Ka Nupepa Kuokoa, Volume LXI, Number 20, 18 May 1922 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
HOOPIIIA NO KA MARE HOU
ME KA WHINE MUA.
Hiike me ka hikiwawe o ka oili @ ke o ka la ma ka hikina me kona nani nui, a napoo aku ma @ aoao o ka poepoe honua ma @ komohana, pela ka hikiwawe o @ nalohia ana aku o ka hauoli, @ kekahi wahine opio aku, a @ho alii iho la na manao kaumaha, @ @wiliia me ke aloha, iloko on a, @muli wale mai no ia o ka hohola @na ae o kekahi wahi punohi uwa@, mawaena on a ame ka mea ana @ upu ai, a kailikuia aku la mai @la aku, aka, nae, o ka haawina @ loaa iho la iaia, o ka haawina no @ i loaa i kona hoa paonioni ma@@a aku.
I wahi e ikeia ai heaha la ka @ ea ma-o aku o kahi punohi uwa@, ke ku-ia nui hoi i ala mai ai k@la noho kaniuhu ana, e ikeia no, o @a hookumu ana o keia nuhou, mai Kauai inai no ia.
Oiai o Rebert French ame kana @ahine, Mrs. Daisy French i hoo@ui@a ae ai, a lilo i hookahi ma ka la 10 o Feberuari, 1918, i Kauai, @ n@@ mai la laua no Honolulu nei, h@ manawa pokole mahope iho ia wa. I ko laua hoea ana no Hononolulu nei, ua noho hana aku la @ French malalo o kekahi hui kaa @tomobile, me ka loaa ole o kekahi @au ku-ia mawaena o laua.
Ua noho lau iloko o ka hauoli @ mau la o ko laua mahina meli, @a ka hoohuaia ana mai he kaika@ahine mohaha maikai mailoko mai O ko laua mau puhaka, he mea hoi nana i hooi loa ae i ko laua hauoli.
Oiai laua e noho ana iloko o ia hauoli ana, a i ka hoea ana i ka la 2 o Sepatemaba, 1921, o kela makahiki aku la i hala, ua haalele mai la o Mrs. French ia Honolulu nei, a huli hoi aku la no kona onehanau ma Wailuku, Maui. Ma ka hoike hoi a kana wahine, i hoi oia i Maui mamuli o ke kauoha a kana kane.
Mahope iho o ka hoi ana aku o Mrs. French i Muai, ua komo ae la kekahi wahine opio iloko o ke ana o Mr. French. I ka hala ana o kekahi manawa, a i ka ike ana o kela wahine opio, ua hoea mai i ka wa ana e hoike ai ia French, eia au au o ka manawa ke hookokoke loa mai nei no kona lilo ana aku i makuahine, ua hooko aku la oia ia manao ona.
Nolaila ua waiho ae la o Mr. French he hoopii oki mare ikana wahine, malalo o ke kumu, haalele wahi moe.
Ua hookomo ae ka wahine mare a French he olelo iloko o ka aha e hoole ana i ka pololei o ke kumu hoopii a kana kane, eia nae aole oia i hiki kino mai i Honolulu nei. no ka pane ana i kela kumu hoopii. Wahi a ka wahine, mamuli o ka hana a kana kane i hana aku ai maluna on a ua konoia mai eia e hele kino maoli i ka hana maloko o kekahi halekua i wahi @ loaa ai kona ola ana ame kana hehe.
He mau la pokole wale no i hala he nei, ua haawi mai la ka aha hookolokolo i ka olelo hooholo, e apono aua i ka hoopii a ke kane, nolaila, moku ae la ka hipuu i awaiauluia ai laua i ka makahiki 1918, malalo o ka mana o ke kanawai o ka aina.
Ma ka la mahope mai o ka moku ana o keia mau mea, aia hoi, ua hoea aku la o Mr. French ma kekahi keena o ka hale aupuni kalana, in a ka Hale Kapiolani, no ke kii ana i laikini mare, no kona mare hou ia ana aku no ka lua o ka manawa me ka wahine opio i komo mai iloko o kona ola ana.
Mawaena o French, na makua o ka wahine opio ame ka wahine opio, ua hooholoia ka la ame ka hora o ko laua hoohuiia ana ae a lilo i hookahi. I ka hoea ana mai i ua la nei, ka la hoi a ka wahine opio e kau aku ana o ka hoea mai, na hoomakaukau iho la kona mau makua i na mea apau no ua la hauoli nei o ka laua kaikamahine, a i ka makaukau ana o na mea apau, ia noho iho la lakou a kali o ka kona ae i ka hora ume ka minuke o kaawale aku ai ka laua lei aloha i ai la lua aku.
I ka hookokoke loa ana ae i ka @@@a ame ka minuke o ua manawa nei, i aelikeia ai e na aono a @@@@a, he wa ia i hoopiho loa ia ai o ka houpo o kela ame keia mea me ka hauoli, aka, i ke kani koele ana o ka uwaki ma ua hora nei, e hala wale ma o, aia hoi, aole i hoea mai ka mea i kaliia ai.
Ua hoomanawanui hou ia no ke kali ana, malia paha ua loaa i kekahi ulia hiki ke kala ole ia ma ke ala: eia nae, a hala loa ka manawa mahope loa, he wa iho la ia a ke pioloke oloko o kahi houpo; a i ka hala loa ana o ka manawa mahope o ka palena, ua hekau iho la ke kaumaha maluna o kela wahine opio; piena ae la kona luaui makuakane, a o ka hopena i ikeia, ua hoopiiia ae o Mr. French no ka hewa moekolohe, a ma ka Poaka o ka pule aku la i hala i paa ae a oia i ka hopuia.
---------+*+---------
Ua loaa ia Mundon he kia kane nui, a ua hoi aku oia me keia kia, mai ia Geo. Cooke mai. Us lohe mai makou, ua nui ka hoonuu o Mundon i keia kia.
HE HOALOHALOHA NO
JOHN K. KOMAIA
Mr. Lunahooponopono o ka Nupepa kuokoa, Aloha auanei a nui loa: ---E ae mai kou hanohano i kauwahi kaawale o ke kino lahilahi o kau nupepa no kela poomanao e kau ae la maluna, a nau hoi ia e aha'i mama aku, a loaa kona ohana ame ka lehulehu e noho ana me ka nanea mai ka la puka ae ma Kumukahi, a kala koili o Lehua, no nei haawe kaumaha i hekau iho maluna o makou kona mau hoapaahana iloko o ka Haku.
Elike me ka olapa ana o ka uwila a ku'i nakolokolo ae la ka hekili o ka hooilo ma na paia lani, pela no ka puiwa hoolelehauli i pahola ae mana hora poniponi o ke kakahiaka nui Poa la, Mei 4, e ha'i mai ana ia makoua kona mau hoapaahana, o ka Lunakahiko John K. Komaia, ua hala i kahi mau o na mea apau, i na hora o ke aumoe o ka Poekolu, la 3 ma kona home.
Ma kona ano oiaio o kona hiki malihini ana mai me kana wahine i hala mua ame kana keiki i hala mua ame na moopuna, he aloha, he oluolu ma na ano apau, he kauwa hoi e hapai ana i ke ke'a o kona Haku me ka hoomanawanui me ke kaniuhu ole.
Nolaila i ka hala ana aku la o John K. Komaia, ua kau iho la ka haawe kaumaha a luuluu maluna o kona hanamua e noho mai la i ka ainahanau o Maui, oia hoi o Mr. Kila ame ka pokii, e noho mai la i Kahana ame na moopuna i nele i ke kupuna aloha, na hoaloha he nui. Luuluu wale hoi!
Nolaila e hooholoia, o makou o na luna ame na hoahanau, ke Kula Sabati, ka Hui Manawalea o ka Ekalesia o Iesu Kristo o ka Poe Hoano o na La Hope Nei, o Kokoiki Homestead, Kohala Akau, Mokupuni o Hawaii, ma o ko makoua mau komite la, ke komo pu aku nei me oukou kona mau ohana, na pokii, na keiki, na moopuna lehulehu e auamo pu i neia ukana e haawe nei maluna o kakou apau. no ka mea i haalele mai ia kakou, ma keia aoao o ka muliwai eleele o ka maku.
E hooholoia, o John K. Komaia i hala aku la, he lunakahiko a he hoakuka mua no ka apana a he hoakuka mua pu hoi no ke Kula Sabati, ua paa ia hoi ia mau kulana eia me ke kaniuhu ole, aole ka inaina ame ka huhu iloko on a, aka o ke aloha ame ka oluolu kana e haawi mai ai ia makou kona mau hoapaahana i kela ame keia manawa, a na ka make i wehe ia pili ana o makou, oiai ua kahea mai la kona Haku aloha e hoi aku ma kona wahi i hoomakaukauia no ka maha mau loa ko ae la ka mea i palapalaia o ke kanaka i hanauia e ka wahine, he hapa kona mau la, ua piha nae i na popilikia o keia ao, a e hoi ka lepo i ka lepo, no ka mea mailaila mai kakou i puka mai ai, a o ka uhane e hoi no ia me ka mea nana i hana.
E hooholoia e hoounaia hookahi kope o keia hoalohaloha i ka Nupepa Kuokoa, hookahi i kona mau pokii, a ke nei ae nei ka makou leo pule i ka Haku, ka Makua mana loa, nana e lawe aku i na kaumaha me na luuluu mai o kakou ae apau, a Nana e hoomaha mai ia kakou apau, iloko o ka inoa o ka Makua, ke Keiki, ka Uhane Hemolele, amene.
Me oe e Mr. Lunahooponopono ka makou hoomaikai nui, ame na keiki o kou papapa'i ko makou anoai.
O makou iho no me ka luuluu paumakou ma o makou mau komite la.
W. M. KAMKAKAOKALANI,
Peresidena Apana;
JOHN KALIKINI
Peresidena Kula Sabati;
FRANK K. KALAMA,
Hoakuka Elua, Kula Sabati;
MRS. L. AILINI,
Peresidena Hui Manawalea;
LAU K. KUHINAPULE,
Lunahoomalu o ke Komite.
Kokoiki Homestead, Kohala, Hawaii, Mei 11, 1922.
---------+*+---------
APONOIA O OʻBRIEN MA KAHI
O DE BOLT.
______
O Ray O'Brien, i kakooia ae ai e ka Papa Loio Hawaii no ke kulana lunakanawai kaapuni elua, no ke pani ana i ka makalua i hoohakahakaia mamuli o k hookohuia ana mai o ka Lunakanawai De Bolt i lunakanawai federala e ka Peresidena Harding elua pule aku nei i hala, ame O. P. Soares i lunakanawai hoomalu no ke kulanakauhale o Honolulu, ua aponoia e ke komite kuwaena Repubalika ma kana halawai o ka nohe ana ma ka Poakahi nei.
He ekolu mau inoa i hoolalaia no ka waihoia ao imua o ka Lunakanawai Kiekie E. C. Peters no ke kulana lunakanawai hoomalu no lakou keia mau inoa: O. P. Soares, F. Schnack ame N. W. Aluli, a nana e koho a hookohu ae i kana kanaka e manao ai maiwaena ae o keia mau inoa ekolu, eia nae, ua haule wale ia manao. Ua huki hou ia ka inoa o Schnack. ua hoao hou ia e hoouna ae i na inoa o O. P. Soares ame Noa Aluli i ka lunakanawai kiekie a ua haule hou no. Mahope iho ua lokahi na hoa o ke komite e kakoo me ka lokahi i ka inoa o O. P. Soares a ua hooholoia pela.
KE HOONIONI MAU LA NEI KA
PAHU WAI HELU I O KAHUKU AINA LEWA.
___________
Mr. Lunahooponopono, Aloha oe: -Mamuli o ko'u ninau ana i kekahi wiliki o kekahi paumawai i loaa mai ai na hoike oiaio, o ia ka piha pono o keia pahu, e hiki ai ke hoolawa i ke kulanakauhale iloko wale no o 4 hora pau, 4 hora no hoi pauma, i ka po ame ke ao, a pela no hoi na pauma 4 mawaho ae o keia e huki ana no ka mahiko holookoa.
Aole he manawa e ikeia aku ana e emi iho ana ka wai o Kahuku aina ilalo, a oiai no hoi he mau pukawai nunui no hoi kekahi mawaho aina, e huai ae ana me ka ikaika iluna, e holo ana me ka ikaika malalo me he halulu waikahe la.
He aina lewa o Kahuku ma kona hikina hema (o polou pukawai hohonu) ma kona aoao komohana akau, (o Kalou) he pukawai hohonu 3 mile ko laua kaawale, o keia na huka i louia ai o Kahuku a paa.
Nolaila, ua huli hoi aku la oe e ke keiki o ke ahi o Wailuku, ka ihupani pii pali o Iao, o na hua Ua'u nepue o ka wai hoihoi la'i o Eliile, a oni na hono a auhea pu iho me ia keonimana o hookaukailuna ke ao kokolo o na lua oloke neepapa o Kula a kokolo mai ka ohu la he ino.
Ke ike mai la olua ia Kahuku i paiaalewa iluna a loaa ka wahine e lewaia nei e ka makani o ke Koolauwahine, o Nawaiuolewa, elike no hoi me ka wahine lewa o Hopoe a maluna ae keia o ke alanui holopuni e kau mau ana i Kalaeokahipa o ka aina lewa mai o Kanehunamoku i likeme Kamanuaniho, ke kae'ae'a o Tahiki mai, maloko o ka umeke pohue mai, a pae ma Maui, a holo mai i Molokai Nui a Hina.
Nolaila, mai Tahiki mai ke Akua a hanau mai ke kanaka ame ke alii o ka mea e hoole i ka ke lii hoole i ka ke Akua.
Owai ka aina i hoolanaia e ka wai, hiki ole e pau me kona kaupoku kuahiwi ole, a loaa o Kahuku aina lewa iuka, a lewa i kai O Nawaiuolewa, elike pu no me ka puu o Haupu i Kauai, kona pii mau ana iluna ilalo, a ua kaomiia e ke keiki a Ku ame Hina a hoopaaia kona pii mau ana.
E hoomauia aku ana ma ka pule hope o keia mahina, no ka ono o ka poe e heluhelu ana i ka nupepa.
Ma Laie, Sabati 7, ka la o na makuakane, a ma ke Sabati elua mai 14 o Mei, ka la o na makuahine, i hapaiia na haawina e hoike ana i ka nui o na pomaikai mailoko mai o na makuahine ka loaa ana o ka olioli mau loa mailoko mai o na ehaeha he nui. Ua hanaia na haawina nani ma ke Kula Sabati, na haiolelo ma ka hora pule, a pela no na pua poni moi keokeo , he mau hana maikai keia a na hoomana e hoomanao mau ia nei apuni ke ao ka la no hoi o na makuakane i elemakule, ka loaa ana o na makana i kauohaia e houluuluia lakou ma kahi hookahi E ikeia ke aloha o ke Akua mai na haiolelo mai.
E hoomanao mau ia ana i kela ame keia makahiki he kauoha ia iloko o ka Ekalesia o Iesu Kristo.
J. A. KAHIONA,
---------+*+---------
NA LEKA I KII OLE IA MAI E
WAIHO ANA MA KA HALELETA AHIKI I MEI 13, 1922
___________
Akana, Georgina Kekei, Kalani Apao, Miss Fan-Kaai, Mrs. E. Apuna, Chas. A. Haili, John Hui, Mrs. Samuel Kekoolani, Nawai Maele, Kaawa, Levi K. Kaia, Mrs. L. Jeo Kai, Samue. H. Kaili, John Hoino, J. K. (2) Kaohelaulii, Mrs. Rose E. (2) Kahalekua, Margaret Kahale, Mrs. H. Kahuku, Miss Rebecca Kahuli, Alexander kalilimoku, S.B. Pahai, Kalama, Shepard Panee, Kalani, James kalainaina, Mrs. Alice P. Kalei, Miss Eliza-Pahuole, Peter beth Kaleiwahea, Geo. Kamai, David K. Paiaina, Kamano, James Kananiahiahi kane, Mrs. Dorothy Kanaina, Mrs. Mary Kapeliela, D. K. Kumukahi, Abe Kini Jr., Josish Keaniu, Josephine Keanu, Sam Keao, William, Kekoolani Jr., Nawai Kekoa, Albert Kekei, Kalani Kaai, Mrs. E. Kekaula, Miss E. K. Lonoehu, John M. Maele, Abraham K. Makakoa, J. Manuia, Mrs. Kalani Naauao, Mrs. Emma K. Nihipali, Samuel M. Noia, Frank C. Noa, Kauhai Nuole, B. H. Nuuhiwa, Mrs. Lucy Pahai, J. K. (3) Panee, Mrs. Rebecca Paauhau, Mrs. Julia Pahuole, Peter Paakaula, Philomena Paiaina, H. K. Pahu, Harriet Pele, Mrs. Esther (2) Pena, Miss Annie P. Piimanu, David Pio Jr., Mrs. Mely Waianuhea, C. Waiwaiole Mrs. Mary Wikoli, Kamaka Simeona, Ahoi Solomon, Mrs. Amelia L.
E ninau mai ma na Ieta i hoolahaia ke kii mai
D. H. MacADAM,
Lunaleta
KUU MEA ALOHA UA HALA
___________
Mr. Solomon Hanohano, Aloha oe: E oluolu mai kou ahonui e hoike ae ma ka hiwahiwa a kaua, i ike mai ai ka ohana, na makamaka ame ua hoaloha o kuu mea aloha, he wahine ua hala i ke ala polikua a Kane.
Ua hanauia kuu mea aloha Mrs. Christina Kahawaii Keaunui mai ka puhaka mai o Kealiinui (k) ame Kahawaiinui (w) ma Kau, Hawaii, ma ka la 27 o Sepatemaba, 1884, ua piha iaia makahiki o ke ola honua ana he 37, 6 mhina, 21 la keu.
Ua hoohuiia maua ma ka berita laahia o ka mare e ka Makua Uhane Father Mathias, ma Marie o ka Malu, Roma, alanui Papu, i Ianuari 13, 1901.
Ua piha ia maua na makahiki he 23, 3 mahina, 8 la keui o ka noho aloha ana.
Ua hoohuaia mai ko maua mau puhaka mai na hua ohaoha na keikikane eha ame na kaikamahine elua, me na ola kino maikai.
Ua loaa i ka ma'i ma ka po Poakahi, Aperila 17, 1922; laweia ma ka halema'i Moiwahine, Aperila 19, 1922.
Laweia ma kahi hoomaemae kino o H. H. Williams e hooponopono ai, ma ke ahiahi o ia la, ma ka hora 10 a. ml, Aperila 22, 1922, hemo mai ke kino no ka ike aku o ka ohana, na makamaka ame na hoaloha.
Ma ka hapalua o ka hora ekolu i malamaia ai ke anaina haipule o Rev. D. K. Diamond me ka papa himeni ame ka hookani okana Miss Hana A. I. Bright, no ka hoomaikai aku i ka Makua lani kiekie loa.
Hoolewaia ma ka hora 4 p. m., Aperila 22, 1922, ma ka ilina o Kawaiahao, me ka pule hoomaikai hope loa ma kona home lua mai ia Rev. H. Kaleo mai.
Ua waiho iho he puolo luuluu na'u ame na lei a maua e paiauma aku mahope nei. Hookoia iho la ka olelo a ka Buke, aole puunui mawaena o ke kane, ame ka wahine i ko laua wa e ola ana, o ka make wale no.
Maanei kakou e ike ai i ka hohonu o ia mea. Aole loa e moku koke ke kaula kaakolu, na ka make wale no e hookaawale; ua hiki i'o mai ia mea. Hooiaio hou mai la ka olelo a ka Buke Nui, Nana no i haawi mai na'u, Nana no i lawe aku, hoomaikaiia no o Iehova o kaua, ma na lani kiekie loa. Amene.
He makuahine hoomanawanui i ka malama keiki ana ame na hana apau o ka home, a he makuahine pu iloko o na hana a Kristo a Iesu a moe.
Ke hoomanao ae i keia mau mea, i na la o ka noho opiopio ana ma ko'u aina hanau ma Hauula, Koomalu o na Koolau e, ua pau loa kou lau, Oahu, lihaliha wale.
E Hauula, kuu aina hanau i ka ike hou ana i na papalina o kuu mea aloha. E Waipuhi ame Meheiwi wai e, kahi a kuu mea aloha e hahaopae ai e, aole loa olua e ike hou i kona aka, e maalo ao ana i o olua la.
I kuu põe makuakane me kuu põe makuahine e, aole loa oia e kiei hou i ko oukou mau home no ka manawa mau loa. I ku poe pokii aloha, Mr. ame Mrs. Wm. Kualii, Mr. ame Mrs. E. Keaunui, Zachary Keaunui, Mr. ame Mrs. Agness Akina, aole loa oukou e Iohe hou i ka leo o ko oukou kaikuaana, ua kuu ka luhi, ua hoomaha no ka wa mau loa.
Pela pu no hor me ia mau pokii kaikuahine o'u e noho mai la i ka aina, Emalia Kaheiau Kekai, Kaliko Grace ame Lu; aole no hoi kona aka e maalo hou me oukou maluna o ka papa limu kohu o Wahiopua, aloha wale ia mau aekai e holoholo pu ai.
Ke hoomaikai nei au i ka ohana, na makamaka ame na hoaloha i komo pu mai me a'u iloko o ke aloha luuluu, a ke hoomaikai pu nei au i na makana boke pua a ka ohana, na makamaka ame na hoaloha, na ke Akua e hoopomaikai ia oukou ame ko oukou ohana ame ko oukou hale apau, me ka malu mai ke Akua mai.
Me oe âme na keiki o kou papapa'i ka welina o ke aloha nui.
Owau o ke kane ame na keiki iloko o ka luuluu,
ANDREW M. KEAUNUI
Hustace St., Honolulu.
---------+*+---------
MAUI NO KA OI.
______
I ka Lunahooponopono o ka Nupepa Kuokoa, Me ka mahala:- E oluolu hoi oe ma kekahi wani kaawale o kau Nupepa e hookomo iho i keia elike me keia poomanao. "Maui No Ka Oi."
Ua haaheo ko Maui nei mau kini o na kumukula aupuni, ame kahunapule apau loa, a pela pu no hoi me na hoapaahana apau o ia auna hookahi o na mokupuni, i pilikoko ia Maui o Kama, o ia o Lanai ame Molokai nui a Hina, i ka lohe a hoomaopopo lea ana aku, i ka mea hou hauoli, no ka lilo ana o ka hanohano i ke keiki Hawaii ponoi piha o Maui nei, ka aha'i ana i ka lanakila, no ke kulana Moho Elele Nui o na kumukula o ke ao nei, e hui mai aa i Bakekona iloko ae nei o Iulai.
Hauoli a haaheo wale kakou e Maui e, ia Haleakala i ke kuahiwi ku kilakila a i ka rose lani hoi ka pua kaulana o ka aina.
Hoomaikai nui i ko Oahu mau kini kumukula apau, a oi loa aku i ka Haku Nui o ka Papa Hoonaauao, Mr. MacCaughey.
Hoomaikai no ia Kauai ame ko Hawaii mau kini o ka hooikaika ana a mai haule no o Maui.
Nolaila ua manao kou meakakau, aole i kuhihewa ko Maui nei mau kumukula i ka wae ame ke koho ana ia Mr. William K. Hoopii, keiki hanau o ka aina, a o ke kumu poo hoi o ke Kula o Kahului, i ke kaiholuholu, i Elele nui i Bokekona.
He keiki i maa ma ia hana o ka himeni, a ua ikeia oia e ko Hawaii Paeaina iloko o na hana a na kumukula ma Honolulu o ka wa hoomaha (Summer School), a iloko hoi o na hana maikai a ke Akua (Kula Sabati me C. E.).
O ke keiki no hoi keia i alakai ai i kekahi papa himeni uuku o ewalu poe i ke kau kenekurea aku nei i hala, a aneane e lilo iaia ke kiaha kala. Kau i ka helu elua.
Nolala e ike mai e na kini apau o Hawaii, ahiki aku i Niihau, i ke keiki a kakou, a o ke koa wiwoole hoi a kakou no na hana maikai apau.
E hauoli iho, oiai he keiki Hawaii ponoi ka mea e holo ana, a mai oi loa aku ka nani in a he mau Hawaii kekahi mau elele e hele ana, kohu pono hoi paha ka hele ana o na elele i ka aina e!
I ka hoopau ana i ka'u meahou, na ke Akua no e kiai, malama a kokua i ka elele a kakou i Bokekona, ame kona makua Mr. Wells, ke Kahu Kula o Maui nei, mai keia wa aku a i ka wa mau loa.
Me ka mahalo,
KE KIU MEAHOU O WAILUKU,
---------+*+---------
KA AHAHUI HOEUEU O
NA OPIO MA KAWAIAHAO
_________
Ma ka hapalua o ka hora ehiku o ke ahiahi o keia Sabati iho, o ka Rev. A. W. Palmer ke haiolelo mai ana, ma ka halawai a ka Ahahui Hoeueu o na Opio o Kawaiahao, maluna o kana kumuhane "Ka Uhane Lokahi."
E mele mai ana ka papa himeni i kekahi mau mele hooni uhane ma kela halawai, ma na himeni Hawaii ame haole, a ua konoia ka lehulehu e hele a ma ia anaina halawai.
Ua makemake nui ia na makua e hele ae, aole no ka lohe wale ana no i ka haiolelo a ka Rev. A. W. Palmer, aka no ka hoolohe pu ana kekahi i na himeni nani, e meleia mai ana e na opio. E lilo ka hoopiha ana ae o na makua i kela halawai i kumu e hoohoihoi aku ai i ka manao o na opio, aia na makua mahope o ko lakou mau kua, kahi i ku aku ai a kakoo i na hana hoeueu a lakou e lawelawe nei, no ke alakai ana i na opio na hana maikai.
HOOLAHA I KA POE PAA AIE.
__________
Honolulu Packing Company, Ltd.
_________
Ma keia ke haawiia aku nei ka hoolaha, ua hoopauia ka Honolulu Packing Company, Limited, he hui Hawaii i hoohuiia, a ua kohoia aku ka Hawaii Pineapple Company, Limited, he hui Hawaii i hoohuiia i Kahu no ka poe paa aie ame ka poe paa mahele o ka Honolulu Packing Company, Limited, i oleloia, ma ke kauoha a Henry C. Hapai, ke kokua Puuku o ke Teritore o Hawaii, i hanaia ma ka la 16 o Mei, 1922.
O ka põe paa aie apau o ka Honolulu Packing Company, Limited, ma keia ke hoikeia aku nei ka lohe, e waiho mai i ka lakou mau koi i ka mea nona ka inoa malalo iho nei ma ke ano kahu, ma kona keena oihana ma Iwilei, Honolulu, Teritore o Hawaii, iloko o kanaiwa (90) la mai Mei 18, 1922 aku, (o ua la nei, ka la o ka hoopouka mua ia ana o keia hoolaha). O na koi apau e waiho ole ia mai ana pela, e hoole mau loa ia aku no.
Hanaia, Honolulu. Mei 17, 1922.
HAWAIIAN PINEAPPLE COMPANY, LIMITED,
Kahu no ka Poe Paa Aie ame ka
Poe Paa Mahele o ka Honolulu
Packing Company, Limited.
6504---- Mei 18, 25; Iune 1, 8, 15.
MA KE KAUOHA
_________________________
HOOLAHA KUAI O KA HOOLIMALIMA AUPUNI LAULA
___________
Ma keia ke haawiia aku nei he hoolaha ma ka hora 1 p. ml, Poalimi, Iune 16, 1922, ma ke keena o ka Hope-Agena Aina, Mr. J. M. Lyagate, Lihue, Kauai, T. H., malaila e kuai hooliloia aku ai i ka mea koho kiekie loa, malalo o na manao o ka Pauku 73 o ke Kanawai Kumu o Hawaii ame ka Pauku 380 o na Kanawai Hooponopono Hou ia o Hawaii o 1915, ka Hoolimalima Laula o ka Aina Aupuni malalo iho nei penei:
Apana Helu 232B, na Aina Home Hookuonoono o Kapaa, Haawi Aina 4, Puna, Kauai, nona ka iliaina o 3.84 eka, oi aku a emi mai paha; manawa hoolimalima, 10 makahiki mai Iune 16, 1922 aku; uku hooimalima haahaa, $60.00 no ka makahiki, e uku hapa makahiki mua ia.
E uku koke ka mea kuai mai mahope o ka lilo ana, i ka uku hoolimalima o na mahina mua eono, hui pu me na hoolilo no ka hoolaha ana ame na kaki e ae i pili i ka hoomakaukau ana i ka hoolimalima i oleloia.
O ke kuai o ka Hoolimalima Laula maluna ae, ua kaa malalo o na manao ame na kulana o ka Hoolimalima Aupuni Laula i hoopukaia e ke keena o ke Komisina o na Aina Aupuni.
O ke kii palapala aina o ka aina e hoolimalimaia aku ana ame ke ano o ka Hoolimalima Aupuni Laula, eia maloko o kahi waiho o na palapala, a e ikeia no ma ke keena o ka Hope-Agena Aina, Hale Aupuni Kalana, Lihue, Kauai, T. H., a i ole ma ke keena o ke Komisina o na Aina Aupuni, hale Kapitala, Honolulu, T. H.
No ka hoakaka laula, e ninau ma ke keena o ka HOpe Agena Aina, Mr. J. M. Lydgate, Hale Aupuni Kalana, Lihue, Kauai, T. H., a i ole ma ke keena o ke Komisina o na Aina Aupuni, Hale Kapitala, Honolulu, T. H.
C. T. BAILEY,
Komisina o na Aina Aupuni.
Keena Aina, Honolulu, T. H., Mei 15, 1922
6504---- Mei 18, 25.
_______________________
HOOLAHA I KA POE PAA AIE
___________
Hawaiian Fibre Company, Ltd.
___________
Ma keia ke haawiia aku nei ka hoolaha, ua hoopauia ka Hawaiian Fibre Company, Limited, he hui Hawaii i hoohuiia, a ua kohoia aku ka Hawaiia Pineapple Company, Limited, he hui Hawaii i hoohuiia, i Kahu no ka poe paa aie ame ka poe paa mahele o ka Hawaiian Fibre Company, Limited, i oleoia, ma ke kauoha a Henry C. Hapai, ke kokua puuku o ke Teritore o Hawaii, i hanaia ma ka la 16 o Mei, 1922.
O ka põe paa aie apau o ka Hawaiian Fibre Company, Limited, ma keia ke hoikeia aku nei ka lohe, e waiho mai i ka lakou mau koi i ka mea nona ka inoa maialo iho nei ma ke ano Kahu, ma kona keena oihana ma Iwilei, Honolulu, Teritore o Hawaii, iloko o kanaiwa (90) la mai Mei 18, 1922 aku, (o ua la nei ka la o ka hoopuka mua ia ana o keia hoolaha). O na koi apau e waiho ole ia mai ana pela, e hoole mau loa ia aku no.
Hanaia, Honolulu. Mei 17, 1922.
HAWAIIAN PINEAPPLE COMPANY, LIMITED,
Kahu no ka Poe Paa Aie ame ka
Poe Paa Mahele o ka Hawaiian
Fibre Company, Limited.
6504---- Mei 18, 25; Iune 1, 8, 15.
O ka Poe i Holopono ma ka Hoahu Ana
Akahele ka Lakou Hoahu Ana
He nui ka poe i hoomaka e hoahu, a ua haule pahu nae me ka nee ole aku miua. O ko lakou hoomaka ana e Hoahu Liilii, aole ia he mea nana e hoolilo ia lakou i poe holomua ma ia hana. He hoomaka mua wale ana no ia.
He alahele maikai nae ia a lakou i hoomaka ai, aka, o kekahi mea ano nui loa, o ia no ka hoomau ana me ka pauaho ole ma ia alahele o ka hoomakaulii, me ka hoahu mau ana i kekahi hunahuna liilii no ka hoomahuahua ana ae i ka huina mua i hoahuia.
O ka papa kuhikuhi hoahu holomua loa i ka makou hoomaopopo ana iloko o keia manawa loihi, a makou i lawelawe ai i keia hana, o ia no ka hooholo ana i ka nui o ka mea e hoahu ai i ka pule a mahina paha. Alaila, hoomau i ka hoahu ana ma ia huina. He ano paakiki no i kinohi, aka, he hiki wale no nae oiai kela manao hoomakaulii e pii mahuahua ae ana i kela ame keia wa.
Aole anei e hiki ia makou ke hoikeike aku ia oe i ke alahele e lilo ai oe i mea hoahu holomua.
He 4% ukupanee a makou e uku nei no na hoahu liilii apau o ka makahiki.
Hauoli loa makou i ka lawe ana mai i kau mau hoahu ana, in a no he uuku ia.
CHINESE-AMERICAN BANK
KIHI O NA ALANUI MOI AME NUUANU
P. O. Box 20000. Honolulu, Hawaii. Kelepona 6119
E Hoahu me ka Banako Holomua!
O ka
The Liberty Bank of Honolulu,
LIMITED.
He banako ia i lawa pono me na loina
hana holomua keia au nee mua.
Ka Makaukau, ke Kamaaina ma ka Hana, ka Hilinaiia
Ana, ka nui o na Loaa e Komo Nei, ame ka Lawelaweia
o na Hana me ka Makaukau Maoli.
E Hoahu i Kau Mau Wahi Hunehune Liilii,
a e Nana Aku o na La Ua.
E nee aku ana makou no ko makou kahua hou ma ko kihi o na Alanui Maunakea ame Moi ma ka mahina o Iulai e hoea mai ana. I keia wa eia no makou ke lawelawe nei i ka makou mau hana ma ko makou keena kuikawa, ma ke Alanui Moi, mawaena o na Alanui Maunakea ame Kamika, he hookahi kuea me ka hapa mai ka Makeke Kuai I'a mai.
E HOAHU MAI ME MAKOU
The Liberty Bank of Honolulu,
LIMITED.
KUMUWAIWAI $200,00.00.
Ke Pale ana i ka Flu ame
ka B. B. C.
______
O ke kino nawaliwali e kono aku ana ia i ka ma'i
Oiai hoi ke kino ikaika e pale aku ana ia mea.
E pili ana no ka ma'i Flu, ka Inluenza, ka La Grippe, a i ole kekahi ma'i e ae e puka ae ana, aohe waiwai o ka maka'u wale ana iho. He mea hoopoino ole ka makaala. E hoomaemae mau i ka waha, ka puu ame na pukaihu; hoonaha mau i ka opu elua mame ka laau a hoalala i ka puu me ka laau hanapaa B. B. C. i ekolu a eha manawa o kela ame keia la; hoonaha mau i ka opu olua manawa o ka la; e hookaawale aku i ke anu, e malama mau i ka maloo o na wawae a e hiamoe maloko o na rumi loaa o ka makani, a e makaala i ka maikai o na mea paahana o kou kino. O ke kino ikaika e pale aku ana ia i ka ma'i, a o ke kino nawaliwali e kono aku ana ia i ka ma'i. E hooikaika i ka opu ame na aalolo, hoomaemae mau i ke koko, na puupaa me ke akepaa e hana mau; e hooikaika i na mea paahana o ke kino aohe auanei au mea e makau ai. Oia maoli no ka hana a ka B. B. C. E haawi ana ia i ke kino i ka ikaika, e hooulu a e hoomaemae ana i na mea paahana o ke kino a e kokua ana hoi i ke kino i ke pale ana aku i ka ma'i. O ka auneki hookahi o ka hoopakele ana ua like ka waiwai me ka paona laau hoola---o ka makakui hookahi i ka manawa e hoopakele ana ia i eiwa, o ka ai mau ana hoi i ka B. B. C. ma keia manawa ma'i e hoopakele ana ia ia oe mai kekahi ma'i ko'iko'i loa mai ame na pilikia a mau hoolilo e ukali pu ana ino ia. B. B. C. (Laau Hooulu kino i hoohuiia) he laau ia i aponoia e na kauka apau ame na kanaka apau o ka lehulehu. Ke kuaiia nei nei laau e ka poe kuai a kawili laau apau. Kumukuai, $1.00. 6 i ka $5.00 no 10 la wale no.
M ka halekuai laau o BENSON, SMITH & CO., ka poe kuai laau kuikawa ma ke Alanui Papu ame hokele, Honolulu, a ma AH KI CO., ma ke Alanui Moi, ma Ewa iho o ka Makeke Kuai I'a, e loaa ai.
Ua Ike no Oe i Kahi e Koe Nui Ai Kau Dala Maluna o na Meaai?
________________
Waiu Kalima, Federala, (Kimi nunui), no ke kakini……………………$ 1.20
Pia Hapuu Hawaii, 6 Puolo…………………………………………….. 1.00
Kopa Holoi Keokeo Crystal, 21 Auka i ka…………………………….. 1.00
Kopa Holoi Keokeo (Chunk), 10 Auka i ka……………………………. .45
Kopa Holoi, Auka o 16 Oz., 20 no ka…………………………………. 1.00
Waiu Kalima Alpine, no ke kakini……………………………………… 1.50
Waiubata Kaleponi, no ka paona……………………………………….. .45
Waiubata Nu Kilani, no ka paona………………………………………. .45
Kope Ono o Kona, 1 Puolo…………………………………………….. .30
Kini Kamano Hibiscus (momona), 2 no ka…………………………….. .55
Palena Waiu, no ka pahu hookahi………………………………………. 2.75
Palena (Soda), no ka pahu………………………………………………. 1.50
KUIKE KA HULA
___________________
BAILEYʻS GROCETERIA
Alanui Moiwahine, Kihi o ka Makeke Aala.
O NA HAWAII
i makemake i ka pomaikai o ke Kanawai Hoopulapula o Molokai, e hoolako
ia lakou iho no ka holomua ma ka loaa ana ia lakou o na Lako Mahiai me Hanai Holoholona ma keia hui kamaaina
Ke malama nei makou i na Lako Hana Maikai Loa, pela hoi me ka PENA SHERWIN - WILLIAMS, ka mikini Umi Waiu De Leval ame na lako pili i ka homo o na ano apau.
Maloko o ko makou Keena o na Lako Paani e loaa no he ahua o na pu liilii ame na raifela maikai.
_______________
E. O. Hall & Son, Ltd.
_______________
LOAA NA KII
Hoohauoli i na
Kamaiki no
KA 5 KENEKA WALE NO
Aole o na Kii wale no, aka, o na Nuhou, mai kela ame keia pe'a mai o ka Honua nei kekahi, maloko o ka Nupepe
HONOLULU ADVERTISER
E hoohauoli i kau mau keiki ma o ke kuai ana i ka Nupepa o ke kakahiaka Sabati, a e loaa no ia oe na kii hoomakeaka i pa'iia me na waihooluu like ole, a maloko olaila oe e ike ai i na meahou ano nui o ka la.
NO KA $1 WALE NO O KA MAHINA E HALIHALIIA AKU NO KA NUPEPA ADVERTISER AHIKI I KOU IPUKA
______________________________________________________________________
Ina he makemake kou e hoao e lawe i ka Nupepa Puka Kakahiaka ADVERTISER no hookahi mahina, e hahae i keia pa'ihakahaka a hoouna mai.
______________________________________________________________________
Honolulu Advertiser,
Honolulu.
Ua makemake au e lawe i ka Advertiser no hookahi mahina, a maloko o keia ke hoouna aku nei au he $1.00. No keia, e loaa ia'u ka nupepa i kela ame keia kakahiaka, a pela pu me Nupepa o ke Sabati me kona mau kii hoomakeaka i pa'iia me na waihooluu like ole.
Inoa……………………………
Wahi noho………
……………………………………………