Ka Nupepa Kuokoa, Volume LIX, Number 45, 11 November 1921 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA LA HOOPAU KAUA

            Ma keia la apuni o Amerika Huipuia a hoea ioa mai i Hawaii new, he la ano nui loa ia ma ka moolelo o ka honua nei ka la i hoopauia ai ke kaua nana i hookomo aku i na aupuni mana nui o ke ao nei iloko o ke kaua weliweli hookahi i ikeia.

            Ua kuahana ae ka Peresidena Harding o Amerika Huipuia, e lilu keia Poalima ka la 11 o Novemaba nei, i la kulaia aupuni, pela hoi ko kakou kiaaina, i ukali aku ai ma ia kuahana hookahi, e kono ana i na makaainaana apau, e lilo kekahi manawa nuku o keia la, i manawa no ka hoomano ana i ke Akua, no ka hoea ana mai i ka nohoalii ana o ka maluhia, ma na aupuni apau, i komo aku iloko o ke kaua i hala.

            Ua molia aku ko kakou poe kanaka opio i ko lakou mau ola maluna o na kahua kaua, ma ka moana a ma ka aina ua haalele aku ua kane he nui ma Hawaii nei i ka lakou mau wahine na makuakane i ka lakou poe keiki, no na kahua hoomoana o na koa ma keia mokapuni, me ka makaukau, e haalele iho ia Hawaii nei, no na kahua kaua ma Europa : o ka mea wale no nana i kaohi mai ia lakou mai ka haalele ana iho i ka lakou mau mea aloha mahope nei, a i ko lakou aina hanau, mamuli no ia o ka hoopauia ana iho i ka lakou mau mea aloha mahope nei, a i ko lakou aina hanau, mamuli no ia o ka hoopauia ana o ke kaua : he hopena hoi a kakou, ka poe ma Hawaii @ e oomaikai nui aku ai i ke Akua no ka nohoalii ana mai o ka maluhia.

            I oike no na manao hauoli ku'io, ame na manao hoomaikai piha, no ko kakou hoopakeleia ana ae mai na hana mai e hookomoia aku ai na makaainana iloko o ka poino ke kaumaa ame ke kanikau : pela hoi ke aupuni iloko o na kulana kupiliku, ua hookaawaleia ae kekahi manawa mahuahua o keia la no na mea apau e komo like ai iloko o na hana hoomanao mawaho ae nei o Kapiolani Paka a ke paipai ikaika nei keia pepa, i na Hawaii apau e hoike i ko kakou mau ma@ ohuhia kui'o ma ko kakou huliamahi ana aku nowaho o Kapiolani Paka i keia la a komo pu aku iloko o ke kaihuakai ana, me na lahui e ae i hoolilio i keia la, i mea ano nui loa iloko o ko lakou ola lahui ana.

            He mea liilii wale no nae na hana hoohiwahiwa, a hoikeike me ke kaihuakai mawaho ae nei o Kapiolani Paka ua kupono no ia haua na ka poe o keia kulanakauhale aka no ka poe o na kuaaina aku nei ame ko na okupuni mawaho aka o Oahu nei he hookahi no hoi ia o ia no ka loaa maoli ana lie mau manao hoomaikai kuio iloko o ko kakou mau waau no ka loaa ana o keia maluhia ia kakou he hoomaikai hoi a kakou e hoikeike ae ai ma ka lokahi like ana o na mea aneane hiki ole i ka mana o ke kanaka ke hana iloko o ka manawa pokole loa koe wale no ka mana o ke Akua.

            Ua makemakeia kakou ma keia la i ka wa e kani ai o ka hora umi-kumamalua o ke awakea me ka nana ole mahea la kakou ia wa ma ka kakou mau hana paha ma na home oaha a i ole ma na alanui paha e hoolilo i elua minuke mahope aku o ke kani ana o ka hora mui-kumamalua i manawa no ka pule ana i ke Akua; he pule no Kona ae lokomaikai ana mai e hoopauia ke kaua a e  nohoalii mai ka maluhia ma na aupuni i komo iloko o ke kaua a e hoomamaia ae hoi na manao pilihua o na maakaainana.

            Ma ko kakou aoao ko ua Hawaii o keia kekahi o na hana kilakila loa a kakou e pono ai e hooko aku ma keia la no ka mea aole loa he wahi mea ano ole ka nohoalii ana mai o ka maluhia aka o kekahi ia o na haawina pookela a kakou i noho aie aku ai i ka lokomaikai o ko kakou Makua pua ka lani ka Mea e ku makaukau mau ana na wa apau e kokua mai i ka aoao i hopilikia wale ia mai e ko kakou mau enemi

 

E NOIIA NA KOKUA I KA AHAOLELO MAKUA

            Ma ka huakai aku nei a na komisina home Hawaii no MOlokai me na loea ike mahiai ame hanai holoholona no ka nana ana i na aina hoopulapula ma kela mokupuni, ua hoi mai nei lakou me na manaolana no ka holomua o ka hana hoopulapula i manaoia no na kanaka Hawaii : o ka pilikia ano nui wale uo i keia manawa, o ia ka hoolako koke ana aku i kela mau aina, me ka wai e hoomaka koke aku ai ka mahi ana i ka aina, me ka hakalia ole.

            Ua ikeia, ka maalahi o ke kii ana i ka wai mai na kahawai mai, e lawa ai na aina hoopulapula o ka pilikia wale no aole he dala i keia manawa i maakukau no kela hana, nolaila ua hiki ole i ke komisina ke lawelawe aku i kekahi hana koe wale no ke noi ana aku, i na kokua ana mai a ka ahaolelo lahui i kekahi haawina dala mahuahua, i hiki ai ke kii koke ia ka wai, a lawe mai, maluna o na aina i kupono no ka mahi ana.

            Aole kakou i hoohewahea, i ka nui makee o na hoa o ka ahaolelo lahui, no ka hoopulapula ana i na kanaka Hawaii : mamuli o na mea oiaio i waihoia aku imua o lakou, ka mea nana i kono aku i na hoa o kela ahaolelo, e hooholo mai i ka bila hoopulapula i na Hawaii : nolaila i ka ike ana o ke komisina, i kekahi pilikia nui o ka hana hoopulapula iloko o keia manawa, he hana hawawa, ka hoihoi e ana aku i na kanaka Hawaii, e noho maluna o na aina, a lakou no i ike ai aole kumu kupono loa no ka haawina dala, e loaa koke mai ai ka wai.

            Ke uku nei o Hawaii he mau miliona dala mahuahua iloko o ka waihona puuku o ke aupuni o Amerika Huipuia, me ka uuku loa, o ka Amerika mea i hana mai ai no Hawaii nei : mailoko ponoi ae no o na loaa o keia Teritore, e hooliloia nei, no kona mau liana ponoi iho : nolaila ma keia hana hoopulapula ke manao nei keia pepa, aia he mau kahua kupono loa a kakou e koi aku ai i ke aupuni federala. no kekahi haawina dala mahuahua, i wahi e holakoia ai ka wai no na aina hoopulapula.

            Ua ike no kakou, peia no me na hoa o ka ahaolelo lahui, o ka wai wale no ke kumu e holomua ai o ka hana hoopulapula. Heaha auanei ka mea hiki i na komisina Home Hawaii ke hana in a aole he dala e hoohana aku ai? Ina e kauka'i ana mailoko mai o ka mahele o na loaa hoolimalima o na aina kanu ko, he manawa loihi okoa e kakali aku ai, alaila lawa ke dala no ka hoohana ana aku a loaa mai ka wai, a he manawa loihi okoa no e kakli aku ai, alaila hoi aku na Hawaii maluna o na aina hoopilapuka : oiai nae, o ka manao maoli, a o ka makemake no hoi ia maloko o ka bila hoopulapula, o ka hoi koke aku no, ma ka manawa maikai mua loa a ke komisina e ike ana ua lawa nono na kokua no ua Hawaii e noho ai.

            Aohe hewa o ka waiho ana aku o ka noi i ka ahaolelo lahui, e ike mai ana no na hoa kaukana wai o kela ahaoleleo. i ke kumu o ke noiia ana aku o na kokua ana mailaila mai no keia hana : a elike auanei me ka ka ahaolelo laui. i kana aku ai no na wahi e ae maloko o Amerika Huipuia. na wahi hoi i hana ole, i na mea e pono ai ke aupuni federala, elike me Hawaii nei aole he kanalua ma ka aoao o ke Kuokoa nei, no ka loaa i'o mai o na kokua ana no ka hana i manaoia a ke loaa mai ia kokua he hookahi mea maopopo loa a kakou e hiki ole ai ke hoopuukahua hou iho o ia no ka holopono o keia hana hoopulapula e loaa i'o ai ka noho kuokoa ame ka ulakolako ana ia kakou na Hawaii.

 

UA LAWA KA PAANI POLITIKA ANA!…

            He oiaio ka keia pepa i hoakaka aku ai ma ka pale i hala. o ka lekei ana aku o ka Lunakiai Kumalae. a ku ma ka aoao o kona hoi Demokarata o ka papa o na lunakiai, aole ia malalo o kekahi kumu okoa ae, aka no ka paani politika ana no ia : ke ole ia no ke kukulu ana i kekahi mikini kalaiaina no ka ikaika o ka holo haloka ana no keia mua aku.

            O ua hoa Demokarata ekolu o ka papa lunakiai i hauoli kuhihewa ma kela hoi ana mai o ka Lunakiai KUmalae, a pili ma ko lakou aoao, pela iho la e holopono ai, na hoololiloli oihana a lakou i hoolala ai, no ka onou ana ae i kekahi o ko lakou hoaloha ma kekahi kulani no ka mea he okoa loa no ka monoo iloko o Kumalae, e ake ana u kaua kanaka ponoi no i makemake ai, oia ke ke noho ae ma ke kulana oihana a konoa mau joa i manao ai no ko lakou hoaloha.

            Ea. uwoki. ka paani ana i ka politika! Ua kaahope loa, keia manawa no ka hoololiloli ana i na kanaka e paa nei i na kulana oihana o ke kulanakauhale : in a no ka makemake e hoomau i kekahi mea mai kana oihana aku. mamuli o kona Repubalika ana alaila e hoopau aku i na Repubalika apau. aole e kaohi i na Repubalika a na Demokarata i maka u ai, o ala aku na kue ana a ka poe ko'iiko'i. a mau alakai paha o ka aoao Demokarata : o ka paani politika maikai ia. aka o ka hoao ana e hoopau aku i kekahi mea. i wahi e loaa ai he rumi. no kekahi Demokarata e komo aku ai. a mau no na Repubalika e ae na Repubalika i lilo i mau hoaloha oiaio no lakou alaila o kekahi kela o na hana kapakahi. a kohu ole loa.

 

            Maumaua mai nei na hana powa i keia mau la e nee nei, a pakele mahunehune ke ola o ka Makai nui Rose. Aohe hewa o ka hele makaukau mau ana me ka pu panapana. i ka po in a penei iho la ka hoohaluaia o ke ola. @ ka poe e hele ana ma na alanui, a maluna o na kaa otomobile i ka po : pela wale no e hookauia aku ai ka weli ame ka maka'u. maluna o ka poe poiwa. Ua nui pu ka poe e komo aihue mai nei maloko o na kauhale, ma kekahi mau wahi o keia kulanakauhale : nolaila e noho me ka makaala, me ka makaukau mau e hoopakele ia oukou iho, me ko oukou mau home. mai ka poe kolohe aku.

 

            Ua haawi ae he nupepa Pilipino, i kana a'o ana. i na Pilipino e noho hana nei ma na mahiko. aole e haalele i na hana o ua mahiko. mamuli o ka hoemiia aua mai o ka ukuhana : o kekahi keia o na a'o naauao loa. O ka piha hookano, me ka uhauha o keia lahui kanaka ke kumu o ko lakou piliia. a he oiaio ka mea a kela nupepa i olelo ae ai in a e waiho ke kuai ana i na paa kamaa o umi-kumamaliha dala, ame na palule o ewalu dala, alaila e hiki ana i ka mea i mare ole i ka wahine, ke hoahu he elua haneri dala o ka makahiki.

 

            Ki he kapena moku iaia iho a make a aia kona kino make maloko o ka hale waiho kino make o ka papa ola no ke kanuia aku a i ole no ka hoihoi ia aku paha no Amerika.

 

            Ke puku aku nei ke Kuokuo i heia pule me uni aoao, a e puka mau aki ana pela no kekahi manawa, elike me ka nui o na hoolaha amo na meahou, i hiki ole ke pau me na aono ewale.

 

            Mahope o ka hoohala ana i kekahi mau la ma ke kulana kauhale nei, i huli hoi aku ai ka Lunamakaainana John Hoopale, ma ka po o ka Poakahi @ nei, no kona hoome ma Kalaheo, Kauai.

 

            Ua hoike ae nei na @ o ka hui mokuahi holo pili aina, e koemiia aku ana na ukuhana, o na limahana apau e noho hana nei malalo o keia hui, ma ka la 3 o ka mahina ae nei o Dekemaba e hoea mai ana.

 

            No ka hoomokaki ana i na apanapana aniani nahaha maluna o na alanui Muliwai ame Deritania he $25 me na koina o ka aha ka hoopa'i a ka aha hoomalu o ke kau ana mai maluna o Vernon Heinsen ma ka Poakahi nei.

 

            Ina aole e loaa na kuia, alaila e hoopukaia aku ana kekahi poo maopope ioa, i hookawaleia no na hana a he komisina hoopulapula, ma keia pule ae, me ka akoakoa, o na manao apau i kakauia, no ka hana hoopulapula. malalo o keia poo.

 

            I'a hoopuka ae ke kiaaina ma ka Poalua iho nei, he kuahauha, e hoolilo ana i keia Poalima ae, ka la 18 o Nevemaba nei, i la kanu laau, ( Arbor Day). apuni ke Teritore, me ka hoeueu ana i na kumukula ame na keiki kula e hoonanao i ua hana i kupono no kela la.

 

            Ma keia Ponlua ae, ka la @ o Nevemaba nei, ka la hope loa e uku ai i ka hapa hope o na auhau o keia makahiki me ak uku kuwala ole, mahope aku o kela la, e lilo ana, na auhau i uku ole ia i mau auhau hookaa ole ia, me ke kauia mai o unu pakeneka no ke dala.

 

            He la kulaia aupuni keia, ka la Hoopau Kaua, e paa ana na hale oihana apau o keia kulanakauhele; mawahe ae nei o Kapiolani Pake. na hana hoohiwahiwa me hoomanae no keia la ano nui, ma ka moolelo a Hawaii nei.

 

            Oini e ku kiai ana ma ka Papu Ruger, ma ka Poalima aku nei i hala, i hooku'iia aku ai he koa o Charles D. Benson ka inoa e kekahi kaa otomobile, a eha loa, a maloko o ka halema'i ma Kahauiki. i make loa ai oia ma kela la no.

 

            He elua mau kaikaniahine Pakiki, o ka hoohuiia ana ae ma ka @ @ @ mare me elua mau haole koa, e ka Rev. S. K. Kamaiopili, ma ke ahialu o ka Ponkahi aku la i hala, me ka hilo ana o kekahi paamare, i hoike no kekahi paamare.

 

            Ma ka Poalua nei, i huli hoi mai @ na hoa o ke komisina hoopulapula mai Molokai mai, mahope iho o ka hoohala ana he mau la ma kela mokupuni, ma ka nana ana, i ke kulaua o na aina i hookaawaleia, no ka hoopulapula, ana i na kanaka Hawaii.

 

            E hookaniia ana ka hele o na luukini apuni keia Teritore, he hapaha kou kani ae ka hora umi-kumamalua, o keia kakahiaka Poalima, ma ke ano o ke kani ana o na hele kupapau, a no na minuke elua hoi mahope aku o ka hora umi kumamalua, e hookamia ka hele, ma ke ano maamau nei.

 

            O ka hoopii a Herbert W. Lower. he kakauolelo mua no ke keena o ka papa ole ma Hilo, Hawaii, e koi ana ne kona ukuhana o ka wa i hala, ua hoopuku mai ka aha kiekie ma ka l'oalua iho nei, e hoole ana, i ka loaa ana aku he hookahi keneka iaia, o ka huina o kona ukuhana i koi ae ai.

 

            Mamuli o ka hoike i loaa mai iaia mai Wakinekona mai, no ke kakauia ana o kona @, ma ka la 21 aku nei o ka mahina o Okatoba i hala, ua manao o Konela J. W. Jones, e lawe ae i kona kulana oihana, he poo no ke keena ohi i na loaa kuloko ma Hawaii nei. ma ka la ` o ka mahina o Dekemaba e hoea mai ana.

 

            E ehiku mau kini opiuma. i loaa aku i na kanaka o ka oihana kukeawa, maluna o ka mokuahi Hwah Ping. ma ka po o ka Poakahi nei, me ka pau ana mai o ke poo kuene o na ohua oneki i ka hopuia, no ka nieleia aku. e pili ana i kela mau kini opinma. He @900 ke kumukuai i manaoia no kela mau kini opiuma.

 

            BUDAFEST. Nov. 6 - Ua hooholo ka ahaolelo lahui Hungari ma ka heluhelu ekolu ia ana o ka hila e kaiehu ana i ka Moi mua Charles mai ka nohoalii aku a e hoopau loa ana i ka ohana alii Hapsburg mai ka lakou kuleaua hoi i ka nohoalii.

 

            LADANA, Nov. 6.-Ina e hiki ole ana i ke Kuhina Nui David Lloyd George ke hooponopono me ke aponoia mai e ka lahui Ailiki maluna o ka ninau Ailiki, e waiho aku ana oia i kona kulania kuhina nui, wahi a ka Nupepa News o ka World i keia la.

 

            LADANA, Nov. 6 - He kanakolu poe i piholo a make i ka manawa i kahuli ai ka mokuahi Kustavi a ka lahui Finish iloko o ka manawa e pa ana o ka ino, elike me ka hoakaka a kekahi lono kelekalapa o ka lona ana ae ia Lloyd i keia la mai Hango, Finalana mai.

 

            TOKIO, lapana, Nov. 6 - Elua maa opio, ma ka oleloia he mau haumana i hopuia i keia la a hoopiiia ae no ke komo pu ana me ka opio nana i pepehi i ke Kuhina Nui Hara ma ka Poalima i hala, ma ka hale hoolulu kaaahi kuwaena maloko o Tokio.

 

            TOKIO, Japana, Nov. 8-O ke kolu holookoa o kanakolu-kumamalima mau kanaka o ka mokuahi holo piliaina Kepani Ryuke Maru ka i hoikeia mai ua pau loa i ka make ma ka manawa e ka moku i ili ai a nahaha in a ke kapakui o Hokaaaido. elike me ka lono i hoea ami ianei.

 

            JACKSON, Ky. Nov. 8.-Eono mau kanaka i make a he elima i hoehaia i keia la iloko o ka manawa i ulu ae ai he haunaele mai ka poe like ole ae o na manao ma ke koho baloka ana ma Trouble Creek, elike me ka lono kelekalapa i loaa mai.

 

            I kulike me ke kuhliaua a ka Peresidena Harding, e kani ana na hele o na halepule apau apuni ke teritore ma ka hora 11:45 a ka hora 12 m. o keia la.

 

            Ma ka hora 7 o ke kakahiaka Poa kolu nei ka hoomaka @ e noho ka aha hookolokolo a ka Lunakanawai John de Bolt no ka hoolohe ana i ka hoopei a Townsend @ kue ana ia Berthwick.

 

            Haule ka hoopii a Herbert W. Lowe ke kakauolelo mua a ka papa ola ma ke keena ma Hilo. e koi ana no kona uku o ka manawa i hala ame kana noi no kona hoihoi hoa ia aku ma kona kulana hana mua.

 

            Mumuli o ka loaa hou ana ae o ka @kini hoomaamaa kanawai ia Mr. Lowell K. Kupau no na aha hookolo kolo kakau ole, he mau hihia kana e lawekawe mai nei ma ka aha hoomalu kulanakauhale i nei mau la.

 

            Ma keia Poalua ae ka la 15 o Novemaba ka la hope e kuala ole ai na au hau waiwai. a ke lewalewa aku mahope e hanau hou iho ana ka auhau. E elen ae ma ka mookua ana o kamau iho auanei ko ka la i a pokeokeo ke aupuni.

 

            Ke houpuupuia mai nei i nei mau la ke @ki i na ukuhaua o na limahana kulanakauhale ame teritore, a me he mea la o ko na hui nui mau limahana pu ana paha kekahi, oiai no nae na kumukuai o na mea e pono ai ke ola ana o ia mau no ke kauaheahe i kanpoku o Hanalei.

 

            Manuunuu ua mea he mau hihia okimare o nei mau la e nee nei, moku mai ana, a hookomo ne ana he mau hoopii hou, o ka malama ole i ke ola, ka ha@lele wahi moe ame ka popehi mau na kumu hoopii hoea mau ae imua o ke aha.

 

NA HANAU

 

            Na Mr. âme Mrs. Wm. Helenihi, he keikikane. Sept. 15

            Na J. M. Alana ame Esther Kaneakoa, he kaikamahiue. Nov. 5.

            Na John D. Neal ame Jane Kalai, he keikikane, Nov. 6.

            Na H. Kaolelopono âme Annie Manini. he keikikane. Nov. 7.

 

NA MAKE

 

            Hannah J. Evans. ma ke alanui Young, Nov. 3.

            Mary K. Granner. ma ka Halema'i Moiwahine. Nov. 4.

            Lillian S. Naihe. ma ka Halema'i Moiwahine, Nov. 5.

            J. Anahu Olsen, ma ke alanui Smith, Nov. 6.

            Mary Kauanoe, ma ke alanui Auld, Nov. 6.

            John Welakaili, ma ka Home Leahi, Nov. 6.

            N. Haia, ma ka Halema'i Pupule, Nov. 7.

 

MAKAUKAU NA HANA HOOMA NAO NO KEIA LA

(Mai ka Aoao i Mai.)

 

            He pi'o me ka kaa, ma keia mahele ke Kalapu Hoolaha, aa kamalii Liilii, ke kula O'o Oihana Kakolika, e komo pu ana me ke kula vilikina ma Kaimuki, ke Kalapu St. John Ka Ahahui Hemolele, na kahunapule Kakolika. ke Kalapu Columbus.

            He pi'o, e ukaliia aku ana e ka poe o ka Y. M. C. A., na luna oihana o ke kulanakauhale me kalua, na Mamakakaua, ku Papa o ku Oihana Kalepu, ua Kaikamahine o Hawaii, na Pukiki.

            He kaa, e ukaliia aku ana e ka Aha hui Ke'a Ulaula, ka Ahahui o na Enekinia o Honolulu nei, ka Outdoor Cirele, ka Papa Hawaii, na koa o ke kaua Sepania ame kaua huliamahi o Amerika.

            Nu kula like ole o ke kulanekauhale nei, e laa ke kula o Punahou, Kamehameha, St. Andrew's Priory, Iolani, Sana Lui. Kula a'o koa o Honolulu, ua Keiki a ua kanake i kome iloko o ke kaua o Amerika, na koa Pelekane, na wahine Ligiona, na N@ita o Pythias na Kaikamahine Scouts, ka Ahahui Kaahumanu, na Poola, ka ahahui o na kanaka Kahi Umiumi.

            Mahope iho o ka pau ana o na hana haiolelo, ma ka hore umi-mumamalua a oi, e hoonaneaia ana ka lehulehu, ma ka hoolohe ana i na hana puhiohe oiai hoi na mokulole e hookiakakaha ana iluna o ka lewa.

            E hoolakoia ana na meani no ka lehulehu mawaho o ka paka, ma kela awakea, a ua hoomakaukau ka oihana koa, i na wahi e lona ui una meaai, me ke kumukuai oluolu, no ka poe e manao ana, e hoohala aku i ke koena o kela auwina la mawaho o ka paka no ka naua ana i ke koena aku o na hana o klea auwina la.

 

HE HOOMAIKAI NUI

 

            He hoomaikai nui i ou mau ohana apau, ame na hoaloha i akoakoa mai, e kani kau pu me a'u ame a'u mau keiki, ko oukou wahi kaikamahine, a kaikuaana ma ke kino; a i o'i mau hoapuahana hoi iloko o ka hana a ke Akua, ma o ko oukou hoohanini pu ana iho hoi i ko oukou mau waimaka ma o'u nei.

            Oiai, o kuu makua me ke kino, no ku lahui e aole hoi au i manao iki pela ke Akua e hooppono mai ai, elawe mai i Kona oe ohua, i pae o hoeaeha pu me a'u i poe na lakou e hoomaikai i kona kino, i poe mwlw i poe hoo@ a, i poe hoi e ka;i pu ana me ia ma kona ajahele hope loa. E joomaikai ia o lehova Sabaota ke Lii Nani!

            Ma ka aoao hoi o ka papa himeni, mahele o ka Ahahui C. E. Ekalesia makua o Kawaihao, ma o oukou la, e o'u mau hoapaahana. na makuakane ame na makuahine, ma o'u nei, ma o ka oukou mau makana pua la, ka papa Kula Sabati o na Opio Wahine ma o'u nei, ka oukou makanu, pua pela no hoi i ka poe apau, na oukou na pua nani like ole, owau ame a'u mau keiki ke pahola aku nei i ko makou mahalo nui, maloko o keia pepa no na hana maikai a oukou i haawi mai ai me ke aloha koe ole kahi ke noi aku nei ia oukou apau oluolu hoi e lawe aku i ka makou hoomaikai.

            Ke haawi hou aku nei no i kuu hoomaikai i na kauahine, ame ka makuakane hookahi o'u mau hoa pauhana no ma ka mahele o ke komite kiai ma o ka oukou hawina manawalea la, a'u no hoi i apu ole ae ai e hoonui noo noo hou mmai ana oukou Ae o ka lokomaikai a oukou i hana mai ai ma ko oukou aoao, owau ame ke komit a oukou i hoouna mai ai, ua waiho aku i ka'u hoomaikai imua oua, a nana no auanei e hoopiha hou iho. a hoomahuahua aku i ko oukou mau waihona. O ke Akua pu no a hui hou kakou.

                        MRS. OBA

                        Me na keiki

 

NA LEKA KII OLE IA MAI AHIKI I NOVEMABA 5, 1921

 

Aina. Mr.s Hoopai

Anahu Mirani B.

Opunui, John

Halemano, D. W.

Hanakeawa, Sol.

Heleakalani, Peter

Hoomana, Chas.

Hoomanawanui, J. H.

Kaa, Joseph M.

Kaaedc vytgbve5dcfvbgynhumji,ko.lijhygt

Kaaiaoheleo Peter J.

            Kaaiohelo, Peter J@o.

Kaauopu, Mr.s Louisa

            Kaialiilii, Miss Rebecca

Kaiapa, Mary

Kaiewe, Kahololio

Kaikaka Miss Mary

Kaio, Tom

Kau, William

Kauwe Jas.

Kaukani, Miss Mary

Kahalepauole, Mrs. H. K.

E ninau ma na leta i