Ka Nupepa Kuokoa, Volume LXI, Number 25, 22 June 1922 — Lawe he Haole i Kona Ola Iho me ka Laaumake Loaa Aku Kona Kino Make Malalo Ae Nei o Moanalua i na Koa na Lakou i Huli AOHE MAOPOPO O KE KUMU O KELA HANA Hookahaha Nui ia ka Manao o na Hoaloha no Kela Hana Naaupo i Lawelaweia [ARTICLE]

Lawe he Haole i Kona Ola Iho me ka Laaumake

Loaa Aku Kona Kino Make Malalo Ae Nei o Moanalua i na Koa na Lakou i Huli

AOHE MAOPOPO O KE KUMU O KELA HANA

Hookahaha Nui ia ka Manao o na Hoaloha no Kela Hana Naaupo i Lawelaweia

Mamuli o ka loaa ana aku o ke kino make o kekahi haole opio nona ka inoa o V. W. Handl, pela hoi me kekahi omole uuku o ka laaue waiho ana mo kona kino, i hoopauia ae ai na pohihihi o ko Honolulu nei poe, no ka nalowale ana o kela haole, no kekahi mau la lehulehu ae nei i hala. He kupakako ka hena a keia haole noloko o ka halekuai laau Meyer Drug Co., ma ka hora eono o ke ahiahi o ka la 7 iho nei o keia mahina, kona nalowale ana, me ka haoha'o o kona mau hoaloha nona, ahiki i ko lakou manao ana, ua make oia ma kekahi ano, a ma ka auwina la hoi o ka Poaha o ,ka pule aku la i hala, lune 15, i loaa aku ai kona kino make, ma ka loko paakai ma Moanalua ae nei ,mahope o ka hele ana o kekahi pualikoa e huli iaia. Ua inoino ke kino ma ka manawa o ka loaa ana aku, eia nae aole he mau hoailona i ikeia, no kona halawai ana me ka poino, mai kekahi mea mai, koe wale no kona inu okoa ana i ka laaumake ,oiai e waiho ana kekahi omole uuku me ka laaumake no oloko, pela hoi me kekahi omole wiaake, ame kekahi kiaha aniani liilii; ua manaoia ua lawe p'u oia i ka wieake no ka hoonalonalo ana i £a laaumake.

Mamuli iho la o kela mau hoailona max)popo loa, i kohoia aku ai ua hoolala mua no kela haole e lawe ae i kona ola ,a ua hele oia a kahi kaawale loa, mai ke kulanakauhale aku nei, malaila e hooko ai i kona makemake. Ma ka hoakaka a na hoaloha o kela haole, aole lakou i ike i na kumu maopopo loa, o ka manao ana o ka mea i make, o lawe ae i kona ola, oiai he hoihoi mau kona mau ano i na manawa apau, a me ia ano hoihoi no, i ike hope ia ai oia i ke ku ma ke kihi o na alanui Bctela me Moi, ma kela ahiahi o kona nalowale ana. He nui ka na dala a kela haole o paa pu ai me ia, maloko o koila mau pakeke, no ia kumu, i kuhihewa ai kona mau hoaloha, ua powa maoli ia oia, o ka mea kupaianaha nae,,ma ka manawa i huliia aku ai o na pakeke o kona lole, he ekolu wale no dala me kanalima-kumama-iwa keneka, aole hoi kela nui dalsf a kona mau hoaloha i ike mau ai. Aole i hoomaopopoia ka nalowale ana o kela haole, aliiki i kona ike ole ia ana maloko o kona rumi ma ka Hokele Leonard, a i ka hala ana he mau la, o kela nalowale ana, akahi no a hoikeia mai la ka lohe i ka oihana makai, a hoomakaia no hoi ka huli naa. O kahi nae o kona ike hope loa ia ana, e kekahi mea e hoi mai ana maluna o kona kaa otomobile, no ke kulanakauhale nei, ma Moanalua no ia, ma kela ahiahi hookahi no, i nalowale ai oia, a pela i pololei ai ka huliia ana aku, a loaa ma ka loko paakai ma Moanalua. He lala kela haole no ka hui malu Honolulu Lodge 616, a mamuli o ke noi mai kela hui malu ae i ka oihana koa, i hoounaia mai ai he puali 0 15 poe koa malalo o ko lakou lukanela ,no ka huli ana i na wahi apau. mawaena o Moailalua amo Aiea, pela iho la i loaa aku ai ke kino make o kela haole opio. Ua puhiia kona kino i ke ahi, me ka malamaia ana o ka lehu, a ma ka Poakolu nei i hoounaia aku ai ke kino lehu i kona ohana ma Kaleponi. [ LADANA, lune 19.—He lono kelekalapa i ka Nupepa' Times mai j songkong mai ke hoakaka ana lehulehu na bataliona o Sun Yat Sen e hoi hou aku la i ke kulanakauhale | o Canton. O kona hoapaio, ke Ke- | nerala Chen Chiung-Ming pu kekahi e lawe aku la i kona mau pualikoa hoopuipui hou. "Ua koho wale ia ma na kaukani" ka nui o ka poe 1 make ma ke kipoka pa-Jiuia ana o Cfenton ma ka Poaono," wahi hou a ka lono. Ma ka mea maopopo loa ua hookaawaleia na lāka ohope o na pu kuniahi maloko o Canton ma ka manawa o ka haalele ana o na koa o Sun Yat Sen ia Canton.