Ka Nupepa Kuokoa, Volume LXI, Number 40, 5 October 1922 — HE 50 POE I HOPUIA E NA MAKAI HOOKAPU WAIONA. [ARTICLE]

HE 50 POE I HOPUIA E NA MAKAI HOOKAPU WAIONA.

Iloko o ka mahina o Sepatemaba i hala aku la Tie 50 ka nui o ka poe i hopuia maloko iho o Honolulu a ma ka Mokupuni o Oahu e na makai hookapu waiona, no ke ku-e kanawai waiona. He 43 o ia poe i ae i ko lakou hewa a kauia mai ka hoopa'i e ka Lunakanawai John De Bolt e hoomaka ana mai ka $10 aku a ka $500. O kekalii poe i hoopaiia ma ka hoopa'i (lala a ma ka hoopa'i paahao» Elua Kepani i hoopa'iia ekolu mahina paahao a hookahi eono mahina. Eono mau hihia i koe aole i hooloheia a puka mai ka olelo hooholo a ka aha. Iloko o ia mahina he 56 galani okolehao ame sako i hopuia me 3500 galani rama i hoawaawaia. O ka huina o na elala i loaa no na hoopa'i i ukuia $4060, aneane ma kahi o $13.50 ka averike no na koina o ka aha no kela ame keia hihia, aohe i hoohuiia me ka huina dala no na hoopa'i i hoike mua ia ae la. Iloka o ka heluna nui o ka poe i hopuia 5 maloko o na hale inu wai momona, he 50 poe puhi rama a he 11 poe kuai liiln. Mawaho ae o keia he 14 poe e ae i hopuia. Ma Maui 8 poe i hopuia, a 4 ipuhao i laweia. Eono poe i hopuia ma Kauai a he elua ipuhao i laweia me 4 poe kuai rama i hopu pu ia.