Ka Nupepa Kuokoa, Volume LXI, Number 42, 19 October 1922 — HE HOOMAEKAI NUI. [ARTICLE]

HE HOOMAEKAI NUI.

Owau o ka mea nona ka inoa malalo iho nei ke haawi aku nei au i ko'u mau hoomaikai ana a nui i ka poe i loaa ka mana koho haloka i ke kau i hala iho la, na kane ame na wahine, e noho ana apuni keia poeaina, ka poe hoi i koho a i koho ole paha i ka'u moho elele, i ktia kau koho baloka i hala aku la, oia hoi o John H. Wise, ke haawi aku nei au i ka'u mau hoomaikai ana a nui loa ia oukou apau me ke kamawae ole, no na mea i hanaia me ka nana ole i na aoao kalaiaina, aka ua ikeia aku ko oukou oni ana mai imua e na hoaloha a waiho aku i na moho o ko oukou aoao kalaiaina ponoi iho, a hookahi ka pupukahi pu ana me na moho elele o keia aoao e koho ana ia John H. Wise, a i ole ia Ts'orman K. Lyman, a i ole ia Chaa. E. King paha. Ma keia kau koho ana wale no i ike ia aku ai keia ano loli kupaianaha loa i ikeia ai» he mea i iks mua ole ia; nolaila o ka oni ana a oukou i oni ae la, he oni ola ia, oni no a pili i ke kumu, hiki ke hoopuaia, aka kauaheahe mai oe iwaho. aohe hua e loaa, a he ohumu ka hope. Ke haawi pu aku nei no hoi o John H. Wise i kona aloha a nui loa ami kana mau hoomaikai nui palena ole apau, 110 ka poe koho baloka, e noho ana mai Hawaii a Niihau, a e hui aku ana no hoi oia -me kekahi poe o oukou ma kana huakai knapuni, no kona hooikaika ana iaia iho imua o oukou, i keia mati pule iho; nolaila e na makamaka an.° na hoaloha, o ke aloha no ko oukeu a nui loa. A ke haawi pu aku n«i no hoi i na hoomaikai ana i ka Lunahooponopono o ke Kilohana a ka Lahui am® na keiki o ke keena pa'i; me ka mahalo. C. K. KEALOHA.