Ka Nupepa Kuokoa, Volume LXI, Number 28, 13 July 1922 — ELUA MAU AHAMELE I HAAWIIA E McKENZIE MA MAUI [ARTICLE]

ELUA MAU AHAMELE I HAAWIIA E McKENZIE MA MAUI

I kulike me ka lono o ka loaa ana ae mai Wailuku mai he elua mau ahamele i haawiia e Tandy McKenzie ma Maui ma na ahiahi Poaono ame ka Poakahi; ka mua maloko o ka halekeaka ma Kahului, a ma ke ahiahi Poakahi ma ka halekeaka Hippodrome ma Wailuku. O Mrs. A. A. Green ka mea hookani piano ma ko McKenzie manawa i haawi ai ia mau ahamele a elua. Ma ka auwina la Poaono maloko o ka hale o Mrs. Koae Kepoikai i hookipaia aku ai ka opio Hawaii kaulana me ka poloaiia ana aku o ka lehulehu no ka h?le ana ae € ike a e hoolohe i kona himeni ana. Pomaikai o Hawaii i na kanaka opio o keia ano.