Ka Nupepa Kuokoa, Volume LXI, Number 13, 31 March 1922 — E HAALELE IHO ANA O BALDWIN MA KA LA 5 O APERILA. [ARTICLE]

E HAALELE IHO ANA O BALDWIN MA KA LA 5 O APERILA.

Ma ka la 5 o Aperila e haalele iho ai ke Senatoa Harry A. Baldwin, ka moho elele Repubalika lanakila i kohoia ai ma ka Poaono aku la i hala no Wakinekona, no ka hoopiha ana aku i ka manawa i pau ole o ka Elele Kuhio. E noho aku ana ka elele hou ms£ Wakinekona ahiki i ka hoopanee ana o ka ahaolelo 57, me he mea la iloko ae nei o lune. I kulike keia me ka lono i loaa ae mai Wailuku mai ma ke kelekalapa uweaole o ke Sabati nei. Ma ia lono e noi pu mai ana ka elele i ke Kuokoa nei e haawi aku i kana mau hoomaikai i na makaainana apau i koho a i hana nona ma ke koho baloka kuikawa i hala iho la mai Hawaii a Niihau, "Mamuli o ko'u hoomaopopo ana iho i ke ano nui o na kanawai e ku mai la maloko o ka ahaolelo i nei manawa e pili ana ia Hawaii ame kona lahuikanaka, pela au i manao ai e haalele iho ia Hawaii nei ma ika la 12 o Apenla, a e noho mau aku ma Wakinekona ahiki i ka hoopanee ana o ka ahaolelo. "Ke makemake nei au e haawi aku i ko'u hoomaikai i ke Kuokoa no ka mahele hana ana i lawe aku ai ma kona aoao ma keia koho baloka i hala iho la," wahi a ka elel6 ma ka hapa hope o kona manao. ♦+* ! OONSTANTINPOPI/E, Mar. 25.— Ua ku-e ka manao o ka lehulehu mai o i o i 4a hoopau ana i ke kaua mawaena o Tureke ame Helena maloko o Asia Uuku, i hoolalaia ai e na luna aupuni o na aupuni huiia, o ia ka mea i maopopo i keia la.