Buke Nui, e hoi no ka lepo i ka lepo a o ka uhane i ka Mea Nana i hana, a waiho iho la i ka ukana luuluu he waimaka i ka ohana, ame kau mea aloha he kane, ame au lei momi poina ole i na kau a kau.
Aloha wale kuu pokii heleloa, aka nana no i hana mai, a Nana no i lawe aku, o ke alahele la o na mea apau, a ua haku iho au i wahi kanaenae aloha ao kuu pokii hoahanau i hala, elike me kana mau haua maikai, a pela au, i hoomanao ai nona aloha wale!
KUU LEI PUA ROSE UA MAE
Kauikau he aloha nou e Kalua, Ka wahine i ke ala hoi ole mai, Noho e ka ohana me ke kaumaha, Me au mau lei poina ole. He uwe helu mai o Kaualoku, He aloha kuu hoa o ka inea. Kuu lei pua rose la ua mae, Ua nalo i ka ehu kakahiaka. Hu mai ke aloha no ka'u kia, Kuu hoa pili o ka waiulailiahi. Alo aku kaua o ka Waipao, Ka makani kaulana a o Waimea, Mea ole e ke anu me ke ko'eko'e, I ka i'a mililani o ka aina. Aia i ka poli wai o Lehua, Kuu hoa kaana o ka po anu, Ua anu hoi au a maeele, I ke ki@oni a ka ua Nuulu, Ulu mai ke aloha hana i ke kino, I ka hapalu like o ka puuwai. Nawai e ole ke alohaia, Kamalei ua ke kini a ka waikea, Heaha nei hana a kuu aloha, Huna ai na maka pau ka ikena, Hele oe i ke ala hoi ole mai, I ke ala waimaka a ka ehaeha. Noho aku i ka home puanua@u, I ka home ike makamaka ole ia. O ka noe a ka ua kikoui ili, He hoailona ia na ka waimaka. Haina ka uhane kino wailua, No Kalua no hoi la he aloha. Hakuia e MRS. PA, Na hala o Naue au, i ke kai.
HOPULA HE WAHINE PAKE NO KE PUHI OPIUMA
Ma ka auwina la o ka Poaha o ka pule aka la i hala i pa@ ae ai he wahine Pake ma ka ino Mrs. Lum Lam, no ke alanui Kukui, o keia kulanakauhale i na luna o ka oihaua ohi loaa kulo ko a waihoia ae kona @ihia imua o ka aha hookolokolo o ke T ritore elike me ka hoakaka a ua luna nupuni, ka poe na lakou i hopu a i hoike ae i loaa aku ai keia wahine ia lakou e hauhau opi uma aua maloko o kona rumi maloko o kekahi hale e ku nei ma ke alanui Kukui.
O na mea paahana puhi opiuma apau ua hapuku ia ae e ua kanaka o ke aupuni a ku i ka halewai @u pu me ke kahi huina opiuma @k@ i loaa aku e waiho ana, wahi a lakou.
NO KA LUKU ANA AKU I NA IOLE MANAKU
Ua hooholo na lunakiai kalan me ka hui pu na me ke Komisina I'a ame Manu teritore e hoomaka i kekahi hana hoeueu me ka manao e luku aku i ka manaku.
Ua hoomapopo ka ahaoleloi hala aku nei i ka nui o ka poino i hanaia i kela ame keia makahiki i na manu ahiu ame na manu laka, a ua hoomahuahua ae i ka uku manuahi maluna o na poo o na iole manaku mai ka 10 a i ka 15 keneka no ke poo. O keia uku nona iho aole e manaoia ua lawe no ke koi ana aku i keia ame keia e lilo ia i hana e pomaikai ai ka luku ana aku i keia holoholona hoopilikia, nolaila ua hookaawale ua lunakiai i ka haawina o $500 mailoko ae o ka waihona i hookaawaleia no na manu no kekahi mau makana e haawiia aku i ka pau anu o kela ame keia hapaha a ma ka pau ana hoi o ka makahiki.
He mau makana ma ke dala kuike o $25; 15; 10 ame, $5 ke haawiia aku ana i na kanaka elima a e loaa aku ana na dala manuahi maluna o ka heluna nui o na poo manaku e hoihoiia mai ana iloko o kela ame keia pau aua o ka hapaha ma ka la 30 o Sepatemaba; Dekemaba 31; Maraki 31; ame Iune 30.
I mea e loaa aku ai ka uku manuahi e pono ka poe e noi ae ana ia hana e haawi ae i ka luna auhau o ka apana auhau, kahi ana e noho ana, i na poo o na manaku, no laokou na uku manuahi i koiia. Ua koiia ka mea noi e hoohiki i kana hoike e hoike ana i ka huina o na dala manuahi i koiia a o na manaku ua pepehiia a make maloko o na la he kanaono a maloko hoi o ka apana auhau i oleoia. E hoouna ae ka luna auhau i ka oleloike i hoohikiia me kekahi palapala hoike e hooia ana i ka puuku, a nana e hoopuka ae i kekahi bila kikoo a haawi ae i ka mea noi no ka huina e loaa aku ana iaia.
Oiai aole hiki ke hoouluhuaia ae nei n@au luna aupuni e na kanaka e lawe ae ana i kekahi poo manaku a e ole e@ paha i kela ame keia mau la kaikahi, ua hoakaka ia ae kekahi mauao o kela ame keia kanaka e alualu ana no na makana maluna ae e pono lakou e hana i kekahi hana e mau ai ka maikai o na poo manaku ma o ka hookomo ana ia mau poo iloko o kekahi pahu i piha me ke kai paakai; a i ole mahele i ke poo, a lulu iho i ka paakai a kaulai ae. Ma ia ano e hiki ai ke laweia ae ia poo manaku imua o na luna auhau i kela ame keia mahiua a i ole elua mahine paha.
Mahope o ka pau ana o kela ame keia hapaha e hoopaa na akena o ke komasina i'a i ka heluna o na poe manaku i lawia aku, a e hoouna ae i na inoa o na kanaka elima e lawe ae ana i ka heluna nui o na poo manaku i na lunakiai. Ia poe e hoounaia ae ai na bila dala elike me na huina i hoakakaia ae la maluna. Ma ia ano i ka pau ana o ka makahiki o na kanaka elima e hoouna ae ana i ka heluna oi aku o na poo manaku e ukuia aku ana he $50; 40; 33; 30; ame $25 pakahi
MAHELE 2
Ua hoolalaia he hana e haawi aku i ka mea e hana ana i kekahi mea paahana e holopono ai ka pepehi ana a i ole ke pahele ana paha i ka manaku he uku makana ma ke dala kuike ma ka pau ana o ka makahiki eia nae, o ke ano o ka hana ana i keia mea e paa ai ka manaku aohe i hoohanaia i nei manawa.
No ka hana maikai loa e paa ai ka manaku, he hana ia na kela ame keia e ake ana e paa ka manaku e hooholo ai nona iho. He hana maikai ke kipu ana i ka manaku, ka hana ana i pahu a i umii a i ole hana ana i laaumake, eia nae, ka pilikia, ma ka hapanui o keia ano hana he mea pono e hanaia me ka makaala loa e lilo ole ai i mea hoopoino aku i kekahi mau holoholona e ae.
Ua ike kekahi poe o ka umii i hanaia mai kekahi kini aila kahiko a i ole pahu barela paha ua holopono Ua hanaia keia ma o ka hoomakaukauia ana o ke pani e hiki ai ke kahuli a hoi hou ae ma kona wahi i ka manawa e haule iho ai ka manaku iloko o ka pahu mahope o ko ka manaku kii ana aku i ka maunu i kauia. O kona kaumaha ka mea e kahuli ai ke pani a haule iho ia iloko o ka pahu i piha me ka wai kahi e make koke ai oia, a i ka wa e hoi hou ae ai ke pani ma kona wahi mua, ua makaukau ia no ka maunu me ke akamai loa.
Ua ikeia no ka paa o ka manaku i na umii kila, oia hoi i ka manawa e hookuluia iho ai hookahi a elua mau kulu aila anise hui pu me ka maunu Ua manao wale ia o na Keiki A'o koa Amerika ke ohi ana i ka hapanui o na dala makana. ua haawi pu ia e na Lunakiai o Maui ame Hawaii ua makana like me keia ma keia manawa. O ka hana e hoike ana i ke aloha i ka aina ame ka hana ke kahua o na hana ano nui i na kalanu a na Keiki A'o koa a no ka hooikaika ana e hoopakele i ka lehulehu ame na wahi like ole mai keia holoholona hoopilikia ae. he mau holoholona lawe i na ma'i a he mau holoholona hoopoino hoi i na manu laka ame ka lakou mau hua, e hoomahua
TERITORE O HAWAII
Keena o ka Puuku Honolulu Oahu Ma ka hana e hoopau ana i ke Kawailoa Land Company Limited
Oiai o ke kawailoa Land company limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleiolia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii. Honolulu, Augate 3, 1921. 6463-Aug.5, 12, 19, 26; Sept. 2, 9, 16, 23, 30; Oct. 7
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ka Helemano land comapany, limited
Oiai, o ka helemano land company limited he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakuakauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i eleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
DELBERT E. METZGER
Puuku, Augate 3, 1921. 6463-Aug. 5, 12, 19, 26; Sept. 2,9,16, 23, 30; Oct. 7
TERITORE O HAWAII
Keena o ka Puuku, Honolulu, Oahu
Ma ka hana e hoopau ana i ka anahulu land company, limited, Oiai o ka anahulu land company, limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae make keena o ka mea nona ka inoa malalo iho maloko o ka Hale Mana Hooko. Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala nei i oleloia.
DELBERT E. METZGER,
Puuku, Teritore o Hawaii. Honolulu, Augate 3, 1921. 6463-Aug. 5, 12, 19, 26; Sept. 2, 9, 16, 23, 30; Oct. 7
TERITORE O HAWAII
Keena o ka Puuku, Honolulu, Oahu
Ma ka hana e hoopau ana i ke Kahee ka Pineapple company limited.
Oiai, o ke kaheeka Pineapple Company, Limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pa ia me ia, elike me ia i koiia ai ma ke kanawai.
Nolaila, ma keia ke haawiia aku nei ka hoolaha i kekahi mea, a i na kamaka apau, he mau kuleana mamua a e kuleana nei paha i keia manawa, ma kekahi ano iloko o ka hui oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DERBERT E. METZGER
Honolulu, Iulai 30, 1921. 6463-Aug. 5. 12, 19, 26; Sept. 2, 9, 16, 23, 30; Oct. 7.
T O MURATA FURNITURE STORE
(Na noho hoolimalima me lako pamaanei.)
Na Lako Hale Hou me Kahiko. Hoolimalima me Kuai Hoolilo
715 Alanni Hema. Honolulu, T H., Kelepona 1695.
TERITORE O HAWAII.
Oiai, o ka anahulu land keena o ka Puuku, Honolulu, Oahu
Ma ka hana e hoopau ana i ke Kala Land Company, Limited oiai, o ke Kaala Land Company, Limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaoia i hoohui pu ia me ia, elike me ia i koiia ai ma ke kanawai.
Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii. Honolulu, Augate 3, 1921. 6463-Aug. 5, 12, 19, 26; Sept. 2, 9, 16, 23, 30; Oct. 7.
TERITORE O HAWAII.
Keena o na Puuku, Honolulu, Oahu
Ma ka hana e hoopau ana i ka aala dry goods company, limited.
Oiai, o ka aala dry goods company limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaoia i hoohui pu ia me ia, elike me ia i koiia ai ma ke kanawai.
Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 31 o Augate, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii. Honolulu, Iune 22, 1921. 6457-Iune 24; Iulai 1, 8, 15, 22, 29; Aug. 5, 12, 19, 26.
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ka Ta@ Seido Drug Company, Limited
Oiai, o ka Tanseido Drug Company, Limited, he hui ia i kuku@ a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaoia i hoohui pu ia me ia, elike me ia i koiia ai ma ke kanawai.
Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 15 o Augate, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma k@ keena o ka mea nona ka inoa malal@ iho maloko o ka Hale Mana Hook@ Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER
Puuku, Teritore o Hawaii. Honolulu, Iune 6, 1921. 6455-Iune 10, 17, 24; Iulai 1, 8, 15 22, 29; Aug. 5, 12.
HOOLAHA LULU MANAWALE
Ke hoikeia aku nei ka lohe ma keia i na lala apau o ka Hui Kokua a Hookuouoono o na Wahine Oiwi Hawaii e lulu koke mai i ke kanalima (50c) keneka manawalea no ko kakou hoahanau, Mrs. Malie Puaala Williams, i haalele mai i keia ola ana, a haawi ae ma ka lima o ke kakauolelo dala, Miss Helen Allen, ma Kapalama, Honolulu, Oahu.
MRS, MAIKAI KALEO.
Kakauolelo o ka H. K. H. W. O. H. Hanaia ma Honolulu, Iulai 26, 1921. 6462-Iulai 29; Aug. 5, 12.
HOOMAKAUKAU NO MUA AKU NEI
E hoao e Hoomakaulii Ano…E Malama i ke Dala e wehe i Buke Banako Hoahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA no ka Hoolimalima
$1.00 no ka Wehe Ana i ka Hoahu
Kihi o ke Alanui
Moi me Nuuanu
LUAU Na pa, noho pakaukau ame na Haleole no ka Hoolimalima
PEOPLE'S HARDWARE STORE.
453 Alanui Moi Akau, Kokoke i Palama Settlement. Kelepona 2670.
KAKELAMEKUKE
(KAUPALEMAIA)
Poe Kalepa ma ke Komisina
A He
Poe Agena no na Mahiko Lehulehu
MAU APANA AINA KUAI
$450-Apana 50x200 Alanui 9, Palolo. Aole pohaku. $20.00 ukumua. $10.00 o ka mahina.
$750-3 Apana kihi Cook St. ame Diamond Head Ave. kokoke Alanui 12, 16,730 kapuai kuea. Oluolu keia wahi. $50.00 ukumua. $15.00 o ka mahina.
$250-Apana 50x200 Alanui Kinau, kokoke Alanui 19, Palolo. $20.00 ukumua. $10.00 o ka mahina.
$900-Apana 55x100, Kihi Alanui Puunui ame Muai, Puunui. $50.00 ukumua. $20.00 o ka mahina
PAULO KALAUKA
(P. E. R. STRAUCH) ALANUI MOI, HELU 74.
KELA LAAU KAULANA
B.B.C.
He laau hoohuiia o na launaele, laau e hana pu ana me ka hana a ke Akua he hoomaemae a hooikaika ae i na mea paahana holoohoa o ka kino, e kipaku ana i ka ma'i kino ame ma ma'i ili wale mai, e haawi ana i ke kino i ka ikaika, ke ala ame ka mana i na aalolo.
E hoopiha ana ka B.B.C. i ke kino me ka ikaika hao o ke ola ame ka ikaika o na la opio Ua hoo'aia na poe nawahi wali ma na manawa lehulehu mahope o ka inu ana he mau pule wale ao. Ua aponoia e na kauka kaulana he nui ame na kamaka iloko o ke ola lahui ana. O ka B.B.C. ka laau kamahao loa ma ke ao.
Kuaha ma na wahi apau.
Keena kuai Laau B.B.C. , 161 Alaanui Moi, Honolulu, Hawaii.
MAKEMAKEIA I MAU KANAKA KUPAKAKO ELEU A OLA KINO MAIKAI
O ka makou manaohai he ku i ka mahalo a ke ake a ole ia, a ua hookoia aku hoi na koi ana apau a na kanawai kuloko.
Ke loaa nei i na kupakako i nei manawa mai ka $250 a i ke $1000 no ka mahina.
He 2 a 3 mau wahi hamama a makou no kekahi mau kanaka mikimiki a eleu he poe e hiki ana e hookupono no na hana i kaupa lenaia. O ka hana koke ka mea kupono oiai aole e wheia ana ke kulana hana me ka maopopo loa o ka manawa.
Ka ukuhana me ka uku komisina.
E noi ae ia R.W. Watts, Rumi 202, Hale Campbell, Honolulu. 6462-tf.
HOOLAHA HALAWAI.
E malama ia ana he halawai o na Lahainaluna ma Kapalama, ma ka Pokahi, Sepatemaba 5, 1921, hora 1:30 p.m., no ka noonoo ana i kekahi mau ala no ka pomaikai o na Hawaii.
Ua makemakeia na Lahainaluna apau e hiki mai ma ia halawai.
W.C. ACHI,
J. BROWN, JR.,
W.K. HUSSEY,
JOS. L. KUKAHI,
KOMITE KAHEA HALAWAI.
IULAI 29; Aug. 12, 19, 26; Sept. 2
NUPEPA KUOKOA
No ka makahiki (one year)….$3.00
No eon mahina (six months)…1.00
O na Dala âme na Hoolaha Apau e hoonna pololei mai ka Advertiser publishing company, Ltd, wale no P.O. Box 208, Honolulu, T.H. 317 Alanui Moi, ma ke keena o ka Nupepa Advertiser.
Entered at the Post Office at @lula, T.H., as Second Chase Matter
CHARLES S. GRANE LUNA NUI