Ka Nupepa Kuokoa, Volume LXI, Number 28, 13 July 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

Ua hoike muaia ae nei na inoa o keia mau lede ma ka hoomaka ana o keia mokuna, nolaila he mea hoopau manawa wale ua ka paiua aku o ka hoike ana, a ua hoike mua ia ae nei no hoi ko laua holo ana mai i Amerika a eia laua maloko o ka Ainapuniole Kamohana i nei manawa, no ka imi ana e loaa he ia laua na ola kino maikai a no ka hooko ana hoi i ka makemake o ka Lede Linetona, ka anemi ino loa o Vekinia.

No ko Mrs. Fanamu moolelo iho, ua mareia oia i kona mamawa opiopio loa, a he makuahine hoi oia no kekahi may keki ekolu-elua mau kekikane a hookahi kaikamahine.

I kona manawa he kaikamahine ua lilo oia i pulakaumaka na kekahi mau opio kane o Enelani, a he lehulehu kana mau ipo, aka nae, no kona nana nui aku i na lehiehu o keia ola ana, ua hoole aku la oia i ka nui o na kane i kii mai ai laia i huluhulu moe kehau no Milolii, he poe inoa koikoi wale no aole nae he nui o ka waiwai, he kanaka hoi me na miliona paona e inoa ai no he manaolana e hoonui hou ai aku ana ia may miliona i loko o ko laua manawa e mare ai.

No Miriama Hita hoi, ke kaikuahine o Sa Wiliama, aole i Elow aku kona ui me Mrs. Fanamu, he ano hoihoi ole ia kona i ka nana aku e ume nui ole ia aku ai ka noonoo o na kanaka opio nona, a aneane loa ioa e lilo i wahine elike me ka olelo a ka haole "Old Maid" mamua o ka loaa ana o kekahi kanaka i makemake mai iaia a mareia oia me ia.

I loko o na la opio o keia mau wahine i hoakane ai laua, a ma ia ano i ilio ai o Mrs, Miriama Linetona i mea ike mau ia maloko o ka hale nani o kana aikane, me ka makemake nui i loko on a no na keiki a ke aikane a mamua o ka piha ana o na makahiki he umi a oi ia Sede Fanamu, ke kaikamahine a Mrs. Fanamu, ua hoilina waiwai o ka Hitadela, o ia ke Sa Wiliama i nei manawa, a e hoomareia laua i ko laua manawa e oo ai.

Ua lilo keia hoplauia ana o na opio i mea moeuhane mau ia no kekahi mau makahiki lehulehu ma ia hope mai, me ka manao e hiki mai i ka manawa e hookoia ai ia mea nui i upuia, aneane mai ka manawa opiopio loa mai no o Sede Fanaumu i a'oia aku ai oia me ka naapo loa e manao mau iho oia e ilo ana i hakuwahine no ka Hitadela i kekahi la e hiki mai ana, a e lilo ana ka Hitadela i home nona ma ia mau aku, a e nana mau aku hoi oia is Sa Wiliama oia aku kana kane e mare ai oiai ua hoopalauia laua.

Nolaila, e ike mai kaua e ka makamaka heluhelu, he puupuu ikaika loa ka mare ana o Sa Wiliama i ku'iia akui ka poe apau i manaolana mau oia ana ka Sede Fanaumu kane e mare aku ai a eia nae ua mare aku la oia i ka wahine "i ike ole ia" wahi a lakou, he wahine haahaa loa a i loaa aku hoi ma na aina hiuhiu o Amerika, a ua lilo ka Sa Wiliama hana i mea ku-e aku i ka mea i manaoia nana, a ua hoohaahaa hoi i ka inoa ali o kona ohnaa ame jona aupuni.

Ua like ka Lede Linetona i nei manawa me kekahi wahine i uluhiaia e kekahi uhane ino no kona piha loa i ka inaina no ka hoohokaia ana o kana mau hana i hoolala ai, no ka inoino loa o kona noonoo no Vekinia, ka wahine, opio hala ole, ke kuu hoi o ia hoohokaia ana o kona mau manaolani, ua ka a hehena maoli oia us haalele mai na manaoe maikai apau i know lolo, o kona kulana hanohano a lede oiaio ua hoolei aku oia ia mau mea i na welelau makani, a hooholo paa iho la i know manao e hooikika ana oia ma na ano apua e hiki ana iaia e hoolilo i ka hauoli o ka paamare hou i mea hooehaehaia ai laua, Ua holoholo oia ia manawa e lilo oia i hoahui me kona hoaloha me Mrs. Fanamu ma ka hana ana e hookaawwaleia ai ke Sa Wiliama mai ia Vekinia mai.

O kahi i lai ai o nei manao on a aia o Mre. Fanamu ma Keleponi ia manawa ka home mua o Vekinia i noho ai me na makua a malia e hiki ana paha iaia ke ninaninau aku i kekahi poe no na mea i hanaia, na meahuna hoi nana i hookumaka i ko Vekinia noonooi na la mamua aku, a i huna ai oia i kona inoa oaio, a i nee aku ai hoi no kekahi mokuaina okoa, kahi noho nui ole ia e na kanaka.

Malia e loaa mai ana kekahi mau ike ia Mrs. Fanamu, ame ia mau ike e hiki ai ke noo aku i na mea apaua e pili ana ia Vekinia ame kona mau makua, a elike me ia a kakou i ike ae nei mamua, no keia piha on a i keia manao, i hoomaka koke ai oia e kakau i kekahi mau leka na Mrs. Fanamu, e kauoka aku ana iaia e hili aku ma ka ninaninau ana i na mea apau a e pane koke mai.

Ma kekahi mau eka hope a ka Lede Leinetona o ke kakau ana, e kauoha aku ana ia Mre Fanamu e holo hoke ae i Nu loka, no kamea ia manawa ua loaa ka ike maopopo iaia aia o Vekinika i Nu Ioka kahi i noho ai, a ma ka holele a vekinia e noho ana ma ia hokele pu oia e noho aku ai, i hiki ai iaia ke hana aku i na hana apau e hiki ai iaia ke kokua mai i mea e holopono ai kana mau hana manao ino.

Ma ia ano e loaa ai ka ike ai kakou aole wale o Mrs. Fanamu ame kana kaikkamahine maloko o ka hale ookahi me Vekinia, aka, ma ka papahele like no o ka hokela a Vekinia e noho ana, a e kakali ana hoi o Mrs. Fanamu o ka loaa o ka manawa ku-pono iaia e hana mai ai i ka hana hoopoino ia Vekinie, e lilio ai ko vekinia hauoli i mea kaumaha ma ia mua aku.

Ma keia manawa a Vekinia e noho ana me ka hoomanao mau i ke kane ua hoopiaia oia me na manao haohao i kela ame kaia manawa no ka loaa ole mai o ka leka a kana kane iaia, no ka mea i na manawa mamua aku, o ka nokuahi no nana e lawe mai i na leka a ke kana oia no no mokuahi e hoea mau mai ana, eia nae, ka mea, haohao aohe ana leka.

No keia lele o ka loaa mai o ka leka a ke kane iaia aneane e ku a hehena maoli oia, aka nae ua hoolana wale ae la no oia i kona mana me ka oleolo wale iho no iaia iho, e hoi hou mai ana no ke kane i kii iaia, a malia o ke kumu o ia nele on a aia ke kane ma ke alahele e kii mai ana ia laua. Aka nae i ka hala ana ae o kekahi manawa me ka loaa ole mai o kekahi leka mai ke kane mai, ua lilo maoli ia i kumu ma'l nona.

"Malia paha ua ma'i oia," wahi ana o ka nalu ana iho i kekahi la, "eia nae in a he ma'l kona aole no oia e hoonele ana i ke kakau mai i kekahi leka na'u ma ka lima mai o kekahi kanaka, a i ole e hoike mai ana no kekkahi lala o kona ohana ia'u me ka maopopo loa.

No keia nele a no ka nui no hoi o kona haohao me ke aloha pu i ke kane, kakau hou iho la oia i kekahi leka hou e hoakaka aku ana i na mea apau no kona haohao i ka loaa ole mai o kana leka iaia no kekahi mau mokuahi lehulehu o ke ku ana mai, a e hoakaka pu aku ana hoi i ka mea e pili ana iaia ame ka laua bebe, me kona moeuhane ole ua pau kana mau leka mua o ke kakau ana i ka heluheluia a puhiia i ke ahi e ka mea manaoina. i kela ame keia la mahope iho o ka hoea ana aku o Mrs. Fanamu ame kana kikamahine, hele mai la kekahi o laua a i ke-kahi manawa, o laua like no a hui me Vekinia, i ko Vekinia manawa e hele holoholo aku ai maloko o ka holo, a ia laua hookokoke mai ai iaiai nei, e haawi mai ana kekahi o laua, a i ole o laua like no i ko laua aloha ma ke kunou ana mai, me ko laua haawi like mai i ka minoaka i kekahi manawa, a i ka hookamaaina loa ana iho e haawi mai ana laua i ke aloha kakahiaka ia Vekinia me ke ano hookamanai nae, no ka mea, aia ka ino iloko kahi i noho ai, aka, i mea e loaa aku ai kekahi ike ia laua, o ko laua hoike wale mai no i ko laua mau ano oluolu ka mea e hiki ai e loaa aku.

Eia nae aohe hoonui aku o Vekinia i kana kamalilo ana, huli koke mai la no oia hele, a ua lilo ia hoomamao koke ana mai ana i mea houlolohi i ka hoomakaaina ana a i like ole hoi ka holomua me ka Mrs. Fanamu i manao ai e loaa koke ana ka ike iaia, no ia kumu noonoo iho la o Mrs. Fanamu no kana mea e hana mai ai. I kekahi la ua hikiwawe loa ka Sede hele ana mai a halawai me ka wahine hiikeiki e holoholo ana maloko o ka holo ae hii ana no hoi i ka bebe iloko o kona mau lima.

"O, ke manaoio nei au o keia ka hoalauna liilii e holoholo nei maloko o keia holo i kekahi manawa, " I hooho ae ai o Sede Fanamu. "He nui ko'u makemake i na kamaiki elike me keia. E ae mai anei oe e nana iki aku hoi au i know helehelena?"

"O ke manao nei au aole no paha ia he mea e hoahewaia mai ai," i pane aku ai ka wahine malama keiki "e ke kamaiki," wahi a ka wahine malama keiki o ka i ana iho i ka bebe, "aole o ia nei e hoopilikia ana ia oe, he nana wale mai no kana i kou helehelena."

"Aole au e hoopoino aku ana iaia; he hale mehameha loa keia a he mea hauoli no i kekahi manawa ka lohe ana aku i ka leo o kekahi bebe a uwe mai ana. O, he bebe u'i maoli kena," alaila pale ae la i ka uhi i hiki ai iaia ke ike pono iho i ka helehelena o ka bebe.

"O wai kona inoa?" wahi a Sede Fanamu o ka ninau ana iho i ka wahine hii a malamai keiki, mahope o ka nana ana iho me ka nalu nui i looko on a no ka bebe me ka puai leo ole.

"O Vekinia Mei Hita," i pane aku ai ka wahine, me kona manao. he ninau pono ka ka wahine opio.

"O, u'i maoli bia! Ma ko'u manao la he oi aku ka pono e kapaia kona inoa o Mei! no ka mea, ua like loa kona u'i me na pua nani o ka mahina o Mei!." Aole ia o kona manaoio maoli i kamailio mai oia ma ia ano no kona lohe ana o Mei kekahi inoa o ka bebe, a i kapaia iho hoi ia inoa maluna on a mamuli o kekahi kaikuahine o Sa Wiliama, elike me ia ia ikeia ae nei ma kekahi o na mokuna i hala.

"Aole; ua kapa iho laua i know inoa o Vekina. O Mei ka ka makauhine inoa i manao ai, aku ua makemake mau no nae kana kane e kapaia iho no ka inoa o kana wahine maluna o keia bebe, mamui no o ka nui o ke aloha ame ka makemake o ke kane i kana wahine."

Pupuku ae la ka lae of Miss Fanamu no nei mau ollo a ka wahine a nunau mai la:

"O kela lede a'u e ike mau mai nei e holoholo ana maloko o keia holo o Mrs Hita anei ia?" I ninau mai oia ia ninau no kona makemake e hoike aku ka wahine malama kaiki i ka inoa ame na mea apau e pili ana ia Vekinia.

"Ae; oia, o kona inoa ia; no ka inoino o na alanui o keia kulanakauhale aloha on a makemake e hele aku i ka holokaa. a i loaa ai iaia kekahi manawa e holoholo a e hooikaika ae ai i know mau wawae, pela oia i hooholo ai maloko nei o keia holo no kekahi manawa o ka la.

Ma keia manawa oili mai la o Vekinia i waho mai kona rumimai a ku iho la ma ka puka, a haawi mai la oia i kekahi minoaka i kona  i knoa ike ana mai ia Sede Fanamu e ku pu ana me ka wahine malama keiki.

Ia ike ana aku o Miss Fanamu i ko Vekinia ku mai pii iki ae la ka ula o ke ana paweo ma kona mau papalina, a pane aku la me ka manao hopohopo ole.

"E oluolu oe mai manao iho ua mahaioi loa keia hele ana mai nei a'u, e Mrs. Hita, e nana i keia bebe, aku e ike mai no oe, no kekahi manawa ae nei i hala ko'u iini loa ana e loaa kekahi manawa maikai, e hoolauunaia ai kaua i loaa ai ia manawa maikai no'u e ike iho ai i keia bebe, ke hauoli nei au i ko'u ike ana. He bebe u'i maoli keia, a elike me ka makemakea nui o kekahi poe wahine e ae i nei mea be bebe pela no me a'u."

Iaia e kamailio aku ana aia wale no maluna o vekinia kona mau maka kahi i nana pono ai, me ka hookani pu iloko on a i ka maemae ame ka ui o ko vekinia helehelena a pela hoi me kona mau aahu e komo ana, he kulana lede maopopo ana e ike aku ana e hiki ole ai iaia ke hoohewahewa iho, oiai nae kela manao lili punalua i loko on a e hana mao ole ana ia manawa a ia manawa hookahi no ae ke noooo pu la no oia aohe e ike aku ana ia manawa, kona hoapaio.

I kona manawa mua o ka ike ana aku ia Vekini e ku mai ana ma ka puka. haawi aku la oia i kana kunou haahaa ana imua on a me ka minoaka pu.

"E kala mai ia'u, e Mrs. Hita no ka mioi, no ka mea, oiai ua hoolauna mua iho nei hoi au ia'u iho i keia bebe, e ae mai oe e hoolauna aku hoi au i'i ihoa imua ou. O Sede Fanamu ko'u inoa, a he mau hoalauna pu no hoi au me ko'u mama e noho pu nei me oe maloo o keia hokele a maluna hoi o keia opapahele like me kou. Ua lehulehu no na manawa o ka kakou ike ana aku a ike mai, aole nae hoi ma ke ano e hookamaaina ai ia kakou no laila e hookamaaina kakou ia kakkou iho mai keia manawa aku."

"O, ke hauoli loa nei au i ka maopopo ana i kou inoa, a elike me kau noi e hooko mau ia aku ana ia, elike me ka loihi o ko kakou noho pu ana maloko o keia hokele," i pane mai ai o Vekinia me ka manao maikai, me ka manao nei nae ke pono la hoi ia hookamaaina ana, ma kahi o kona kuhihewa e lilo ana o miss Fanamu i hoaloha eia nae, oia kekahi o na moonihoawa e hoao mai ana e kiko iaia me kona niho waiawa o ka make.

Ua hauoli maoli o Vekinia i ka halawai ana me Miss Fanamu ma kela ano o ka hoolauna ana i maa mau ole ia, me ka manaolana nui iloko on a e lilo laua i mau hoaloha, oia ka i loaa ka manao pela, o kona enemi nae he hoolauna ana mai ia ma ke ano hookamani.

No ia mau la ana e noho ana ua ike maoli iho no o Vekinia i kona ano mehameha, i anoai i ka wahine malama keiki i ka noho mau mai me ia loaa kona hookamailio, aole o kona mehameha wale, aka, o ka hoomanao mau kekahi no kana kane i kaawale mai iaia aku a i oi loa aku hoi mamuli o ka loaa ole mai o ka leka mai ke kane mai e hoolanaia ae ai kona noonoo.

Aohe on a mau hoaloha ma ia wahi, a he kakaikahi loa no hoi kona poe owaho mai e hui aku ana oia ke kauka ame ka wahine malama kaike, nolaila aole no e nele ana kona uluhua i ka noho maloko o ia hokele me ka loaa ole o kekahi mea nana e hoohauolo mai i kona noonooo a e hoomahiaia ae ai kona mau manao pilihua apau.

"Ke hophohopo nei au e manao mai ana paha auanei o mama ua hana hewa aku au a ua ke eia hoi na loina o ka launa ana," wahi a Sede o ka hoomau ana mai i kana kamailio," aka, e ike iho no nae hoi oia he mau malihini like no kakou i keia kulanakauhale, a mai kela manawa mai a'u o ka ike lihi ana ia oe maloko o keia holo ahiki i keia manawa he iini nui loa ko'u e hui a kamailio pu me oe elike iho la me keia. E ae ana anei oe e komo mai au iloko o ko rumi i kela ame keia manawa kupono no ka ike ana ia oe ame keia kamaiki u'i?

No ka meaikai âme ka hoihoi o ka Sede Fanamu mau olelo, a pela hoi me kona helehelena, pela me kona honi ana iho i na papalina. o ka bebe e kau ana maluna o na lima o ka wahine malama keiki, ua walewale loa o Vekinia a ua lilo maoli no kona naau i ka lede opio hookamani, me kona manao he mau olelo ia ana a he ano hoaloha maikai i'o o Sede Fenamu. (Aole i pau)

KA HOALOHALOHA A. KA EKALESIA O KALANIKAHUA NO MISS MAMO PUIWA, KALEI SAM PANAEWA AME DAVID KAHOLOKULA JR.

Mr. Lunahooponopono o ke Kuokoa; Aloha nui:-E oluolu mai kou ahonui, in a he wahi rumi kaawale kekahi o ka hiwahiwa a ka lahui, no ka hookipa ana aku i kela poomanao e kau ae la maluna.

O makou o na lunakahiko, na hoahanau, na haumana Kula Sabati, me na lala o na ahahu C. E. Sr., ame Jr., o ka ekalesia o kalanikahua How, Pauwela, Maui T. H., ma o ko makou komite la; ke komo pu aku nei me oukou na makua, no ka oukou mau mea aloha pakahi; e hala aku i ke ala hoi ole mai, iloko o na manawa like ole, iloko o ka mahina o Aperila i hala aku nei,

No laila, e na makua i hooluuluuia, e oluolu mai oukou pakahi, a o oukou huiia e hookipa aku i ko oukou mau luuluu ame ko oukou mau kaumaha, me ke kemakena pu ana iloko o ko oukou mau ehaeha, i kau iho maluna o oukou hui ia.

No laila, e hoolana i ka manao no a oukou mau mea aloha pakahi; e hookau aku ia mau luuluu apau imua o ke ke'a o ko kakou Haku aloha, Iesu, wahi ana:

"E hele mai oukou apau i O'u mei, ka poe luhi a kaumaha, a Na'u oukou e hoomaha aku."

Hooholoia, i hookahi kope e hoounaia i ka Nupepe Kuokoa, i hookahi i ka Hoaloha, a i hookahi pakahi i keia ame keia ohana pakahi na lakou na mea aloha i hala i ke ala hoi ole mai, ma o na kamite la.

L.A KANAE.

MRS. L. F. MITCHELL.

MRS. K. KANAKAEIKE,

MISS M. AWANA,

Pauwela, Maui, Iune 5, 1922.

KA MOOLELO NO KII PENA ELUA.

(Kakauia e Thomas K. Maunupau

He mau makahiki loihi i hala ae nei oiai kekahi kanaka Italia kaulana i ke pena kii, e hele ana ma na alanui o ke kelanakauhale, me ka naau luluu, mamuli o kekahi mau pilikia, ua halawai iho la oia me kekahi wahi keiki uuku, nona ka helehelena i like me ka anela. I kona ike ana i kela helehelena, ua poina koke oia i kona mau pilikia apau, a piha ae la me ka hauoli.

"E pono e pena au i kela helehelena anela, no ko'u keena waiho kii," wahi ana i puana ae ai. "Oluolu anei oe e hele pu mai i ko'u keena pena kee no ko'u pena ana i kou kii no ko'u pena ana i kou kii i ninau aku ai ke kanaka aoo i ka opio. Ua ae aku la ka opio, a uhaele aku la, a mahope iho o ka hala ana o kekahi manawa, ua paa iho la' ke kii anela o ke kekiki opio o ke penaia. Ua hauoli loa ke kanaka penakii, i ka nana mau ana i kela helehelena anela, a i kona mau hora o ka luuluu ame ke kaumaha, ua hoomahaia mai la kona naau, a olioli kona puuwai, ma ka nana mau ana i kela kii o ka anela maikai.

Ua lehulehu ka poe i kipa mai, i makemake e kuai i kela kii, aka, aole on a ae e kuai i kela anela maikai. Ua nele no oia i kekahi manawa, aka, aole no oia i kuai aku i kela kii.

He mau makahiki i hala ae, a iaia e nana mau ana maluna o kela kii, ua malu mau kona noonoo, pehea la ke ano o kela keki iloko o ia manawa. "Makemake au e ike i ka hhelehelan o keia keki i keia manawa. Ehoomaopopo anei au iaia, aole paha . He kanaka maikai anei oia, ai ole, ua hahai aku anei oia ma ke alahele o ka ino ame ka poino. A in a ua hala oia ma kela ao, aia anei oia ma kahi o ka hauoli mau loa."

I kekahi la iaia e hele ana iloho o ke kulanakauhale, ua halawi iho la oia me kekahi kanaka opiopio mona ka helhelena ino ana i iko ole ai mamua a o ia kana i puana ae ai: "Makemake au e pena i kela helhelena, a e kau pu me ka kii o kuu anela maikai." Ua noi mai la ke kanaka opio iaia i dala, oiai he kanaka makilo oia a aihue. "E hele pu mai i ko'u kii, alaila haawi au i dala nau."

Ua hahai aku la ka opio mahope o ke kanaka penakii, a kali iho la no ke penaia ana o kona kii. I ka pau ana, a loaa mai na dala, a iaia e haalele iho ana i hona noho, ua mana aku la oia ma ka paia hale, a halawai aku la kona ike me ke kii anela e kau mai ana, ua haloilio koke iho la kona mau waimaka a uwe ae la oia a nui.

Kuhikuhi aku la oia i ke kii e kau mai ana, a me ka leo o ke kanaka poina ua puana ae la oia: "He iwakalua makahiki i hala ae nei ua koi mai oe ia'u e hele mai i loko nei no ke pena ana i ko'u kii, a o kela helehelena anela maemae, o ko'u kii no ia, E nana mai ia'u he kanaka poino i keia manawa, ua lapuwale a ino ko

u helehelena."

Ua kahaha loa ke kanaka penakii, a ua hiki ole iaia he hilinai mai, a o ia kana i ninau mai ai: "E hai mai, heaha ke kumu o keia loli ano e ana o kou ano." Ua hoomaka aku la ke kanaka opio e hoike i kona moolelo walohia:

Oia hookahi wale no ke keiki a kona mau makua, a no kona hookahi a kanaka opio u'i, ua lilo oia i mea pailaniia Ua pili pu oia me na keiki kolohe e lapuwale, a ua ike oia i na hana lapuwale. He nui no kana dala, aku ua hoolilo oia ma na mea waiwai ole ame ka uhaai ana i ka unu waiona a i ka pau ana o ke dala ua hilahila oia i ke noi ana a hoomaka i na hana ino ame ka aihua Ua paa oia i ka hopuia no ka aihue a hoopaahaoia. Aka, i ka hemo ana mai, me he mea la ua konoia mai no oia e hana hou aku i na hewa nui ae a oi aku.

He moolelo piha walohia keia, a ua kulu iho na waimaka o ke kanaka penakii, iaia i lohe ai; a me ka naau mokumokuahua, a'o aku la oia i ke kanaka opio e haalele ia alahele o ka poina, a e kokua no oia iaia. Aka, aia hoi, ua hala ka manawa kupono.

Ua loaa oia i ka ma'i mamuli o kona uhaai i ke ola kino, a iaia i hoomaopopo ae ai i ka nui o na ehaeha no na poino i loaa iaia ua naha ae la kona puuwai a make iho la mamua o ka hiki ana iaia ke hoi hou mai ma ke alahele o ka pono.

Ua kau hoopili kokoke ia keia mau kii eleua o ka anela maikai ame ke kee ino ma ka paia, a i ka poe makaikai e ninau mau iaia no ke kumu o kona kau pu ana i kela kii ino ame ke kii maikai, ua pane aku la oia: "Mawaena o ka Anela Maikai ame ke Diabolo, he Iwakalua wale no Makahiki o ke Ino."

KOPA MOI KEOKEO NO KA MIKINI HOLOI

 

He Kopa maikai loa i hiki ke hoohanaia

no na ano hana apau i pili i ka homoe.

Hiki ke holoi i na lole nahenahe loa me

ka pilikia ole.

O kona oi loa aku o ka maikai no na mikini holoi-No ka holoi

i na pa ame holoi hale

 

KUAI I PUOLO MAI KOU HALEKUAI MEAAI

MAI

 

T.H DAVIES & CO., Ltd.

Na Akena Wale no no ka Paeaina Hawaii

 

E ka Poe Hookuonooo

Ke Makemake Oukou i na Lako---

 

NO KA HOME A NO KA AINA MAHIA PAHE E KIPA AE MA KE KEENA O NA LAKO PILI HAO O KA

AMERICAN FACTORS, LIMITED

 

No na mea elike me keia:

Kapuahi

Lako mahiai Lako Halekuai me Pa.

 

Meahana Mahiai

Meahana Kamana

Pili Hao a Ano a Ae

 

Uwia Pa moa me Pa.

Pena me na Palaki

Aila me Vaniki

 

O ke Kanaka Kuai i na Lako Hana Maikai ua Lanakila e no Ola i ka Hapa o ka Hakaka

Aole hiki ia oe ke lawelawe i na hana maikai me na meahana inoino. O ke kanaka e hoao ana e hana me na meahana inoino e hoaa mai ana i kona wa e kiola ai, a kuai i na mea kupono , in a he noonoo oia. Aka nae ua pho wale ka manawa ame ke hala me ka hana ana pela. Ke kuai nei o Lewers & Cooke Ltd., i na lako hana maikai wale no.

 

KE MALAMA NEI MAKOU HE AHUA PIHA PONO LAULA O NA

LAKO MAHIA AME NA LAKO KUKULU HALE

 

He Makemake Paha Kou i

KO'I, KIPIKUA, KOPALA, HO, HAMARAE, PAHIOLO, KO'I LIILII, NA LAKO KAMANA PIHA PONO, HOANA HOOKALA, PAKEKE

 

Papa o Kela âme Kela Ano, na Lako Hao, Pena, Anlani

 

Kakau mai a i ole kipa mai no na hoakaka. E hookola no na

kauoha apau ma ka leka me ka akahele ame ka hikiwawe loa.

 

LEWERS & COOKE, LIMITED

HONOLULU

 

Na i'o pipi Momona Waeia Mai na Aina Hanai

Pipi Like Ole Mai o Hawaii Nei

 

O eia i'o pipi momona, ka papa maikai hookahi ma ka makeke, a ke kuai

hoolilo nei makou, ma ke kumukuai haahaa, me ka hoopono maoli.

Eia keia mau kumukahi malalo loa iho o ko na makeke e ae, a hui pu iho

me na kulana maemae e hoohanaia nei e makou ma ka lawelawe ame ka hoahu

ana i na i'o pipi, he mea pono e lilo ko makou makeke i makeke nou.

 

Pipi Ku Mokupuni..!5 c o ka lb.

Kulana Aoao o ka Pipi 15c  o ka lb.

Ku'eku'e Pipi..12 1/2 c  o ka lb.

Pipi Falai Iwi Hoehoe.. 15c  o ka lb.

Pipi Palai Uha.. 15c  o ka lb.

Kulana Aoao Koala..15 1/2 c  o ka lb.

I'o Hipa Ku 10c  o ka lb.

I'o Umauma o ka Hipa..10 c  o ka lb.

I'o Hoehoe Palupalu..12 1/2 c  o ka lb.

 

WAIUBAKA MAILE..50c  o ka lb.

METROPLOITAN MEAT MARKET

 

E ninau no LUI; he oluolu na kukai ana ma ka kaua olelo makuahine.

Hele mai, mai hilahila!