Ka Nupepa Kuokoa, Volume LXI, Number 46, 16 November 1922 — Ke Mau Nei no ka Paila o na Hana Kalaiaina i Keia Mau La Hookahi Koho Baloka Ano Nui i Koe e Nanaia Aku Nei o Ia ke Koho Baloka o na Luna Oihana o ke Kulanakauhale [ARTICLE]

Ke Mau Nei no ka Paila o na Hana Kalaiaina i Keia Mau La

Hookahi Koho Baloka Ano Nui i Koe e Nanaia Aku Nei o Ia ke Koho Baloka o na Luna Oihana o ke Kulanakauhale

Aole o ke noho baloka, no ke kulana elele lahui i AVakinekona, ame na hoa o ka ahaolelo kuloko e noho mai ana, ua hala aku la ia, me ka hookahahaia o ka manao o ka lehulehu, no ka hopena o kela koho' baloka, aka nae he hookahi koho baloka ano nui loa e nanaia aku nei, o ia no ke koho baloka, o na luna oihana o ke Kulanakauhale a Kalana o Honolulu nei. Oiai he makahiki okoa, e kakali aku ai, mamua o ka hoea ana mai o kela koho baloka, ke puapui e mai nei no na lono like ole, no ka liuliu hoomokaukau o na Demokarata i ka lakou mau moho, e waiho mai ai imua o na mana koho o Oahu nei, ma ke kau wae moho kulanakauhale e hoea mai ana. Ua ka inoa o ka Makai Nui Rose no kona holo ku-e i ka Meia John H. Wilson; niajnuli o ka manaoia, o ka Makai Nui Rose ka moho ikaika loa ,e aha'i ai ka aoao Demokaratta i ka hanohano o ke kulana meia, no ke Kulanakauhale a Kalana o Honolulu nei, ua hoole loa ae nae ka Makai Nui Rosc no kona holo ku-e i ka Meia Wilson, o kana kulana no e alualu hou aku ana, o ia no ke kulana makai nui ana e paa nei i keia manawa. Ke noho hamau loa nei na Repubalika, no ka lakou mau moho, aka nae he hookahi moho i maopopo loa, no ke alualu i kulana meia, oia no o Chas. N. Arnold, kekahi hoa kahiko o ka papa o na lunakiai, he ka-

naka hoi i kamaaina, a i makaukau e lawe i ke kulana meia, ina nei no kona kohoia ma ia wahi. No ka holo ku-e ana i ka Makai Nui Rose he elua mau kanaka ma ka aoao Repubalika, i manaoia, oia 0 Eddie Hopkins ame Patriek Gleason ,a oiai nae ua kakahiaka loa keia manawa, no ka noonoo ana i na moho no kela kulana, a no na kulana e ae, aole e hiki ko hooiaioia, ko laua lilo i'o i moho ame ka ole. He elua mau kulana ano nui loa a ka apao Repubalika, e ake aku nei e kaa mai ka noho mana ana i kela aoao kalaiaina, o ia no ke kulana meia ame ke kulana makai nui, a ua paa ka manao o kekahi mau alakai Repubalika, aolo he kumu e hiki ai ke kailiia mai kela kulana a lilo 1 na Repubalika, aia -wale no a loaa na kanaka kupono, e huliamahi ai ka hapanui o na mana koho, a koho ia lakou, a i emi mai no ka makemakeia o kela mau moho, aole ana no e lanakila i na moho o ka aoao Demokarata. No kekahi mau kulana oihana e ac o ke kulanakauhale, e alualu hou ana no na Repubalika, e paa mai nei i ko lakou mau kulana pakahi, ia mau kulana, e laa ke kulana lunaka puuku, ke kakauolelo kalana, a mamuli o ke kamaaina loa o kela poe i na hana o ko lakou mau keena, a hui pu iho no hoi me ko lakou makemakeia e na mana koho, he hana paakiki loa i lia moho e holo ku-e aku ana ia lakou ka loaa ana o lanakila.