Ka Nupepa Kuokoa, Volume LXI, Number 24, 15 June 1922 — Haule Kekahi Aliikoa Mai ka Hokele Mai Na Kekahi Poe Makai i Ike i ka Haule Ana Mailuna Mai o ka Hokele Iana. PAKELE WALE IHO NO KE OLA MA KA APUA Aole he Mau Kumu Maopopo no ka Haule Ana o Kela Aliikoa Mai ka Hokele Mai [ARTICLE]

Haule Kekahi Aliikoa Mai ka Hokele Mai

Na Kekahi Poe Makai i Ike i ka Haule Ana Mailuna Mai o ka Hokele Iana.

PAKELE WALE IHO NO KE OLA MA KA APUA

Aole he Mau Kumu Maopopo no ka Haule Ana o Kela Aliikoa Mai ka Hokele Mai

Aneane i ke aumoe o ka po Poalima aku nei i hala i hapaiia ae ai ka Lutanela John Charles Hyland, kekahi o na aliikoa o ka puali 64, i noho ai e hana ma ka Papu Kahauiki me ka puali ki pu mokuea, me ka pouli o ka noonoo mamuli o kona lele maoli ana paha mai ka puka aniani mai o ka papahele elima o ka Hokele lana a i ole haule ana paha mailaila mai. Ua laweia aku oia me ka awiwi loa no ka halema'i o na poino ulia, a i ka nanaia ana e kekahi o na kanaka e hana nei.ma ka po malaila ua ikeia me he mea la ua naha kona iwipoo me ka nui pu o na poino i loaa iaia maloko o kona kino. Mahope iho o kela nanaia ana ona malaila ua lawe loa ia ae i ka halema 'i Moiwahine, a malailp, aku a i ka halema'i o na koa ma ka Papu o Kahauiki, a ma ka lono i hoikeia mailaila mai ma na hora kakahiaka loa o ka Poaono mai, o ia mau no ke kamau o kona ola, eia nae, he kulana nawaliwali loa kona ma ka hooinaopopoia aku. Ekolu mau makai motokaikala o ke aupuni kulanakauhale ame kalana oiai lakou e ku hana ana ia manawa a e ku mai ana hoi ma kekahi kihi mai o ke alanui, i ike mai i kela haule ana o Hyland, o ia na makai M. G. Morse, Joe Lii ame Robert Meyers; ma ka lakou hoakaka ma kela manawa a Hyland i haule iho ai ua kau oia iluna o na uwea uwila ame kekahi mau uwea e ae no kekahi manawa, ame he mea la o ia ke kumu o ka pakele ana o kona ola, ina ua make loa no oia ma kela haule ana, a mai kela mau uwea oia i haule iho ai a kau pono iluna o ke alanui konakalika paakiki malalo iho.

Ma ka hoakaka a ka niakai Morse, ka mea i kamaaina ia Hyland no kekahi manawa, he haumana o Lutanela Hyland i komo a i puka pono mai ke kula ao koa West Point mai iloko o ka manawa o ke kaua nui ma, Europa, a ma kona manawa o ka hoea ana mai ianei ua hoonoho mua ia ae oia ma ka Papu Ruger ma Laeahi, a eia wale aku nei no *ka Ia kona lioihoiia ana ae e hana ma ka Papu Kahauiki.

Ma ka hoakaka hoi a F. C. Murphy, he makaainana i lioho hana ma Leilehua, ame Mrs. Murphy, a pela me G. C. Ross aine kana wahine, maloko lakou o ka holo mamua iki iho o kela lele ana o Hyland, a ua ike aku lakou ia Hyland, i ka hele ana aku maloko oka holo a komo aku la iloko o ka rumi kahi ana i lele aku ai a i ole liaule maoli paha mamuli o kana hana hemahema, koe aku nae ia aohe lakou i ike aku i kana mea o ka hana ana. Ma kela manawa a Hyland i hele aku ai maloko o ka holo a komo aku ai iloko o ka rumi, aohe lakou i ike aku i kekahi liiohiona pilioihoi a i ole hookaumahaia la hoi o kona noonoo ma kekahi ano, he nanaina maikai no kona i ka lakou nana aku, o kela haule ana nae ona ka mea i hoikeia aku ia lakou. He enemi anei kekahi ona maloko o ka rumi ana i komo aku ai, a na ia enemi i kiola iaia ma ka puka aniani?