Ka Nupepa Kuokoa, Volume LIX, Number 37, 16 September 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

            He moolelo no ko

Helena Simoa Lanakila Ana

A I Ole

Ka Hoowalewaleia Ana o Halebatona

 

            "Ae hoi, ke ike nei au i ka hewa o kuu hoole ana aku ia oe i ka manawa pono," i pane aku ai ka wahine i hookaumahaia a nona hoi ka helehelena i haikealoa me ka inoino pu ia manawa hookahi.

            "Au pehea, aole anei e hiki ana ia oe ke hoakaka mai i kekahi alahele e loaa ai ia kaua kekahi pono mai kela mau hui mai, e Mr. Jenina?" i ninau ae ai ka wahine me ka haahaa loa a no ka mea. aole au i ike i ka manao o ia mea he ilihune a hiki iho la i nei manawa, a pehea aku ana la ko‘u pono ame ka‘u kaikamahine ma nei mua aku?

            "Eia hou; ua; ua maopopo ia oe aole hiki ia‘u ke hana, a ma ka mea oiaio loa no hoi aohe mea hiki ia‘u ke hoao aku e hana i mea e loaa mai ai ka pono o keia ola aina. He mea pono e loaa ka maua mau mea e ai ai, e ike mai oe elua maua, owau ame Makoli nei, kuu kaikamahine a, ina aole e hanaia ana kekahi mea no maua e pono ai. pehea ana la ko maua pono, aole pono ia maua e make i ka pololi. Heaha ana la ka mea hiki ia maua ke hana aku?" alaila noke wale iho la no oia i ka owili i kona mau lima, me he mea la o kona hoa hakaka ia ia manawa.

            "Pehea ka nui o kau mau dala i nei manawa la?" i ninau aku ai ka loio.

            "He elua wale no wahi haneri i koe." wahi o ka pane a ka wahine uhauha a puni nani.

"A pehea, he hiki no anei ia oe ke malama hale. a i ole he makemake no anei oe e lilo i mea nana e hookele na hana o kekahi hokele?" i ninau hou mai ai ka loio.

            "Aole mea hiki o ia mau hana a elua ia‘u." wahi o ka pane ma ka aoao o ka wahine." aohe au i lawelawe iki i kekahi haua o ia ano i na makahiki i hala aku nei, aole no hoi mai ka manawa mai o ka make ana aku o ka‘u kane; mamua aku o ko‘u mare ana i ke kane. na na kauwa wale no e hana mai ka‘u mau hana a pau o ka linohau wale iho no ka‘u.

            "Eia no ke kumu. aohe o‘u makemake e pa ko‘u mau lima ia mau ano hana. oia hoi. e ike mai oe i ko‘u manao aohe o‘u makemake e malama i kekalii hokele a hale noho paha malalo aku o kekahi mea a ohana paha. No ia kumu au i auwana mau ai ia wahi aku a ia wahi aku iloko o keia mau makahiki aku la i hala. oiai o Makoli nei e noho ana maloko o ke kula noho paa ia manawa.

            "No ke aha oe i ninau mai ai ia‘u no kela mau hana?" i ninau aku ai ka wahine hookano i kona loio. "Heaha kou manaoio maoli iloko o kou naau?" a hooki iho la oia i kana kamailio ana me ka haka pono mai o na maka maluna o ka loio no kaua pane e haawi aku ana.

            "A eia no: he manao ae la no hoi keia i ulu ae la iloko o‘u no kou hoakaka ana mai nei i kou pilikia, a nolaila, noonoo iho nei au in a no no kou makemake i ka hana e loaa ana no ko olua pono o ke ola ana: me ke kanalua ole au e hoakaka aku nei ia oe, ina he makemake kou i ka hana i mea e loaa ai ko olua pono o ke ola ana, he hana hiki loa ia‘u ka hele ana aku e noi i hana nau maloko o kekahi o na haleaina maanei, a i ole maloko paha o kekahi o na hokele." wahi a ka loio. "O kau hana oia no hoi ka malama ana i ka poe e hele mai ana a noho maanei maloko o ka hokele a haleaina hoolimalima paha."

            "Malama aku i ka poe e hele mai ana a noho maanei? O, aole loa au i maa ia ano hana mamua. nolaila aole o‘u makemake ia ano hana." wahi a ka wahine hookano hookiekie a uhauha o ka pane ana aku me ka leo kalakala.

            "Oia paha kau e olelo iho, aka, e hai aku nae au ia oe he uku kiekieloa ko ia hana la, e ike ole iho ai oe ia mea he hune a he pilikia ma nei mua aku." i pane mai ai ka loio.

            "Eia hou. o ke kumukuai o na mea apau maanei aole i like me ko na wahi e ae. o ka mea e lawelawe ana ia hana me ka nui o ka lolo iloko o ka mea e lawelawe ana ia hana me ka nui o ka lolo iloko o kona poo e hiki ana keia ke hoahu dala me ka loaa o ke ola maikai ana, me ke koe nui o kana dala i ka pau ana o ka makahiki.

            "E hoomaopopo mai oe i keia. i na maakhiki apau he heluna nui o ka poe ma‘i i loaa i ke akepau i hoounaia mai ianei mai na wahi like ole mai o ke ao. @a like keia wahi me kekahi makaha. na ka ia no e pii, e hoea mau mai ana ka poe ma‘i ianei i kela ame keia manawa no ke ake mai e inu mau i ka wai minerala mai na mapunawai minerala mai.

            "He põe waiwai ale no ka hapanui o ia poe. me ka nana ole i ka nui o ka lakou mea e uku ai. o ka loaa wale no o ke ola ia lakou ka lakou mea nui e noonoo ai, o kekahi no hoi he makemake lakou i ka noho ana ma keia wahi, kahi e loaa ai ia lakou na ea huihui mai ke kuahiwi mai, me ko lakou malama maikaiia aku. a ma ia ano e hiki ai ia lakou ke kaohi i ko lakou mau ola no kekahi manawa loihi i iki aku. in a ia he mea e loaa ai ia pomaikai a lakou.

            "Ua ike au i kekahi hale nui a nani o na keena moe i onaia e kekahi kanaka e makemae loa ana e holo i Europe me kona ohana no kekahi mau makahiki, a ua makemake oia e hoolimalima aku i kona hale a e hooliloia i haleaina a i hale hoi e noho ai o ka poe e makemake ana e noho malaila no ka manawa ma ka hoolimalima. in a nae e hiki ana e loaa kekahi mea hiki iaia ke hilinai no ka malama pono ana i ko@a hale. a lawe hoi ia hale. He 150.00 dala o ka mahina kana uku hoolimalima a e uku muaia ka uku hoolimalima."

            "Hookahi haneri âme canalisa dala o ka mahina. Kahuhu nui maoli ka kela uku hoolimalima!" i pane aku ai ka wahine me ke kahaha nui. "Alaila ua like ia me umikumamawalu haneri dala i ka makahiki! Ea, aole no i ka pii o ka hoolimalima i kana mai!"

            Pololei kau i hoakaka mai la@ he heluna dala nui io no. ua maopopo ia‘ū ia mea no ka hoolimalima." wahi a ka lolo, aka. i ha‘i aku au ia oe ea, he hale nani kela, ua hoonanan@a kona mau wahi apau me ka maemae loa. aole oia wale. ua lako pono ia hale i na mea apau. o kau hana wale no, ina no kou lawe ia hale. o ka makaala ma ka malama ana i ole e inoino a nahaha ia mau mea. a oia kekahi he hale nui a akea kupono loa kela no ka poe e makemake ana e nolio a e holo mai a noho maanei no ka hoomaha i kahaha mai la. e lilo ana ia huina dala hoolimalima i mea ole. ke naauao kau hookele ana a ke ike pu hoi oe i ka malama ana i ke dala. oia hoi ka pakiko ana ma na mea apau."

            "O. ke manao nei au ua pii loa kela uku hoolimalima e Hiki ole ai e loaa ka nono i kekahi mea e haoa ana e malama hale he uku hoolimalima kiekie loa kela i lohe ole ia kekahi mea o ia ano mamua."

            "Ua like no keel me na hana e ae. me ka hoomanawanui. ka hooikaika wale no e loaa ai ka pomaikai. o kekahi noe e noho a e hana mai nei maanei me ka hooikaika no lakou e hana mai nei, a eia nae, mamuli o ia hooikaika ana ua loaa no ka pomaikai ia lakou, pela aku ana no me oe, in a hoomanawanui oe ia hana a hala ka makahiki, e ohi ana no oe i ka hua o kau hana a e ike pu iho ana no oe, o kela uku hoolimalima kiekie loa au i olelo mai nei, e poholo pu ana iloko o na loaa apau a ke ole au e kohohewa, e aneane ana ma kahi o ka papakolu iho i na hoolilo kou loaa.

            "Ke hooikaika mai nei kekahi poe e loaa ia lakou ke dala hope loa," wahi hou a ka loio, me ka hoekeu ana ae i kona mau poohiwi, "a he mea pono no ia oe e hana elike me ka ua kanaka Roma e hana ai. E hana kaua i kekahi hana koho wale, a malia paha aole no hoi e lilo loa ana kela huina au e maka‘u nei i mea hookahaha loa mai i ka noonoo," wahi hou ana, alaila lalau iho la i kana penikala iloko o kona pakeke, a hoomaka iho la e kakau.

            "He hale nui a nani kela, e like me ia a‘u i hoakaka mua aku nei ia oe, a ke ole au e koho hewa. aia ma kahi o umi-kumamaona mau rumi moe, he umi-kumamalua o keia mau rumi ua hiki ke hoolimalimaia aku a koe eha mau rumi nou. E olelo kaua i nei manawa i elima dala o ka rumi hookahi e hooimalima aku ai no ka pule hookahi. alaila no umi-kumamalua mau rumi ua like ia me kanaono dala i ka pule, a no eha pule i ka mahina e loaa ana he elua haneri ame kanaha dala, a no ka makahiki. oia hoi he kanalima-kumamalua mau pule e loaa ana elua kaukani ewalu haneri ame kanawalu dala. Hoolawe ka uku hoolimalima o ka makahiki he umi-kumamawalu haneri e koe ana ia oe hookahi kaukani ame kanawalu dala, nou ia mau pomaikai, he pomaikai nui i hai aku au ia oe.

            "He mea oiaio e hoolilo aku ana oe i kekahi o keia mau dala no kekahi lima hana a mau limaha paha no ka hoomaemae ana i ka hale, no ka holoi ana i na aahu a mau lole o ka peo e noho mai ana ianei, aka nae, in a no e hoolilo ana oe i kekahi mau dala no ia mau limahana. e koe nui iho ana no na dala ia oe i ka makahiki, a no keia kumu, ua hoikeia mai ia‘u o ka hale e malamaia ana me ka maikai ame ka maemae i na manawa apau e piha mau ana i ka poe e hele mai ana e hoomaha maanei.

            "A eia hou, i na no kou hanai i ka poe e noho mai ana i kou hale, ua hiki ia oe ke kaki aku i kela ame keia mea pakahi i ewalu dala o ka pule. ke uku mai nei kekahi mau keonimana ia uku hoolimalima maloko o kekahi mau hokele i nei manawa, a oia no hoi ka uku hoolimalima @ ka hapanui o na hale e malamaia ana o keia ano maanei. a na no ka maikai a holopono o ka hookeleia ana aole e nele ka loaa o na meaai maikai no kau papa ahaaina i kela ame keia manawa."

            "Ke ike aku nei au i ka nani wale no o na mea apau au i hoakaka mai la, aka nae, i ka‘ū nana ana aku la ua like kela hana me kekahi mauna nui e ku mai ana mamua o‘u a e haawe iho ana launa o ko‘u kua." i pane aku ai o Mrs. Elawoka me ka haumalu o ka helehelena. Hookahi no hoi ua maukauka hoe hewa aohe i maa i ka pa o ka lima i ka hana mamua mai na la kamalii mai, ua kaukai wale no i ka pono i ka makua a i ke kane. a i ka wa i halawai ai me ka nele, he hou hewa ka hana me he pinao la e hookuikui ana i ka puka aniani.

            "Eia nae," wahi ana, aole mea e ae a‘ū e ike aku nei i kupono nau e hana aku ai, no ia kumu au i noonoo iho la e aho io paha ko‘u hoao ia hana, mahope nae o ko‘u hele ana aku e nana ia hale a noonoo iho au no ka‘u mea e hana aku ai. Aia ia hale mahea kahi i ku ai la?"

            "He hale nani kela i kapaia e na mea apau Villa Hoaka. Aia ia maluna o kekahi akua kiekie kahi i ku ai. a mai kela wahi aku e ikeia aku ai ka nani o ka lalani mauna.

            "He wahi kokoke loa ia e hoea koke ai i ka Paka Lahui a i ke kikowaena no hoi o ke kulanakauhale. a pela aku, a me ke kanaloa ole au e olelo ae ai in a nei no ka lohe ia ae he hale hoolimalima ia me ka hanai pu ia o ka poe e makemake ana e noho malaila e piha koke ana ia hale i na malihini apau ole na kanaka, iloko o ka manawa pokole loa.

            "Ina nei no kou hoolako i kau mau pakaukau me na meaai maikai i kupono ka makemake o na kanaka e noho ana malaila aole loa he manawa iki e hakahaka ai ia hale a puni ka makahiki. me ka loaa mau o kau hana, ame ka hoole ole mai no hoi o ka poe e makemake ana e noho maloko o ia hale i kau uku e kaki aku ai. Eia no ka‘u a‘o ia oe. e hoolako oe i na mea papa ekahi wale no nialuna o kau mau papa aina. me ka malama mau ia hale ma ke kulana helu ekahi i @amanawa a pau. e like me ka maemae o ia hale, a elike hoi me ke kulana o ka poe e noho aku ana maloko o ia hale."

            Mahope o ka noonoo ana o Mrs. Elawoka no kekahi mau minuke maluna o keia kumuhana i hoakaka mai la iaia. alaila i mai la, me ka nui ana iho nae o ka hanu:

"Ina pela ke manao nei au e hole io aku e nana i kela hale."

            la manawa ua piha kaumaha loa oia no ka noonoo ana ana iho i ke koikoi maoli o ia hana ana e lawelawe aku ana, he hana hoi i maa ole iaia i ka hana iloko o kona mau la mamua aku. Ua like oia ia manawa me ke kanaka e apakau wale ae ana no e hopu i kekahi mea i aneane loa e piholo iho i ka hohonu. aia ka pono a loaa ae kekahi mea ana e paa ai no ka hoomau ana i kona lana iluna o ka ilikai a wai paha, a eia nae, ua ike iho la oia i kona pilikia kuhohonu loa, aohe ana hana pono e ae o ka hoao wale no, aole me ka ikaika o ka manao aka me ke ano hookuanui..

            Noonoo iho ia oia in a hoi no kona hoi loa aku i Nu loka aohe ana hana e loaa ai kona pono o ke alo ana, a maloko no hoi o ia kulanakauhale he lau na kanaka. a o na hana apau e manao aku ai oia e komo aku no ka hoomau ana i kona ola he pohihihi loa ka loaa mai o ka hana iaia. a ke ike pu iho la no oia nona iho, i kona nele ana i kekahi mea nana e kokuamai iaia a i kana kakamahine, e lilo aku ana oia i mea hoopili wale a o ka makilo aku ka hope. koe wale no a loaa mai kekahi kokua iaia mai ke kaikoeke mai. he hana no nae ana e kanalua ana ia manawa. no ka loaa mai o kekahi kokua iaia mai iaia mai.

            Malia paha o lawe aku o Mrs. Stevana ia Makoli malalo o kana malama ana, ke hoi mai oia a aole paha. i kona manwa e ike mai ai i kona ilihune haalele, mamuli o kona ike i ka oluolu o kona kaikoeke e haawi mai ana no oia i na kokua ana ia laua a e haawi mai ana no hoi i ka home no laua e noho ai, eia nae, me ke kanalua nui no ia i noonoo iho ai no ia hopena. oiai aole no he ano maikai loa o ko laua noho ana me kona kaikoeke.

            O ka pule hope loa keia manwa o Maraki. aole e hoea koke mai ana ke koena aku o ka poe o lakou a laua i haalele aku ai mahope, i kahi a laua e noho ana ia manawa mamua ae o na inahina o Iulai ame Augate. no ka mea, he mau aupuni hou aku no kekahi a lakou e hele aku ai e makaikai ma ka Hikina mamua o ko lakou hoi ana mai no Amerika, a i ko lakou manawa e hoea mai ai i Kaleponi e hele aku ana lakou e makaikai ma na wahi kaulana o ia mokuaina mamua o ko lakou hoea ana mai no na Mapunawai wela o Kolorado mamua ae o ia manawa he mea pono iaia ke hana i kekahi mau mea e pono a e pau ai kona ame ka Makoli mau hemahema.

            "Ina ua holopono iho la keia i kou manao." wahi a Mr. Jenina i pane aku ai?" alaila lawe aku au e hoomakaikai a e kuhikuhi aku ia oe ia wahi mahope aku. aole i nei manawa. E hele mua au e hui me Mr. Alena. ka on a nona ia hale. a o ke kanaka hoi a‘u i lawelawe pu ai i kekahi mau ohana no na manawa lehulehu mamua aku nei. a na‘u e olelo aku iaia no kou makemake e hui me ia aia a maopopo kana la e hoike mai ai no ko kaua hoea aku imua on a, hele mai au e hoike aku ia oe; he poe no kekahi e noho nei maloko o kela hale i nei manawa ma ke hoolimalima, a no ka makemake ole o Mrs. Alena e hoopiha loa aku i kona hale me ka poe hoolimalima, oia ke kumu oke kakaikahi o na poe noho malaila ma ka hoolimalima, a me ke kanalua ole au e hoike aku nei ia oe, o kela poe la ea e noho hoolimalima mai la maloko o kela hale i keia manawa, ua makemake no lakou e noho mau iho maloko o ia hale, a he hana nui ole ia ma kou aoao, o kekahi no hei o na kauwa e noho hana nei malaila in a no ka lilo nei o kela hale ia oe, e paa no oe ia mau kauwa malaila me oe. he poe kauwa lakou i maa i ka hana a ua maopopo no hoi ia lakou na mea apau no ka hana e nui ole ai kau hana i ke ao hou aku ia lakou i na wa apau."

            "I ka manawa hea o Mr. Alena i makemake ai la e holo aku no Europa?" i ninau aku ai o Mrs. Elawoka.

            "No ka mahina a oi ae nei kona hoike ana mai ia makemake on a e holo eia nae, ahiki mai i nei manawa aohe loaa iki iaia o kekahi mea i makemake e lawe a e malama i kona hale, no ia kumu i ulolohi loa ai ko laua holo aku i Europa. Aohe au kanalua ana iho, e holo koke aku ana no oia i kou manawa e hoike aku ai i kou makemake e lawe ia hale, in a nae oe e hooholo ana i kou manao e hoao, a e hiki ana hoi ke hanaia kekahi mau aelike maikai mawaena ou ame ia i na nei no ka holophono o na mea apau."

            Pupuka ae la ka lae o Mrs. Elawoka, a i aku la: "Ke manao nei au ua nui loa kela uku hoolimalima ana i makemake ai. "Pehea la kou manao, aole no hoi anei e hiki ana ia oe la ke hooponopono maikai me ia e loaa ai ke emi mai o ka uku hoolimalima o ka mahina. in a hoi au e aa ana e hoao e lawe ia hana ma ko‘u poholima?"

            "Aole hiki ia‘u ke paha e aku ia oe i nei manawa aka. eia no ka‘u e hoike mua aku ia oe, e hoao au, e hana au elike me ka maikai loa e hiki ai ia‘u a in a e ae mai ana o Mr. Alena i ka hoemi mai i haneria kanaha o ka mahina, ia manawa au e kipa mai ai ianei a hoike ku ia oe no ka maua mau mea o ke kamailio ana a hooholo," i pane mai ai ke keonimana. me ke ku ana ae iluna ia manawa no no kona hele ana aku.

            "E mama," i hoomaka mai ai o Makoli e kamailio, i ka manawa i paa mai ai ka puka i ke paniiia." ke manao nei au aole i kupono oe no ka lawelawe ana i kela hana. Manao au he hana naaupo loa nau ka lawe ana i kela hana iloko o kou lima, me kou ike no aole hiki ia oe ke hookele i na hana o kela hale hoolimalima."

            I na manawa apau a ka makuahine e kamailio ana me ka loio, he noho wake aku no ka Makoli hoolohe i ka laua la kamailio mai, me kona akaaka hoohenehene malu nae no ka hiki ole i kona makuahine ke hookele i kela hana.

            Ua loaa iaia ka pilihua o ka manao no ka lohe ana ua kokoke loa mai ka iliohae ma ko laua ipuka: o ka manao ana iho nae o ka malama hale hoolimalima oia ka kona makuahine hana e manao aku ai e loaa ko laua pono o ke ela ana he puupuu ikaika loa ia iaia, a n oka mea ua maa laua i ka noho lako a haaheo ana i na la mamua aku o ka hoohaahaa ana iho i ko laua kulana me ko laua inoa a he mea hoi i maa ole ia laua mai mua mai. he hoohilahila loa ia ia laua i kona manao ana.

            "Malia paha," wahi a ka makuahine o ka pane ana aku." aole i lawa ka makaukau ia‘u e lawelawe ai ia hana. aka nae. e hiki ana ia ke hanaia mahope o ka hoao ana. a i hiki ole no hoi. nani hiki ole no hoi ia. E pono e loaa ka kaua mau mea e ai ai. a in a aole pela e make ana kaua i ka pololi." wahi a ka makuahine me ka maikai ole o kona noonoo.

            "E make ana kaua i ka pololi?" i ninau aku ai o Makoli, me ka aea pono ana ae o kona poo iluna a nana mai la i ka makuahine me ke kahaha loa ana iho.

"Oia ka mea oiaio loa. Manao ana anei oe e noho wale no kaua me ka haua a imi ole aku i kekahi mea no kaua e pono ai, a na ke dala no e lele mai ia kaua? O aole e pono ia oe e haawi pu mai i kou poohiwi no ka hookaa ana i ka huila!"

            Hapai malie ae la o Makoli i kona mau poohiwi iluna me ka hoihoi ole loa iho la iloko ona no ko laua komo ana i ke anu. me he mea la aohe on a makemake e haawi mai i ke kokua i kona makuahine i mea e kaa ai ka huila," a pane mai la iaia:

            "Ua ike maopopo oe, e kuu mama. aole i loaa iki ia‘u kekahi manao no ka mea hiki ia‘u ke hana aku, ua maopopo no hoi ia oe mai kinohi mai aole i pa iki ko‘u lima i kekahi hana, na na kauwa wale no e hana mai no‘u."

            "He oiaio no ia olelo au, aka nae. i keia manawa ua koiia mai oe e hana aku i keakhi mea e pono ai oe ame a‘u pu." i pane mai ai ka makuahine. "He hana hiki loa ia oe ka hoomaemae ana i na moe me ka hoomaemae pu ana i na rumi, a o kekahi hana kupono loa e hiki ai ia oe ke hana oia ko‘u lilo ana i kuene."

            "I kuene@ Alaila e hoolilo ana anei oe ia‘u i kauwa‘elike me na kauwa? O, ke manao nei au aole paha oe e hookikina mai ana ia‘u e hana aku ia ano hana haahaa loa a‘u i hana ole ai mamua. wahi a ka Makoli pane pakike.

            "E Makoli, kuu kaikamahine. he oiaio aole oe i lawelawe i kekahi o ia ‘ano hana mamua. aka. i nei manawa nae, i hoike aku au ia oe oiai kaua e au aku ana i ke kai loa o ka hooikaika ana e loaa ko kaua pono. e pono oe e aa mai e lawelawe ia hana. e hoike pu mai oe i kou manao hana ma o kou ae ana mai e hooikaika pu me a‘u. E hana mai oe elike me ia a‘u e kauoha aku ai ia oe. a e hoopau loa oe i kou manao hookiekie a molowa hoi," wahi a ka makuahine o ka pane ana aku iaia.

            O aole" malia paha e koi mai ana o anate Eliza e hoi aku me ia e noho ai. kahi a‘u e ike ole iho ai i ka luhi aole hoi e hoohanaia elike me ia au e hookikina okoa mai nei e hana au. ka mea i maa ole ia‘u mai mua mai," I pane aku ai o Makoli i kona makuahine.

            "Alaila haalele mai la oe ia‘u owau hookahi wale no ke noho maanei me ka hakaka hookahi ana i ka ilihune? O, aol" ua pau kou noho palaualeloana, ua hala kou mau la o ka hoopailaniiia ana. i keia manawa he wa koikoi loa keia o ka pilikia nolaila ea e a‘o mai oe i ka hana. i pono oe a i pono pu kaua: e hoomaka oe e hana i kekahi mea no kou ola i nei manawa o mau loa auanei kou kaukai ana i kou pono maluna o ka makua wale no.

            "Ina au e hana ana @@ ko‘u ola e pono o oe pu kekahi e hana no kou ola: ua hala aku la na la o ko kaua kaukai ana maluna o ke dala i loaa mua no ke ola. ua hala na la o ka lako ua hala hoi na la o ka uhaai ana i na mea i loaa. a eia ka pilikia ke ku kokoke loa mai nei ma ko kaua ipuka hale. nolaila. aole keia he manawa e kunana wale ai me ka hoao ole e hana i kekahi hana e pono ai.

            He mea oiaio. he mau holona like no kaua i ka hana o keia ano aka. e lilo ana nae ka hana a kaua e lawelawe aku ai i mea a‘o mai ia kaua ma na no lehulehu. a e loaa ana ka ike ia kaua i ka manawa e komo lea aku ai iloko o ka hana. a e lilo hoi na piilikia i haawina a‘o mai ia oe a ia‘u pu e hooikaika kaua e lanakila maluna o na popilikia he nui e hiki mai ana imua o kaua.

            "O. aole au e ae ana e hana aku i kela mau ano hana au i hoakaka mai nei!" wahi a ka Makoli pane. me ka puu o ka nuku ame ka hoopinana ana ae hoi i na lehelehe, me keia mau huaolelo pakike a hookiekie loa. hoohuli aku la o Makoli i kona kua i ka makuahine a ku ae la a haalele mai la i ka rumi. a oili aku la iwaho ma ka lanai e huli aku ana ke alo i ka lalani mauna e ku mai ana.

            Mahope koke iho o ka hora eha o ia auwina la kipa hou mai la o Mr. Jenina e ike ia Mrs. Elawoka. e like me kana i hoopaa mai ai iaia iho, no ka lawe ana aku ia Mrs. Elawoka i ka "Hale Hoaka." ka home nani hoi o Mr. Alena e ku kilakila ana me kona nani nui maluna o kekahi ahua.

            Ua hoole o Makoli me ka hoonuhanuha, i ka hahai aku ia laua, a ma ka puka aniani poepoe o ka hokele a laua e noho ana, kona wahi o ka noho ana iho, a nana aku i waho i na mauna ke manao oia pela. me kekahi buke moolelo hooipoipo e paa ana iloko o kona mau lima no ka hoohala ana i kona manawa, oiai ka makuahine i kaawale aku ai me Mr. Jenina no ka hele ana e nana i ka hale o Mr. Alena.

            "Aole no he mamao loa o ka "Villa Hoaka," mai ka hokele aku o Mrs. Elawoka ma e noho ana, he hiki no k@ ke helewawae aku a hoea ilaila nolaila, maloko o na minu ke he umi-kumamalima ua hoea aku la o Mrs. Elawoka ame Mr. Jenina i ka hale, o na kahua kahi i ku ai ia hale ua hanaia a iliwai, me ka nani no hoi ke nana aku. no ka paa i ka mauu ame na kumulaau malumalu ame nakumulaau huaai o na ano like ole apau.

            He hale nani ia o ka hanaia ana, ua kukuluia me ka paa a he mau lanai akea e hoopuni ana ma na aoao ekolu, a ma kekahi aoao e huli pono aku ana i ka lalani mauna, a ma kekahi aoao hoi e huli aku ana i ke kulanakauhale ma ke kahi hapa.

            Ia laua i u pii aku ai ma ke alanuipii, a oiai no hoi Mr. Alena e makaala mau mai ana no ko laua hoea aku hele mai la oia e hui me laua, me ka hoolauna ana aku Mr. Jenina ia Mrs. Elawoka, alaila alakai aku la o Mr. Alena ia laua noloko o ka rumi hookipa o ka hale.

            Ia Mr. Alena e anehe aku ana e wehe wai i ke pani ka olepelepele oili mai la kekahi lede iwaho iloko o kona aahu wailiula e anapanapa ana i ka malamalama. me ka hiolo o ka pilali mamua o kona umauma. a e anapa mai ana hoi ua pohaku momi ma kona a-i a ma kona mana manalima.

            Kunihi ae la o Mr. Alena i oili mai oia iwaho a no ia ha na a Mr. Alena kunou aku la oia imua o Mr. Alena me ka haawi ana aku i kekahi minoaka oluolu loa haawi aku la i ka mahalo. a eia nae, iaia i ike mai ai i na malihini e ku aku ana mamua on a ua hookuhauia aku la kona nee hou ana mai imua, me ka pii iki ana ae o ka ula ma kona mau papalina. no kona ike ana mai ia Mrs. Elawoka e ku aku ana inamua on a. oiai hoi o Mrs. Elawoka e nana aku ana iaia me ka helehelena paweo a ke hookani wale la no ho oloko on a i ka ui o ka lede.

MOKUNA XXXVI

KO MRS. ALENA MANAO

            E hookahahaia aku ana paha kou manao, e ka makamaka heluhelu. ke hoike aku ka mea kakau i ka inoa o keia lede Pela ana pa-ha, alia nae hoi!

            O keia wahine i oili mai la me ka aahu wailiula ahiahia aole oia he wahine okoa aku aka o Makaleka Simoa no ka makuahine o Helena Simoa, a o ka enemi ino loa no hoi a Mrs. Elawoka i hoomauhala ai ahiki iho la ia la.

            Ma keia manawa he wahine kino ola maikai o Makaleka piha pono kona mau papalina i ka Mrs. Elawoka nana aku he helehelena kona i aneane me kekahi wahine opio nona na makahiki he kanakolu a oi iki, a ma keia manawa no hoi o ka halawai ana o na enemi kahiko, aohe manawa ikeia aku ai ka ui launa ole o Makaleka, mamua o keia ke hele la a pali ke kua, mahina ke alo. ke ku a ka wahine ui.

            Ma keia manawa ua oi hou ae ka nui puipui o kona kino i kupono no ka hoounauna, a mamuli o kona ulu hou ae i na makahiki i hala, ua ulu pu ae me kona ui. Ua a@@ oia i nei manawa, nona paha na makahiki mawaena o ke kanaha ame ke kanalima, eia nae, mea kau i kona paa mau i ka hana ame kona loaa ana i ka ma‘i la he mea la hoi ia e ano kulou mai ai o kona kino. oohu ke hele mai: aole, he pololei kona hele ana me ka maloeloe, he helehelena kona o ka mea e makaala mau ana nona iho, he ikaika kona mau kaina wawae. a he kulana hoi i aneane no e like aku me kekahi moiwahine, he kulana kona e hoike mai ana he ola hou ka i loko on a, me ka piha o ka naau i ka manaolana no ka holomua o kana mau mea apau i hoolala ai no ia mua aku.

            Ma kona mau papalina ia manawa e o wale mai ana @ ka ula ohelohelo. he lamalama maikai kona mau maka a a ma kona helehelena holookoa ke nana aku ua piha oia me na manaolana hauoli no kona nee ana aku no mua.

            La Mrs. Elawoka e nana aku ana i ka lede mai ke poo a hala i na wawae aole oia i manao pela iho la ke kulana hanohano i loaa i kona enemi. elike me ia a kona kiiko ke i hoakaka aku ai iaia oiai laua maloko o Parisa laia e nana aku ana i kona enemi kahiko ua oi loa ae kona hiehie mamua aku o kana mau mea o ka lohe ana mai a Mrs. Sa tevana mai.

            "O kuu enemi kahiko no keia!" i noonoo iho ai o Mrs. Elawoka iloko iho on a me ka aaki o na kui, a mai nanahu iho paha oia a moku kona alelo no ka puka hewa ana ao o kana mau olelo iwaho. koe wale no nae keia. aole no nui loa kona le oe Aohe mai ai o Makaleka. o Mrs. Alena nae o lakou ka i lohe mai i kana mau olelo.

            Aohe i hoolaunaia aku o Mrs. Elawoka ma e Mr. Alena ia Makaleka. ma o ko Makaleka hookuhau iki ia ana aku no kekahi manawa, no kona oili ana mai i ka manawa keia mau malihini o ka hoea ana aku huli ae la oia e @@ i na keonimana. a me kekahi mau huaolelo," e kala olua ia‘u." oiai ia mau keonimana i kunihi ae ai i kaa@ kona wahi e hele mai ai. kaha aku la o Makaleka hele @ kekahi kihi o ka lanai i hoopuniia me ke aniani a o kahi e kuke ana o kekahi mau noho o ka lawe pu ana aku me a homaka ilio la e heluhelu.

            Ia Makaleka i hala aku ai ua like ka enaena o na p@ lina o Mrs. Elawoka no ka piha i ka huhu. me kekahi k@ ahi hao ea ana o ke ahi: ma kela halawai ana o na lede keia manawa a laua i manao ole ai ua ike mai no o Mal ka i kona enemi kahiko. aohe nae oia i hoike mai i @ manao ohaoha e ike iaia: me he mea la he mau mali@ loa laua kekahi i kekahi ia mau minuke, me he me i ka manao paha o na keonimana aole keia mau lede mua ia laua.

            Heaha la ka makaleka Simoa hana ma kela wahi? i paha ka Mrs. Elawoka ninau iaia iho i manawa o maopopo ole hoi.

            Me ka hikiwawe loa keia noonoo e hana mao ole ia o Mrs. Elawoka no ka mea, i kana nana aku ia Mak@ he kamaliiwahine koua kulana elike ai nani kona mau hu, a maenrae no hoi ke kai ka pua o ka hala, kona hele na. Ia manawa aohe mea e ae iloko o ka Mrs. @ noonoo o ka inaina wale no ua piha mua no oia i ka @ in a no ke poho ana o kana mau dala, a pela hoi na noonoo ana i keia hana hou ana e manao nei e hookele a i keia ike ana aku la i kona enemi kahiko ua @ iho la kona inaina. ame la ano oia alakaiia aku a a@ iloko o ka hale. a hoolaunaia aku la i ka wahine Alena.

            No ka aneane hookahi hora kona noho ana malaila ke kamailio ana me na ona o ia hale. ame ka hele a@ hoi e nana ma na wahi a puni ia hale, a mamua o ka ana o kana makaikai ana i na wahi like ole o ua @ ua hooholo iho la oia i kon amanao e lawe i ka hool@ lima o ia hale no hookahi makahiki a uo ka mea. ua @ iaio kokeia mai iaia ia manawa e lawe koke oia ia @ ia manawa me ke kali hou ole aku a kekahi manawa @ oiai ua nui a lehulehu ka poe i waiho mai i ka lakou mau palapala noi no ia hale. me ke noi ana mai e noho maloko ia hale ma ka hoolimalima a ma ka Poakahi o kekahi pule ae, oia hoi eha la i koe e pono e nee aku ai oia a noho ma loko o ia hale hoolimalima.

(Aole i pau.)

 

 

 

 

 

 

 

 

 

 

 

 

 

}