Ka Nupepa Kuokoa, Volume LXI, Number 40, 5 October 1922 — Loaa ke Kino o Kekahi Haole Iloko o ke Kai Na Kona Mau Hoaloha i Ike he Haole Oia no Kekahi o na Moku o ka Oihana Kaua AOHE MAOPOPO KE KUMU O KA POINO Koho Wale Ia no Nae i Haule Maoli no Oia Iloko o ke Kai ma ke Ano Ulia [ARTICLE]

Loaa ke Kino o Kekahi Haole Iloko o ke Kai

Na Kona Mau Hoaloha i Ike he Haole Oia no Kekahi o na Moku o ka Oihana Kaua

AOHE MAOPOPO KE KUMU O KA POINO

Koho Wale Ia no Nae i Haule Maoli no Oia Iloko o ke Kai ma ke Ano Ulia

Ma ka hora 7:30 o ke kakahiaka Sabati nei i loaa aku ai e lana mai ana iloko o ke kai he kino o kekahi haole hana oluna o na mokukaua ma ke Awa o Puuloa, ka haole i haohaoia ai no ka nalowale honua ana, nona ka inoa o Frank K. Moore ; a laweia ae kona kino make i ka hale waiho kino make o ka Papa Ola ma Kapuiwa, a mahope wale iho na kekahi mau haole elua i hele ae i ka halewai e 'hoike ai i ka inoa eia haole i make ai elike me ka ke Kapena Makai Moses Needham o ka hoike ana ae. Mawaena o ka hora 2 ame 3 ka loaa ana ae o ka hoike i ka oihana makai ua haule kekahi kanaka iloko o ke kai ma ka Uwaph 5, mawaena 0 ka Uwapo ame ka moku topido 58 i holo aku ai no ke Awa Allen, ma Kauai. Ua hoouna koke ia aku kekahi makai me flua mau paahao no ka Uwapo 5, ua huli lakou, eia' nae, aole i loaa iki ahiki i ka hora 7:30 kakahiaka Sabati nei akahi no a lana ae ke kino iluna o ka ilikai. Ma ka hoakaka a na hoaloha o ka mea i make o ko kipa ana ae 1 ka halewai, ma ke kakahiaka Poaono ko lakou ike hope ana ia Moor<5. Ua manaoia ua kau ,Q tluna o ka moku hahai topido 58 ma ka molehulehu loa ana iho o ia ahiahi. Ma ka oleloia ua haule oia mailuna iho o, k-ela moku a eha kona wawae, eia nāe mahope iki iho o kela haule ana ona ua ikeia kona hele ana me ka o'i ole. He mau minuke kakaikahi mahope iho ua hoi hou aku oia i ka uwapo a kamailio pu me kekahi o na kanaka o ka Moku—58. Ia manawa ka ana e kamailio ana i kapeko ai kona wawae a haule iloko o ke kai. He 21 makahiki o Moore. 0 kona mau makua ma ka oleloia, aia no ke noho mai la ma Nevada, he hanai holoholona ka hana a ka makuakane. Mai ka Mokupuni Marp ka holo ana mai o Moore i Ianuari, 1921.