Ka Nupepa Kuokoa, Volume LXI, Number 42, 19 October 1922 — Lilo ka Hana Kalaiaina i Kumu e Make Ai No ka Haule Ana o Kana Moho i Kuni Ai o Mrs. Kilinahe i ke Ahi i Kona Lole NUI NA PALAPU I LOAA I KONA KINO Make Oia he Ekolu La Mahope Mai Maloko o ka Halema'i no Kela Poino Nui [ARTICLE]

Lilo ka Hana Kalaiaina i Kumu e Make Ai

No ka Haule Ana o Kana Moho i Kuni Ai o Mrs. Kilinahe i ke Ahi i Kona Lole

NUI NA PALAPU I LOAA I KONA KINO

Make Oia he Ekolu La Mahope Mai Maloko o ka Halema'i no Kela Poino Nui

Aole he kau koho haloka, ma ka moolelo o ke koho baloka ma Hawaii nei, i ikeia ai ko kui'o maoli 0 kekahi poe, ma ka lakou mau moho i hooikaika ai, elike me ko koho baloka wae moho aku la i hala, ke hele la a lawe okoa kekahi Avahine 1 kona ola, mamuli o ka lanakila ole ana o kana moho. I kuliko ai me ka hoike i loaa mai i keia kulanakauhale, mai Hilo, Hawaii mai, ua lilo ka lanakila ole ana o ka moho lunamakaainana, a Mrs. D. K. Kilinahe, ke kapena makai o Kainaliu, Kona Akau, Hawaii, 0 ka hooikaika ana, a hui pu iho hoi me ka hoohaehae a kana kane, i kumu nona e lawelawe ai i kekahi mau hana naaupo, me ka lilo o ia hana naaupo i mea e poino ai kona ola. I kulike ai me kela meahou, he mea hooikaika o Mrs. D. K. Kilinahe no kekahi o na moho lunamakaainana i haule, a o kana kan« hoi, ka mea ku-e loa i kela moho, nolaila ua mahae ko laua manao, e pili ana no kela nioho lunamakaainana. I ka manawa i loaa ae ai o k;. hoike no ka hopena o ke koho baloka? o na moho ma Hawaii, ua ikeijt aole i lanakila ka moho lunamnkuai* nana a Mrs. Kilinahe i hooikaika .ii, ia wa i pahenehene aku ai k« kam.: iaia, no kela hana a ke kane, ua ulupuni loa o Mrs. Kilinahe me ka huhu, ahiki i kona holo okoa ana iloko o kekahi rumi okoa ae, me ka ninini ana i ka aila ma?.u īnaluna o kona lole, hoomAka an 'a e kuni i ke ahi, a iloko o ka manaw.-i pokole ua puni kona kino i ko ahi Ua kukonukonu loa ka poino i loaa ia Mrs. Kilinahe, me ka hoihoi awiwi ia ana aku noloko o ka halema'i o Kona, a he ekolu la manepe mai, ua make aku la oia, me ka hiki ole ke hoopakeleia ae kona ola. No keia kumu hookahi no o ke kalaiaina i hoopauia aku ai kekahi Hawaii mai kana hana aku, e kona haku hana ma Kona no, no kona hoike akea ana i kona manao, o Senatoa John H. Wise kana moho elele e koho ai; oiai nae o ka makemake o kona haleu hana, e koho oia ia Norman K. Lvman, ka moho a kela haku hana e hooikaika ana e lanakila, 1 moho elele lahui. Malia paha he nui aku no na mea maikai ole i oili ae ma o ke kalaiaina ma na la aku la i hala, aole nae i loheia ae, a i ikeia ae paha i ke akea; ma ia ano la, i lilo ai keia koho haloka wae moho o ka hala ana aku la, i koho baloka ano nui, ma na hana kalaiaina kuloko o Hawaii nei.