Ka Nupepa Kuokoa, Volume LXI, Number 34, 24 August 1922 — APONO OLE KO KAKOU KIAAINA. [ARTICLE]

APONO OLE KO KAKOU KIAAINA.

Ua hoakaka ae ko kakou kiaaina, i kona manao maluna o ka ninau, e pili ana i ka holo o na luna oihana o ke Teritore, ma ke ano moho, no ka ahaolelo, o ia ko lakou waiho mua aku i ko lakou mau kulana oihana e paa nei i keia manawa; ma kekahi olelo ana ae hoi, e koho lakou mawaena o ka ahaolelo ame na oihana e paa nei i keia wa. He manao kaulike keia o ke.kiaaina, a o ka mea pololei maoli no ia, e pono ai i ka poe e noho hana nei malalo o na kalana lehulehu, e manao ana e holo moho no keia kau koho wae moho iho, o ia ko lakou koho ana i ka hana o ka ahaolelo, a i o]e, i ka hana paha a lakpu e paa mai nei Aole e hiki i kekahi mea e noho hana ana malalo o kekahi haku, ke hooko pono i kana hana, ke malama oia i na haku elua; a ina no kona manao, e waiho i ka hana a kekahi hāku no ka manawa, aia a pau kona lawelawe ana i kekahi hana hou, alaila hoi ae ma kana hana kahiko, o kekahi ia o na lawelawe hana ana, i pili i ka epa ame ke kolohe, e hoike mai ana, ua alualu wale aku no oia i ke kulana oloko o ka ahaolelo, no na pomaikai o kela hana, no ka manawa pokole, ana i lawelawe aku ai i na hana maloko olaila, aole no ka makemake i'o, e hookoia kekahi mau hoopōnopono ahaolelo, i ak'eia ai e pomaikai na makaainana koho baloka. Ina he makemake kekahi mea e noho hana ana malalo o ke kalana, e hplo moho noloko o ka ahaolelo, o ka mea pololei, e waiho aku oia i ka hana o ke kalana; a ina i minamina oia i kela hana, alaila, e waiho loa aku oia i kona noonoo ana e holo moho no ka ahaolelo. ' He mea h©okahaha aku ikā 'manao oko ke kulanāk&uhale nei poe, ka ikeia ana ae o ka pokolē ana o kekahi huipa dala mahuahua, i laweia ma ke ano kolohe, e kekahi o na kanaka i hilinai nui ia, iwaena o ka poe lawelawe oihana o Honolulu nei- O ka mea hookahaha oi aku nae, o ia no kona lilo ana he puuku no kona ekalesia, a he hoa no ka papa hooko; me ia. mau kulana ko'iko'i no nae maluna ona, e manaoia ai, oia kekahi o na kanaka hoopono loa, eia nae, ua hawahaWa kona | mau lima, ina dala oka ekalesia! He hookahi no kumu nui 0 ka haulehia ana o keia kanaka kō'iko'i, o ia no kona ae ana e lawe i na mea l.iilii loa, ma ke ano kolohe, mai ka hui niai 1 nōho hana aku ai oia; no ka mea e alakai ana na hewa liilii, i ka hookoia ana aku o na hewa nui. Ua lilo ka waiho ana aku o ka Puuku A. Lewis Jr., o ke Teritore o Hawaii, i mea minamina nui ia e ko kakou kiaairta; a e ka poe no apau i kamaaina iaia, a i hoomaopopo hoi, i kona niau ano maikai, a kupono ma ke kulana puuku. Aia maloko o kela keena o Henry C. Hapai, kekahi o na kanaka kahiko loa, i noho hana maloko olaila no na makahiki he īwii; aole anei i hoea mai i ka manawa e hookiekieia ae ai oia ma ke kulana puuku no keia Teritore? Ua lawa kona ike me ka makaukau, e paa i kela kulana, me ka hanohano; ma ka nana aku riae, mar kona aoao paha ke kumu i kau ole ai oia i puuku, no kona manao, he oi aku ka noho ana ma kekahi kulana haahaa iho, mamua o ke kau ana ma ke kulana kiekie ae, ina pela ka mea oiaio, alaila ua ike no oia, i na kumu kupono apdu, o kona lawe ole ana i ke kulana puuku no Hawaii nei.