Ka Nupepa Kuokoa, Volume LXI, Number 20, 18 May 1922 — KUU HOAPILI UA HALA MRS. KUMANO KUKONA. [ARTICLE]

KUU HOAPILI UA HALA MRS. KUMANO KUKONA.

Mr. Lunahooponopono o ka Nupepa Kuokoa, Aloha nui:—E oluolu hoi oe e hai mai ia'u ina he rumi kaawale kekahi o ko kakou hiwahiwa no ika'u wahi puolo waimaka, i ike mai ai hoi na ohana ame na hoaloha o kuu hoapili i haalele mai ia'u, Mrs. Kumano Kukona. Hoko o ka mahina o lune o ka makahiki i hafa, i hoomaka mai ai ka loaa ana o ka nawilwali iaia, a mai ia manawa mai ahiki iho la i ka Poakolu, la 5 o Apenla, ko maua hoomanawanui ana me kuu hoapili i ka ehaeha ke ikupilikii o ia mau la loihi me ke kaumaha, aka i ka hiki ana mai o ka manawa ua lawe aku ke Akua Mana loa i ka Uhane, no kahi ana i hoomakaukau ai nona,% o ke kino honua kau i hiipoi mai, aloha no kuu hoapili, Ua hanauia oia ma Pauwela, Maui, i ka makahiki 1878, a ua hoohuiia maua ma ka berita o ka mare, i ka makahiki 1895. Mamuli o ka oluolu a heahea hoi o kuu lei i hala, ua nui a lehulehu ko maua mau hoaloha, ame na halekipa ma na "wahi a maua i hele ai. I ko maua noho ana aku ma Kahului, ma ke ano he poo-lawai'a au na ka Hon. A. N. Kepoikai i ka makahiki 1904, Mei la 14, ua nui hou na hoaloha i loaa iaia malaila, a o Beke Wilkinaon, kona hoaloha pilipaa loa, ka mea nana i a'o iaia i ka oihana lawai'a hee, a lilo oia kekahi o na wahine makaukau loa ma ia mahele lawai'a, ,a mamuli o kona hoomanao ia hana, i hookahua ai ka ma'i nana i hoonawaliwali i koha ola kino. He hoahanau oia no na makahiki loihi no ka ekalesia o Kaahumanu, he haumana Kula Sabati, a he lala hoi no 'ka Ahahui Hooikaika Kristiano. He wahine oia i hooikaika mau e malama i ka pono o ka uhane, a mailoko mai o kahi mea uuku i loaa mai mamuli o ka hooikaika i ka lawai'a hee, ua hoomano mau aku oia i kona waihona hapa-umi o kona ekaleaia. -E ka Ua Ukiukiu, ka Ua Ulalena o Makawao, ua nele ka hoopulu ana a ko olua mau wai kilihune i ka pua nohe, ua hala oia, kuu hoapili. E ke kai holuholu o Kahului, e pau ana ka paialewa ana a kou mau ale i ke aloha a kaua. E ke kai-nalu o Paukukalo, e nele ana kou lohe ana i ka leo heahea 0 ke aloha a kaua. Na kai Kohola o ka Uahoehaili o Waiehu, e haohao ana oukou i ka ike ole i ke aloha a kakou. E ke Kai o Ukumehame, aole oe e hookipa hou ana i ke aloha a kaua ma kou one pumehana, ua hala oia. E ka Luakini o Kaahumanu, ka hale i hoopumehanaia e ke aloha o ke Akua, kahi e hoomamaia ai na puuwai kaumaha, maloko o kou mau paina laahia, ku e huli aku ai i maha no ke kaumaha i kuu hoapili, kuu aloha, i hala aku. No oukou e na makamaka ame na hoaloha ka'u e noi aku nei, e lawe aku oukou i ka'u mau hoomaikai he nui, no ko oukou haawi ana mai i ka oukou mau kokua ana, ame na hoohiwahiwa pua a oukou i hoouna mai ai no kona hoolewa, me ko oukou hele pu ana mai i ka huakai liope loa a ka'u mea aloha ahiki i ka waiho ana aku iaia ma kona ilina i Na-Wai-Eha, a na ke Akua Mana loa no ma o Kona mana la e hoomaikai ia oukou, a ia kakou pu no apau. WM. KUKONA,