Ka Nupepa Kuokoa, Volume LIX, Number 45, 11 November 1921 — KOMO KA AIHUE MALOKO O KE KEENA O KE KUPAKAKO. [ARTICLE]

KOMO KA AIHUE MALOKO O KE KEENA O KE KUPAKAKO.

Oiai ka mokuahi Siberia e ku ana maloko o ke nwa nei, ua komo aku la kokahi haole nialihini iloko o ke keena o ke kupakako i ka manawa o kekahi koiki Pake hana oluna o ka moku e ku ana nia k'ahi kokoke i ke keena o ke kupakako. Maho'pe o ka hoikeike ana aku o ka haole malihini i kekahi pihi e kau ana ka huaolelo "Inspector", o kona komo aku la no ia iloko o k(? keena o ke kupakako a hoomnka ke kuekaa aua i na mea apau e waiho ana maluna o ke pakaukau, a o ia huli ana a loaa paha kana mea i makemake ai, haalele aku la oia ia keena me kekahi puolo uuku e paa ana iloko o kona lima, a olelo aku la i kahi keiki Pake he ehiku mau hapa kini opiuma iloko o ia puolo, el'ike me ka ke keiki Pake o ka hoike ana ae. "E hoi hōu mai ana au e kii ia oe, wahi a ka; haole i ke keiki Pake. 0 ka ike hope loa ana no ia o ua haole la, eia nae, aolo i ikeia kekahi kanaka e haalele iho ana i kela mokuahi me kekahi puolo ma kona lima, aohe rio hoi he haole i ikeia o ia ano maluna o ia moku mamua aku a mahope iho o ka aihueia ana. No ka maka'u.o ke keiki Pake ua hele aku la oia e hoike i ke kapena, a j hoomaka koke ka huliia ana o ka haole aihue me ke pihi "In«pector" e kau ana mamua o ke kuka. I O ke pihi e kau ana mamua o ke kuka o ka haolo~ malihini he okoa loa , mai ke pihi ae i maa mau ka ikeia ma ke kuka o na lunanana o ka oihana kukeawa. Ma na kohokoho wale a kekahi poe he hana kolohe ka kela haole o ke komo ana iloko o ko keena o ke kupakako no ka imi ana i mea e poino ai ke kupakako ma o ka waiho ; ana aku paha i kekahi opiuma iloko | o ia keena, a ma kekahi koho wale ia j hoi e hoao ana kela haōle e hana i kekahi mea e poino ai ke kupakako, no kekahi mau k\imu i maopopo ole. j Aohe i hoakakaia ka mea i aihueia.