Ka Nupepa Kuokoa, Volume LXII, Number 2, 11 January 1923 — HAINA NANE. [ARTICLE]

HAINA NANE.

Ke waiho ae nei ka mea pane 1 ka hai ana aku i ke kino holookoa o ka nane, a e ku ai i kou makemake, mahope ia; a ke hilinai aku nei hoi, ua paanaau ka nane i ka poe lawe i ka Nupepa Kuokoa i hoopukaia ai ia; nolaila, e ike iho oe e J. W. K. K. i ka mea pili i ka pane ana aku i kau. Penei,ka hoomaka ana: O Ko'u Mua:—Ua ike a kamanoho pu no au me oe, ua lilo mai no i kauwa nau; hooko no i ko'u makemake, ke kanaka; ninau iho nae oe, Pehea la hoi oe i hoohewahewaia iho ai? Eia ke kumu, no kou ko'eko'e, hu'ihu'i a anuanu hoi, oiai au i inu ae ai, a pau ae ko'u hoohewahewa, ike iho la au o WAI oe. O Ko'u Hope:—lke a kamaaina au ia oe, he aiwaiwa, leleiona oluna ou, he ahiu oe, aole he lihi pili mai me a'u, e noke aku kuu ike hoolakalaka ia oe, me ka'u upena kiamanu, he ole ka hei iho: Eia hou no ua ano ou; he loea oe ma ka maika, ulu no Kanekina, aole he pine pa I ole i kau ulu, ke pa la pa iho, pa ae, Ipa aku; haalulu ke kahua maika. 0 ke kaona o ia mau ano ou; eia, o Kanekina, ma ka nimi huli i alanui Hokele, ho kamau ka hana ia oe, e ki-ke na kiaha a pa iho, pa ao, pa aku; haalulu ke kahua o ka Pakipa. Eia kou inoa la o ONA. Waiona:—Eia ae kou inoa piha o WAIONA, ke huiia kou mua me kou hope; e ike aku no makou'e hooipoipo, hoohenoheno ana ke aloha me ka pela ahamaka kahulihuli. Eia hou au ke kiai me ka hua i ka umauma no kau pela ahamaka kahulihuli, owai iaf Kahiohio Waiona:—Ahewa na maka a kuku na lihilihi maka, huapuaa a e olokaa ana ke kino i-o, a i-o. Inu-apuaa i ka Hawaii olelo kumu. A o Pakelainu ia i ke ao holookoa olelo ana, Pipiholokaao. Owau iho no o IHONALIMAOKAPALANI. Kona, Hawaii.

Hele mai la kau haina ma ka mahele mua a pili pono ka la i Papaenaena; kapeke mai la nae ka pilina. me ka nihoniho ma ka mahele elua, anie ka inoa pololei o ke kama a ka eueu o Uwahipouli; nolaila iliki hou ia mai a mahanahana ke kumu pepeiao!—L. H. BOSTON, Dec. 26.—Hookahi kanaka i make i keia la a he 30 poe a oi aku aia maloko o na halema'i mamuli o ka waiona i inuia ma ka La Karisimaka. DUBLIN, Dec. 26.—He Karisimaka maluhia loa ka i hala iho la ma Irelani nei. Aohe karaima i hanaia i hoikeia mai no aneane ekolu la.