Ka Nupepa Kuokoa, Volume LIX, Number 41, 14 October 1921 — E KAIEHUIA AKU KA POE KOLOHE. [ARTICLE]

E KAIEHUIA AKU KA POE KOLOHE.

Mamuli o ka puapuai ana ae o kekahi mau hana, i lāwelaweia e na kanaka o ka oihana kukeawa o Honolulu nei, ka hana nana i hoopakele aku i ka poe hoopae malu i ka opiuma iloko nei 0 kēia kulanakauhale, no kekahi mau manawa iehulehu ae nei i hala, ke mahalo nei keia pepa, 1 na keehina, i laweia ae e ka Luna Kukeawa Harry E. Murray, ma ka hoopau ana aku i na kanaka i hoohaahaa i ka hilinai i kauia aku maluna o lakōu, a i ku-e hoi i ka lakou hoohiki oihana. Iloko o na mahina lehulehū ae nei i hala, ua ikeia ke komo nui ana mai o ka opiuma iloko nei o keia kulanakauhale me ka maalahi loa, me ka hoopohihihiia ana mai no o ka manao o ka leiiulehu, no na alahele i komo mai ai oka opiuma; aka nae, ma ka manawa i loaa pono aku ai na kini opiuma, maluna o ka moku halihali wai Benpington, a paa hoi- he liookahi Kēpani, me kie Pukiki hana maluna o kela moku i ka hopuia, me ka ae okoa ana ae o kekahi mau kiai kukeawa, no ko lakou pili i ka hewa, kokua aku i ka hoopae ana mai i ka opiuma, akahi no a hoopauia ae kekahi pohihihi, no ke ano o ke komo ana mai o ka opiuma ma kekahi ano.

No kā hoomaemae ana ae nae i ke keena o ka oihana kukeawa o Kpnolulu nei, e lilo i hana iloko 0 keia mau la mua o ka lawe ana ae o Mr. Murray f 1 ke kulana kukeawa, nui no Hawaii nei, ka noii ame ka huli pono aria >ku, i ka poe epa apau e n'ohō hana nei iloko o kela oihana, a ina e loaa mai iaia na ike i hooiaioia, no ka pili o kekahi poe t'koe e noho hana mai nei i keia manawa, malalo ona, i ka hewa, ma ke.kokua ana aku i ka poe hoopae malu i ka opiuma, alaifa e kaiehu aku ia lakou, niai ka hoomau hou ana aku ma na hana a ke aupuni o Amerika e uku nei ia lakou. Maloko ponoi ae nei o ke awa, he mau mahina ae nei i hala, i loaa aku ai he mau haneri kini opiuma, i kiolaia iloko o ke kai, mailuna mai o na mokuahi, e holoholo anā māwaeha b ko ame lokohama. Imua ponoi o na palena a na kiai »o ka oihana kukeawa, e holoholo mau ai, a e kiai makaala mau ai, i kiolaia mai ai kela mau opiūma; he keu keia o ka hana hoonana i ka nanā aku, ma ka aoao o ka poe hakihaki kanawai; aka nae, ina ua komo pu aku na kiai kukeawa, ma ke kokua ana, i ka holopono, o ka hoopae ana mai i kela opiuma, iuka nei o ka aina, alaila ō ke kumu wale no ia i laweia mai ai ka opiuma, a imua ponoi o na maka o na kanaka i kauia mai ai ka weli, e ka poe kolohe. Me ka nana ole ma ka ili a ma ke kulana paha, ke makee nei keia pepa, e ike i ka hookoia o na hana o ke aupuni me ka pololei, e na kanaka i lawe ae i ka lakou hoohiki oihana, no ka hooko i ke kanawai, ame ka hilinai i hookauia aku maluna o lakou, o ka poe i manao, e lilo ka oihana a lakou e paa ana, i malumalu no ko lakou ohi mai, i kekahi mau pomaikai nui, ma ke ano i ku-e i ke kanawai, aole loa, he wahi lihi kuleana iki, o ka poe o kela ano, e hoomau hou ia aku ai e paa i na.kulana hiiinaiia e ka lehulehuv