Ka Nupepa Kuokoa, Volume LXII, Number 2, 11 January 1923 — E HOOKOIA KE KANAWAI E PONO AI [ARTICLE]

E HOOKOIA KE KANAWAI E PONO AI

Me he mea la, ina aole e kuhihewa na hoomanao ana a keia pepa, o ka mua loa o ka hookoia ana o ke kanawai i hooholoia e papa ana i ka hoikeikeia o kekahi mau hana hoohauoli ma na la Sabati, o ia no ka Poakahi iho nei, i ka wa i hoQpukaia ae ai he palapala hopu no Joel C- Cohen, ka peresidena o kekahi mau hale kiionioni o keia kulanakauhale, ame George P. Cooke, ka peresidena o ka Aloha Paka, mawaho ae nei o Waikiki. O na hana hoikeike, na ahamele, na hoolele kiionioni, ame kekahi mau hana hoikeike e ae, i ike mau ia ma na la noa, ua papa loa ke kanawai i ka malamaia o ia mau hana ma na la Sabati, koe wale no na hale hoikeike holoholona, i'a, a hale paha o na meakahiko. Ma ke Sabati koke aku nei no i hala, ua malamaia he hoikeike hookani okana maloko o ka Halekeaka Hawaii, ilaila aku kekahi heluna nui o ko ke kulanakauhale nei poe, kahi i nana ai i kela hana; a ma na āno apau ke nana aku, ua koliu hana ana no o na la noa; mamuli o kela hana, ka mea a ke kanawai i papa ai, pela iho la i hoopukaia ae ai ka palapala hopu no Joel C. Cohen. No ka wehe hamama mau ia hoi o na hana hoikeike a hōohauoli ma ka Aloha Paka, i na Sabati apau, na hana i ae ole ia e ke kanawai, pela iho la i hoopukaia aku ai he palapala? hopu no George P. Cooke. Aole he waiwai iki o kekahi kanawai i hooholoia, ke ole e hookoia ua kanawai la, a he mea hookahaha mai no i ka manao o ka lehulehu, ka hoohakalia loa ia o ka hooko ana i keia kanawai, ahiki i keia manawa, oiai no nae e hamama mau ana ka Aloha Paka ma na Sabati apau i kaahope ae nei, me ka hoikeike mau ia o kekahi mau hana, maloko o kela paka. Eia no hoi, kekahi kauoha kanawai a ka papa o na lūnakiai o ke Kulanakauhale a Kalana o Honolulu nei, i hooholo ai, he mau makahiki ae nei i hala, e kaupalena ana i ke ano o na kiionioni e hoikeikeia ma na po Sabati, o ia na kiionioni pili i ka hoonaauao, ame na kiionioni pili hoomana, o ka mea apiki nae, o na kii no o na la noa ke hoikeike mau ia ana, me he mea la, aole ia he Sabati. Ma ka mea maopopo loa ke nana aku, aia ka hapanui o na kanaka, ma ka aoao e apono ana i ka wehe hamama ia o na hale kiionioni, ame na paka hoohauoli ma na la Sabati, aole a kakou hoohewahewa ana ma ia mea, oiai he ao keia i piha i ka lealea ame na hana hoohauoli; kela mau ano ae la, he mea kanalua ole ka olelo ana cfe, aole o lakou makemake i kela mau kanawai i hooholoia; a e lilo kna i mea hoohauoli aku iko lakou manao, ina e hoopau ana ko kakou ahaolelo e noho mai ana, i kela mau kanawai. Ina nae aia ka manao makee iloko o kakou, no ka malamaia o ka ihiihi ame ka maluhia o ka la Sabati; o ke alahele wale no e hookoia ai ia manao, o ka hooko akti i ke kanawai me ka ikaika, a e hoopauia na 'hana ku i ka hehi Sabati, e malama inau ia nei maloko o ka Aloha Paka, aole no ke ake ana e hoohauoli aku i kekahi poe, aka no ke ake wale no e ohi nui mai i na pomaikai, o ka poe na lakou i hoala ae i kela paka, malalo o ke koloka hoonalonalo, he mau lealea hooikaika kino ia. .