Ka Nupepa Kuokoa, Volume LXI, Number 25, 22 June 1922 — E LAWEIA NA KEEHINA WIKANI E PONO AI [ARTICLE]

E LAWEIA NA KEEHINA WIKANI E PONO AI

Ahea la hapa mai ka loaa ana o na ulia kaa otomobile, ma keia kulanakauhale? O keia kekahi o na ninau pohihihi loa ke pane ae i ka haina pololei; no ka mea iloko o ka loaa mau o na ulia kaa, me ke kau ana aku no hoi o na ahewa ana maluna o kekahi poe kiakaa otomobile, a mau ona kaa, aole nae ia he kumu e ha'o mai ai ka ike mau ia ana o na ulia. Ua manao maoli no ka poe na lakou e hookele ana i na kaa otomobile, no lakou ke alanui, j nana ole ia ai ka pono o ka poe helewawae, a i ole, ua oi aku ko lakou hookano ame ka hookiekie, i nana ole ia ai ke kanawai, e hoomalu ana i ke ano q ka hooholo ana i na kaa, ma na alanui o ka lehulehu. No keia maumaua o na ulia kaa otomobile, me ke kau ana aku o na poino maluna o kekahi mau makaainana; make okoa ana o kekahi poe, i oi aku ai ka pono, e laweia ae~iia keehina wikani, ma ka aoao o ka poe na lakou e hooko nei i ke kanawai, ma k,a hahao ana aku i ka poe no lakou Jia kaa otomobile, i pili ia lakou ka hewa, maloko o ka halepaahao, a ma kekahi mau ano e ae paha, e loaa ai he haawina a'o maikai loa ia lakou, a i na ona kaa no apau, ame ka poe e hookele ana i na kaa otomobile, he mea pono ia lakou e akahele ka hooholo ana i na kaa, ma na alanui o ka lehulehu. Ina i hooholoia na kaa otomobile, me ka holo kupono nei, aole e nui na ulia kaa otomobile i loaa ma keia kulanakauhale, a e hiki ana no hoi ke hoaloia ae ka poino, i ka wa kupono loa. Ua maopopo maoli ka hookano ame ka hookiekie o kekahi poe, e hookele nei i na kaa otomobile, ina paha no lakou ponoi, a malalo paha o ka hoolimalima ana, no ka mea i ka wa e hooku'i aku ai me kekahi kaa okoa, a me kekahi kino kanaka paha, e hoao ana lakou e alo ae, i ke kau ana aku o na ahewa ana maluna o lakou, a ina ma kekahi wahi ano mehameha, e hoao ana lakou e holo me ka puahia, i pakele ai, mai ke kau ana aku o ke ko'iko'i o kela mau ulia maluna o lakou. Ua loihi maoli keia mau makahiki, o ka ike mau ia ana o keia mau ano iwaena o na kiakaa otomobile, e hiki ole ai ke nanamakaia aku, a no ka hoopakele ana ae i ke ola o ka lehulehu, a no ka hoopakele pu ana ae i na ona kaa otomobile, ame na kiakaa, e hoolimalima nei i na kaa otomobile ; o' ke alahele wale no e ha'o mai ai na ulia kaa ame na poino ma keia mua aku, o ia ke kauia o na hoopa'i kanono a ko'iko'i maoli, maluna o ka poe i pili ia lakou ka hewa, aole hoi o ka hoao e hamohamo wale aku no, ma ke ano hoolalau, e akaaka pahenehene ia mai ai ke kanawai e ka poe kolohe. Ua lilo maoli keia mau la i mau la hoomaemae no ke kulanakauhale nei, mamuli o ke kipā mai o na lala o na hui malu o Amerika. Aohe hewa o keia hana hoomaemae, ame na hana hoohiwahiyra, no ke kipa mai o keia mau malihini hanohano; aka nae o ka oi loa aku o ka pono, mai kauka'i i ka hoomaemae ana, a hoea wale mai no na malihini, aka e lilo ia i hana kumau na na makaainana o keia kulanakauhale, i kela ame keia manawa kupono. ! — No ka piha ohohia maoli o ka lehulehu i na ahamele i weheia ae e Tandy (Kaohu) Mackenzie, no na manawa ekolu i hala aku la, me ka hiki ole ke hookipa aku i na kanaka iloko o ka Lib.erty, ma ka Poaono nei, e haawi hou ana oia he ahamele ma ia wahi hookahi no i keia Poaono iho; ina he poe kekahi i lohe ole i kona himeni ana, mai hoalo i ka hele ana ae e lohe iaia ma keia Poaono ,ina no ia, aole no ka makemake wale ana no e lohe i kona leo, aka e lilo pu i mea kokua aku i keia keiki puukani o Hawaii nei, ma ka hele ana aku no ka hoomahuahua ana ae i kona kalena ma kela hpna. Eia no o L. L. McCandless ke noho hamau nei, 110 kona kulana oiaio, no ka ninau moho elele lahui, ma keia kau wae moho ae o kakou e hoea mai ana. He hookahi nae mea a na alakai Demokarata o ka houpuupu ana ae, ina he poe moho haole kekahi e alualu aku ana i kela kulana, ma ka aoao o na Demokarata, alaila aole he mea nana e hoonoho aku ia McCandless, mai ke ku pu ana mai ma ke kahua mokomoko kalaiaina. He mea liilii loa ko McCandless kulana holo moho elele i keia kau, ! i ka manao o na Repubalika, no ka mea aole he manawa e ae | i ikeia ai ka nui o na ku-e o na mana koho iaia, elike me keia Imanawa e nee nei.